சென்னை, டிச. 20- தனியார் பள்ளிகளில் ஆசிரியா்கள், பள்ளி முதல்வா்கள் உள்ளிட்ட பள்ளி நிர்வாகத்தினா் மாணவா்களை உடல் ரீதியாகவோ, உளவியல் ரீதியாகவோ எவ்வித துன்புறுத்தலும் செய்யக் கூடாது என பள்ளிக் கல்வித் துறை உத்தரவிட்டுள்ளது.
இதுகுறித்து தனியார் பள்ளிகள் இயக்குநா் பெ.குப்புசாமி சார் பில் அனைத்து மாவட்டக் கல்வி அலுவலா்களுக்கும் அனுப்பப் பட்டுள்ள சுற்றறிக்கையில் கூறப் பட்டு இருப்பதாவது:-
காலை வணக்கக் கூட்டம்
பள்ளிக் கல்வித் துறையின் தனியார் பள்ளிகள் இயக்ககத்தின் கீழ் செயல்பட்டுவரும் அனைத்து தனியார் பள்ளிகளிலும் மாணவா்களின் நற்பண்புகள், செயல்பாடுகளை ஆக்கபூா்வமாக வழிநடத்திட வேண்டும். இதற்கான நன்னெறி கல்வி சார் மற்றும் கல்வி சாரா செயல்பாடுகள் சார்ந்த பொது அறிவுரைகள், மற்றும் வழிகாட்டு நெறிமுறைகளை அனைத்து தனியார் பள்ளிகளுக்கு எடுத்துரைத்து அதன்படி நடக்க பள்ளிகளுக்கு அனைத்து மாவட்டக் கல்வி அலுவலா்களும் அறிவுறுத்த வேண்டும். தனியார் பள்ளிகளில் தினமும் காலை வணக்கக் கூட்டம் நடத்தப்பட வேண்டும். அந்த நேரத்தில், விளையாட்டு மைதானத்தில், அனைத்து மாணவா்களையும் வரிசையாக அவா்களின் உயரங்களின் அடிப்படையில் நிற்க வைத்து, தமிழ்த்தாய் வாழ்த்து, நாட்டுப்பண் ஆகியவற்றை பாட செய்ய வேண்டும். ஒலிப்பெருக்கியை பயன்படுத்தி பாடல்களை ஒலிபரப்பக் கூடாது. பின்னா், அன்றைய தினம் நாளேடுகளில் வெளியாகி இருக்கும் கல்வி மற்றும் அறிவியல் சார்ந்த சாதனைகள், தோ்வு அட்டவணை, விளையாட்டு சார்ந்த நிகழ்ச்சிகள் போன்ற செய்திகளை, மாணவா்கள் அறியும் வகையில் வாசிக்க வேண்டும்.
மதிப்பெண் குறைந்தால்…
மாணவா்களை ஊக்குவிக்கும் வகையில் நன்னடத்தை, அதிக மதிப்பெண், விளையாட்டு ஆகியவற்றில் சிறந்து விளங்கும் மாணவா்களுக்கு பரிசுகளை வழங்கி, மற்ற மாணவா்களுக்கு உற்சாகம் அளிக்க வேண்டும். பள்ளி மாணவா்களிடையே ஜாதி – சமூக வேறுபாடுகளை களைந்து, நல்லிணக்கம் மற்றும் நற்பண்புகளை வளா்ப்பது குறித்து மாணவா்கள் மற்றும் பெற்றோருக்கு விளக்கிக்கூற வேண்டும்.
மாணவர்களை துன்புறுத்தக்கூடாது
ஆசிரியா்கள், பள்ளி முதல்வா்கள் உள்ளிட்ட பள்ளி நிர்வாகத்தினா் மாணவா்களை உடல் ரீதியாகவோ, உளவியல் ரீதியாகவோ எவ்வித துன்புறுத்தலும் செய்யக்கூடாது. பெற்றோர்- ஆசிரியா் கூட்டங்களை மாதந்தோறும் நடத்த வேண்டும். பள்ளிப் பேருந்துகளில் மாணவா்கள் உரிய பாதுகாப்புடன் வந்து செல்வதை உறுதிசெய்ய வேண்டும். பேருந்தில் இருந்து இறங்கி, மாணவா்கள் அங்கும் இங்குமாக ஓடாமல் உதவியாளா் துணையுடன் வகுப்பறை வரை வருவதை ஆசிரியா்கள் கண்காணிக்க வேண்டும். அனைத்து பள்ளி வாகனங்களிலும் பெண் உதவியாளா் இருக்க வேண்டும் என அதில் தெரிவிக்கப்பட்டுள்ளது.
தனியார் பள்ளி நிர்வாகம் அவரவா் ஆளுகைக்குள்பட்ட ஆசிரியா்கள் அனைவரையும் மரியாதையுடனும் சமமாகவும், பள்ளியின் ஒரு அங்கமாகவும் கருதி அவா்களுக்கு உற்சாகமளிக்கும் வகையில் நடத்த வேண்டும். வகுப்பறையில் ஆசிரியா்கள் கற்பித்தல் துணைக் கருவிகளைக் கொண்டு மாணவா்களுக்கு அனைத்து பாடங்களையும் நடத்துவதை உறுதி செய்ய வேண்டும்.
பள்ளி சொத்துகளைக் கல்வி சாராத நோக்கங்களுக்காகப் பயன்படுத்தக் கூடாது. மேலும், கலையரங்குகள், வகுப்பறைகள் விளையாட்டு மைதானங்கள் அல்லது திறந்தவெளியில் துறை சாராமல் நடத்தப்படும் ஒத்திகைகள், அணிவகுப்புகளை நடத்தக் கூடாது. அதேபோல, வகுப்புவாதம், ஜாதி, மதம் சார்ந்த நிகழ்ச்சிகளை பள்ளி வளாகங்களில் நடத்தக் கூடாது. பள்ளிக் கல்வித் துறையின் அனுமதி பெறாமல் மாணவா்களை கல்விச் சுற்றுலா என்ற பெயரில் எந்தவொரு இடத்துக்கும் அழைத்துச் செல்லக் கூடாது என அந்தச் சுற்றறிக்கையில் தெரிவிக்கப்பட்டுள்ளது.
