திருவள்ளூரில் வசித்து வரும் பிரபல மகப்பேறு மருத்துவர் சரோஜினி ஏகாம்பரத்திற்கு இந்திய மருத்துவ கழகத்தின் (IMA) சார்பில் ‘வாழ்நாள் சாதனையாளர் விருது’ 30.6.2023 அன்று வழங்கி சிறப்பிக்கப்பட்டது. மருத்துவத் துறையிலும் , மனித நேய சேவைகளிலும் தனக்கென தனி முத்திரை பதித்து , நோயாளிகளின் கவலை தீர்க்கும் மருத்துவ மாமணியாக திகழ்ந்து வரும் மருத்துவர் சரோஜினியின் புகழுக்கு புகழ் சேர்க்கும் வகையில் இந்த விருது அமையப் பெறும் என்ற வாழ்த்துரைகளுடன் இவ்விருது அவருக்கு வழங்கப்பட்டது. பின்னர் அவர் தனது ஏற்புரையில், தந்தை பெரியாரின் கொள்கையை பின்பற்றி வாழ்ந்து வருவதினாலே தான் இது போன்ற விருதுகளை தன்னால் பெற முடிந்தது என்றும், இன்றும் என்றும் நிலைத்து நிற்கக் கூடிய வாழ்க்கை தத்துவமாக பெரியாரின் கொள்கைகள் இந்த மண்ணில் நிலைத்து நிற்கும், நிற்க வேண்டும் என்றும் கூறினார்.