கள்ளக்குறிச்சி: முதலமைச்சர் மு.க.ஸ்டாலின் உரை!

‘திராவிட மாடல்’ அரசு – மக்கள் போற்றும் சாதனைத் திட்டங்களின் அரசு!
தி.மு.க. இருக்கும் வரை தமிழ்நாட்டில்
பா.ஜ.க.வின் மதவாத அரசியல் எடுபடாது!

கள்ளக்குறிச்சி, டிச.27– ‘‘சிறப்புக் கவனம் செலுத்தப்படும் கள்ளக்குறிச்சி மாவட்டத்திற்கு 8 புதிய அறிவிப்புகள்’’ என்றும் ‘‘திராவிட மாடல் அரசு மக்கள் போற்றும் சாதனைத் திட்டங்களின் அரசு’’ என்றும், தி.மு.க. இருக்கும் வரை தமிழ்நாட்டில் பா.ஜ.க.வின் மதவாத அரசியல் எடுபடாது என்றும் கள்ளக்குறிச்சி அரசு விழாவில் அடுக்கடுக்கான ஆதாரங்களைச் சுட்டிக் காட்டி உரையாற்றிய முதலமைச்சர் மு.க. ஸ்டாலின் குறிப்பிட்டார்.

முதலமைச்சர் மு.க.ஸ்டாலின் நேற்று(26.12.2025) கள்ளக்குறிச்சி மாவட்ட அரசு விழாவில் முடிவுற்ற பணிகளை திறந்து வைத்து, புதிய திட்டப் பணிகளுக்கு அடிக்கல் நாட்டி, பயனாளிகளுக்கு நலத்திட்ட உதவி களை வழங்கி ஆற்றிய உரை வருமாறு:–

உங்களால் தமிழ்நாட்டின் முதலமைச்சராக ஆகியி ருக்கக்கூடிய நான் உங்கள் ஸ்டாலினாக உங்களை சந்திக்க வந்திருக்கிறேன். கள்ளக்குறிச்சி மாவட்ட அரசு நலத்திட்ட விழாவில் கலந்துகொண்டு உங்களை எல்லாம் சந்திப்பதில் நான் மிகுந்த மகிழ்ச்சி அடைகிறேன்; பெருமைப்படுகிறேன்.

செயல்வீரர் அமைச்சர்  எ.வ. வேலு அவர்களை பாராட்டுகிறேன்; வாழ்த்துகிறேன்

உங்கள் மாவட்டத்திற்கான புதிய ஆட்சியர் கட்டடத் திறப்பு விழா; உள்ளிட்ட 341 கோடியே 77 இலட்சம் ரூபாய் மதிப்பீட்டில், 2 ஆயிரத்து 559 முடி வுற்ற பணிகளை திறந்து வைத்தும், 386 கோடியே 48 இலட்சம் ரூபாய் மதிப்பீட்டில், 62 புதிய திட்டப் பணிகளுக்கு அடிக்கல் நாட்டியும், பல்வேறு துறைகளின் சார்பில், மொத்தம் 2 இலட்சத்து 16 ஆயிரத்து 56 பயனாளிகளுக்கு ஆயிரத்து 45 கோடி ரூபாய் மதிப்பீட்டி லான நலத்திட்ட உதவிகள் வழங்குதல் என்று இந்த விழா ஒரு முப்பெரும் விழாவாக, மிக பிரமாண்டமாக ஏற்பாடு செய்திருக்கின்ற இந்த மாவட்டத்தின் பொறுப்பு அமைச்சர் செயல்வீரர் எ.வ. வேலு அவர்களை பாராட்டுகிறேன்; வாழ்த்துகிறேன். எந்த வேலையை வழங்கினாலும், அதை 100 சதவிகிதமல்ல, அதை 200 சதவிகிதம் சிறப்பாக செய்யக்கூடியவர். அவரைப் பொறுத்தவரைக்கும், ஒரு கண்ணில் வெண்ணெய் – மற்றொரு கண்ணில் சுண்ணாம்பு என்று வேறுபாடு காட்டாமல், அவருடைய திருவண்ணா மலை மாவட்டத்தைப் போலவே, இந்த கள்ளக்குறிச்சி மாவட்ட வளர்ச்சியிலும் அக்கறை காட்டக் கூடியவர்.

அவருக்குத் துணையாக இருக்கக்கூடிய சட்டமன்ற உறுப்பினர்கள் – வசந்தம் கார்த்திகேயன், உதயசூரியன் – அதேபோல, சிறப்பாக செயல்படக்கூடிய மாவட்ட ஆட்சியர் பிரசாந்த், கள்ளக்குறிச்சி மாவட்ட அரசு அதிகாரிகள் ஆகிய அத்தனை பேருக்கும் என்னுடைய பாராட்டுகள்! வாழ்த்துகள்!

மக்களை நேரில் சந்திக்கும்
திறன் கொண்ட அரசு இந்த அரசு!

‘திராவிட மாடல்’ அரசு என்பது சாதனைத் திட்டங்க ளின் அரசு. சிலர் வாயிலேயே வடை சுடுகிறார்களே, அவர்களைப் போல இந்த அரசு அல்ல. மக்களுக்கு நேரடியாக பயன் தரக்கூடிய திட்டங்களை நிறைவேற்றி, மக்களை நேரடியாகச் சந்திக்கின்ற திறன்கொண்ட அரசு, இந்த அரசு.

நம்முடைய அரசு கடந்த நான்கு ஆண்டுகளில், நம்முடைய ‘திராவிட மாடல்’ ஆட்சியில், கள்ளக்குறிச்சி மாவட்டத்தில், நிறைவேற்றப்பட்ட திட்டங்கள் நிறைய இருக்கின்றது.

அவை தவிர, தற்போது பணிகள் நடைபெற்று விரைவில் தொடங்கப்படவுள்ள திட்டங்களும் நிறைய இருக்கின்றன.

ஒட்டுமொத்த இந்திய மாநிலங்களும் நம்மைப் பார்த்து, பின்பற்றி வரும் கலைஞர் மகளிர் உரிமை திட்டம் – அந்தத் திட்டத்தின்கீழ், இந்த மாவட்டத்தைப் பொறுத்தவரைக்கும், 3 இலட்சத்து 18 ஆயிரத்து 376 சகோதரிகளுக்கு மாதந்தோறும் ஆயிரம் ரூபாய் வழங்கிக் கொண்டு வருகிறோம்.

அதேபோல, முதலமைச்சரின் காலை உணவுத் திட்டத்தில், கள்ளக்குறிச்சி மாவட்டத்தில் இருக்கின்ற 741 பள்ளிகளைச் சேர்ந்த 45 ஆயிரத்து 973 மாணவ கண்மணிகள் ஊட்டச்சத்து மிக்க காலை உணவை உண்டு, பசியின் மயக்கமே தெரியாமல் தெம்பாக படிக்கிறார்கள்.

பெண்கள் உயர்கல்வி பெறுவதை
உறுதி செய்கின்ற புதுமைப்பெண் திட்டம்

புதிய திட்டமாக அறிமுகப்படுத்தி பெரிய வரவேற்பை பெற்றிருக்கின்ற நம்முடைய தாயுமானவர் திட்டம் – அந்தத் திட்டத்தில், 28 ஆயிரத்து 133 முதியவர்கள் மற்றும் மாற்றுத் திறனாளிகளின் வீட்டிற்கே சென்று ரேஷன் பொருட்கள் டெலிவரி செய்யப்படுகிறது. அதுமட்டுமா, பெற்றோரை இழந்த 143 குழந்தைகளின் எதிர்காலம் நல்லபடியாக அமை வதை அன்புக்கரங்கள் திட்டத்தில் உறுதி செய்திருக்கிறோம். இளைஞர்களுக்கு நல்ல ஊதியத்தில், வேலை கிடைக்க வேண்டும் என்று நான் தொடங்கிய திட்டம் தான் நான் முதல்வன் திட்டம் – அந்தத் திட்டத்தில், நேற்று முன்தினம் கூட நாமக்கல்லைச் சேர்ந்த கமலி என்பவர் S.B.I. வங்கிப் பணியாளராக தேர்வு பெற்றிருக்கிறார். அவர்கள் தந்தை நெசவாளர் குடும்பத்தைச் சேர்ந்தவர். நான் முதல்வன் திட்டத்தால், தங்கள் வாழ்க்கையே மாற்றம் பெறுவதை நினைத்து, அவர்கள் மகிழ்ந்ததை தொலைக்காட்சிகளில் நீங்களும் பார்த்திருப்பீர்கள்.

அந்த நான் முதல்வன் திட்டத்தில், திறன்பயிற்சி பெற்று, இந்தக் கள்ளக்குறிச்சி மாவட்டத்தைப் பொறுத்தவரைக்கும், 3 ஆயிரத்து 834 நபர்களுக்கு முன்னணி நிறுவனங்களில் வேலை கிடைத்திருக்கிறது.

பெண்கள் உயர்கல்வி பெறுவதை உறுதி செய்கின்ற புதுமைப்பெண் திட்டத்தில், 16 ஆயிரத்து 94 மாணவிகளுக்கு மாதந்தோறும் ஆயிரம் ரூபாய் வழங்கிக் கொண்டிருக்கிறோம்.

அதேபோல, 10 ஆயிரத்து 656 மாணவர்களுக்கும் தமிழ்ப் புதல்வன் திட்டத்தில், மாதந்தோறும் ஆயிரம் ரூபாயை வழங்குகிறோம்.

விடியல் பயணம் திட்டத்தில், இந்தக் கள்ளக்குறிச்சி மாவட்டத்தில் 11 கோடியே 49 இலட்சம் முறை கட்ட ணமில்லாமல், பேருந்தில் சுகமாக, சுதந்திர மாக பெண்கள் பயணத்தை மேற்கொண்டிருக்கிறார்கள். இதைப் பயன்படுத்தி  வாழ்க்கையில் முன்னேறி இருக்கிறார்கள்.

கலைஞர் கனவு இல்லம் திட்டத்தில் 7 ஆயிரத்து 965 வீடுகள் வழங்கப்பட்டிருக்கிறது!

மக்களைத் தேடி மருத்துவம் திட்டத்தில், 4 இலட்சத்து 12 ஆயிரத்து 830 நபர்களுக்கு சிகிச்சை அளிக்கப்பட்டிருக்கிறது. விபத்தில் பாதிக்கப்பட்டால் சிகிச்சை செலவை அரசே ஏற்றுக்கொண்டு உயிரை காப்பாற்றுகின்ற இன்னுயிர் காப்போம் நம்மைக் காக்கும் 48 திட்டத்தில், 10 ஆயிரத்து 336 பேருக்கு உயிர்காக்கும் சிகிச்சை அளிக்கப்பட்டிருக்கிறது.

மாற்றுத்திறனாளிகள் நலத்துறையின் மூலமாக, 13 ஆயிரத்து 409 பயனாளிகளுக்கு நலத்திட்ட உதவிகள் வழங்கப்பட்டிருக்கிறது.

பழங்குடியின மக்கள் அதிக அளவில் வாழக்கூடிய மாவட்டம் தான் கள்ளக்குறிச்சி. குறிப்பாக, கல்வ ராயன்மலை பழங்குடியின மக்களுக்கு 3 ஆயிரத்து 871 வன உரிமைச் சான்றிதழ்கள் வழங்கப்பட்டிருக்கிறது.

அனைவருக்கும் பாதுகாப்பான சொந்த வீடுகளைக் கட்டி தருகின்ற கலைஞர் கனவு இல்லம் திட்டத்தில் 7 ஆயிரத்து 965 வீடுகள் வழங்கப்பட்டிருக்கிறது.

இதுவரை இல்லாத அளவில், 34 ஆயிரத்து 518 நபர்க ளுக்கு வீட்டுமனைப் பட்டாக்கள் வழங்கி யிருக்கிறோம். இங்கே இருக்கக்கூடிய இலங்கைத் தமிழர் மறுவாழ்வு முகாம்களில் வாழ்பவர்களின் முன்னேற்றத்திலும் நாம் பலவற்றையும் நிறைவேற்றித் தந்திருக்கிறோம்.

தமிழ்நாடுதான் நம்பர் ஒன்!

‘திராவிட மாடல்’ அரசு செயல்படுத்தி இருக்கின்ற அத்தனை திட்டங்களிலும் இந்தக் கள்ளக்குறிச்சிக்கு சிறப்புக் கவனம் செலுத்தப்பட்டிருக்கிறது. என்னதான் இவ்வளவு சொன்னாலும், புதிய அறிவிப்புகள் இல்லாமல், இந்தக் கள்ளக்குறிச்சிக்கு நான் வருவேனா? உங்கள் மாவட்டத்திற்கான 8 புதிய அறிவிப்புகளை இப்போது வெளியிடுகிறேன். (8 புதிய அறிவிப்புகளை வெளியிட்டார் முதலமைச்சர் மு.க.ஸ்டாலின்)

அனைத்து மாவட்டங்களுக்குமான எதிப்பார்ப்புகளை நிறைவேற்றுகிறோம்

இப்படி, வடக்கு, தெற்கு, மேற்கு, கிழக்கு என்று எந்த பாகுபாடும் பார்க்காமல், அனைத்து மாவட்டங்களுக்கும் அவர்களின் எதிர்பார்ப்புகளை, விருப்பங்களை, கோரிக்கை களை நிறைவேற்றுகின்ற ஆட்சியாக நம்முடைய ‘திராவிட மாடல்’ ஆட்சி இன்றைக்கு செயல்பட்டுக் கொண்டிருக்கிறது! அதற்கு சாட்சிதான், இந்தியாவிலேயே தமிழ்நாடுதான் தனிக்காட்டு ராஜா என்பதுபோல, நாம் பெற்றுள்ள 11.19 விழுக்காடு இரட்டை இலக்க பொருளாதார வளர்ச்சி! GSDP-லேயும் தமிழ்நாடுதான் நம்பர் ஒன்! மின்னணுப் பொருட்கள் ஏற்றுமதியா! ஆட்டோமொபைல் உற்பத்தியா! தோல் அல்லாத காலணிகள் உற்பத்தியா! ஸ்டார்ட்-அப் தரவரிசையா! எல்லாவற்றிலும் தமிழ்நாடுதான் லீடர்!

இங்கே அதிகமான பெண்கள் வந்திருக்கிறீர்கள். இந்த நிகழ்ச்சி முடிவடைந்ததும், நாளைக்கு நீங்கள் அவரவர்கள் வேலைக்குச் சென்று விடுவீர்கள். இப்படி, இந்தியாவிலேயே பெண்கள் அதிக அளவில் தொழிற்சாலைகளில் பணிபுரிவது நம்முடைய தமிழ்நாட்டில்தான். ‘எல்லார்க்கும் எல்லாம்’, ‘அனைத்து மாவட்ட வளர்ச்சி’ என்று சொல்வது சும்மா இல்லை. இங்கே தம்பி, அன்பில் மகேஸ் பொய்யாமொழி அவர்கள் வந்திருக்கிறார். அவருடைய துறையில் எனக்கு மிக நெருக்கமான திட்டமான அரசு மாதிரி பள்ளிக் கட்டடத்தையும், விடுதி கட்டடத்தையும் திறந்து வைத்திருக்கிறேன். அந்தப் பள்ளிகளில் படிக்கக்கூடிய மாணவர்கள் ஆயிரக்கணக்கான நபர்கள் அய்.அய்.டி. என்.அய்.டி. உள்ளிட்ட நாட்டின் முன்னணி உயர்கல்வி நிறுவனங்களில் படிக்க தேர்வாகி இருக்கிறார்கள். அதுமட்டுமல்ல, 15 அரசு மேல்நிலை மற்றும் உயர்நி லைப் பள்ளிகளுக்கு 104 கூடுதல் வகுப்பறை கட்ட டங்கள், கல்விக்கான உட்கட்டமைப்புகளைத் திறந்து வைத்தி ருக்கிறேன்.

இந்தியாவிலேயே அதிக வேலைவாய்ப்புகளை உருவாக்கிய மாநிலமும் தமிழ்நாடுதான்!

ஒரு மாவட்டத்தில், கல்வி வளர்ச்சி என்று சேர்ந்தால், அந்த மாவட்டமும், மக்களும் அனைத்து வகையிலும் வளர்ச்சி அடைவார்கள் என்று கல்விக்கு அதிக அளவு முக்கியத்துவம் வழங்கி இந்தப் பணிகளை எல்லாம் செய்து கொண்டிருக்கிறோம்.

அதுமட்டுமல்ல, இந்த நிகழ்ச்சிக்கு வருவதற்கு முன்பு, உளுந்தூர்பேட்டை சிப்காடில், 2 ஆயிரத்து 302 கோடி ரூபா யில் உருவாகிக் கொண்டு வரு கின்ற ‘பவு-சென்’ காலணி உற்பத்தி ஆலையின் கட்டுமானப் பணிகளை பார்த்து கொண்டு தான் இங்கு வந்திருக்கிறேன்.

20 ஆயிரம் நபர்களுக்கு வேலைவாய்ப்பு வழங்க இருக்கின்ற இந்த நிறுவனம். தங்களின் அடுத்தடுத்த விரிவாக்கங்களையும் தமிழ்நாட்டிலேயேதான் தொடங்க வேண்டும் என்று கோரிக்கை வைத்துவிட்டு வந்திருக்கிறேன்.

வறுமை இல்லாத, பட்டினிச் சாவு இல்லாத மாநிலம் என்று தமிழ்நாடு இன்றைக்கு பெயர் வாங்கியிருக்கிறது! ஒன்றிய அரசின் தரவுகளின்படி, இந்தியாவிலேயே அதிக வேலைவாய்ப்புகளை உருவாக்கிய மாநிலமும் தமிழ்நாடுதான்!

அதுமட்டுமல்ல, மாற்றுத்திறனாளிகள், முதியோர் சிரமப்படாமல் ஏறுவதற்கு தாழ்தள பேருந்துகள், மின் பேருந்துகள், ஏசி பேருந்துகள், அண்மையில், நான் துவக்கி வைத்த ‘வோல்வோ’ பேருந்துகள் என்று இந்தியாவிலேயே சிறந்த பொதுப் போக்குவரத்தைக் கொண்ட மாநிலமாகவும் தமிழ்நாடுதான் இருக்கிறது.

புதிய அருங்காட்சியகங்கள்
உருவாகி கொண்டிருக்கிறது

உலகத் தரத்தில் பல பெரிய நூலகங்களை அமைத்தி ருக்கிறோம். நம்முடைய கள்ளக்குறிச்சி உட்பட பல மாவட்டங்களிலும் திறமையான விளையாட்டு வீரர்களை அடையாளம் கண்டு, தேசிய அளவிலும், பன்னாட்டளவிலும் போட்டிகளுக்கு அனுப்பிக் கொண்டிருக்கிறோம்.

இந்தியாவிலேயே விளையாட்டு மேம்பாட்டில் சிறந்த மாநிலம் என்று ஸ்போர்ட் ஸ்டார் விருதையும் தமிழ்நாடு தான் பெற்றிருக்கிறது! தென்கோடி மாநி லங்களிலும், பெரு நிறுவனங்களின் முதலீடுகள் வந்து கொண்டிருக்கிறது! இரண்டாம் நிலை நகரங்களி லும், நியோ டைடல் பூங்காக்கள் அமைத்துக் கொண்டி ருக்கிறோம்!

தமிழ்நாடு முழுவதும் புதிய மருத்துவமனைகள், பூங்காக்கள் திறக்கப்பட்டிருக்கிறது. இந்த வளர்ச்சித் திட்டங்களோடு, நம்முடைய வரலாற்றுப் பெருமையை உலகத்திற்கு எடுத்துச் சொல்கின்ற வகையில், இரும்பின் தொன்மை பற்றிய ஆய்வு, கீழடி அருங்காட்சி யக திறப்பு, பொருநை அருங்காட்சியகம் திறப்பு, வள்ளுவர் கோட்டம் மற்றும் விக்டோரியா ஹால் சிறப்பான முறையில் புதுப்பிப்பு போன்றவற்றையும் செய்திருக்கிறோம். கங்கை கொண்ட சோழபுரத்திலும், தஞ்சாவூரிலும் புதிய அருங்காட்சியகங்கள் உருவாகி கொண்டிருக்கிறது.

மாற்றுத் திறனாளிகளுக்கு உள்ளாட்சி அமைப்புகளில், இட ஒதுக்கீடு!

முதல்வர் படைப்பகங்கள் கட்டப்பட்டு, குறைந்த விலையில் ஆபீஸ் ஸ்பேஸ் அமைத்து வழங்கியிருக்கிறோம்! வேலைக்குச் சென்று கொண்டி ருக்கக்கூடிய பெண்களுக்காக தோழி விடுதிகள்! வீட்டில் தனியாக இருக்கின்ற முதி யோர்களை பார்த்துக் கொள்வதற்கு அன்புச்சோலை இல்லங்கள்! குழந்தைகள் தெம்பாக வளர ஊட்டச்சத்தை உறுதி செய்! மாற்றுத் திறனாளிகளுக்கு – இந்தியாவில் எந்த மாநிலத்திலும் கிடையாது – மாற்றுத் திறனாளிகளுக்கு உள்ளாட்சி அமைப்புகளில், இட ஒதுக்கீடு என்ற சாத னைத் திட்டத்தை நிறைவேற்றி இந்தியாவுக்கே முன்மாதி ரியாக நம்முடைய ‘திராவிட மாடல்’ அரசு திகழ்கிறது.

ஆதிதிராவிட மக்கள் தொழில்முனைவோராக உயர, அண்ணல் அம்பேத்கர் தொழில் முன்னோடிகள் திட்டம்! எந்த அரசும் செய்யாத சாதனையாக நான்கு ஆண்டுகளில், சுமார் 4 ஆயிரம் திருக்கோயில்களுக்கு குடமுழுக்கு!

சிறுபான்மை மக்களுடைய கோரிக்கைகள் அனைத்தையும் நிறைவேற்றி இருக்கிறோம். மதவெறி கும்பலுக்கு பயப்ப டாமல் வாழுகின்ற அமைதியான, நிம்மதியான சூழலை, இங்கே ஏற்படுத்தி இருக்கிறோம்.

ஒவ்வொரு குடும்பத்திற்கும், வாழ்நாள் கனவு என்பது சொந்தமாக ஒரு நிலம். கள்ளக்குறிச்சி உள்பட அனைத்து மாவட்டங்களிலும், அதிக எண்ணிக்கையிலான இலவச வீட்டுமனை பட்டாக்களை வழங்கி, நிலம் எனும் அதிகாரத்தை எளிய மனிதர்களுக்கு வழங்கியிருக்கிறோம்!

இனி நமக்கு எப்போதும் ஏறுமுகம்தான்!

அடுத்து, 20 இலட்சம் கல்லூரி மாணவர்களுக்கு லேப்டாப் வழங்க இருக்கிறோம். அதுவும், ஏ.அய். என்கின்ற செயற்கை நுண்ணறிவு சந்தாவுடன் வழங்க இருக்கிறோம்! சொல்லச் சொல்ல மூச்சு வாங்குகின்ற அளவுக்கு மேஜர் சாதனைகளை இவ்வளவும் செய்து கொண்டிருக்கிறோம்! இதில், எதையுமே ‘திராவிட மாடலுக்கு’ எதிரானவர்கள் கூட மறுத்துப் பேச முடியாது! அனைத்துமே ப்ரூவன் ட்ராக் ரெக்கார்டு! எந்தத் துறையை எடுத்துக் கொண்டாலும், சாதனைகள் – ஒன்றிய அரசு வெளியிடும் தரவரிசைகள் எல்லாவற்றிலும், நம்பர் ஒன் ரேங்க் நாம் தான் – உலக அளவிலான விருதுகள் என்று நெஞ்சை நிமிர்த்தி, காலரை தூக்கி நடப்பது போல, தமிழ்நாடு இன்றைக்கு முன்னேறிக் கொண்டிருக்கிறது! நான் கேட்கிறேன் இதில் 5 சதவிகிதமாவது அ.தி.மு.க. ஆட்சிக் காலத்தில் நடந்ததா? அவர்களால் சொல்ல முடியுமா!

இது என்னுடைய ஓப்பன் சேலஞ்ச்! தைரியம் இருந்தால் சொல்லுங்கள்! 5 சதவிகிதம் கூறுங்கள்! பத்தாண்டு அ.தி.மு.க. ஆட்சியில், பாழாய் போன தமிழ்நாடு, ‘திராவிட மாட’லின்  நான்காண்டு காலங்களில், துள்ளிக் குதித்து இன்றைக்கு எழுந்திருக்கிறது! இனி நமக்கு எப்போதும் ஏறுமுகம்தான்!

ஒன்றிய அரசின் வஞ்சகத்தையும் மீறி அவர்களின் உதவி இல்லாமல், இன்னும் சொல்லப்போனால், தமிழ்நாடு வளரவே கூடாது என்று அவர்கள் அமைக்கின்ற ஸ்பீட்-பிரேக்கரை எல்லாம் தாண்டிதான், இந்த இடத்தில் நாம் நிற்கிறோம்! ஆனால், “இது எதையுமே பார்க்க மாட்டோம்; செய்திகளை படிக்க மாட்டோம்; உண்மையை பேச மாட்டோம்; தமிழ்நாட்டின் சாதனைகளைப் பற்றி வாயே திறக்க மாட்டோம்” என்று சிலர் தமிழ்நாட்டில் இருக்கிறார்கள். அவர்களுக்கு நான் சொல்வது, நீங்கள் இப்படியே கண்ணை மூடிக் கொண்டிருங்கள்! நாங்கள் அடித்து தூள் கிளப்பி சென்று கொண்டே இருப்போம்!

‘திராவிட மாடல்’ அரசின் சாதனைகளுக்கு மகுட மாக, 2026 தேர்தலில், மக்கள் அளிக்கும் தீர்ப்புதான், உங்களுக்கான ரியாலிட்டி ‘செக்’-ஆக இருக்கும்! இப்போது நான் சொன்ன தமிழ்நாட்டின் சாதனைகள் வளர்ச்சி நிறைந்த ஒரு இந்தியா என்றால், பா.ஜ.க. ஆளும் மாநிலங்களில் வேறு ஒரு இந்தியா இருக்கிறது! வறுமை, மத வன்முறை, கும்பல் படுகொலைகள், கல்வியைக் கெடுக்கும் முயற்சிகள், வேலைவாய்ப்பின்மை… இதுதான் பா.ஜ.க.-வின் இந்தியா!

கிறிஸ்துமஸ் நாளில் கூட
மோசமாக நடந்து கொண்ட பா.ஜ.க!.

கிறிஸ்துமஸ் அன்றைக்குக் கூட மாற்றுத் திறனாளி களையும், குழந்தைகளையும் தாக்குகின்ற மோசமான சூழலை பா.ஜ.க. அரசு உருவாக்கி இருக்கிறது! இந்த மாடலைத்தான் தமிழ்நாட்டிலும் கொண்டுவரவேண்டும் என்று பார்க்கிறார்கள்! ஆனால், நம்முடைய மக்கள் மிகவும் உஷார்! திருப்பரங்குன்றம் தர்கா கொடியை முருக பக்தர்கள் வணங்குகிறார்கள்! மதுரை சித்திரை திருவிழாவிற்கு வரும் இந்து பக்தர்க ளுக்கு பள்ளிவாசல் முன்பு இஸ்லாமிய சகோதரர்கள் ரோஸ்மில்க் வழங்குகிறார்கள். தை முதல் நாள் அன்றைக்கு தேவாலயத்தில், பொங்கல் வைத்து படைக்கிறார்கள்! கிறிஸ்துமஸ், ரம்ஜான் வந்துவிட்டால், இந்து நண்பர்கள் எல்லாம் “கேக், பிரியாணி எங்கே?” என்று உரிமையாக கேட்கிறார்கள். எம்மதமும் சம்மதம் என்கின்ற தமிழ்நாட்டு மக்களின் இந்த ஒற்றுமை, நல்லிணக்கம்தான் மதவாத அரசியல் செய்து மக்களைப் பிளவுபடுத்த நினைக்கின்ற, பா.ஜ.க.வின் கண்களை உறுத்திக் கொண்டே இருக்கிறது! அவர்கள் எத்தனை அடிமைகளை சேர்த்துக் கொண்டு அந்தர் பல்டி அடித்தாலும் சரி, ஒற்றுமையாக வாழுகின்ற தமிழ்நாட்டு மக்களிடம் மதவெறியை தூண்ட முடியாது. இந்த ஸ்டாலின் இருக்கின்ற வரைக்கும், எங்கள் ‘திராவிட மாடல்’ அரசு இருக்கின்ற வரைக்கும், உங்களுடைய மதவெறி ஆட்டத்திற்கு இங்கே இடம் கிடையாது.

தமிழ்நாட்டு மக்கள் உங்களை ஓட்டுகளால் விரட்டி அடிப்பார்கள். நீங்கள் என்ன செய்தாலும் சரி, என்ன நாடகம் நடத்தினாலும் சரி, தமிழ்நாட்டில் உங்கள் வித்தை, வேலைக்கே ஆகாது! உங்கள் பாட்சா பலிக்காது. ‘திராவிட மாடல்’ 2.0 உறுதியாகிவிட்ட ஒன்று! நம்முடைய கடமை எல்லாம், வாக்காளர் பட்டியலில் நம்முடைய பெயரை உறுதி செய்வதுதான்!

நீங்கள் அனைவரும் உறுதி செய்துவிட்டீர்களா? நியூ ஸில் பாத்திருப்பீர்கள். இறந்த பல பேர் இன்னும் வாக்காளர் பட்டியலில் இருக்கிறார்கள்! 50 ஆண்டு களாக ஒரே அட்ர ஸில் இருப்பவர்கள், பிரபல பத்திரிகையாளர்கள் என்று பலருடைய பெயர்கள் பட்டியலில் சேர்க்கப்படாமல் விடு பட்டிருக்கிறது! இதனால்தான்,“அவசர கோலத்தில், இந்த எஸ்.அய்.ஆர். பணிகளை செய்யக் கூடாது! போதிய கால அவகாசம் வழங்க வேண்டும்” என்று சொன்னோம்! லிஸ்டில் பெயர் இல்லாதவர்கள் உடனே உங்கள் பெயரை இணைத்துக் கொள்ள அப்ளை செய்யுங்கள்!

ஒவ்வொருவரின் வாக்குரிமையையும், இந்தியாவின் ஜனநாயகத்தையும் பாதுகாக்க, ‘திராவிட மாடல்’ அரசும், திராவிட முன்னேற்றக் கழகமும் உங்களுக்கு நிச்சயமாக, துணையாக இருப்போம்!

2026 ஆம் ஆண்டில், தமிழ்நாட்டு வளர்ச்சியின் அடுத்த பார்ட் துவங்கப் போகிறது! அதற்கு, நீங்கள் அனைவரும் துணையாக எப்போதும் இருக்க வேண்டும் என்று கேட்டுக்கொண்டு, உங்கள் முதலமைச்சராக, உங்களில் ஒரு வனாக, கள்ளக்குறிச்சி மாவட்ட மக்களுக்கு என் நெஞ்சார்ந்த நன்றியை தெரிவித்துக் கொள்கிறேன்.

இவ்வாறு முதலமைச்சர் மு.க.ஸ்டாலின் உரையாற்றினார்.