கவனத்திற்குரிய முக்கிய செய்திகள்

12.3.2025
டெக்கான் கிரானிக்கல்,சென்னை:
* நாக்பூர் ஆர்.எஸ்.எஸ்.இன் திட்டமான புதிய கல்விக் கொள்கையை ஏற்க மாட்டோம். ரூ.10000 கோடி தந்தாலும் முடியாது என்று உறுதியாக சொல்கிறோம். தமிழ்நாட்டின் உரிமைக்காக யாருக்கும் பயப்படாமல் போராடுவோம். – முதலமைச்சர் மு.க.ஸ்டாலின்.
டெக்கான் கிரானிக்கல், அய்தராபாத்:
* மாநில அரசுகளை பணிய வைக்க முயலாதீர்கள் நிதி மறுப்பு எனும் ஆயுதத்தை பயன்படுத்தக் கூடாது, தலையங்கம்.
* மணிப்பூரில் மீண்டும் வெடித்த வன்முறை, ஒன்றிய அரசு அமைதி ஏற்படுத்த தவறி விட்டது என எதிர்க்கட்சிகள் நாடாளுமன்றத்தில் குற்றச்சாட்டு.
* தொழில் தொடங்க இளைஞர்களுக்கு ரூ.3 லட்சம், தெலங்கானா அரசு அறிவிப்பு.
இந்தியன் எக்ஸ்பிரஸ்:
* தொகுதி மறுசீரமைப்பினால் ஏற்படும் பாதிப்புகள் குறித்து ஆராய ஒடிசா மேனாள் முதலமைச்சருடன் தயாநிதி மாறன், டி.ஆர்.பி.ராஜா சந்திப்பு: 22ஆம் தேதி நடக்கும் கூட்டு நடவடிக்கைக் குழுவில் பங்கேற்க அழைப்பு
* குடும்பக் கட்டுப்பாட்டில் வெற்றி பெற்ற மாநிலங் களை தொகுதி மறுவரையறை தண்டிக்கும் என காங்கிரஸ் உறுப்பினரும் தகவல் தொடர்புப் பொறுப்பாளருமான ஜெய்ராம் ரமேஷ், மக்களவையில் பேச்சு.
* கல்வி அமைச்சகத்தின் செயல்பாடு குறித்த விவாதத்தைத் தொடங்கி வைத்த காங்கிரஸ் நாடாளுமன்ற உறுப்பினர் திக் விஜய் சிங், மத்திய பல்கலைக்கழகங்களில் 5,400க்கும் மேற்பட்ட ஆசிரியர் பதவிகள் காலியாக இருப்பதாக குற்றச்சாட்டு.
தி இந்து:
* நாடாளுமன்றத்தில் திமுக உறுப்பினர்களின் ‘போராடும் மனப்பான்மை’ குறித்து முதலமைச்சர் மு.க.ஸ்டாலின் பாராட்டு.
* ஒரே நாடு, ஒரே தேர்தல் மசோதாவில் பல ஓட்டைகள் உள்ளன. தேர்தல் ஆணையத்திற்கு அட்டவணையை முடிவு செய்ய கட்டுப்பாடற்ற அதிகாரங்களை வழங்குவது நல்லதல்ல என மேனாள் தலைமை நீதிபதி ரஞ்சன் கோகாய் நாடாளுமன்ற கூட்டுக் குழுவில் விவாதம்.
டைம்ஸ் ஆப் இந்தியா:
* மேற்கு வங்கத்தில் பாஜக வெற்றி பெற்ற பிறகு முஸ்லிம் சட்டமன்ற உறுப்பினர்களை சட்டமன்றத்திலிருந்து வெளியேற்றுவோம்: என மேற்கு வங்க எதிர்க்கட்சித் தலைவர் பாஜகவின் சுவேந்து அதிகாரி சர்ச்சை பேச்சு.
.- குடந்தை கருணா