பிள்ளையாரை முன்பு உடைச்ச மாதிரி இப்ப உடைக்க முடியுமா? ராமனை செருப்பால் அடிச்ச மாதிரி இப்போ அடிக்க முடியுமா? என்று கேட்கிறார்கள்.
அவர்களுக்கு நமது எதிர் வினாக்கள்:
• முன்பு எங்கள் மக்களைப்பார்த்து, பஞ்சமன் & சூத்திரப்பயலே தள்ளிப் போடா என்று சொன்னீர் களே!
இப்போது அது மாதிரி சொல்ல முடியுமா?
• எங்கள் மக்களை தொட்டால் தீட்டு – பார்த் தால் பாவம் என்று சொன்னீர்களே!
இப்போது சொல்ல முடியுமா?
• முன்பு நாங்கள் தொட்ட பொருளைத் தண்ணீர் தெளித்து எடுத்துச் செல்வீர்களே!
இப்போது அது மாதிரி செய்ய முடியுமா?
• முன்பு பஞ்சமன் & சூத்திரனுக்கு எதைக் கொடுத்தாலும் கல்வியைக் கொடுக்காதே என்று சொன்னீர்களே!
இப்போது சொல்ல முடியுமா?
• முன்பு தவம் இருந்த சம்பூகனின் சிரம் கொய் தீர்களே!
இப்போது அதுபோலச் செய்ய முடியுமா?
• முன்பு ஏகலைவன் கட்டைவிரல் வாங்கியது போல.
இப்போது கட்டைவிரலை வாங்க முடியுமா?
• முன்பு தமிழன் கட்டிவைத்த சத்திரத்துச் சாப்பாடு பார்ப்பானுக்கு மட்டும்தான் என்று தின்று கொழுத்தீர்களே!
இப்போது அப்படித் தின்று தீர்க்க முடியுமா?
• முன்பு எங்களைக் காலில் செருப்பணியாதே என்று சொன்னீர்களே!
இப்போது சொல்ல முடியுமா?
• முன்பு எங்களைத் தோளில் துண்டு போடாதே என்று சொன்னீர்களே!
இப்போது அதுபோல் சொல்ல முடியுமா?
• முன்பு எங்களைத் தெருவில் நடக்காதே என்று சொன்னீர்களே!
இப்போது அதுபோல்சொல்ல முடியுமா?
• முன்பு எங்களை முழங்காலுக்குக் கீழ் வேட்டி அணியாதே என்றீர்களே!
இப்போது அப்படிச் சொல்ல முடியுமா?
• முன்பு எங்களைக் குடைபிடிக்காதே என்று சொன்னீர்களே!
இன்று அப்படிச் சொல்ல முடியுமா?
• முன்பு ஆர்.எஸ்.எஸ். தோன்றிய மராட்டியத் தில் தாழ்த்தப்பட்டவர்கள் கால் பட்டால் தீட்டு என்று அவர்கள் நடந்த தடத்தை அழிக்க விளக்குமாற்றைக் கட்டி நடக்க வைத்தீர்களே!
இப்போது அவ்வாறு செய்ய முடியுமா?
• முன்பு தீண்டத்தகாதவர் எச்சில் துப்ப கழுத் திலே கலயத்தைக் கட்டிக்கொண்டு நடக்க வைத் தீர்களே!
அதுபோல இப்போது செய்ய முடியுமா?
• திருவாங்கூர் சமஸ்தானத்தில் ஒவ்வாரு ஜாதிக் காரனும் நம்பூதிரிக்கு இவ்வளவு அடி தூரத்தில்தான் நின்று பேச முடியும் என்று சொன்னீர்களே!
இன்று அவ்வாறு சொல்ல முடியுமா?
• முன்பு எங்கள் பெண்கள் ஜாக்கெட் அணியக் கூடாது என்று சொன்னீர்களே!
இன்று அவ்வாறு சொல்ல முடியுமா?
• முன்பு எங்கள் தாய்மார்கள் ஜாக்கெட் அணிந் தால் முலைவரி போட்டீர்களே!
இன்று அதுபோல் வரி போட முடியுமா?
• எங்கள் முன்னோர் தலைமுடி வளர்த்தால் முண்டாசு கட்டினால் அதற்கெல்லாம் வரி போடடீர் களே! அதுபோல இப்போது வரி போட முடியுமா?
• முன்பு எங்கள் பிள்ளைகளுக்கு மங்கலகர மான உயர்வான பெயர் வைக்கக் கூடாது என்று சொன்னீர்களே!
இன்று அவ்வாறு சொல்ல முடியுமா?
• முன்பு சீரங்கம் போன்ற கோயிலுக்குள் தாழ்த்தப்பட்டவர்கள் நுழைய அனுமதி இல்லை என்று போர்டு வைத்தீர்களே!
இப்போது அப்படி வைக்க முடியுமா?
•முன்பெல்லாம் படிப்பு எங்களுக்கு மட்டும்தான் வரும், உனக்கெல்லாம் வராது என்று சொன்னீர்களே! இப்போது அப்படிச் சொல்ல முடியுமா?
• எங்களுக்கு மட்டும்தான் தகுதி திறமை இருக்கு. உங்களுக்கு இல்லேன்னு சொன்னீங்களே!
இப்போது அப்படிச் சொல்ல முடியுமா?
• முன்பு குலக்கல்வித்திட்டம் கொண்டு வந்து சலவைத் தொழிலாளி பிள்ளை துணி வெளுக்கணும். நாவிதன் பிள்ளை முடிவெட்டனும். என்று சொன்னீர் களே!
இப்போது அப்படிச் சொல்ல முடியுமா?
• இவன் குயவன் மண்பாண்டம் செய்கிறான். இவன் வண்ணான் துணி வெளுக்கிறான். இவர் அய்யர் மிகவும் நல்லவர். பாடம் படிக்கிறார் என்று பாடம் வைத்தீர்களே!
இப்போது அப்படிச் சொல்ல முடியுமா?
• ராஜாஜி சொன்னதுபோல உங்கள் பிள்ளை களை உயர்படிப்பு படிக்க வைக்காதீங்க. குலத் தொழி லைக் கற்றுக் கொடுங்கள் என்று இப்போது சொல்ல முடியுமா?
• அடுப்பூதும் பெண்களுக்கு படிப்பு எதுக் குன்னு முன்பு சொன்னீங்களே!
அதுபோல இப்போது சொல்ல முடியுமா?
• முன்பு கணவனை இழந்த பெண்ணை சதி என்ற பெயரால் உயிரோடு கொளுத்தினீர்களே!
அதுபோல இப்போது கொளுத்த முடியுமா?
• முன்பு எட்டு வயதுக்குள் திருமணம் செய்ய வேண்டும் என்று குழந்தைத் திருமணத்தைச் செய்து வைத்தீர்களே!
இன்று அதுபோலச் செய்ய முடியுமா?
• அன்று விதவைப் பெண்களை வெள்ளைப் புடவை உடுத்தி மூலையில் உட்கார வைத்தீர்களே!
அதுபோல இன்று செய்ய முடியுமா?
• முன்பு கன்னிகாதானம் என்ற பெயரால் பெண்ணையே தானமாகப் பெற்றீர்களே! அதுபோல் இன்று செய்ய முடியுமா?
• தேவதாசி முறையை ஆதரித்த நீங்கள் அதனை மீண்டும் கொண்டுவருவோம் என்று உங் களால் துணிச்சலாகச் சொல்ல முடியுமா?
• பெண்களுக்கு பெற்றோர் சொத்தில் பங்கு இல்லை என்று வெளிப்படையாகச் சொல்ல முடியுமா?
• முன்பு மன்னர்களை ஏமாற்றி ஊர்களையே தானமாகப் பெற்றீர்களே!
இன்று அதுபோல் ஏமாற்ற முடியுமா?
• 5 வயசு பார்ப்பன பொடியன் 60 வயசு முதிய வரை டேய் குப்பா, டேய் முனியான்னு கூப்பிட் டீங்களே!
இப்பொழுது அப்படி கூப்பிட முடியுமா ?
• இவை எதுவும்கூட வேண்டாம் உங்கள் திட்ட மான மனுதர்மத்தை இந்திய அரசியல் சட்டத்துக்குப் பதிலாக மீண்டும் கொண்டு வருவோம் என்று வெளிப்படையாகச் சொல்ல முடியுமா?
இப்படி அடுக்கடுக்கான வினாக்களை எங்களாலும் தொடுக்க முடியும்.
இந்தக் கொடுமைகளையெல்லாம் எதிர்த்து தந்தை பெரியார் போராடியபோது அதற்கு எதிராக பிள்ளையாரையும் ராமனையும் நீங்கள் கொண்டு வந்ததால்தான் பிள்ளையாரை உடைத்தார். ராமன் படத்தை எரித்தார். பெரியாரின் உழைப்பால் பலன் பெற்ற மக்கள் அவருக்கு ஆதரவாக இருந்தனர்.
இன்று அதனையெல்லாம் மக்கள் மறந்துவிடு வார்கள் என்பதால் பக்தியைக் காட்டி மக்களை ஏய்க்கப் பார்க்கிறீர்கள். அதற்கெல்லாம் மக்கள் ஏமாற மாட்டார்கள். ஏமாறப் போவது நீங்கள்தான் என்பது திண்ணம்! பெரியார் பெரும்படை அதனை முறியடிக்கும் எச்சரிக்கை!
நன்றி: ‘முரசொலி’, 27-4-2024
