‘திராவிட லெனின்’ என்று போற்றப்படும் டாக்டர் டி.எம். நாயரின் நினைவு நாள். தென்னிந்திய அரசியலில் ஒரு பெரும் சக்தியாகத் திகழ்ந்தவரும், திராவிட இயக்கத்தின் ஆரம்பகால சிற்பிகளில் ஒருவருமான இவரது பங்களிப்புகள் வரலாற்றில் பொன் எழுத்துக்களால் பொறிக்கப்பட வேண்டியவை.
டாக்டர் டி.எம். நாயர், சர். பிட்டி தியாகராயர், டாக்டர் நடேசனார் ஆகியோருடன் இணைந்து தென்னிந்திய நல உரிமைச் சங்கம் என்ற பார்ப்பனர் அல்லாதார் இயக்கத்தை உருவாக்கினார். இந்த இயக்கம் பின்னர் நீதிக்கட்சி என்று அறியப்பட்டு, தென்னிந்திய அரசியலில் மிகப்பெரிய மாற்றங்களுக்கு வித்திட்டது. இந்த அமைப்பின் கொள்கைகள் மற்றும் கோட்பாடுகளை வகுப்பதில் டி.எம். நாயரின் பங்கு மிக முக்கியமானதாகும்.
அவர் இந்தச் சங்கத்தால் நடத்தப்பட்ட ‘Justice’ என்ற ஆங்கில இதழுக்கு, பிப்ரவரி 1917 இல் அதன் துவக்கம் முதல் தனது இறப்பு வரை ஆசிரியராகப் பணியாற்றினார். ‘Justice’ பத்திரிகை, பார்ப்பனர் அல்லாதோர் இயக்கத்தின் கருத்துக்களையும் கோரிக்கைகளையும் பரப்பும் முக்கிய ஊடகமாகத் திகழ்ந்தது. மேலும், மதறாஸ் ராஜதானியின் முதல் மருத்துவ இதழான ‘Anti-Septic’ என்ற மருத்துவ இதழையும், ‘Madras Standard’ என்ற ஆங்கில நாளேட்டையும் அவர் நடத்தினார். இது அவரது பல்துறை அறிவையும், சமூக ஈடுபாட்டையும் காட்டுகிறது.
தென்னிந்தியாவின் தனித்துவத்தையும், சுயநிர்ணய உரிமையையும் வலியுறுத்தி ‘Justice’ ஏட்டில் டாக்டர் டி.எம். நாயர் எழுதிய வரிகள் இன்றும் அவரது தொலைநோக்குப் பார்வையை உணர்த்துகின்றன:
“கேரளம், கன்னடம், ஆந்திரம், தமிழ் பிரதேசங்கள் அடங்கியதுதான் தென் இந்தியா. இவை சேர்ந்ததே இன்றைய மதராஸ் ராஜதானி. இந்தத் தென் இந்தியாவில் வாழும் மக்கள் ஒரே கூட்டத்தவர் (திராவிடர் – இந்த நான்கு சகோதரர்கள் பேசும் மொழிகள் ஒரே மூலத்தி லிருந்து பிரிந்தவை). இந்தத் தென் இந்தியர், இந்தியாவின் மத்திய அரசிலிருந்து விலகி, நான்கு பிரதேசங்களும் சேர்ந்த கூட்டு அரசு ஏற்பட வேண்டும். எங்கள் தென்னிந்தியர் விடுதலை அமைப்பு அதற்காகவே ஏற்படுத்தப்பட்டது; அதற்காகவே பாடுபடப்போகிறது.”
இந்த வரிகள், திராவிட தேசியம் என்ற கருத்தாக்கத்தின் ஆணிவேராக அமைந்தன. தென்னிந்தியா ஒரு தனித்துவமான கலாச்சார மற்றும் மொழியியல் அடையாளத்தைக் கொண்டுள்ளது என்பதையும், அதற்கு சுயஆட்சி அவசியம் என்பதையும் அவர் திட்டவட்டமாக எடுத்துரைத்தார்.
டாக்டர் டி.எம். நாயர், தனது வாழ்நாள் முழுவதும் சமூக நீதி, சமத்துவம், மற்றும் பார்ப்பனர் அல்லாதோரின் உரிமைகளுக்காகப் போராடினார். அவரது பங்களிப்புகள், பின்னாளில் திராவிட இயக்கத்தின் எழுச்சிக்கும், தமிழ்நாட்டில் ஏற்பட்ட சமூக மாற்றங்களுக்கும் அடித்தளமாக அமைந்தன. அவரது நினைவு நாளில், அவரது போராட்டங்களையும், இலட்சியங்களையும் நாம் நினைவு கூர்ந்து போற்றுவோம்!
‘‘டாக்டர் நாயர் போன்ற பெரியார் ஏன் ‘பாவி’யாக்கப்பட்டார்? நான் ஏன் பாவி யாக்கப்பட்டிருக்கிறேன்? முன்பெல்லாம் டாக்டர் நாயர் வெளியே செல்லுகிறார் என்றால் அவரோடு ஒரு துப்பறியும் சப்-இன்ஸ்பெக்டரும் மாறு உடையில் உடன் செல்வாராம். அதுசமயம் நான் ஓர் இளை ஞன். ஒருசமயம் ஏதோ ஒரு பொது அலு வலாக அவர் ஈரோட்டுக்கு வந்திருந்தார். அவருடைய சாமான்களை எல்லாம் இர யிலடியிலேயே விட்டுவிட்டு வந்திருந்தார். அவருடைய நண்பர் ஒருவர், ‘யாருடைய பாதுகாப்பில் சாமான்கள் விடப்பட்டிருக் கின்றன?’ என்று கேட்கவும் தனக்குக் காவ லாக ஓர் இரகசிய போலீஸ் இன்ஸ்பெக்டர் அனுப்பப்பட்டிருப்பதாகவும், வேறு நபர் தன்னுடன் இல்லாமையால் அவரிடமே தன் சாமான்களை ஒப்புவித்துவிட்டு வந்த தாகவும் தெரிவித்தார். ஓர் இரகசிய போலீஸ் அதிகாரி பின்பற்றும் அளவுக்கு தேசியவாதியாய் இருந்த அவர்தான் – பிறகு ‘தேசத் துரோகி’யாக்கப்பட்டார். ஆரம் பத்தில் பார்ப்பனரல்லாதவர்களுக்கு விரோதமாக தேசியப் போர்வையில் பார்ப்பனர்களை ஆதரித்தவர்தான் அவர். நானும் ஆரம்பத் தில் பார்ப்பனர்களுக்கு ஆதரவாயிருந்து பார்ப்பனரல்லாதார் தேர்தலை எதிர்த்த வன்தான். பிறகுதான் உண்மை உணர்ந்து நாங்கள் பார்ப்பனரல்லாதாரோடு ஒன்றானோம்.’’
– திருச்சியில், 3.12.1950இல் தந்தை பெரியார் ஆற்றிய சொற்பொழிவின் சிறுபகுதி
