சேலம் சூரமங்கலம் பகுதி திமுக அவைத்தலைவர் சேலம் மாவட்ட திமுக இலக்கிய அணி தலைவர் வீர பழனியப்பன் (வயது 86) அவர்கள் இன்று (2.3.2026) காலை 4:00 மணியளவில் மாரடைப்பு காரணமாக இயற்கை அடைந்தார் என்பதை அறிவிக்க வருந்துகிறோம். அவருக்கு சேலம் மாவட்ட திராவிடர் கழகத்தின் சார்பாக மாவட்ட தலைவர் வீரமணி ராஜு, மாவட்ட செயலாளர் மூணாங்கரடு பெ.சரவணன், மேனாள் மாவட்ட தலைவர் அ.ச.இளவழகன், அயோத்தியபட்டினம் ஒன்றிய கழகத் தலைவர் டாக்டர் ராஜேந்திரன், வீரபாண்டி ஒன்றிய கழகத் தலைவர் ஆட்டையாம்பட்டி காளியப்பன், சேலம் மாவட்ட இளைஞரணி செயலாளர் துரை சக்திவேல் சூரமங்கலம் பகுதி கழக தலைவர் பழ பரமசிவம் பேங்க் ராஜு அனைவரும் வீரவணக்கம் செலுத்தினோம் அவர் குடும்பத்தார் மகன்கள் சிவக்குமார் பாரதி நேசன் மகள் பூங்குழலி அவரை கவனித்துக் கொண்டிருந்த எஸ்.பி.பானு அவர்களுக்கு ஆறுதல் தெரிவித்து வந்தனர்.
கடந்த 6.2.2026 அன்று சேலத்தில் ஆசிரியர் அவர்களின் தொடர் பரப்புரை கூட்டத்தில் கலந்து கொண்டு பெரியார் உலகத்திற்கு ரூபாய் 1,00,000/- நிதி வழங்கியவர் இவர் என்பது குறிப்பிடத்தக்கது.
