👉 கருப்புப் பணத்தை ஒழித்தாரா?
👉 ஆளுக்கு 15 லட்சம் ரூபாய் கொடுத்தாரா பிரதமர் மோடி?
இராமநாதபுரத்தில் முதலமைச்சர் மு.க. ஸ்டாலின் கேள்வியும் – எச்சரிக்கையும்!
ராமநாதபுரம், ஆக.18 பா.ஜனதா மீண்டும் ஆட்சிக்கு வந்தால் இந்தி யாவை யாராலும் காப்பாற்ற முடியாது என தி.மு.க. வாக்குச்சாவடி பொறுப் பாளர்கள் கூட்டத்தில் முதல்-அமைச் சர் மு.க.ஸ்டாலின் உறுதிபடத் தெரிவித்தார்.
தி.மு.க. தென்மண்டலத்தில் உள்ள 10 நாடாளுமன்ற தொகுதிகளுக்கான வாக்குச்சாவடி பொறுப்பாளர்கள் கூட்டம் நேற்று (17.8.2023) ராமநாத புரம் பேராவூரில் நடந்தது. தி.மு.க. மூத்த நிர்வாகிகள், அமைச்சர்கள், சட்டமன்ற, நாடாளுமன்ற உறுப்பி னர்கள் உள்பட ஏராளமானோர் கலந்துகொண்டனர்.
இந்த கூட்டத்தில் முதல்-அமைச்சர் மு.க.ஸ்டாலின் கலந்து கொண்டு பேசியதாவது:-
காப்பாற்ற முடியாது
நமக்கு எதிராக அவதூறு, பொய் பிரசாரம் செய்யும் சிறுநரிக்கூட்டம் ஒன்று செயல்பட்டு வருகிறது. சமூக ஊடகங்கள் சிறப்பான பரப்புரை களமாக மாறி உள்ளது. எனவே, அனைவரும் சமூக ஊடகங்களில் கணக்கு தொடங்க வேண்டும். அதனை முழுமையாக பயன்படுத்த வேண்டும்.
அ.தி.மு.க., பா.ஜ.க. செய்வதை போல பொய் பிரசாரம் செய்ய வேண்டாம். நமது சாதனைகளை மட்டும் சொன்னால் போதுமானது. நடக்க உள்ள நாடாளுமன்ற தேர்தலில் நமது கூட்டணி முழுமையாக வெற்றி பெற வேண்டும். தற்போது ஆட்சியில் உள்ள பா.ஜ.க. நாட்டை சின்னாபின்னமாக்கி விட்டது. மீண்டும் ஒரு முறை பா.ஜ.க. ஆட்சிக்கு வந்தால் இந்தியாவை யாரா லும் காப்பாற்ற முடியாது.பதவிக்கு வரும் முன் மோடி பல வாக்குறுதிகளை கொடுத்தார். அந்த வாக்குறுதிகளை நிறைவேற்றினாரா? நாட்டு மக்களுக்கு கொடுத்த வாக்குறுதியின்படி கருப்பு பணத்தை ஒழித்து ஆளுக்கு ரூ.15 லட்சம் கொடுத்தார்களா? ஆண்டுக்கு 2 கோடி பேருக்கு வேலை கொடுத்தாரா?
இதில் ராமநாதபுரத்தில் அவர் போட்டியிட போகிறார் என்கின்றனர். ராமேசுவரத்தை பன்னாட்டு சுற்றுலா தலமாக மாற்றுவோம் என்றார். பாதாள சாக்கடை பணிகளை தவிர எதுவும் நடக்கவில்லை. அதையும் அ.தி.மு.க. ஆட்சியில் முழுமையாக செய்யவில்லை. புயலால் அழிந்து போன ராமேசுவரம்-தனுஷ்கோடி ரயில் பாதை திட்டத்தை கொண்டு வருவோம் என்றார். இதுவரை எதுவும் நடக்கவில்லை. மோடி சுட்ட பல வடைகளில் இந்த வடையும் ஒன்று. மத்திய அமைச்சராக அருண்ஜெட்லி இருந்தபோது சொன்ன மதுரை எய்ம்ஸ் திட்டம் செங்கலுடன் நின்று விட்டது. 9 ஆண்டு கழித்து தற்போது தான் டெண்டர் விட்டுள்ளனர். இதுவும் நாடாளுமன்ற தேர்தலுக்கான நாடகமா? என்பது தெரியவில்லை.
பல ஆயிரம் கோடி ஜி.எஸ்.டி. வரியை தமிழ்நாட்டில் இடம் இருந்து பெறும் ஒன்றிய அரசுக்கு தனது நிதியில் இருந்து, மதுரையில் எய்ம்ஸ் கட்டித்தர மனமில்லை. பொதுப்பணித்துறை அமைச்சர் எ.வ.வேலு என்ன பேசினார் என்பதே தெரியாமல் ‘வாட்ஸ்அப்’பில் வந்த வெட்டி ஒட்டப்பட்ட தகவலை அப்படியே நாடாளுமன்றத்தில் பொறுப்பற்ற முறையில் பிரதமர் பேசி யுள்ளார். திராவிட நாடு கோரிக்கையை வலியுறுத்தியபோது எம்.ஜி.ஆர். தி.மு.க.வில்தான் இருந்தார். “அச்சம் என்பது மடமையடா… அஞ்சாமை திராவிடர் உடைமையடா…” என்று வாய் அசைத்து பாடியவர் எம்.ஜி.ஆர். வாட்ஸ்அப்பில் வரும் தகவல்கள் வரலாறு என நம்புவது பிரதமருக்கு அழகல்ல. சொந்த கட்சியில் ஆளில்லாததால் மாற்றுக்கட்சியினரை வைத்து தி.மு.க.வை விமர்சிக்கிறார். தலைவர் இல்லாமல் வெளியில் இருந்து கடன் வாங்கி கட்சி நடத்த வேண்டிய தேவை தி.மு.க. வுக்கு இல்லை.
இப்போதுதான் சகோதரி கனிமொழி கூறிய சிலப்பதிகாரத்தின் முன்னுரையை ஒன்றிய நிதி அமைச்சர் நிர்மலா சீதாராமன் படிக்க தொடங்கி இருப்பார் என்று தெரிகிறது. ஒன்றும் அவசரம் இல்லை. முழுமையாக படிக்க காலஅவகாசம் உண்டு. ஒன்றிய நிதி அமைச்சரிடம் கணவர் எழுதிய புத்தகத்தை மத்திய அமைச்சர்கள் அனைவரும் படிக்க வேண்டும். அந்த புத்தகத்தில், மீண்டும் பா.ஜ.க. ஆட்சிக்கு வந்தால் இந்தியாவை காப்பாற்ற முடியாது என கூறப்பட்டுள்ளது.
ஜெயலலிதாவின் சட்டமன்ற நாடகத்துக்கு நீலிக்கண்ணீர் வடிக்கும் ஒன்றிய நிதி அமைச்சர் மணிப்பூர் சம்பவத்துக்கு ஏன் பதில் அளிக்க மறுக்கிறார்? ஒன்றரை மணி நேரம் நாடாளுமன்றத்தில் பேசிய பிரதமருக்கு மணிப்பூர் ஞாபகத்துக்கு வரவில்லை. ஓரிரு வரியில் மணிப்பூரை கடந்து சென்றார்.
தமிழ்நாடு முன்னோடி
மக்கள் நலனில் அக்கறையில்லாத பிரதமர், உள்துறை அமைச்சர் தி.மு. க.வை விமர்சிக்கின்றனர். தமிழ்நாட்டில் பா.ஜ.க.வின் அடிமையாக இருப்பது எடப்பாடி பழனிசாமிதான். நாங்கள் மாநில கட்சிதான். ஆனால் அனைத்து மாநில மக்களின் நலனுக்காக குரல் கொடுக்கும் ஒரே கட்சி தி.மு.க.தான். மக்கள் உரிமைகளை ஓங்கி ஒலித்து, நாடாளுமன்றத்தில் தி.மு.க. எம்.பி.க்கள் குரல் கொடுத்து வருகின்றனர். நம்மை பின்பற்றி பிற மாநில நாடாளுமன்ற உறுப்பினர்கள் தைரியமாக பேசுவது ஒன்றிய அரசுக்கு கோபத்தை உண்டு பண்ணுகிறது.
மக்களாட்சிக்கு தமிழ் நாடு முன் னோடியாக இருந்து 40 தொகுதிகளிலும் தி.மு.க. வெற்றி பெறும். இவ்வாறு அவர் பேசினார்.
