சுயமரியாதை இயக்க நூற்றாண்டு நிறைவு விழா – மாநாட்டிற்கு சென்ற தமிழர் தலைவருக்கு மும்பை விமான நிலையத்தில் உற்சாக வரவேற்பு

மும்பையில் இன்று (3.1.2026) தொடங்கவுள்ள இரண்டு நாள் சுயமரியாதை இயக்க  நூற்றாண்டு நிறைவு  விழா  –  மாநாட்டுக்காக, மும்பை சத்ரபதி சிவாஜி பன்னாட்டு விமான நிலையத்தில் காலை 11:00 மணிக்கு தமிழர் தலைவர் ஆசிரியர் கி.வீரமணி அவர்கள் வருகை தந்தார். கழகத் தலைவருக்கு மாநாட்டுப் பொறுப்பாளர்கள், முக்கிய பிரமுகர்கள் பயனாடை அணிவித்தனர்.  மும்பை திராவிடர் கழகத் தலைவர் பெ.கணேசன் மற்றும் மும்பை பகுத்தறிவாளர் கழகத் தலைவர் அ.இரவிச்சந்திரன் ஆகியோர் தலைமையில், லெமூரியா அறக்கட்டளை நிறுவனர் – மும்பை சு.குமணராசன், மும்பை  கழகத் துணைத் தலைவர் இ.அந்தோணி, மும்பை  கழகச் செயலாளர் ஜெ.வில்சன், சோ.ஆசைத்தம்பி, சிவக்குமார் சுந்தர்ராஜன், தமிழ்நாடு பகுத்தறிவாளர் கழகத் தலைவர் இரா.தமிழ்ச்செல்வன்,  கழகத் தகவல் தொழில்நுட்பக் குழு மாநில ஒருங்கிணைப்பாளர் வி.சி.வில்வம், மா.தயாளன், மாறன் ஆரிய சங்காரன், பெரியார் பாலா, மும்பை புறநகர் தி.மு.க. பொறுப்புக் குழுத் தலைவர் அலிசேக் மீரான், மும்பை தி.மு.க. பொறுப்புக் குழுத் தலைவர் மா.சேசுராசு, கவிஞர் வ.இரா.தமிழ் நேசன், இளங்கோ அப்பாதுரை, ஆரே காலனி பாண்டு, ஆ.கண்ணன், மு.கணேசன், காரை கரு.ரவீந்திரன், பூ.சு.அழகுராஜா, கி.அறிவுமலர் ஆகியோர் கலந்து கொண்டு சிறப்பித்தனர்.  கழகத் துணைப் பொதுச் செயலாளர் ச.பிரின்சு என்னாரெசு பெரியார் உடன் வருகை தந்தார்.