நாம் உணவில் அன்றாடம் பயன்படுத்தும் மசாலாப் பொருட்களில் ஆன்டி-ஆக்சிடன்ட்கள் மற்றும் அழற்சி எதிர்ப்பு பண்புகள் அதிக அளவில் உள்ளன. அவை பல்வேறு ஆரோக்கிய நிலைகளை நிர்வகிக்க உதவும். குறிப்பாக மசாலாப்பொருட்களில் முக்கிய பங்கு வகிக்கும் மிளகு முதல் மஞ்சள் வரை இதய ஆரோக்கியத்தை காக்கும் பொருட்கள் குறித்து தெரிந்து கொள்வோம்.
பூண்டு
பூண்டில் உள்ள கலவையான அல்லிசின், லிப்பிட் தொகுப்பில் ஈடுபடும் என்சைம்களைத் தடுப்பதாகவும், பிளேட்லெட் திரட்டலைக் குறைப்பதாகவும், ஆக்சிஜனேற்றப்பட்ட எரித்ரோசைட்டுகள் மற்றும் எல்டிஎல் லிப்பிட் பெராக்சிடேஷனைத் தடுக்கவும், ஆக்சிஜனேற்ற நிலையை அதிகரிக்கவும் மற்றும் ஆஞ்சியோடென்சின் மாற்றும் என்சைமைத் தடுப்பதாகவும் நிரூபிக்கப்பட்டுள்ளது.
மஞ்சள் தூள்
மஞ்சளில் உள்ள குர்குமின் இதய நோய் வரும் போது உங்கள் குருதி நாளங்களின் புறணியான எண்டோடெலியத்தின் செயல்பாட்டை மேம்படுத்துகிறது. குர்குமின் வீக்கம் மற்றும் ஆக்சிஜனேற்றத்தைக் குறைக்க உதவுகிறது.
மிளகு
இது மாரடைப்பு மற்றும் இதய செயல்பாட்டை மீட்டெடுக்கவும் உதவுகிறது. மேலும் மன அழுத்தில் இருந்து மீள்வதற்கு உதவுகிறது.
இலவங்கப்பட்டை
இலவங்கப்பட்டையில் உள்ள வேதி மூலக்கூறுகளான சின்னமால்டிஹைட் மற்றும் சின்னமிக் அமிலம் நைட்ரிக் ஆக்சைடை உற்பத்தி செய்யும் திறன் கொண்டுள்ளது. இது இதயத்தை பாதுகாக்கிறது.
தனியா விதைகள்
கொத்தமல்லி விதைகள் குறிப்பிடத்தக்க ஹைப்போலிபிடெமிக் விளைவைக் கொண்டுள்ளன.(ரத்த ஓட்டத்தில் கொழுப்பு அளவுகளை, குறிப்பாக கொழுப்பு மற்றும் ட்ரைகிளிசரைடுகளைக் குறைக்கும் திறனைக் குறிக்கிறது.) அதிக அளவு எல்டிஎல் கொலஸ்ட்ரால் இதய நோய்க்கான குறிப்பிடத்தக்க ஆபத்து காரணியாகும். ஆகவே இதை தனியா விதைகள் கட்டுப்படுத்துகிறது.
இஞ்சி
தேநீரில் கலந்து ஒரு நாளைக்கு ஒரு முறை அல்லது இரண்டு முறை உட்கொள்ளலாம். உலர் இஞ்சி பொடியை தேனுடன் காலையில் பருகலாம் அல்லது தண்ணீரில் கொதிக்க வைத்து நாள் முழுவதும் உட்கொள்ளலாம். இதய ஆரோக்கியத்திற்கு ஏற்றதாகும்.
