விவசாயத்துக்கு மும்முனை மின்சாரம் வழங்கப்படும் நேரம் அறிவிப்பு

சென்னை, மார்ச் 7 தமிழ்நாட்டில் விவசாயத்துக்கு வழங்கப்படும் மும்முனை மின்சாரம் டெல்டா மற்றும் டெல்டா அல்லாத மாவட்டங்களில் வழங்கப்படும் நேரம் குறித்து மின்வாரியம் சுற்றறிக்கை வெளியிட்டுள்ளது. டெல்டா மாவட்டங்களில் குரூப்-1, குரூப்-2 என இரு பிரிவுகளாகப் பிரிக்கப்பட்டு மும்முனை மின்சாரம் வழங்கப்பட உள்ளது. இதன்படி, குரூப் 1, குரூப் 2 பிரிவில் இரண்டு பகுதிகளுக்கும் காலை நேரத்தில் 8.30 மணியில் இருந்து பிற்பகல் 2.30 மணி வரை 6 மணி நேரம் மும்முனை மின்சாரம் வழங்கப்படும். இதேபோல், இரவு நேரத்தில் குரூப் 1 பகுதிக்கு நள்ளிரவு 12 மணி முதல் காலை 6 மணி வரையிலும், குரூப் 2 பகுதிக்கு இரவு 11 மணியில் இருந்து அதிகாலை 5 மணி வரையிலும் மும் முனை மின்சாரம் வழங்கப்படும். மேலும், டெல்டா அல் லாத மாவட்டங்களில் குரூப்-1 பகுதிக்கு காலை 9 மணியில் இருந்து பிற்பகல் 3 மணி வரை, இரவு நேரத்தில் 10 மணியில் இருந்து அதிகாலை 4 மணி வரை மும்முனை மின்சாரம் வழங்கப்படும். குரூப்-2 பகுதிக்கு பகல் நேரத்தில் காலை 9.30 மணியில் இருந்து பிற்பகல் 3.30 மணி வரை, இரவு நேரத்தில் 10 மணியில் இருந்து அதி காலை 4 மணி வரை மும்முனை மின்சாரம் வழங்கப்படும். இவ்வாறு சுற்றறிக்கையில் தெரிவிக்கப்பட்டுள்ளது.