ஆறுகள் இல்லாத நாடுக ளில் குடிநீர் என்பது ஒரு பெரிய பிரச்சினையாக இருக்க வில்லை. நதிகள் இல்லாத நாடு களின் பட்டியல் உங்களை ஆச்சரியப் படுத்தும்.
மனிதன் உள்பட ஒவ்வொரு உயிரினத்திற்கும் தண்ணீர் என்பது மிகவும் இன்றியமையாதது. ஆறுகள், ஏரிகள், குளங்கள் போதுமான அளவில் உள்ள நாடுகளில் குடிநீருக்காக மக்கள் சிரமப்பட வேண்டியதில்லை. ஆனால் நதிகள் இல்லாத இடங்களில் மக்களுக்கு எப்படி தண்ணீர் கிடைக்கும் என்று யோசித்தால், அவர்கள் நிலை மிகவும் கஷ்டம்தான். ஒருவேளை உலகில் நதிகள் இல்லாத எந்த நாடும் இருக்காது என்று நீங்கள் நினைக்கலாம்.
ஆனால் அது தவறு. நதிகள் இல்லாத 8 நாடுகளைப் பற்றி இங்கு பார்க்கலாம். இப்போது சிந்திக்க வேண்டிய விடயம் என்னவென்றால், இங்கு ஆறுகள் இல்லாதபோது, மக்களுக்கு எப்படி குடிநீர் கிடைக்கும்? இந்தப் பட்டியலில் அய்ந்தாவது இடத்தில் இருக்கும் நாட்டின் பெயரைக் கேட்டால் நீங்கள் ஆச்சரியப்படுவீர்கள்.
சவூதி அரேபியா : டைம்ஸ் ஆஃப் இந்தியாவின் கூற்றுப்படி, அரேபிய தீபகற்பத்தில் அமைந்துள்ள சவுதி அரேபியா, ஆறுகள் இல்லாத மிகப்பெரிய நாடுகளில் ஒன்றாகும். இந்த நாட்டில் மைல் கணக்கில் பாலைவனம் உள்ளது. இருந்த போதிலும், இங்குள்ள அரசு நீர் மேலாண்மைக்கு சிறப்பான முறைகளை வகுத்துள்ளது. இந்த நாடு கடல் நீரை குடிநீராக மாற்றுகிறது. 70 சதவீத குடிநீர் உப்புநீக்கம் மூலம் கிடைக்கிறது. மேலும், இங்கு ஒரு முறை பயன்படுத்தப்பட்ட நீர், சுத்திகரிக்கப்பட்டு மீண்டும் பயன்படுத்தப்படுகிறது.
கத்தார் : இது எவ்வளவு பணக்கார நாடாக இருந்தாலும், நதிகளை உருவாக்க முடியாது. எனவே இந்த நாடும் கடல் நீரை சுத்தம் செய்துதான் குடிநீராக பயன்படுத்தி வருகிறது. கத்தார் உலகிலேயே அதிக தனிநபர் நீர் நுகர்வைக் கொண்டுள்ளது, எனவே இங்குள்ள குடிநீர் 99 சதவீதம் உப்பு நீக்கம் மூலம் கிடைக்கிறது.
அய்க்கிய அரபு எமிரேட்ஸ் : துபாய், அபுதாபி போன்ற உலகின் பணக்கார மற்றும் பிரபலமான நகரங்கள் இந்த நாட்டில் உள்ளன. நூற்றுக்கணக்கான பெரும் பணக்காரர்கள் இங்கு வாழ்கிறார்கள், ஆனால் இந்த நாட்டிலும் நதிகள் இல்லை. இதனால் கடல் நீரை சுத்திகரித்து மட்டுமே குடிநீர் தயாரிக்கப்படுகிறது. இங்குள்ள தொழிற்சாலைகளில் கழிவு நீர் சுத்தம் செய்யப்பட்டு பயன்படுத்தப்படுகிறது.
குவைத்: அரேபிய வளைகுடாவின் வடக்குப் பகுதியில் அமைந்துள்ள குவைத் நாட்டிலும் ஆறுகள் இல்லை. இங்கும் கடல் நீர் சுத்திகரிக்கப்பட்டு, குடிநீராக மாற்றப்படுகிறது. மற்ற நாடுகளைப் போலவே, இங்கும் உப்புநீக்கம் செய்யப்படுகிறது.
மாலத்தீவுகள் : இந்தியப் பெருங்கடலால் சூழப்பட்ட சுற்றுலாவை முழுமையாகச் சார்ந்திருப்பவை மாலத்தீவுகள். இங்கு ஒரு நதி கூட இல்லை. இந்த காரணத்திற்காக மாலத்தீவு என்ற பெயர் மிகவும் அதிர்ச்சியளிக்கிறது. ஆனால், மேற்கூறிய அரபு நாடுகளைப் போல் இந்த நாடு வளமாக இல்லை. இதனால் இங்கு குடிநீர் சேகரிப்பதில் கடும் சிக்கல் ஏற்பட்டுள்ளது. இதனால், மழைநீரை சேமித்து, ஆலையில் உள்ள தண்ணீரை சுத்திகரித்து, பொட்டலத்தில் அடைத்து விற்பனை செய்வதே இங்கு ஒரே தீர்வு.
பஹ்ரைன் : பாரசீக வளைகுடாவில் அமைந்துள்ள ஒரு தீவு நாடான பஹ்ரைனில் இயற்கையான ஆறுகள் இல்லை, ஆனால் பல வகையான நிலத்தடி நீர் ஆதாரங்கள் மற்றும் நீரூற்றுகள் உள்ளன. ஆனால், இந்த தண்ணீர் குடிப்பதற்கு போதுமானதாக இல்லாததால், கடல்நீர் சுத்திகரிக்கப்பட்டு மக்கள் பயன்பாட்டுக்கு வழங்கப்படுகிறது.
ஓமன் : அரேபிய தீபகற்பத்தின் தென்கிழக்கு கடற்கரையில் அமைந்துள்ள ஓமானில் நிரந்தர நதி இல்லை. இருப்பினும், பல பள்ளத்தாக்குகள் உள்ளன, அங்கு மழைக்காலத்தில் தண்ணீர் நிரம்பி ஆறுகள்போல் உருவாகிறது. தண்ணீரைச் சேமிப்பதற்காக பல்வேறு விவசாய தொழில்நுட்பங்களை நாடு பின்பற்றி வருகிறது
வாடிகன் சிட்டி : உலகின் மிகச்சிறிய சுதந்திர நாடான வாடிகன் நகரில் கூட ஆறுகள் ஓடுவதில்லை. இந்த நாடு இத்தாலி நாட்டின் நீர் விநியோகத்தை நம்பியுள்ளது.
