சிவகங்கை, நவ.24- சிவகங்கை மாவட்ட இளைஞரணி கலந்துரையாடல் கூட்டம் 23.11.2024 அன்று காலை 10 மணி அளவில் மாவட்ட கழகத் தலைவர் புகழேந்தியின் யாழகம் இல்லத்தில் நடைபெற்றது.
கலந்துரையாடல் கூட்டத்திற்கு மாவட்டத் தலைவர் இரா.புகழேந்தி தலைமை வகித்தார். மாவட்டச் செயலாளர் பெரு.இராசாராம் வரவேற்புரை ஆற்றினார். பெரியார் பெருந்தொண்டர் வேம்பத்துர் க. வீ.செயராமன், இளையான்குடி ஒன்றிய செயலாளர் சாலைகிரா மம் பழனி வட்டன், சாலைகிராமம் தா.பாக்யராஜ், சிவகங்கை மாவட்ட பகுத்தறிவாளர் கழகத் தலைவர் சு.இராசாங்கம் ஆகியோர் உரையாற்றினர்.
கழக இளைஞரணி மாநில செய லாளர் நாத்திக பொன்முடி கழக கொள்கைகள் பற்றியும், தந்தை பெரியார், தமிழர் தலைவர் ஆசிரியர் அவர்களைப் பற்றியும் சிறப்புரை ஆற்றினார். பின்னர் தீர்மானங்கள் நிறைவேற்றப்பட்டு, இறுதியில் சிவ கங்கை மாவட்ட அமைப்பாளர்
ச. அனந்தவேல் நன்றியுரை ஆற்றினார்.
கூட்டத்தில், வைக்கம் வீரர் எனப் புகழ் பெற்ற தந்தை பெரியாருக்கு கேரள மாநிலம் வைக்கத்தில் இரு மாநில அரசுகளும் இணைந்து 12.12.2024 அன்று விழா எடுக்க உள்ளது. இப் பெருமைமிகு விழாவிற்கு, சிவகங்கை மாவட்டக் கழக சார்பாக தனி ஊர்தியில் செல்வதெனவும்,
2.12.2024 திராவிடர் கழக தலைவர், தந்தை பெரியாரின் கொள்கை வீச்சு தமிழர் தலைவர் ஆசிரியர் அவர்களின் 92 ஆவது பிறந்த நாள் மகிழ்வாக விடுதலை சந்தா, பெரியார் உலகத்திற்கு பெரும் அளவில் நிதி வழங்குவது எனவும்,
தமிழர் தலைவர் ஆசிரியர் அவர்க ளின் 92 ஆவது பிறந்த நாள் மகிழ்வாக மாவட்டம் முழுவதும் சுவரொட்டி, விளம்பர பதாகைகள் வைப்பது எனவும்,
கழக இளைஞரணி சார்பாக மாவட்டம் முழுவதும் கழக இலட்சியக் கொடிகள் ஏற்றவும், புதிய கிளைக் கழகங்கள் அமைத்தல், தகவல் பதாகை அமைத்து, தினம் ஒரு தகவல் எழுதுதல், திண்ணைப் பிரச்சாரங்கள், தெருமுனைப் பிரச்சாரம் போன்ற நிகழ்ச்சிகளை தொடர்ச்சியாக நடத்துவது எனவும்,
டிசம்பர் 28, 29 ஆகிய இரு நாள்கள் , திருச்சியில் நடைபெறும் இந்திய பகுத்தறிவாளர் சங்கங்களின் கூட்டமைப்பின் 13 ஆவது மாநாட்டில் சிவகங்கை மாவட்டம் சார்பில் அனைத்து தோழர்களும் கலந்து கொள்வதெனவும்,
மாவட்டத்தில் எழுச்சியுடன் களமாடி அதிக அளவில் இளை ஞர்களை இயக்கத்திற்கு அழைத்து வருவது எனவும் தீர்மானங்கள் நிறைவேற்றப்பட்டன.
