சென்னை, அக்.25 தமிழ்நாடு முத லமைச்சர் மு.க.ஸ்டாலின் அவர்கள் நேற்று (24.10.2025) தலைமைச் செயலகத்தில், பள்ளிக்கல்வித் துறையின் சார்பில் “A Sun from the South” (தெற்கிலிருந்து ஒரு சூரியன்) என்னும் ஆங்கில நூலினை வெளியிட்டார்.
தமிழ்நாடு பாடநூல் மற்றும் கல்வியியல் பணிகள் கழகம் தனது ‘திசை தோறும் திராவிடம்’ திட்டத்தின்கீழ், கே.எஸ்.எல். மீடி யாவுடன் இணைந்து இந்நூலை கூட்டு வெளியீடாக வெளி யிட்டுள்ளது.
“A Sun from the South” என்னும் இந்த நூல், முத்தமிழறிஞர் கலைஞர் அவர்களின் ஆளுமையை திராவிட இயக்கத்துடன் இணைத்துக் காண்பதுடன், இந்தியாவின் சம கால வரலாற்றை, அரசியலை தெற்கிலிருந்து ஆராயும் விதமாக, ஊக்கமும், உற்சாகமும் தரும் வகையில் தொகுக்கப்பட்டுள்ளது.
வாசகர்களைக் கவரும் வகையில்
முன்னர் வெளிவந்த “தெற்கி லிருந்து ஒரு சூரியன்” என்னும் தமிழ் நூலின் ஆங்கில மொழிபெயர்ப்பான இது, மூலநூலைப் படிக்கும் அதே விறுவிறுப்புடன் வாசகர்களைக் கவரும் வகையில் கூடுதல் கவனம் செலுத்தி எழுதப்பட்டுள்ளது.
இந்நிகழ்ச்சியில், பள்ளிக் கல்வித்துறை அமைச்சர் அன்பில் மகேஸ் பொய்யாமொழி, பள்ளிக்கல்வித்துறை முதன்மைச் செயலாளர் மரு.பி.சந்தரமோகன், தமிழ்நாடு பாடநூல் மற்றும் கல்வி யியல் பணிகள் கழகத் தலைவர் திண்டுக்கல் அய்.லியோனி, மேலாண்மை இயக்குநர் (பொறுப்பு) மரு.மா. ஆர்த்தி, உதவி இயக்குநர் முனைவர் ப. சரவணன், ‘இந்து தமிழ்த்திசை’ துணை ஆசிரியர் எ.வள்ளியப்பன், மற்றும் புத்தக மொழி பெயர்ப்பாளர் விஜயசங்கர் ஆகியோர் கலந்துகொண்டனர்.
