2024 ஓய்.ஆர்.4, பூமியில் மோதினால் அது எவ்வளவு அழிவை ஏற்படுத்தும், பூமியில் சிறுகோள்கள் எப்போது மோதுகின்றன, விண்வெளி ஆய்வு மய்யங்கள் இதுபோன்ற சூழ்நிலைகளை எவ்வாறு சமாளிக்க முயற்சிக்கின்றன என்பது இங்கே புதிதாக கண்டுபிடிக்கப்பட்ட சிறுகோள் – 2024 YR4 – 2032 இல் பூமியில் மோதுவதற்கு 1 சதவீதத்திற்கும் அதிகமான வாய்ப்பு உள்ளது என்று தேசிய வானூர்தி மற்றும் விண்வெளி நிர்வாக (NASA) அதிகாரிகள் கடந்த வாரம் தெரிவித்தனர்.
நாசாவின் பூமிக்கு அருகில் உள்ள பொருள் ஆய்வுகளுக்கான மய்யத்தின் இயக்குநர் பால் சோடாஸ், “நாங்கள் கவலைப்படவில்லை, ஏனெனில் 99 சதவீதம் மோதல் நேராது… ஆனால் இது கவனத்திற்குரியது,” என்று கூறினார்.
சிறுகோள் 2024 ஒய்.ஆர்4 என்பது என்ன?
2024 ஒய்.ஆர்.4 முதன்முதலில் கடந்த ஆண்டு டிசம்பரில் சிலியில் உள்ள தொலைநோக்கி மூலம் கண்டுபிடிக்கப்பட்டது. பூமிக்கு அருகில் உள்ள சிறுகோள் ஒரு கால்பந்து மைதானம் போல பெரியது, 40 முதல் 100 மீட்டர் அகலம் கொண்டது. அசோசியேட்டட் பிரஸ் அறிக்கையின்படி, இது கிறிஸ்மஸ் தினத்தன்று பூமிக்கு மிக அருகில் வந்தது – பூமியிலிருந்து சுமார் 800,000 கிலோமீட்டர் தொலைவில், அதாவது சந்திரனை விட இருமடங்கு தூரத்தில் கடந்து சென்றது.
இந்த சிறுகோள் அடுத்த சில மாதங்களில் பார்வையில் இருந்து மறைந்துவிடும், மேலும் 2028 இல் மீண்டும் பூமியின் வழியைக் கடக்கும் வரை மீண்டும் பார்க்க முடியாது. அதனால்தான் உலகெங்கிலும் உள்ள விஞ்ஞானிகள் தற்போது 2024 ஒய்.ஆர்.4 சிறுகோளின் பாதை மற்றும் அளவை பார்வையில் இருந்து வெளியேறும் முன் தீர்மானிக்க, மிகவும் சக்திவாய்ந்த தொலைநோக்கிகளைப் பயன்படுத்துவதில் மும்முரமாக உள்ளனர். இதைச் செய்ய, விஞ்ஞானிகளுக்கு ஏப்ரல் நடுப்பகுதி வரை நேரம் உள்ளது. அதற்கு பின்னர் சிறுகோள் கண்டறிய முடியாத அளவுக்கு மறைந்துவிடும்.
வேறுபடுத்துவது கடினம்
ஒரு சிறுகோள் எவ்வளவு பெரியது என்பதைச் சரிபார்க்க, வானியலாளர்கள் பொருளின் பிரகாசத்தை ஆராய்கின்றனர் – பிரகாசமான பொருள்கள் பெரியவை. இருப்பினும், சிறுகோளின் மேற்பரப்பு எவ்வளவு பிரதிபலிக்கிறது என்பதைப் பொறுத்து துல்லியமான அளவீடுகளைச் சொல்வது கடினம் (விண்கற்கள் அவற்றின் சொந்த ஒளியை வெளியிடுவதில்லை, அவை சூரிய ஒளியை மட்டுமே பிரதிபலிக்கின்றன). இதன் விளைவாக, ஒரு பெரிய, இருண்ட நிற சிறுகோள் மற்றும் சிறிய, அதிக பிரதிபலிப்பு கொண்ட சிறுகோள் ஆகியவற்றை வேறுபடுத்துவது ஒரு சவாலாக உள்ளது.
