சென்னையில் கனமழை

சென்னை, ஆக.10 மேற்கு திசை காற்றின் வேக மாறுபாடு காரணமாக தமிழ்நாட்டில் இன்று (10.8.2024) ஒருசில இடங்களிலும், புதுவை மற்றும் காரைக்கால் பகுதிகளிலும் இடி, மின்னல் மற்றும் பலத்த காற்றுடன் கூடிய லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மய்யம் தெரிவித்துள்ளது. நேற்று (9.8.2024) மாலையில் சென்னையின் பல்வேறு இடங்களில் மழை பெய்தது. காலையில் இருந்து வெயில் அடித்தாலும் மாலையில் பெய்த மழையால் சென்னை நகரமே குளிர்ச்சியாக மாறியது.
இந்நிலையில் சென்னையில் பல்வேறு பகுதிகளிலும் இன்று (10.8.2024) கனமழை பெய்தது. எழும்பூர், நுங்கம்பாக்கம், கோடம்பாக்கம் உள்ளிட்ட பகுதிகளிலும் மழை பெய்தது.