தேனி மாவட்ட கழக அமைப் பாளர் ஆண்டிபட்டி செ.கண்ணனின் தாயார் செ.சீதாலட்சுமி அம்மாள் 25.9.2024 அன்று மாலை முதுமையால் இயற்கை எய்தினார். 26.9.2024 அன்று போடி பெரியார் சமத்துவ மின் மயானத்தில் எவ்வித மூடச்சடங்குகளுமின்றி தகனம் நடைபெற்றது.
தோழர் கண்ணன் சீரிய களப்பணியாளர் கழகம் எப்பணியைக் கொடுத்தாலும் அதை செவ்வனே செய்து முடிக்க வேண்டும் என்ற கொள்கையுணர்வு செய்து முடிக்கக்கூடிய மேலும் பணி நிமித்தமாக கோவில்பட்டியில் தங்கி இருந்தபோது அங்கு சில தோழர்களுக்கு இயக்கத்தை அடையாளம் காட்டி சில ஆண்டுகளுக்கு முன் தமிழர் தலைவர் ஆசிரியர் அவர்களை அழைத்து மிகப்பெரிய பொதுக்கூட்டத்தை சிறப்பாக நடத்தியவர்.
தற்போது தனது சொந்த ஊரான ஆண்டிபட்டியில் இருந்து கழகப் பணியாற்றி வருகிறார். அங்கு உள்ள அனைத்து கட்சிகளின் பொறுப்பாளர்களுடனும், தோழர்களுடனும் நல்ல உறவுடன் இருந்து இயக்கப் பணி செய்து வரக்கூடிய தோழர் செ.கண்ணனின் தாயார் மறைவு தகவல் அறிந்ததும் கழகத் தலைவர் ஆசிரியர் கி.வீரமணி அவர்கள் செ.கண்ணன் அவர்களிடம் தொலைபேசியில் தொடர்பு கொண்டு இரங்கலையும் – ஆறுதலையும் தெரிவித்தார்.
