சென்னை, பிப். 18- சென்னையின் முன்னணி கட்டுமான நிறுவனமாகிய டேக் டெவலப்பர்ஸ் சென்னை, சோழிங்க நல்லூரில் அதன் 101-ஆவது அடுக்குமாடிக் குடியிருப்புத் திட்டமான ‘டேக் பிரத்யங்கிரா’-வின் திட்டத்தின் அறிமுக விழாவை அண்மையில் சென்னையில் நடத்தியது. இதனையொட்டி மாற்றத்தை முன்னெடுத்துச் செல்லும் வகையில் புதிய லோகோவையும் வெளியிட்டது.
இதுகுறித்து நிறுவனத்தின் மேலாண் இயக்குநர் டாக்டர் எஸ். சதீஷ்குமார் கூறியிருப்பதாவது: “எங்கள் கட்டுமானத் திட்டங்களை நாங்களே வடிவமைத்து, செம்மைப்படுத்துவதன் மூலம் கட்டுமானத் துறையில் ஒரு முன்னோடி நிறுவனமாக உயரும் லட்சியத்தை புத்தம்-புதிய லோகோவின் திறன் பிரதிபலிக்கிறது. எங்கள் வாடிக்கையாளர்களின் தேவை களைப் பூர்த்தி செய்து, திருப்தி ஏற்படுத்துவதற்காக சிறந்த, தரமான சேவையை வழங்க முயற்சிப்போம் என அவர் தெரிவித்துள்ளார்.
