சென்னை, டிச.28 – மார்க்சிஸ்ட் கம்யூனிஸ்டு கட்சியின் மாநில செயலாளர் கே.பாலகிருஷ்ணன் வெளியிட்டுள்ள அறிக்கையில் கூறியிருப்பதாவது:-
சென்னை, காஞ்சிபுரம், திருவள் ளூர், செங்கல்பட்டு மாவட்டங்கள் மற்றும் தென் மாவட்டங்கள் மிக கனமழையால் கடுமையாக பாதிக்கப் பட்டன.
மக்கள் அனைத்தையும் இழந்து ஆதரவற்ற நிலையில் தவித்துக் கொண்டிருக்கும்போது தமிழ்நாடு அரசின் நிவாரணப் பணிகள் மற்றும் வழங்கி வரும் நிவாரணத் தொகைகள் ஓரளவு ஆறுதலை தருகின்றன.
தமிழ்நாடு முதலமைச்சர் புயல் மற்றும் வெள்ள நிவாரணத்திற்கு 21 ஆயிரம் கோடி ரூபாய் நிவாரண நிதி வழங்கிட வேண்டுமென்று பிரதமரை சந்தித்து நேரில் வற்புறுத்தியபோதும், இதுவரை ஒரு ரூபாய் கூட நிவாரணம் வழங்காதது ஒன்றிய அரசின் பழி வாங்கும் போக்கை காட்டுகிறது.
தமிழ்நாடு அரசு கேட்ட நிவாரண நிதியை உடன டியாக வழங்கிட வலியுறுத்தி மார்க்சிஸ்ட் கம்யூனிஸ்டு கட்சி சார்பில் ஜனவரி 3ஆம் தேதி சென்னையில் சாஸ்திரி பவனை முற்றுகையிடும் போராட்டம் நடை பெறும்.
-இவ்வாறு அதில் கூறப்பட்டுள்ளது.
