வெட்டிக்காடு – பெரியார் மெட்ரிகுலேஷன் பள்ளியில் பொங்கல் விழா

13.01.2026 அன்று காலை சரியாக பத்து மணி அளவில் பள்ளி முதல்வர், ஆசிரியர்கள் மற்றும் அனைத்து பணியாளர்களும் இணைந்து பொங்கல் வைக்க சிறப்பாக பொங்கல் விழா ஏற்பாடுகள் நடைபெற்றன. பொங்கல் வைத்து மதியம் 12.30 மணியளவில் அனைத்து மாணவர்களுக்கும் மதிய உணவாக பொங்கல் வழங்கப்பட்டது. ஒரு சில மாணவ பெற்றோர்களும் பொங்கல் விழாவில் கலந்து கொண்டனர். மாணவர்கள் சிலம்பாட்டம், கிராமிய நடனம் போன்ற கலை நிகழ்ச்சிகள் மூலம் அனைவரையும் மகிழ்வித்தனர். தமிழர் திருநாளின் பெருமையையும் அதன் முக்கியத்துவத்தையும் முதல்வர் மாணவர்களுக்கு எடுத்துக் கூறி அனைவருக்கும் தமது பொங்கல் வாழ்த்துகளை தெரிவித்தார். மாணவர்களும் தமது வாழ்த்துகளை பகிர்ந்து கொண்டனர். மதியம் 2.30 மணி அளவில் பொங்கல் விழா இனிதே நிறைவடைந்தது.