16.3.2024
டெக்கான் கிரானிக்கல், சென்னை:
♦ மோடி பேசிய கன்னியாகுமரி கூட்டத்தில் பாஜகவிற்கு வெடித்த சிக்கல்; காங்கிரசில் இருந்து பாஜகவிற்கு தாவிய விஜயதரணியை ஓரம் கட்டும் பொன் ராதாகிருஷ்ணன்.
டெக்கான் கிரானிக்கல்,அய்தராபாத்:
♦தேர்தல் பத்திர எண்களை வெளியிடாதது ஏன்? எஸ்பிஅய்க்கு உச்சநீதிமன்றம் கடும் கண்டனம்: திங்கள் கிழமைக்குள் பதில் அளிக்க உத்தரவு
♦ 18,871 தேர்தல் பத்திரங்களின் விவரங்களை மட்டுமே ஸ்டேட் பாங்க் அளித்துள்ளது. மீதம் 3,346 பத்திரங்கள் விவரங்கள் வங்கியின் பைல்களில் காணாமல் மாயம்.
இந்தியன் எக்ஸ்பிரஸ்:
♦ பெரிய நிறுவனங்களை மிரட்டி பணம் பறித்துள்ளது பாஜக. – அக்கட்சியின் வங்கிக் கணக்கை முடக்கி, உரிய விசாரணையை உச்ச நீதிமன்றம் நடத்த வேண்டும் என கார்கே பேச்சு.
நியூ இந்தியன் எக்ஸ்பிரஸ்:
♦”பாஜக அமைப்பிற்குள் தேவைப்படும் இரண்டு சதவீத கமிஷனை கட்சியைத் தவிர வேறு யாருக்கும் பணம் கொடுக்க வேண்டாம்.” குஜராத்தின் ஜலால்பூரைச் சேர்ந்த பாஜக சட்டமன்ற உறுப்பினர் ரமேஷ்பாய் சோட்டு பாய் படேல் பேச்சால் பரபரப்பு. காங்கிரஸ் கடுமையான விமர்சனம்.
♦ கல்லூரிகளின் முதல்வர்கள் தங்கள் மாணவர்களின் வாக்காளர் அடையாள எண் விவரங்களை சேகரிக்குமாறு கேட்டுக்கொண்ட தமிழ்நாடு ஆசிரியர் கல்வியியல் பல்கலைக்கழகத்தின் (ஜிழிஜிணிஹி) சுற்றறிக்கை சர்ச்சையை ஏற்படுத்தியுள்ளது. ஆளுநர் மாளிகையின் வாய்மொழி உத்தரவுதான் காரணம் என்றும் விளக்கம்.
தி இந்து:
♦ அதானி குழுமத்தின் நிறுவனர் கவுதம் அதானியின் நடத்தை மற்றும் நிறுவனம் லஞ்சத்தில் ஈடுபட்டுள்ளதா என்பதில் கவனம் செலுத்த அமெரிக்கா அதன் விசார ணையை விரிவுபடுத்தியுள்ளது என்று ப்ளூம்பெர்க் நியூஸ் செய்தி வெளியிட்டுள்ளது.
தி டெலிகிராப்:
♦ ராகுல்காந்தியின் நடைப்பயணம் மும்பையில் நாளை நிறைவடைகிறது. இதில் தமிழ்நாடு முதலமைச்சர் மு.க.ஸ்டாலின், சமாஜ்வாடி கட்சி தலைவர் அகிலேஷ் உள்பட “இந்தியா” கூட்டணி தலைவர்கள் பங்கேற்கிறார்கள்
டைம்ஸ் ஆப் இந்தியா:
♦ ஜனநாயக சீர்திருத்த சங்கம் பெற்ற தரவுகளின்படி2017-2018இல் தேர்தல் பத்திரங்கள் அறிமுகப்படுத்தப்பட்டதில் இருந்து, மொத்த நிதியில் கிட்டத்தட்ட 50% தேர்தல் பத்திரங்களிலிருந்து பாஜக பெற்றுள்ளது. அதாவது பத்திரங்கள் மூலம் பாஜகவுக்கு ரூ.7,700 கோடி கிடைத்துள்ளது.
– குடந்தை கருணா
