மெல்போர்னில் நடைபெறும் பெரியார் பன்னாட்டு மனிதநேயர் மாநாட்டில் பேராளராக பங்கேற்பவர்களை வாழ்த்தி வழி அனுப்பல்!

சென்னை விமான நிலையத்தில் இன்று (30.10.2025) காலை ஆஸ்திரேலியா மெல்போர்னில் 01, 02-11-2025 அன்று நடைபெறவிருக்கும் பெரியார் பன்னாட்டு மனிதநேயர் மாநாட்டில் பேராளராக பங்கேற்கவும் அதனூடே 2-வார காலம் குயின்ஸ்லாந்து கெய்ன்ஸ் – சிட்னி – அண்டை நாடான நியூசிலாந்து – ஆக்லாந்து உள்ளிட்ட பல்வேறு அயலகப் பகுதிகளுக்கு பயணம் மேற்கொள்ளும் கழகத்தினரை, பகுத்தறிவாளர்களை கழகத்தின் – துணைத் தலைவர் கவிஞர் கலி.பூங்குன்றன், பொதுச்செயலாளர் வீ. அன்புராஜ் ஆகியோர் வாழ்த்தி வழியனுப்பினர். மேலும் கழகப் பொருளாளர் வீ.குமரேசன் அவர்களுக்கு அடையாளப் பூர்வமாக பயனாடை அணிவித்து வாழ்த்தி வழி அனுப்பி வைத்தனர்.