சென்னை உயர்நீதிமன்றத்திற்கு 5 நிரந்தர நீதிபதிகள் நியமனம்!

சென்னை, செப்.21 சென்னை உயர்நீதிமன்றத்தில் உள்ள கூடுதல் நீதிபதிகள் விக்டோரியா கவுரி, பி.பி.பாலாஜி, கே.கே.ராமகிருஷ்ணன்,
ஆர்.கலைமதி, கே.ஜி.திலகவதி ஆகியோர் நிரந்தர நீதிபதிகளாக நியமனம் செய்யப்பட்டுள்ளனர்.
இதன் மூலம் சென்னை உயர்நீதிமன்ற நீதிபதிகளின் எண்ணிக்கை 63 ஆக உயர்ந்துள்ளது.
சென்னை உயர்நீதிமன்றத்துக்கு நீதிபதி விக்டோரியா கவுரி உள்பட 5 நிரந்தர நீதிபதிகளை நியமிக்க உச்சநீதிமன்ற கொலீஜியம் கடந்த 10.9.2024 அன்று பரிந்துரை செய்திருந்தது.
அந்தப் பரிந்துரையை ஏற்ற குடியரசுத் தலைவர் திரவுபதி முர்மு, நேற்று (20.9.2024) உத்தரவிட்டுள்ளார்.
விரைவில் இவர்கள் 5 பேருக்கும் பொறுப்புத் தலைமை நீதிபதி டி.கிருஷ்ணகுமார் நிரந்தர நீதிபதிகளாகப் பதவிப் பிரமாணம் செய்து வைப்பார்.