மேலணிக்குழி, ஆக. 20- பள்ளிக் கல்வித்துறை சார்பில் ஜெயங்கொண்டம் குறுவட்ட அளவிலான வளையப்பந்து போட்டி மேலணிக்குழியில் உள்ள அரசு மேல்நிலைப்பள்ளியில் நேற்று (19.08.2024) அன்று நடைபெற்றது .
ஜெயங்கொண்டம் குறுவட்ட அளவில் உள்ள 14, 17மற்றும் 19 வயதிற்குட்பட்ட பிரிவுகளில் மாணவ / மாணவிகள் கலந்து கொண்டனர் .
இதில் ஜெயங்கொண்டம் பெரியார் மெட்ரிக் மேல்நிலைப்பள்ளி மாணவ/ மாணவிகள் கலந்து கொண்டு ஆண்கள் 17 வயதிற்குட்பட்ட ஒற்றையர் பிரிவில் பிரதீப்குமார் இரண்டாம் இடத்தையும், பெண்கள் பிரிவில் 17 வயதிற்குட்பட்ட ஒற்றையர் பிரிவில் அட்சயா முதல் இடத்தையும் , இரட்டையர் பிரிவில் அட்சயா மற்றும் சுருதி முதல் இடத்தையும், மற்றும் 19 வயதிற்குட்பட்ட பிரிவில் சுதிக்ஷா இரண்டாம் இடத்தையும் பிடித்தார்கள். முதலிடம் பிடித்த மாணவிகள் மாவட்ட போட்டிக்கு தகுதி பெற்றனர் .
போட்டியில் வென்ற வீரர்கள் மற்றும் பயிற்றுவித்த உடற்கல்வி ஆசிரியர்கள் K.ராஜேஷ் ,R.ரவிசங்கர் மற்றும் S..ரஞ்சனி ஆகியோர்களை பள்ளி தாளாளர் ,முதல்வர் மற்றும் இருபால் ஆசிரியர்கள் , பெற்றோர்கள் உட்பட பலர் வாழ்த்தினர்.
