சென்னை, நவ.6- சென்னை-திருச்சி தேசிய நெடுஞ்சாலையை 8 வழிச் சாலையாக மாற்றுவ தற்கான திட்ட அறிக்கை தயா ரிக்கும் பணியில் ஈடுபட்டிருப்ப தாக தேசிய நெடுஞ் சாலைகள் ஆணைய அதிகாரிகள் கூறினர்.
தமிழ்நாட்டில் பிரதான தேசிய நெடுஞ்சாலையாக சென்னை- திருச்சி நெடுஞ்சாலை உள்ளது. தற்போது நான்கு வழிச்சாலையாக இருக்கும் இந்த சாலையில், நாளுக்கு நாள் அதிகரித்து வரும் வாகன பெருக்கத்தால், சாதாரண நாட்களிலேயே இச்சாலையில் கடும் நெரிசல் நிலவி வருகிறது.
இச்சாலையில் நெரிசல், விபத்து, உயிரிழப்புகளை தவிர்க்கவும், பயண நேரத்தை குறைக்கவும், தற்போதுள்ள நான்குவழி சாலையை, பசுமை வழி விரைவுச்சாலை (‘கிரீன் பீல்டு எக்ஸ்பிரஸ் வே’) எனப்படும் எட்டு வழி அதிவிரைவு சாலையாக மாற்ற, தேசிய நெடுஞ்சாலைகள் ஆணையமான ‘நகாய்’ திட்டமிட்டு உள்ளது.
இதுகுறித்து தேசிய நெடுஞ் சாலைகள் ஆணைய அதிகாரிகள் கூறும்போது, ‘சென்னை- திருச்சி வரை எட்டு வழிச்சாலை அமைக்க முடிவு செய்யப்பட் டது. இதனைத்தொடர்ந்து தற்போது பாரத்மாலா திட்டத்தின் ஒரு பகுதியாக மதுரை வரையில் எட்டு வழிச்சாலையாக மாற்றப்பட உள்ளது. இதனுடன், அவசர சேவை நிலையங்கள், ஓய்வு இடங்கள் மற்றும் பிற சாலை சேவைகளும் அடங்கும். இந்ததிட்டம் நிறைவேறும் போது, தமிழ்நாட்டில் போக்குவரத்து மற்றும் வணிகம் மேம்படும்.
சென்னையை அடுத்த சிங்கப்பெருமாள் கோவிலில் இருந்து இந்த எட்டு வழிச்சாலை தொடங்குகிறது. ரூ.26 ஆயிரத்து 500 கோடி மதிப்பில் அமைக்கப்படும் இந்தப்பணிக்கான முதற்கட்ட பணிகள் தொடங்கப்பட்டு உள்ளன. குறிப்பாக, பூர்வாங்க பணியாக, சாலை வளைவுகள், அதிக விபத்து ஏற்படும் பகுதிகள், கூடுதல் மேம்பாலங்கள், சாலைகள் அமைக்க நிலம் எடுப்பு போன்ற விவரங்களை சேகரித்து வருகிறோம்.
ஒன்றிய அரசு தற்போது அறிவித்துள்ள சாலை விரிவாக்க பணிகள் முடிந்த பின்னர் இத்திட்டத்தை தொடங்க விரி வான திட்ட அறிக்கை தயாரிக்கும் பணி நடந்து வருகிறது. தொடர்ந்து அரசின் அனுமதியை பெற்று விரைவில் கட்டுமானப்பணிகளை தொடங் கவும் திட்டமிடப்பட்டுள்ளது.
இந்த விரைவு சாலை தமிழ் நாட்டின் 3 முக்கிய நகரங்களை மட்டும் அல்லாமல் 3 முக்கிய தொழில் நகரங்களை இணைக்க உள்ளதால் மிகவும் முக்கிய மானதாக விளங்குகிறது. இந்த விரைவுசாலை மாநில வளர்ச்சிக்கு முக்கியமான ஊக்கு விப்பாக அமையும்.
இந்த சாலை செயல்பாட் டுக்கு வரும் போது, சென்னை- திருச்சி இடையே 310 கிலோ மீட்டர் தூர பயண நேரம், 6 மணி நேரத்தில் இருந்து 4 மணி நேரமாக குறையும். தமிழ்நாட்டில் சென்னை – சேலம் அதிவிரைவு சாலைக்கு அடுத்ததாக, சென்னை – திருச்சி அதிவி ரைவு சாலை திட்டம் செயல் பாட்டுக்கு வரும். இதற்கான பணிகள் அடுத்த ஆண்டு தொடங்கப்பட உள்ளது. இந்த திட்டம், ஏற்கெனவே நடை பெற்று வரும் சென்னை- பெங்களூரு பசுமை அதிவி ரைவு சாலை திட்டத்தின் ஒரு நீட்சியாக இருக்கும்’ என்றனர்.
