சென்னை, டிச.1 சென்னை கிண்டி மடுவின்கரை பகுதியில் சிறப்பு மருத்துவ முகாமை தொடங்கி வைத்த அமைச்சர் மா.சுப்பிரமணியன் செய்தியாளர்களுக்கு பேட்டி அளித்தார். அப்போது அவர் கூறியதாவது:
‘‘சென்னை உள்ளிட்ட 7 மாவட்டங்களில் 500 மருத்துவ முகாம்கள் நடத்தப்படுகிறது. சென்னையில் 200 மருத்துவ முகாம்களும் மற்ற 6 மாவட்டங்களில் தலா 50 மருத்துவ முகாம்களும் நடத்தப்படுகிறது.
காய்ச்சல், சளி, பரிசோதனை, ரத்த கொதிப்பு உள்ளிட்ட பாதிப்புக்கு அடிப்படை பரிசோதனைகள் மேற்கொள்ளப்படும். முதலமைச்சர் மு.க.ஸ்டாலின் உத்தரவுப்படி 7 மாவட்டங்களில் மருத்துவ முகாம் நடத்தப்படுகிறது. தமிழ்நாடு முழுவதும் ஒன்றரை மாதமாக நடத்தப்பட்ட சிறப்பு மருத்துவ முகாமில் 28.02 லட்சம் பேர் பயனடைந்துள்ளனர்’’ என்று அவர் கூறினார்.
சென்னை உள்ளிட்ட ஏழு மாவட்டங்களில் 500 மருத்துவ முகாம்கள்!
Leave a Comment
