சென்னை,ஆக.21- முதலமைச்சரின் செயலர்கள் பொறுப்புகளில் மாற்றம் செய்யப்பட்டுள்ளது. இதுகுறித்து, தலைமைச் செயலர் நா.முருகானந்தம் வெளியிட்ட உத்தரவில், ‘முதலமைச்சரின் முதல் நிலை செயலராக பி.உமாநாத், 2ஆம் நிலை செயலராக எம்.எஸ்.சண்முகம், 3ஆம் நிலை செயலராக அனுஜார்ஜ் ஆகியோர் நியமிக்கப்படுகின்றனர்’ என தெரிவித்துள்ளார்.
முதலமைச்சரின் செயலராக நியமிக்கப்படுபவர்களுக்கு குறிப் பிட்ட துறைகள் சார்ந்த பணிகளை கவனிக்கும் பொறுப்பு வழங்கப்படும். அந்த வகையில் முதல் நிலை செயலர் பி.உமாநாத், வணிகவரி, பதிவுத்துறை, எரிசக்தி, நிதி, உள் துறையின் கீழ் வரும் அய்பிஎஸ், அய்ஏஎஸ் அதிகாரிகள், மதுவிலக்கு மற்றும் ஆயத்தீர்வைத் துறை , நெடுஞ்சாலை, தொழில், நகராட்சி நிர்வாகம், இயற்கை வளங்கள், பொதுத்துறை, பொதுப்பணி, கண்காணிப்பு ஆணையம், நீர்வளம் ஆகிய 13 துறைகளை கவனிப்பார்.
இரண்டாம் நிலை செயலர் எம்.எஸ்.சண்முகம், வேளாண்மை, கூட்டுறவு மற்றும் உணவு, முதலமைச்சர் அலுவலகம் மற்றும் ஒட்டுமொத்த நிர்வாகம், உயர்கல்வி, வீட்டுவசதி, மனிதவள மேலாண்மை, சட்டம், சட்டப்பேரவை, வருவாய், ஊரகவளர்ச்சி, தமி்ழ் வளர்ச்சி, அறநிலையத் துறை என 12 துறைகளை கவனிப்பார்.
மூன்றாம் நிலை செயலர் அனுஜார்ஜ், ஆதிதிராவிடர் மற்றும் பழங்குடினர் நலன், கால்நடைபராமரிப்பு, பால் மற்றும் மீன்வளம், பிசி,எம்பிசி மற்றும் சிறுபான்மையினர் நலன், அரசியல் சாராத முதலமைச்சரின் சந்திப்பு அனுமதி மற்றும் பயண ஏற்பாடு, சுற்றுச்சூழல் மற்றும் வனம், சுகாதாரம், குறு,சிறு, நடுத்தரத் தொழில்துறை, பள்ளிக்கல்வி, சமூக நலன், மாற்றுத்திறனாளிகள் நலன், இளைஞர் நலன் மற்றும் விளையாட்டுத் துறைகளை கவனிப்பார்.
முதலமைச்சரின் இணைச் செயலராக நியமிக்கப்பட்டுள்ள ஜி.லட்சுமிபதி, கைத்தறி மற்றும் துணிநூல்துறை, தகவல் தொழில்நுட்பம், தொழிலாளர் நலன், திட்டம் மற்றும் வளர்ச்சி, சிறப்பு முயற்சிகள், சிறப்பு திட்ட செயலாக்கத்துறை, சமூக சீர்திருத்தம், சுற்றுலா மற்றும் கலாசாரம், போக்குவரத்து ஆகிய துறைகள் ஒதுக்கப்பட்டுள்ளன.
