தமிழர் தலைவரின் 92 ஆம் பிறந்த நாள்: முதலமைச்சர் வாழ்த்து!

முதலமைச்சர் மு.க. ஸ்டாலின் அவர்கள் இன்று (2.12.2024) திராவிடர் கழகத் தலைவர் தமிழர் தலைவர் ஆசிரியர் கி. வீரமணி அவர்களின் 92 ஆவது பிறந்தநாளையொட்டி, அவரது இல்லத்திற்கு நேரில் சென்று அவருக்கு பொன்னாடை அணிவித்து, புத்தகம் வழங்கி வாழ்த்துத் தெரிவித்தார். தமிழர் தலைவர் ஆசிரியர் கி.வீரமணி அவர்கள், முதலமைச்சர் அவர்களுக்குப் பொன்னாடை அணிவித்து, புதிய வெளியீடுகளான இயக்க நூல்களை வழங்கினார். இந்நிகழ்வின்போது, குறு, சிறு மற்றும் நடுத்தர தொழில் நிறுவனங்கள் துறை அமைச்சர் தா.மோ. அன்பரசன், பள்ளிக் கல்வித் துறை அமைச்சர் அன்பில் மகேஸ் பொய்யாமொழி, ஆசிரியர் அவர்களின் துணைவியார் மோகனா அம்மையார், கழகப் பொதுச் செயலாளர் வீ. அன்புராஜ், மற்றும் குடும்பத்தினர் உடனிருந்தனர்.