மியான்மா, பிப். 7- மியான்மரில் ராணுவ ஆட் சிக்கு எதிராக சிறையில் இருந்து போராடியவர் ஆங் சான் சூகி. இதற்காக அமைதிக்கான நோபல் பரிசு பெற்றிருந்தார். இவருடைய தொடர் போராட்டம் காரணமாக அங்கு ராணுவ ஆட்சி கலைக்கப்பட்டது.
தொடர்ந்து அங்கு 2015ஆம் ஆண்டு நடந்த பொதுத்தேர்தலில் ஆங் சான் சூகி வெற்றி பெற்று அந்த நாட்டின் தலைவ ராக பதவியேற்றார்.
அதன்பின் 2020ஆம் ஆண்டு நடந்த பொதுத்தேர்லில் 81 சதவீத வாக்குகளை பெற்று மீண்டும் ஆட்சி அமைத்தார். 2021ஆம் ஆண்டு நாடு மீண்டும் ராணுவம் ஆட்சிக்குள் கொண்டு வரப் பட்டது. இவர் மீது ஊழல் குற்றச்சாட்டு வழக் குப்பதிவு செய்யப்பட்டு 27 ஆண்டுகள் சிறை தண்டனை விதிக்கப் பட்டது.
ராணுவப் புரட்சி
சிறையில் உள்ள ஆங் சான் சூகியை விடுதலை செய்யக்கோரி அங்கு பொதுமக்கள் போராட்டம் நடத்தி வருகிறார்கள். அவர்கள் மீது அந்த நாட்டின் ராணுவம் கோர முகத்தை காட்டி அடக்கி வருகிறது. மியான்மரில் கடுமையான நிதி நெருக்கடி நிலவி வரும்நிலையில் ஆங் சான் சூகிக்கு சொந்தமான சொத்துகளை ராணுவம் விற்று பொருளாதார இழப்பை சரிகட்டி வருகிறது.
வீட்டை ஏலமிட முயற்சி
ராணுவ நெருக்கடி நிலையின்போது ஆங் சான் சூகி அடைக்கப் பட்டிருந்த வீடு கையகப் படுத்தப்பட்டது. மேலும் அதனை ஏலம் விட ராணுவம் நடவடிக்கை எடுத்தது. ஆனால் ஏலம் விடப்பட்ட அந்த வீட்டை யாரும் வாங்க முன்வரவில்லை.
வரலாற்று சிறப்பு வாய்ந்த நினைவுச் சின்னமாக கருதப்படும் அந்த குட்டி பங்களா, யங்கூனில் உள்ள இனியே ஏரிக்கரையில் கட்டப்பட்டது. சூகியின் தந்தையும், அந்த நாட்டின் விடுதலை போராட்ட வீரரான ராணுவ தளபதி ஆங் சாங்கும் வசித்து வந்த பூர்வீக வீடாக அது உள்ளது. அந்த வீடுதான் ஆங் சான் சூகி 15 ஆண்டுகளுக்கு மேலாக சிறைவைக்கப்பட்டு அறவழியில் போராட வழிவகுத்தது. மேலும் நோபல் பரிசையும் பெற்றுத் தந்தது.
அமெரிக்கா மேனாள் அதிபர் ஒபாமா, ஹிலாரி கிளிண்டன், அய்.நா சபை மேனாள் பொதுச்செயலாளர் பான்-கி-மூன் முதலியவர்கள் அந்த வீட்டில் வைத்து தான் ஆங் சான் சூகியை சந்தித்தது குறிப் பிடத்தக்கது. ஏலம் விடும் முயற்சி தோல்வியில் முடிந்துள்ளது. இதனால், மியான்மரில் ஆளும் ராணுவ அரசுக்கு ஏமாற் றமே மிஞ்சியுள்ளது. ஆங் சான் சூகியின் வீட்டை ஏலம் விட மூன்றாவது முறையாக ராணுவ அரசு முயற்சித்தது குறிப் பிடத்தக்கது.
