‘ஏகலைவா மாதிரி உறைவிடப் பள்ளி’கள் என்பவை (‘EMRS’ – Eklavya Model Residential Schools) பழங்குடியினர் மாணவர்களுக்கு, குறிப்பாக தொலை தூரம் மற்றும் பின் தங்கிய பகுதிகளில் வாழும் குழந்தைகளுக்குத் தரமான கல்வி வழங்க உருவாக்கப்பட்ட ஒன்றிய அரசின் உறைவிடப் பள்ளிகள் ஆகும். ஒன்றிய பழங்குடியினர் நல அமைச்சகத்தால் இப்பள்ளிகள் நடத்தப்படுகின்றன. ஆறாம் வகுப்பு முதல் 12ஆம் வகுப்பு வரை உள்ள பள்ளிகள் இவை.
பழங்குடி மக்கள் தொகை அதிகமாக உள்ள பகுதிகளில் நடத்தப்படுகின்றன.
சி.பி.எஸ்.இ. பாடத் திட்டத்தின் அடிப்படையில் நடத்தப்படுகிறது. முழுமையான இலவச வசதிகள் ஏற்பாடு செய்யப்பட்டுள்ளன.இதில் சேர்வதற்கு நுழைவுத் தேர்வு உண்டு.
‘ஏகலைவா மாதிரி குடியிருப்புப் பள்ளி’களில் (EMRS – Eklavya Model Residential Schools) காலியாக உள்ள செவிலியர் (Staff Nurse) பணியிடங்களுக்கான தேர்வு முடிவுகளை ஒன்றிய அரசு ஜனவரி 31, 2026 அன்று அதிகாரப்பூர்வமாக வெளியிட்டுள்ளது.
இந்தத் தேர்வு முடிவுகளில் ‘உயர்ஜாதி ஏழைப் பார்ப்பனர்கள் (EWS)’ தேர்வு எழுதி இருந்தாலே போதும் என்பது போல் அவர்களின் கட்-ஆஃப் மதிப்பெண் பெரும் அதிர்ச்சியை ஏற்படுத்தியுள்ளது.
வெளியாகியுள்ள அதிகாரப்பூர்வ தகவல்களின்படி, ஏழைப் பார்ப்பனர்களுக்கு கட்-ஆஃப் மதிப்பெண்: -13.333 (Minus 13.333) என நிர்ணயிக்கப்பட்டுள்ளது. கல்வித் தகுதி மற்றும் நிபந்தனைகள்:
இப்பணிக்கு விண்ணப்பிக்க விரும்புவோர் பின்வரும் தகுதிகளைப் பெற்றிருக்க வேண்டும்:
கல்வி: பி.எஸ்சி நர்சிங் (B.Sc. Nursing) அல்லது அதற்கு இணையான படிப்பை முடித்திருக்க வேண்டும்.
பதிவு: மாநில செவிலியர் கவுன்சிலில் பதிவு செய்திருக்க வேண்டும்.
அனுபவம்: குறைந்தது 50 படுக்கைகள் கொண்ட மருத்துவமனையில் இரண்டரை ஆண்டுகள் பணியாற்றிய அனுபவம் அவசியம்.
வயது வரம்பு: 35 வயதிற்கு உட்பட்டவராக இருக்க வேண்டும் (அரசு விதிமுறைப்படி வயது தளர்வுகள் உண்டு).
விண்ணப்ப விவரங்கள்: 2025-ஆம் ஆண்டிற்கான விண்ணப்பப் பதிவு செப்டம்பர் மற்றும் அக்டோபர் மாதங்களில் emrs.tribal.gov.in என்ற இணையதளம் வாயிலாக நடைபெற்று முடிந்துவிட்டது. அடுத்தகட்டப் பணி நியமனச் சுழற்சிகள் மற்றும் புதிய அறிவிப்புகளைத் தெரிந்துகொள்ள விண்ணப்பதாரர்கள் அவ்வப்போது அதிகாரப்பூர்வ இணையதளத்தைப் பார்வையிட அறிவுறுத்தப்படுகிறார்கள்.
The EMRS Staff Nurse EWS cutoff of -13.333 is verified from official NESTS results released Jan 31, 2026 (sources: adda247, careerpower, TOI).
Eligibility: http://B.Sc. Nursing or equiv., registered with State Nursing Council, 2.5 yrs exp. in 50-bed hospital, age 35 (relaxations apply).
Application: Closed for 2025 (Sep-Oct 2025 via http://emrs.tribal.gov.in). Check site for future cycles.
இதில் குறிப்பிடத்தக்கதும், அதிர்ச்சியூட்டக் கூடியதும் என்னவெனில், இந்தப் பெண் செவிலியர் பணி நியமனத்திற்கான நுழைவுத் தேர்வில் பொருளாதாரத்தில் நலிந்த உயர்ஜாதிப் பெண்களுக்கான கட் ஆஃப் மதிப்பெண் மைனஸ் 13.333 என்று நிர்ணயிக்கப்பட்டுள்ளது.
பொதுப் பிரிவுக்கான கட் ஆஃப் மதிப்பெண் 13.667; இதர பிற்படுத்தப்பட்டோருக்கான கட் ஆஃப் மதிப்பெண் 4.667; தாழ்த்தப்பட்டோருக்கான கட்ஆஃப் மதிப்பெண் 7.333; பழங்குடியினருக்கான கட்ஆஃப் மதிப்பெண்கள் 10.
பழங்குடியினர் வளர்ச்சிக்காக உருவாக்கப்பட்ட பள்ளிகளில் பழங்குடியினர்களைவிட உயர்ஜாதி ஏழைகளுக்குக் கட்ஆஃப் மார்க் குறைவு என்பது எத்தகைய கொடூரமான பார்ப்பன மோசடி!
இந்த சமூக அநீதியை என்னவென்று சொல்லுவது?
‘நுழைவுத் தேர்வு’ என்பதும் ‘EWS’ என்பதும் எல்லாம் சமூக அநீதிக்கான கட்டுமானங்கள் என்பது நன்றாகவே புரிகிறதல்லவா!
