டோக்கியோ, ஜூலை 16- ஜப்பான் தலைநர் டோக்கியோவில் உள்ள ஒரு ஓட்டலில் ரோபோக்கள் வாடிக்கையாளரின் மன நிலையைப் புரிந்துகொண்டு அதற்கேற்ப உணவுவகைகளை பரிமாறி மனதுக்கு இனிமையாக பேசுவதையும் கண்ட சுற்றுலாப்பயணிகள் வியப் படைந்துள்ளனர்
நவீன ரோபோக்கள்
மனிதர்களைப் போலவே தோற்றமளிக்கும் உயர் ரக நவீன ரோபோக்கள் ஜப்பானில் பல உணவு விடுதிகளில் உள்ளது. ஆனால் புதிதாக அறிமுகப்படுத்தப்பட்ட சேவை வழங்கும் ரோபோ ஒன்று அனைவரின் கவனத்தையும் ஈர்த்து வருக்கிறது. அந்த ரோபோவிடம் பெற்ற அனுபவம், பிரபல தொலைக் காட்சித் தொடரான ‘பிளாக் மிரர்’ (Black Mirror) இல் இடம்பெற்ற ஒரு காட்சியைக் கண்முன் கொண்டு வந்ததாக பலர் கூறிவருகின்றனர்
இது தொடர்பாக அர்ஜெண்டினா வைச் சேர்ந்த சுற்றுலாபெண் ஒருவர் கூறும்போது ரோபோக்கள் சேவை வழங்கியது தமக்கு ஆச்சரியமளித்தது. மேலும் அவை ரோபோக்கள் என்று நம்புவதற்கு கடினமாக இருந்தது.என்று தெரிவித்துள்ளார். அவரது இந்தப் பதிவு 88,000க்கும் அதிகமானோரால் பார்க்கப்பட்டு, பலருடைய கவனமும் குறிப்பிட்ட ஹோட்டலை நோக்கித் திரும்பியுள்ளது.
இந்த ரோபோக்கள் மக்களின் தேவைகளையும், அவர்களுக்குப் பிடிக்காத பழக்க வழக்கம் மற்றும் உணவு வகைகளையும் அறிந்து கொள்ளும் வகையில் மென்பொருள் கொண்டு உருவாக்கப்பட்டுள்ளதால் பெரிதும் கவனத்தை ஈர்த்து வருகிறது
இந்த ஓட்டலின் நவீன ரோபோ சேவையில் மேலும் ஒரு வியப்பு என்னவென்றால் இது தனிமையில் வருபவர்களுக்கு அவர்களின் மனநிலைக்கு தகுந்தவாறு உரையாடி அவர்களை உற்சாகப்படுத்தும் இதனால் அந்த உணவு விடுதிக்கு வாடிக்கையாளர்கள் அதிகம் படை யெடுக்கத் துவங்கி உள்ளனர்.
