வருகிற 20.8.2023 அன்று, டாக்டர் நரேந்திர தபோல்கரின் நினைவு நாள். அதனை அறிவியல் மனப்பாங்கு பரப்பும் நாளாக நாடு முழுவதும் கொண்டாடப் படுவதென இந்திய பகுத்தறிவாளர் சங்கங்களின் கூட்டமைப்பு முடிவு செய்துள்ளது அறிய மகிழ்கிறோம்.
நாமும் தமிழ்நாட்டில் மூடநம்பிக்கைகளை எதிர்த்து, அறிவியல் மனப்பாங்கினை பரப்பிடும் பரப்புரை கூட்டங்களை ஒருவாரம் முழுவதும் பற்பல ஊர்களிலும் தொடர் பரப்புரைக் கூட்டங்களாக நடத்தி, விழிப்புணர்வை ஏற்படுத்துதல் மிகவும் அவசியம்.
ஆகஸ்ட் 20 முதல் இம்மாதம் முடியும் வரை (ஆகஸ்ட் 31 வரை) பிரச்சாரக் கூட்டங்களை மக்களுக்கு தெளிவுறுத்திடும் வகையில் ஏற்பாடு செய்தல் அவசியம்.
இதனை தமிழ்நாடு பகுத்தறிவாளர் கழகம் மற்றும் பகுத்தறிவு எழுத்தாளர் மன்றம் முன்னின்று நடத்துவது சாலச் சிறப்பாக இருக்கும். விரைவில் பேச்சாளர்களைத் தருகிறோம். ஏற்பாடுகளைச் செய்க!
ஆசிரியர் கி.வீரமணி
புரவலர், பகுத்தறிவாளர் கழகம்
