டில்லி மகளிர் ஆணையத் தலைவர் சாடல்
புதுடில்லி, ஆக.11- ‘மணிப்பூரில் பெண்கள் ஆடை களின்றி இழுத்துச் செல்லப்பட்ட விவகாரத்தின் மீதும், பில்கிஸ் பானு மீது பாலியல் தாக்குதல் நடத்திய குற்றவாளிகள் சுதந்திர தினத்தன்று விடு தலை செய்யப்பட்டது குறித்தும் ஒன்றிய மகளிர் மற்றும் குழந்தைகள் நல மேம்பாட்டுத் துறை அமைச்சர் ஸ்மிருதி இரானி கோபப்படாதது ஆச் சரியமளிக்கிறது’ என்று டில்லி மகளிர் ஆணையத் தலைவர் ஸ்வாதி மாலிவால் விமர்சனம் செய்தார்.
மக்களவையில் ஒன்றிய அரசுக்கு எதிரான நம்பிக்கையில்லா தீர்மானத்தின் மீது புதன்கிழமை நடைபெற்ற விவாதத்தின்போது ராகுல் காந்தி உரையாற்றிவிட்டு வெளியேறும்போது, பாஜக நாடாளுமன்ற உறுப்பினர்கள் பகுதியை நோக்கி பறக்கும் முத்தம் கொடுத்ததாக குற்றஞ்சாட்டி அவர் மீது நடவடிக்கை எடுக்க வேண்டும் என்று ஸ்மிருதி இரானி புதன்கிழமை ஆவேசமாக பேசிய நிலையில், இக் கருத்தை ஸ்வாதி மாலிவால் வெளியிட்டுள்ளார்.
இதுதொடர்பாக ஸ்வாதி மாலிவால் டிவிட்டர் பதிவில் மேலும் கூறியிருப்பதாவது:
ஸ்மிருதி இரானி மக்களவையில் புதன்கிழமை மிகவும் கோபத்துடன் பேசினார். ஆனால், மக்களவையில் தனக்கு பின்வரிசையில் மல்யுத்த வீராங்கனைகளின் பாலியல் புகாருக்கு உள்ளான பிரிஜ் பூஷன் சிங் அமர்ந்திருந்த நிலையில், அந்த விவகாரத்தில் ஸ்மிருதி இரானியின் கோபம் எங்கே சென்றது என்று தெரியவில்லை. பிரிஜ் பூஷன் சிங் மீது பாலியல் துன்புறுத்தல் உள்ளிட்ட பல்வேறு பிரிவுகளின் கீழ் வழக்குப் பதிவு செய்யப்பட்டுள்ளது.
அதுபோல, மணிப்பூரில் இரு பெண்கள் ஆடைகளின்றி இழுத்துச் செல்லப்பட்டு பாலியல் வன்கொடுமைக்கு உள்ளாக்கப்பட்ட விவகாரத்தின் போதும் ஸ்மிருதி இரானி கோபப்படவில்லை.
பில்கிஸ் பானுவை பாலியல் வன்கொடுமை செய்ததோடு, அவருடைய குடும்ப உறுப்பினர்கள் 7 பேரை கொலை செய்த 11 குற்றவாளிகள் சுதந்திர தினத்தன்று விடுதலை செய்யப்பட்டபோதும் அவர் கோபப்படவில்லை. நாட்டின் பல்வேறு பகுதி களிலிருந்து பாலியல் வன்கொடுமைகள் குறித்த செய்திகள் தொடர்ச்சியாக வெளிவருவதும் அவரைக் கோபப்படுத்தவில்லை. ஒருவேளை, கோபப்பட வேண்டிய விஷயங் களுக்கு உரிய முன்னுரிமையளிக்க ஸ்மிருதி இரானிக்குத் தெரியவில்லை என்று நினைக்கிறேன் என்று விமர்சித்துள்ளார்.
