சென்னை, நவ.22- மீனவர் நலத்துறை மற்றும் சென்னை அகில இந்திய குடிமைப்பணி தேர்வு பயிற்சி மய்யம் சார்பில் மீனவ சமுதாயத்தை சார்ந்த 20 பட்டதாரி இளைஞர்களுக்கு இந்திய குடிமைப் பணிகளுக்கான போட்டித் தேர்வுக்கு பயிற்சி வழங்கப்பட்டு வருகிறது.
இத்திட்டத்தின்கீழ் பயிற்சி பெற விரும்புவோர் www.fisheries.tn.gov.in என்ற இணையதளத்தில் விண்ணப்பப் படிவத்தையும், அரசு வழிகாட்டுதல்களையும் பதிவிறக்கம் செய்து விண்ணப்பிக்கலாம்.
நவ. 25ஆம் தேதிக்குள்… நிறைவு செய்த விண்ணப்பங்களை நீலாங்கரை, கிழக்கு கடற்கரை சாலையில் அமைந்துள்ள மீனவர் நலத்துறை உதவி இயக்குநர் அலுவலகத்துக்கு பதிவு அஞ்சல் மூலமாகவோ அல்லது நேரடியாகவோ நவ.25ஆம் தேதிக்குள் அனுப்பி வைக்க வேண்டும் என்று சென்னை மாவட்ட ஆட்சியர் ரஷ்மி சித்தார்த் ஜகடே தெரிவித்துள்ளார்.
