சென்னை, ஏப். 7- சென்னை மாநகராட்சி வெளியிட்டுள்ள அறிவிப்பில் தெரிவித் திருப்பதாவது:-
பெருநகர சென்னை மாநகராட்சிக்கு சொத்து வரியானது, பிரதான வருவாய் ஆகும்.
இதன் மூலமே, சென்னை மாநகருக்கு தேவையான அடிப்படை கட்டமைப்புகள், குப்பை திடக்கழிவுகள் அகற்றுதல், தெரு விளக்குகள், பூங்காக்கள் மற்றும் சாலைகள் பராமரித்தல், பொது சுகாதாரம் நோய்த்தடுப்புப் பணி போன்ற அத்தியா வசியப் பணிகள் மேற் கொள்ளப்பட்டு வருகிறது.
தமிழ்நாடு நகர்ப்புற உள்ளாட்சி அமைப்புகள் சட்டம், 1998, பிரிவு 84(1)இன்படி, ஒவ்வொரு அரையாண்டு தொடக்கத்தின் முதல் 30 தினங்களுக்குள் சொத்துவரியினை செலுத்தும் சொத்து உரிமையாளர்களுக்கு, நிகர சொத்துவரியில் 5 சதவீதம் அல்லது அதிக பட்சம் ரூ.5000/- ஊக்கத் தொகை அளிக்க வழிவகை செய்யப்பட்டுள்ளது.
தற்போது 2025-2026ஆம் நிதி ஆண்டின் முதல் அரையாண்டு (1/2025-26) தொடங்கியுள்ளதால், சொத்து உரிமையாளர்கள் தங்களது அரையாண்டு சொத்துவரியினை ஏப்ரல் 30ஆம் தேதிக்குள் செலுத்தி ஊக்கத் தொகை பயனைப் பெறுமாறு கேட்டுக் கொள்ளப்படுகிறது.
இவ்வாறு அதில் தெரிவிக்கப்பட்டுள்ளது.
