மனித செயல்பாடுகளால் உருவாகும் சத்தம், டால்பின்கள் ஒன்றுக்கொன்று தொடர்புகொள்வதையும் ஒருங்கி ணைப்பதையும் கடினமாக்குகிறது என்று ஒரு புதிய ஆய்வு கண்டறிந்துள்ளது. நீருக்கடியில் சத்தம் அதிகரிக்கும் போது, இந்த பாலூட்டிகள் ஒன்றுக்கொன்று கத்த வேண்டி உள்ளது, என்று அது மேலும் கூறியது.
கரண்ட் பயாலஜி இதழில் வெளியிடப் பட்ட சமீபத்திய ஆய்வு, மானுடவியல் இரைச்சல் பாட்டில்நோஸ் டால்பின்கள் தங்களுக்குள் ஏற்படுத்தும் ஒலி அலைகளைப் பாதித்து அவைகள் ஒன்றை ஒன்று இணைவதைக் குறைக்கிறது’ என்று பெர்னில் எம் சோரன்சென் (பிரிஸ்டல் பல்கலைக்கழகம், லண்டன்), அப்பி ஹாடாக் (டால்பின் ஆராய்ச்சி மையம், புளோரிடா) மற்றும் பல ஆராய்ச்சிகள் எழுதியுள்ளனர்.
டால்பின்கள் சமூக பாலூட்டிகளாகும், அவை சத்தம், விசில் மற்றும் கிளிக்குகள் மூலம் தொடர்பு கொள்கின்றன. உணவு மற்றும் பிற பொருட்களைக் கண்டறிய அவை எதிரொலி இருப்பிடத்தையும் பயன்படுத்துகின்றன. எனவே, பெரிய வணிகக் கப்பல்கள், இராணுவ சோனார்கள் அல்லது டிரில்லிங் போன்றவற்றில் இருந்து வரும் மானுடவியல் இரைச்சல் அவர்களின் நல்வாழ்வை கடுமையாக பாதிக்கும். இதனை உறுதிசெய்ய, ஆராய்ச்சியாளர்கள் டெல்டா மற்றும் ரீஸ் என்ற இரண்டு டால்பின்களை ஒரு சோதனைக் குளத்தில் வைத்தனர். நீருக்கடியில் இரு முனைகளிலும் உள்ள பொத்தான்களை ஒவ்வொன்றும் ஒரு வினாடிக்குள் அழுத்து வதற்கு அதற்கு பயிற்சி அளித்தனர். இரண்டு டால்பின்களும் அவற்றின் ஒலி மற்றும் இயக்கத்தை ஆவணப்படுத்தும் ரெக்கார்டிங் பட்டைகளை அணிந்திருந்தன.
ஒவ்வொரு சோதனையின் போதும் டெல்டாவும் ரீஸ்ஸும் ஒரு தொடக்கப் புள்ளியிலிருந்து விடுவிக்கப்பட்டன, மேலும் சில சோதனைகளில் ஒரு டால்பின் அய்ந்து முதல் 10 வினாடிகள் வரை நிறுத்தப்பட்டது, மற்றொன்று உடனடியாக விடுவிக்கப்பட்டது. விடுவிப்பது தாமதமாகும் போது, பொத்தானை அழுத்துவதை ஒருங்கிணைக்க டால் பின்கள் குரல் தொடர்புகளை மட்டுமே சார்ந்திருக்க வேண்டும்.
ஆராய்ச்சியாளர்கள் இதுபோன்ற சுமார் 200 சோதனைகளை நடத்தினர் மற்றும் சோதனைக் குளத்தில் வெவ்வேறு ஒலி சூழல்களை உருவாக்க நீருக்கடியில் ஒலிப் பெருக்கிகளைப் பயன்படுத்தினர்.
நீருக்கடியில் சத்தம் அதிகமாக இருந்ததால், இரண்டு டால்பின்களும் தொடர்புகொள்வதற்கும் ஒன்றாக வேலை செய்வதற்கும் தங்கள் நடத்தையை மாற்றிக்கொண்டது கண்டறியப்பட்டது.
சத்தத்தை அதிகரிப்பது மற்றும் அவர்களின் அழைப்புகளின் நீளத்தை அதிகரிப்பது மட்டுமல்லாமல், அவை தங்கள் உடல் மொழியையும் மாற்றிக் கொண்டன – தங்கள் உடலை எதிரெதிரே திருப்பி, ஒன்றுக்கொன்று நெருக்கமாக இருக்க குளத்தின் குறுக்கே நீந்தின.
ஆய்வின்படி இரைச்சல் பின்னணியை ஈடுகட்ட இந்த முயற்சிகள் மேற்கொள்ளப்பட்ட போதிலும், டால்பின்கள் பணியில் குறைவான வெற்றியைப் பெற்றதாக ஆராய்ச்சி யாளர்கள் குறிப்பிட்டனர்.
டால்பின்கள் படகுகளைக் கடக்கும் போது, அவற்றின் நடத்தையை மாற்றிக்கொள்கின்றன என்பதை முந்தைய ஆய்வுகள் நிரூபித்துள்ளன, ஆனால், மானுடவியல் சத்தம் இந்த நீர்வாழ் உயிரினங்களின் ஒருங்கி ணைப்பை எவ்வாறு பாதிக்கும் என்பதை யாரும் கவனிக்கவில்லை.கடல் விலங்குகள் பயணிக்கவும், உணவைக் கண்டுபிடிக்கவும், தங்களைப் பாதுகாத்துக் கொள்ளவும் ஒலியைப் பயன்படுத்துகின்றன. ஒலி காற்றை விட தண்ணீரில் வேகமாகப் பயணிப்பதால், இது ஒரு முக்கியமான தகவல்தொடர்பு முறையை உருவாக்குகிறது, ஏனெனில் இது நிறைய தகவல்களை விரைவாகவும் நீண்ட தூரத்திற்கும் தெரிவிக்கும்.
துணையை ஈர்ப்பது, காதலிப்பது மற்றும் துணையைத் தேர்ந்தெடுப்பது உள்ளிட்ட இனப்பெருக்க நடவடிக்கைகளின் போது மீன் இனங்கள் ஒலிகளை நம்பியிருப்பதாக விஞ்ஞானிகள் நம்புகின்றனர்.
இருப்பினும், பல ஆய்வுகள் மற்றும் சம்பவங்கள் டிரில்லிங், வணிகக் கப்பல்கள் மற்றும் இராணுவ நடவடிக்கைகளால் ஏற்படும் ஒலிகள், கடல்வாழ் உயிரினங்களுக்கு இடையூறு விளைவிக்கும் என்பதைக் காட்டுகின்றன. 2020 ஆம் ஆண்டில், ஆஸ்திரேலியாவில், சுமார் 200 திமிங்கலங்கள் டாஸ்மேனியாவின் மேற்கு கடற்கரையில் இறந்து கிடந்தன. பெருங்கடல்களில் ஏற்படும் ஒலி மாசுபாட்டுடன் இது இணைக் கப்பட்டுள்ளன என்று ஆராய்ச்சியாளர்கள் தெரிவிக்கின்றனர்.
மேரிலாந்து பல்கலைக்கழக ஆராய்ச்சியாளர்கள் 2018 ஆம் ஆண்டு நடத்திய ஆய்வில், அதிகமான சுற்றுப்புற ஒலி இருக்கும்போது, பெரும்பாலும் படகுகள் மற்றும் கப்பல்கள் கடந்து செல்லும் போது, டால்பின்கள் அதிக அதிர்வெண்களுக்கு மாறி, அவற்றின் விசில்களை நெறிபடுத்துகின்றன என்று விஷீஸீரீணீதீணீஹ் வெளியிட்ட அறிக்கை தெரிவிக்கிறது.
கங்கை மற்றும் பிரம்மபுத்திரா நதி அமைப்புகளில் சுமார் 50 சுற்றுலா மற்றும் பாரம்பரிய தளங்களில் நிறுத்தப்படும் விக்ஷி கங்கா விலாஸ் கப்பல் கங்கை நதி டால்பின்களின் வாழ்விடத்தை கடுமையாக சேதப்படுத்தும் என்று சமீபத்தில் தி கார்டியன் தெரிவித்துள்ளது, இது ஏற்கனவே நீர் மாசுபாடு மற்றும் வேட்டையாடுதல் உட்பட பல அச்சுறுத்தல்களை எதிர்கொள்கிறது.
இதுதொடர்பாக நாளிதழ் ஒன்றில் பேசுகையில், சுற்றுச்சூழல் ஆர்வலர்கள் மற்றும் பாதுகாவலர்கள் இந்த டால்பின்கள் “கிட்டத்தட்ட பார்வையில்லாதவை” மற்றும் பயண சுற்றுலாவின் அதிகரிப்பு அவற்றின் அழிவுக்கு வழிவகுக்கும் என்று சுட்டிக்காட்டினர்.
