தமிழ்நாடு அச்சுத்துறையில் பணி வாய்ப்பு

பணியின் விவரங்கள்: தமிழ்நாடு அரசின் எழுதுபொருள் மற்றும் அச்சுத்துறையின் கட்டுபாட்டின் கீழ் சென்னையில் உள்ள அரசு மய்ய அச்சகம், அரசு கிளை அச்சகம், வெளியூர் அலகுகள் என பல்வேறு பகுதிகளில் காலியாக உள்ள உதவி ஆப்செட் இயந்திர டெக்னீஷியன், இளநிலை மின்வினைஞர், இளநிலை கம்மியர் மற்றும் பிளம்பர் கம் எலெக்ட்ரீஷியன் ஆகிய பதவிகள் நேரடி நியமனம் மூலம் நிரப்பப்படுகிறது.

உதவி ஆப்செட் இயந்திர டெக்னீஷியன் (Assistant Offset Machine Technician) – 19 இடங்கள்.

இளநிலை மின்வினைஞர் (Junior Electrician) – 14 இடங்கள்.

இளநிலை கம்மியர் (Junior Mechanic) – 22 இடங்கள்.

பிளம்பர் கம் எலெக்ட்ரீஷியன் (Plumber Cum Electrician)  – 1 இடங்கள். மொத்தம்- 56 இடங்கள்.

வயது வரம்பு: அரசு துறையில் இருக்கும் இப்பணியிடங்களுக்கு 01.07.2025 தேதியின்படி 18 வயதை நிறைவு செய்திருக்க வேண்டும். விண்ணப்பதார்கள் 01.07.2007 அன்றோ அல்லது அதற்கு முன்னரோ பிறந்தவராக இருக்க வேண்டும்.

அதிகபடியான வயது – பொதுப் பிரிவினர் 32 வயது வரையும், பிசி பிரிவினர் 34 வயது வரையும், எம்பிசி/ டிஎன்சி பிரிவினர் 34 வயது வரையும், எஸ்சி, எஸ்டி பிரிவினர் 37 வயது வரையும் இருக்கலாம்.

கல்வித்தகுதி: உதவி ஆப்செட் இயந்திரம் டெக்னீஷியன் பதவிக்கு 10ஆம் வகுப்பு தேர்ச்சி பெற்றிருக்க வேண்டும். அச்சிடுதல் தொழில்நுட்பத்தில் டிப்ளமோ அல்லது லித்தோ ஆஃப்செட் இயந்திரத்தில் தொழில்நுட்ப வர்த்தகம் சான்றிதழ் ஆகியவற்றை பெற்றிருக்க வேண்டும். மேலும், டிப்ளமோ தகுதி பெற்றவர்கள் என்றால் குறைந்தது 1 வருட அனுபவம் தேவை. அதே போன்று, அய்டிஅய் சான்றிதழ் தகுதி பெற்றவர் என்றால் 3 வருடங்கள் அனுபவம் பெற்றிருக்க வேண்டும்.

இளநிலை மின்வினைஞர் பதவிக்கு 10ஆம் வகுப்பு தேர்ச்சிக்கு பின்னர், எலெக்ட்ரீஷியன் பயிற்சி சான்றிதழ் பெற்றிருக்க வேண்டும் அல்லது தொழிற்பயிற்சி பெற்றிருக்க வேண்டும்.

இளநிலை கம்மியர் பதவிக்கு 10ஆம் வகுப்பு தேர்ச்சி பெற்று, மெக்கானிக்கலில் அய்டிஅய் தொழிற்பயிற்சி அல்லது அப்ரண்டிஸ் பயிற்சி பெற்றிருக்க வேண்டும்.

பிளம்பர் கம் எலெக்ட்ரீஷியன் பதவிக்கு 10ஆம் வகுப்பு தேர்ச்சிக்கு பின்னர், பம்பிங்கில் அய்டிஅய் சான்றிதழ் பெற்றிருக்க வேண்டும்.

ஊதிய விவரம்: எழுது பொருள் மற்றும் அச்சுத் துறையில் கீழ் உள்ள இப்பணி யிடங்களுக்கு மாதம் நிலை 8 கீழ் ரூ.19,500 முதல் ரூ.71,900 வரை ஊதியம் நிர்ணயிக்கப் பட்டுள்ளது.

தேர்வு செய்யப்படும் முறை: தமிழ்நாடு அரசு துறையில் இருக்கும் இப்பணியிடங்களுக்கு விண்ணப்பிக்கும் நபர்களில் இருந்து கல்வித்தகுதி மற்றும் தொழில்நுட்ப தகுதியில் அடிப்படையில் தேர்வு செய்யப்படுவார்கள். அவர்களுக்கு சான்றிதழ் சரிபார்ப்பு மற்றும் நேர்முகத் தேர்விற்கு அழைப்பு விடுக்கப்படும்.

சான்றிதழ் சரிபார்ப்பிற்கு அசல் சான்றிதழ்களை கொண்டு செல்ல வேண்டும். இப்பணியிடங்களில் இடஒதுக்கீடு, முன்னுரிமை சலுகைகள் பின்பற்றப்படுகிறது. அப்படி முன்னுரிமை கோருபவர்கள் அதற்கான அசல் சான்றிதழ்களை சமர்பிக்க வேண்டும்.

நேர்முகத் தேர்வு 10ஆம் வகுப்பு மற்றும் தொழிற்கல்வி மற்றும் டிப்ளமோ தரத்தில், அந்தந்த பதவிகளுக்கு வரையறுக்கப்பட்டுள்ள தொழில்நுட்பக் கல்வி, பொது அறிவு மற்றும் தமிழ் போன்ற பாடங்களை கொண்டு கேட்கப்படும்.

விண்ணப்பிக்கும் முறை: இப்பணியிடங்களுக்கு விண்ணப்பிக்க விரும்புகிறவர்கள் https://www.stationeryprinting.tn.gov.in/ என்ற இணையதளத்தில் உள்ள விண்ணப்பத்தை பதிவிறக்கம் செய்துகொள்ளலாம். விண்ணப்பத்தை பூர்த்தி செய்து உரிய சான்றிதழ்களின் நகல்களை இணைத்து தபால் மூலம் அனுப்பி வைக்க வேண்டும். தபால் உறையின் மேல் “வேலைவாய்ப்பு விண்ணப்பம் – விண்ணப்பிக்கும் பதவியின் பெயர்” குறிப்பிட வேண்டும். விண்ணப்பத்தில் புகைப்படம் ஒட்டி, அதன் மேல்புறம் சுய சான்றொப்பமிட வேண்டும். பூர்த்தி செய்யப்பட்ட விண்ணப்பத்தை 19.09.2025 தேதி மாலை 5.30 மணிக்கு முன்னர் பெறும்  வகையில் அனுப்பி விண்ணப்பிக்க வேண்டும்.

விண்ணப்பத்துடன் இணைக்க வேண்டிய ஆவணங்கள்: கல்வி மற்றும் தொழில்நுப்ட கல்விச் சான்றிதழ்கள்,  அனுபவச் சான்றிதழ், மாற்று சான்றிதழ், ஜாதிச் சான்றிதழ், முன்னுரிமைக்குரிய சான்றிதழ்,     தமிழ் வழி கல்வி சான்றிதழ், வயதுக்குரிய சான்றிதழ்,     முகவரிக்கான சான்றிதழ், மற்றும் இதர தகுதி களுக்கான சான்றிதழ், சான்றிதழ்களின் நகல்களில் சுய சான்றொப்பமிட்டு அனுப்ப வேண்டும்.

அனுப்ப வேண்டிய முகவரி: ஆணையர், எழுது பொருள் மற்றும் அச்சுத்துறை, ஆணையரகம், 110, அண்ணா சாலை, சென்னை – 2.