மறுமலர்ச்சி திராவிட முன்னேற்றக் கழகத்தின் பொதுச் செயலாளரும் நாடாளுமன்ற உறுப்பினருமான வைகோ அவர்களின் பெயர்த்தியும், ம.தி.மு.க. முதன்மைச் செயலாளரும், திருச்சி நாடாளுமன்ற உறுப்பினருமான துரை வைகோ அவர்களின் மகள் வானதி ரேணு – கோகுலகிருஷ்ணன் ஆகியோரது திருமணம் நேற்று (07.11.2024) காலை சென்னை, திருவேற்காட்டில் நடைபெற்றது. தமிழ்நாடு துணை முதலமைச்சர் உதயநிதி ஸ்டாலின் அவர்களும், பள்ளிக் கல்வித் துறை அமைச்சர் மகேஷ் பொய்யாமொழி அவர்களும் நேற்று (07.11.2024) மாலை சென்னை, அண்ணா நகர் வைகோவின் இல்லத்திற்கு வருகை தந்து மணமக்களுக்கு பூங்கொத்து கொடுத்து வாழ்த்துத் தெரிவித்தனர். ம.தி.மு.க. பொதுச்செயலாளர் வைகோ அவர்களும், ம.தி.மு.க. முதன்மைச் செயலாளர் துரை வைகோ அவர்களும் துணை முதலமைச்சர் அவர்களை சால்வை அணிவித்து வரவேற்றனர்.
