கவனத்திற்குரிய முக்கிய செய்திகள் 4.2.2025

டெக்கான் கிரானிக்கல், சென்னை:
< ‘மேக் இன் இந்தியா’ ஒரு நல்ல யோசனை; ஆனால், பிரதமர் மோடி தோற்றுவிட்டார் – ராகுல் காந்தி விமர்சனம். சீனா இந்திய எல்லையை ஆக்கிரமித்து வருவதாக குற்றச்சாட்டு.
டெக்கான் கிரானிக்கல், அய்தராபாத்:
< கும்பமேளா உயிரிழப்பு குறித்து விவாதிக்க கோரி மக்களவையில் எதிர்க்கட்சிகள் அமளி: சபாநாயகர் இருக்கையை முற்றுகையிட்டு மோடி, யோகிக்கு எதிராக முழக்கம்.
< கும்பமேளாவில் இறந்த ஆயிரக்கணக்கானோருக்கு அஞ்சலி: கார்கே பேச்சால் மாநிலங்களவையில் அமளி. இது எனது மதிப்பீடு தான். ஆனால் எனது மதிப்பீடு சரியில்லை என்றால் அரசு சரியான புள்ளி விவரங்களை வழங்க வேண்டும் மாநிலங்களவையில் மல்லிகார்ஜூன கார்கே அதிரடி.
< தெலுங்கானா ஜாதிவாரி சர்வே அறிக்கை இன்று சட்டசபையில் தாக்கல்; பிற்படுத்தப்பட்டோர் சதவீதம் குறைத்து காட்டப்பட்டுள்ளதாக பிற்படுத்தப்பட்டோர் அமைப்புகள் கருத்து.
இந்தியன் எக்ஸ்பிரஸ்:
< மணிப்பூர் கலவரத்துக்கு முதலமைச்சர் பைரன் சிங்கிற்கு தொடர்பா? கசிந்த ஆடியோ டேப்கள் குறித்து உச்சநீதிமன்றம் தடயவியல் அறிக்கை அளிக்க உத்தரவு.
< சிறுபான்மை எம்.பி.க்களின் எண்ணிக்கை தொடர்ந்து குறைந்து வருவதாகவும், எஸ்சி/எஸ்டி மற்றும் சிறுபான்மை சமூகங்களைச் சேர்ந்த அதிகாரிகளின் எண்ணிக்கை தொடர்ந்து குறைந்து வருவதாகவும் மக்களவையில் கனிமொழி பேச்சு.
நியூ இந்தியன் எக்ஸ்பிரஸ்:
< மகாராஷ்டிரா அரசு அலுவலகங்களில் மராத்தியில் பேசுவது கட்டாயம். அனைத்து அலுவலகங்களிலும் உள்ள கணினி விசைப்பலகையில் ரோமன் எழுத்துக்கள் தவிர மராத்தி தேவநாகரி எழுத்துக்கள் இருக்க வேண்டும் என தீர்மானம் நிறைவேற்றம்.
டைம்ஸ் ஆப் இந்தியா:
< தேர்தல் ஆணையர்கள் தேர்வுக் குழுவிலிருந்து தலைமை நீதிபதியை நீக்கியது குறித்து வழக்கு; பிப்ரவரி 12 அன்று உச்சநீதிமன்றம் தீர்ப்பு வழங்க வாய்ப்பு.
< நிர்மலா சீதாராமனுக்கு பட்ஜெட் வாசிக்க உதவியது அரசமைப்பு சட்டமே; மனுஸ்மிரிதி அல்ல. சமூகத்தின் அனைத்துப் பிரிவினரும் அரசமைப்பின் காரணமாக அதிகாரம் பெற்றுள்ளனர், மனுஸ்மிருதி அல்ல, மல்லிகார்ஜூன கார்கே மாநிலங்களவையில் பேச்சு.
< உத்தரகண்டின் யுசிசி விதிகள் நீதிமன்ற ஆய்வுக்கு உட்படுத்தப்பட வேண்டும். உச்ச நீதிமன்றத்தால் வலுப்படுத்தப்பட்ட தனிநபர் உரிமைகள் அச்சுறுத் தலுக்கு உள்ளாகியுள்ளது என்கிறது தலையங்கம்.
.- குடந்தை கருணா