எழுத்துரு அளவு Larger Font Smaller Font

கண்டுபிடிப்புக்கும் - வயதுக்கும் தொடர் பில்லை என்பதை நிரூபிக்கும் வகையில் பத்தாம் வகுப்புப் பயிலும் மூன்று மாணவர்கள் புதிய இயந்திரம் ஒன்றைக் கண்டுபிடித்திருக்கிறார்கள். கடலில் கலக்கும் கச்சா எண்ணெயை அப்புறப் படுத்த ஆயில் சேவர் என்ற புதிய இயந்திரத்தை இந்த மாணவர்கள் உருவாக்கியுள்ளனர்.

மதுரை மாவட்டம் வீரபாஞ்சான் பகுதியில் உள்ள லட்சுமி (அய்.சி.எஸ்.இ.) பள்ளியில் பத்தாம் வகுப்பு படிக்கிறார்கள் முத்து அய்ஸ்வர்யா, சாகித்ய நிருபன், கோமதி என்னும் இந்த மாணவர்கள். உத்தரப் பிரதேசத்தில் உள்ள அய்.அய்.டி. கான்பூர், தேசிய அளவிலான இளம் கண்டுபிடிப்பாளர்கள் இறுதிப் போட்டியை சில வாரங்களுக்கு முன்பு நடத்தியது. இப்போட்டியில் நாடு முழுவதிலும் இருந்து 1000-த்துக்கும் மேற்பட்ட மாணவர்கள் கலந்துகொண்டனர். இறுதிப் போட்டிக்கு 16 குழுக்கள் தேர்வுசெய்யப்பட்டன. அவற்றில் ஒன்று இந்த மாணவர் குழு. ஆயில் சேவர் இயந்திரத்தின் செயல் முறை விளக்கத்தை மாணவர்கள் சிறப்பாக எடுத்துரைத்துள்ளனர்.  மாணவர்களின் கண்டுபிடிப்பு சுற்றுச்சூழலுக்கு உதவும் வகையிலும் மற்ற கண்டு பிடிப்புகளைவிடச் சிறப்பாக இருந்ததாலும் இளம் விஞ்ஞானி களுக்கான போட்டியில் இதற்கு முதலிடம் கிடைத்துள்ளது.

கடலுக்கு வாளி போதுமா?

சென்னை எண்ணூர் பகுதியில் இரண்டு சரக்குக் கப்பல்கள் மோதியதில் ஏற்பட்ட விபத்தில் கச்சா எண்ணெய் மெரினா கடற் பகுதியில் கொட்டியது.

இது மிக மோசமான சுற்றுச்சூழல் சீர்கேட்டையும் விளைவித்தது. கச்சா எண்ணெயை அப்புறப்படுத்துவதற்கு முறையான கருவிகள் இல்லாத காரணத்தால் கடல்சார் பொறியியல் படிக்கும் மாணவர்கள், மீனவர்கள், பொதுமக்கள் ஆகியோர் இணைந்து பல நாட்களாக பிளாஸ்டிக் வாளியால் கச்சா எண் ணெயை அப்புறப்படுத்திவந்தனர். அதிநவீன இயந்திரங்கள் கொண்டு இந்த கச்சா எண்ணெய் அப்புறப்படுத்தப்படும் என அரசு தரப்பு சொல்லிக்கொண்டிருந்த நிலையில் பிளாஸ்டிக் வாளிதான் கடைசிவரை பயன்படுத்தப்பட்டது.

இந்தச் சம்பவம் முத்து அய்ஸ்வர்யா, சாகித்ய நிருபன், கோமதி ஆகிய மூன்று மாணவர்களைச் சிந்திக்கவைத்திருக்கிறது. அப்போது, அவர்களுடைய ஆசிரியை லட்சுமி, கச்சா எண்ணெயைப் பிரித்து எடுக்கும் இயந்திரத்தை உருவாக்க முயலுங்கள் என்று ஊக்கு வித்திருக்கிறார்.

மூளையாகச் செயல்பட்ட மாணவி

கணினி நிரல்   உருவாக்குவதில் படுவேகமாகச் செயல்படுகிறார் மாணவி முத்து அய்ஸ்வர்யா. எட்டாம் வகுப்பு படிக்கும்போதே கணினி நிரல்களைச் சுயமாக எழுதக் கற்றுக்கொண்டவர் இவர். ஆயில் சேவர் இயந்திரத்தின் கணினி நிரலை எழுதியவர் முத்து அய்ஸ்வர்யாதான்.

கடலில் கொட்டப்பட்ட கச்சா எண்ணெய் யை மாணவர்கள் வாளியை கொண்டு அள் ளிய காட்சி எங்களை மிகவும் பாதித்தது. அதற்கான தீர்வு காண முடிவெடுத்தோம். நீரின் அடர்த்தியை விடவும் எண்ணெயின் அடர்த்தி குறைவு. அதனால்தான் எண்ணெய் தண்ணீரின் மேலே மிதக்கிறது. இந்த அடிப் படை அறிவியலைப் புரிந்துகொண்டு இயந்தி ரத்தில் கச்சா எண்ணெய்யைக் கண்டுபிடிக்க இன்ஃப்ரா ரெட் சென்சார் கருவியைப் பொருத் தினேன். கறுப்பு நிறத்தில் இருக்கும் கச்சா எண்ணெய் கொட்டிக் கிடக்கும் இடத்தை சென்சார் சுட்டிக்காட்ட அங்கு ஆயில் சேவர்  மிதந்து சென்று குழாய் மூலமாக கச்சா எண்ணெயை உறிஞ்சி இயந்திரத்தின் மேல்பகுதியில் பொருத்தப்பட்டுள்ள தொட்டியில் நிரப்பிவிடும். தொட்டி முழுவது மாக நிரம்பியவுடன் மீண்டும் கரைக்குத் திரும்பி விடும். பின்னர், வேறொரு குழாய் மூலமாக கச்சா எண்ணெய்யை வெளியேற்றி மீண்டும் பயன்படுத்தும் வகையில் ஆயில் சேவர்-அய் வடிவமைத்துள்ளோம் என்கிறார் முத்து அய்ஸ்வர்யா. மனித மூளையின் செயல்பாடு குறித்து அதிக ஆர்வம் கொண்ட இவருடைய லட்சியம் நரம்பியல் விஞ்ஞானி ஆவதாம்.

ஆயில் சேவர் இயந்திரத்தின் வடிவத்தைத் தீர்மானித்ததில் முக்கியப் பங்கு வகிக்கிறார் சாகித்ய நிருபன். என்ன மாதிரியான வடிவில் இயந்திரத்தை உருவாக்கலாம் என யோசித்துக் கொண்டி ருந்தேன். அப்போது எனக்கு உதவியது கார்ட்டூன் பொம்மைகள்தான். பென்10 கார்ட்டூனில் வரும் வில்லனின் தொப்பிதான் எனக்கு இயந்திரத்தை வடிவமைக்க உதவியது. இளம் கண்டுபிடிப்பாளர் போட்டிக்கு முதலில் நாங்கள் என்ன செய்யப்போகிறோம் என்பதை எழுதி அனுப்பினோம். முதல் சுற்றில் தேர்வானவுடன் எங்கள் இயந்திரத்தை வடிவமைக்கும் பணியில் தீவிரமாக இறங்கினோம். ஒருமாத இடைவெளியில் பலமுறை இயந்திரத்தின் வடிவத்தை மாற்றி சோதித்தோம்.

இறுதிப்போட்டிக்கு அய்.அய்.டி. கான்பூர் சென்றிருந்தபோது மற்ற கண்டுபிடிப்பாளர்களின் இயந்திரங்கள் பார்க்கச் சிறப்பாக இருந்தன. ஆனால், அவர்களால் தங்களுடைய கண்டுபிடிப்பைத் தெளிவாக விளக்க முடியவில்லை. எங்களுடைய இயந்திரத்தின் செயல் பாட்டைத் தெளிவாக விளக்க நாங்கள் தயார் நிலையில் இருந்தோம். அந்த நேரத்தில் எங்களின் இயந்திரம் திடீரென ஓடாமல் நின்றுவிட்டது. ஒரு நிமிடம் என்ன செய்வது என்றே புரியவில்லை. ஆனால், நாங்கள் மூவரும் பதற்றமாகாமல் இயந்திரம் குறித்த எங்களின் விளக்கத்தைத் தெளிவாகக் கூறினோம். சிரமங்கள் நடுவே நாங்கள் தைரியமாக விளக்கியதைக் கேட்ட நடுவர்கள் பாராட்டி முதல் பரிசு கொடுத்தார்கள் எனப் பூரிப்புடன் கூறுகிறார் சாகித்ய நிருபன்.

நாங்கள் கண்டுபிடித்துள்ள இயந்திரம் அனைவருக்கும் உதவும் வகையில், கட்டுப்படியாகக்கூடிய விலையில் இருக்க வேண்டும் என்பதில் மூன்று பேரும் கவனமாக இருந்தோம் என்கிறார் கோமதி.

சொந்த செலவில் சாலையைச் சீரமைத்த இளைஞர்கள்

விழுப்புரத்தில் சேதமடைந்த தார்ச் சாலையை இளைஞர்கள் தங்களது சொந்த செலவில் கிராவல் மண் அடித்து சீரமைத்தனர்.

விழுப்புரம் கீழ்ப்பெரும்பாக்கத்தில் ரயில்வே தரைப்பாலம் தொடங்கி, திரவுபதியம்மன் கோயில் வரையிலான சண்முகப் பெருமான் சாலை, முக்கிய கடை வீதியாகவும், அரசு மேல்நிலைப் பள்ளி, அரசு கலைக் கல்லூரி உள்ளிட்ட பகுதிகளுக்கு சென்று வர பயன்படுத்தப்படும் பிரதான பாதையாகவும் உள்ளது. கடந்த சில மாதங்களாக விழுப்புரம் ரயில்வே மேம்பாலப் பணிகள் நடைபெற்றபோது, விழுப்புரம் - புதுச்சேரி சாலைக்கு மாற்றுச் சாலையாக இந்த சாலை பயன்படுத்தப்பட்டு வந்தது.

இதனால், இந்த சாலை சேதமடைந்து குண்டும், குழியுமானது. மேலும், தற்காலிகமாக சீரமைக்கப்பட்ட நிலையிலும், தொடர் மழை காரணமாக சாலையில் நீர் தேங்கி, கடுமையாக சேதமானது.

இந்த சாலையை சீரமைக்க வேண்டும் என்று, அப்பகுதியில் இயங்கும் “யாதும் ஊரே யாவரும் கேளிர்’ எனும் பொதுநல இளைஞர் அமைப்பினர், வியாபாரிகள் மற்றும் பொது மக்கள் தரப்பில் மாவட்ட ஆட்சியர், நகராட்சி நிர்வாகத்துக்கு தொடர்ந்து கோரிக்கை விடுக்கப்பட்டு வந்தது.

ஆனால், இந்தக் கோரிக்கைக்கு பலன் கிடைக்காத தையடுத்து, நீண்ட நாள்களாக புதுப்பிக்கப்படாத

ஒரு கி.மீ. தொலைவுள்ள இந்த சாலையை சீரமைக்கும் பணியில் “யாதும் ஊரே யாவரும் கேளிர்’ அமைப் பைச் சேர்ந்த இளைஞர்கள் களமிறங்கினர்.

தங்களது சொந்த செலவில் லாரிகள் மூலம் கிராவல் மண் கொண்டு வந்து சாலையில் கொட்டினர். கொட்டிய கிராவல் மண்ணை, தார்ச்சாலை பள்ளங் களில் பரப்பி, சாலையை சீரமைத்தனர்.

மேலும், இந்த தார்ச்சாலையை புதுப்பித்து சீரமைக்க வேண்டும் என்று அந்த அமைப்பினர் ஆட்சியருக்கு கோரிக் கையும் விடுத்தனர். இளை ஞர்கள் மேற்கொண்ட இந்த நற்பணியை அப்பகுதி மக்கள் வெகுவாகப் பாராட்டினர்.

ரிசர்வ் வங்கியில் காலிப் பணியிடங்கள்

இந்திய ரிசர்வ் வங்கியானது  526 அலுவலக உதவியாளர் பணியிடங்களுக்கான அறிவிப்பை ரிசர்வ் வங்கி வெளியிட்டுள்ளது.

இதற்கு 25 வயதுக்குள் இருக்கும் பத்தாம் வகுப்பு தேர்ச்சி பெற்றவர்கள் விண்ணப்பிக்க தகுதியான வர்கள் என தெரிவிக்கப்பட்டுள்ளது. மொத்த காலியிடங்கள்: 526 (இதில் சென்னைக்கு 10 இடங்கள் ஒதுக்கப்பட்டுள்ளன)

பணி:  தகுதி: 01.11.2017 தேதியின்படி பத்தாம் வகுப்பு தேர்ச்சி பெற்றிருக்க வேண்டும்.
வயதுவரம்பு: 18 முதல் 25க்குள் இருக்க வேண்டும்.

சம்பளம்: மாதம் ரூ.10,940 - 23,700

தேர்வு செய்யப்படும் முறை: தகுதியானவர்கள் ஆன்லைன் எழுத்துத் தேர்வு மற்றும் நேர்முகத் தேர்வு மூலம் தகுதியானவர்கள் தேர்வு செய்யப் படுவார்கள்.

விண்ணப்பக் கட்டணம்: பொது மற்றும் ஓபிசி பிரிவினருக்கு ரூ.450. மற்ற அனைத்து பிரிவினருக்கும் ரூ.50 கட்டணமாக செலுத்த வேண்டும்.

விண்ணப்பிக்கும் முறை: www.rbi.org.in என்ற இணைய தளத்தின் மூலம் ஆன்லைனில் விண் ணப்பங்கள் வரவேற்கப்படுகின்றன. விண்ணப்பிப் பதற்கான கடைசி தேதி: 07.12.2017

எழுத்துத் தேர்வு:  வரும் 2018 ஆண்டு ஜனவரி, பிப்ரவரி மாதங்களில் நடைபெறலாம். 120 மதிப் பெண்கள் கொண்டது. 120 வினாக்கள் அடங்கிய இந்த தேர்வு 90 நிமிடங்கள் நடைபெறும்.

மேலும் முழுமையான விவரங்கள் அறியwww.rbi.org.in செய்து தெரிந்துகொள்ளவும்.



.
 

தமிழில் கருத்துக்களை தெரிவிக்க -  


Security code
Refresh

Banner
Banner