மதுக்கூர் ஒன்றியம் கிராமங்களில் கழக கூட்டங்களை நடத்துவது
மதுக்கூர், அக்.15 மதுக்கூர் ஒன்றியம், கிராமங்களில் கழக கூட்டங்களை நடத்துவது– டிசம்பரில் தமிழர் தலைவர் ஆசிரியர் பிறந்தநாள் கூட்டம்
நடத்திட கலந்துரையாடலில் முடிவு செய்யப்பட்டது.
மதுக்கூர் ஒன்றிய, நகர கழக பொறுப்பா ளர்கள் சந்திப்பு கூட்டம் 14.1.2024 திங்கள் அன்று மாலை 5.30 மணி அளவில் மதுக்கூர் ஒன்றிய திமுக செயலாளர் இலண்டன் கோவிந்தராஜ் அலுவலகத்தில் மாவட்ட கழக தலைவர் அத்திவெட்டி பெ.வீரையன் தலைமையிலும், மாவட்ட பகுத்தறிவாளர் கழக புரவலர் என்.கே.ஆர்.நாராயணன், மாவட்ட பகுத்தறிவாளர் கழக செயலாளர் புலவஞ்சி வழக்குரைஞர் இரா.காமராஜ் மாவட்ட பகுத்தறிவாளர் கழக அமைப்பாளர் மாணிக்க சந்திரன் மாவட்ட கழக துணைத் தலைவர் கு.சிவாஜி ஆகியோர் முன்னிலையிலும், கழக மாநில ஒருங்கிணைப்பாளர் தஞ்சை இரா.ஜெயக்குமார், மாநில கழக கிராமப்புற பிரச்சாரக் குழு அமைப்பாளர் முனைவர் அதிரடி க.அன்பழகன் ஆகியோரின் செயல் ஊக்க உரையுடனும் நடைபெற்ற போது நிறைவேற்றப்பட்ட தீர்மானங்கள் வருமாறு:
கடந்த 06.102024 அன்று சென்னை பெரியார் திடலில் தமிழர் தலைவர் ஆசிரியர் அவர்கள் தலைமையில் நடைபெற்ற திராவிடர் கழகத் தலைமைச் செயற்குழு கூட்டத்தில் நிறை வேற்றப்பட்ட தீர்மானங்களை ஏற்று செயல்படுத்து வதெனவும்,
2024 நவம்பர் 26 அன்று ஈரோட்டில் நடைபெறும் சுயமரியாதை இயக்க நூற்றாண்டு விழா மாநில மாநாட்டில் மதுக்கூர் ஒன்றிய, நகர கழகம் சார்பில் தனி வாகனத்தில் சென்று பங்கேற்பது எனவும்,
மதுக்கூர் ஒன்றியத்தில் திராவிடர் கழக இளைஞரணி, மாணவர் கழக அமைப்பை வலுப்படுத்தும் வகையில் கழக அமைப்பு உள்ள கிராமங்களில் அமைப்பு கூட்டங்களை நடத்தி அமைப்புகளை புதுப்பித்து அறிவிப்பது கிராமங்களில் பிரச்சாரக் கூட்டங்களை நடத்துவது கழகக் கொடியேற்றுவது எனவும் முதற்கட்டமாக மாதம் ஒரு கிராமத்தில் கழகக் கொடியேற்றி கழக பொதுக் கூட்டத்தை நடத்துவது எனவும்,
10 வயதில் மேடை ஏறி 91 வயதில் 81 ஆண்டு பொது வாழ்க்கைக்கு சொந்தக்காரர் உலகம் பெரியார் மயம் பெரியார் உலக மயம் என்ற முழக்கத்தை முன்வைத்து நாளும் உழைத்து வரும் தமிழர் தலைவர் ஆசிரியர் அவர்களின் 92 ஆவது பிறந்தநாள் விழா பொதுக்கூட்டத்தை டிசம்பர் இரண்டாவது வாரத்தில் மதுக்கூர் நகரில் தோழமை இயக்கப் பொறுப்பா ளர்கள் பங்கேற்புடன் சிறப்பாக நடத்துவது எனவும் முடிவு செய்யப்படுகிறது
மதுக்கூர் ஒன்றியத்தில் கிராமங்களில் கழக அமைப்புகளை உரு வாக்கிட கழக அமைப்பு கூட்டங்கள் பொதுக்கூட்டங்களை தொடர்ந்து நடத்திட கீழ்க்கண்டவர்களைக் கொண்ட ஒருங்கிணைப்பு குழு அமைக்கப்படுகிறது.
ஒருங்கிணைப்புக் குழு
அத்திவெட்டி பெ..வீரையன் மாவட்ட கழக தலைவர் புலவஞ்சி இரா.காமராஜ் மாவட்ட பகுத்தறிவாளர் கழக செயலாளர்.
புரவலர்கள்
என்.கே.ஆர்.நாராயணன் மாவட்ட பகுத்தறிவாளர் கழக புரவலர் மாணிக்க சந்திரன் மாவட்ட பகுத்தறிவாளர் கழக அமைப்பாளர்.
ஏற்பாட்டு குழு
முத்து துரைராஜ் மாவட்ட தொழிலா ளரணி தலைவர் கு.சிவாஜி மாவட்ட துணை தலைவர் புலவஞ்சி பெ.அண்ணாதுரை ஒன்றிய கழக தலைவர் அத்தி வெட்டி வை.ஆடலரசு ஒன்றிய கழக செயலாளர் நா.வை.ராதாகிருஷ்ணன் ஒன்றிய கழக அமைப்பாளர் எனவும் ஒரு மனதாக முடிவு செய்யப்படுகிறது கூட்டத்தில் மதுக்கூர் ஒன்றிய பகுத்தறிவாளர் கழக செயலாளர் கருப்பூர் முருகேசன் மண்டலகோட்டை சரவணன் உள்பட ஏராளமான தோழர்கள் கலந்து கொண்டனர்
கூட்டத்தின் நோக்கம் குறித்து கழக கிராமப்புற பிரச்சார குழு அமைப்பாளர் முனைவர் அதிரடி க..அன்பழகன் மாநிலக் கழக ஒருங்கிணைப்பாளர் தஞ்சை இரா.ஜெயகுமார் ஆகியோர், தமிழர் தலைவர் ஆசிரியர் அவர்களின் செயல்பாடு, தலை வரின் செயல்பாடுகளால் இயக்கம் காணும் வளர்ச்சி தோழர்களுக்கு ஏற்படும் மரியாதை இவற்றை விளக்கியும், எதிர்காலத்தில் நாம் எப்படி எல்லாம் செயல்பட வேண்டும் என்பதை விளக்கியும் உரையாற்றினர்.
