இளைஞர்

இந்திய விண்வெளி ஆய்வு நிறுவனத்தின் (ISRO) கீழ், முன்னணி பயிற்சி மற்றும் கல்வி நிறுவனமாக செயல்பட்டு வருகிறது, உத்தரகாண்ட் மாநிலம், டேராடூனில் உள்ள இந்திய தொலை யுணர்வு நிறுவனம். 1966-இல் தொடங்கப்பட்ட இந்த நிறுவனம் தொலையுணர்வு, புவித் தகவல்கள், இயற்கை வளங்கள், சுற்றுச்சூழல் மற்றும் பேரழிவு மேலாண்மை ஆகியவற்றில், புவியியல் தகவல் அமைப்பு தொழில்நுட்பத் திறனாளர்களை உருவாக்கும் பணியில் ஈடுபட்டுள்ளது.

தொழில்நுட்பங்களை பொதுமக்களுக்கு கொண்டு சென்று, அவர்களிடம் திறன்களை உரு வாக்குவது, புவியியல் தகவல் நுட்பம் மற்றும் தொலையுணர்வு பயன்பாடுகளில் மாணவர் களுக்கு முதுநிலைப் பட்டங்கள் வழங்குவது ஆகியன இதன் முக்கிய செயல்பாடுகள்.

மேலும், இயற்கை வள மேலாண்மை, தொலையுணர்வு, புவியியல் தகவல் அமைப்புகள், உலகளாவிய நிலைப் படுத்தல் அமைப்பு தொழில் நுட்பம் ஆகியவற்றில் இந்திய தொலையுணர்வு நிறுவனம் மேம்பட்ட சேவையை வழங்கி வருகிறது. இதன் பத்தாயிரத்துக்கும் அதிகமான முன்னாள் மாணவர்கள் உலகம் முழுவதும் பணியாற்றி வருகின்றனர்.

அண்மைக்காலமாக, புவியில் இருந்து அனுப்பப்படும் புவி கண்காணிப்பு செயற்கைக் கோள்கள், நிலம், கடல், வளி மண்டலம், சுற்றுச்சூழலின் பல அம்சங்கள் தொடர் பான தகவல்களை நமக்கு அனுப்பி வருகின்றன. இந்தத் தகவல்கள் அனைத்தும் இயற்கை வளங்களை நிர் வகிப்பது, கண்காணிப்பது, தட்பவெப்ப நிலைகளை முன்கூட்டியே அறிவிப்பது, பேரிடர் மேலாண்மை உதவி, வளர்ச்சி செயல்பாடு களைத் திட்டமிடுவது-கண் காணிப்பது ஆகியவற்றில் மத்திய, மாநில அரசுகளின் சிறப்பான ஆட்சிக்கு உதவி செய்யக் கூடியவையாக உள்ளன.

இந்திய தொலையுணர்வு நிறுவனம் An Overview for Decision Maker’s Course என்ற  பாடம் நடத்தி வருகிறது. இதில், எந்த ஒரு நிறுவனத்தின் மூத்த அதிகாரிகள், மேலாளர்கள், திட்ட தலை வர்கள், திட்டமிடுநர்கள், கொள்கை வடிவமைப் பாளர்கள், வேளாண்மை, வனத்துறை, நீர்வளம், சுற்றுச்சூழல், சூழலியல், பேரிடர் மேலாண்மை, வானவியல், புவியியல், பொருளாதாரம், நகரம், கடலியல் ஆகிய துறைகளில் உள்ளவர்கள் பங்கேற்கலாம்.

இயற்கை வளம், பேரிடர் மேலாண்மை, திட்டமிடுதல் ஆகியவற்றில், தொலையுணர்வு தொழில்நுட்பம் மற்றும் புவியியல் தகவல் அமைப்பு தொழில்நுட்பத்தின் மூலம் உதவிசெய்து, அதன் நன்மைகள் மற்றும் தடைகளை பொதுமக்கள் மதிக்கும் போக்கை வளர்ப்பதே இந்த பாடத்தின் நோக்கம். இதேநோக்கில், 9 முதல் 12ஆம் வகுப்பு வரை பயிலும் மாணவர்களுக்கான  கோடைக்கால வகுப்பும் டேராடூன் வளாகத்தில் ஜூன் மாதத்தில் நடைபெறுகிறது.

மேலும், விண்வெளி தொழில்நுட்பம், அதன் பயன்பாடுகள் குறித்து பயனாளர்கள் மற்றும் கல்வித் துறையில் வலுவான புரிதலை ஏற்படுத்தும் பொருட்டு, இணையவழி கல்வியாக    என்ற திட்டமும் செயல்படுத்தப் படுகிறது. இது, இணையவழி நேரலை கலந்துரையாடல் முறை (Edusat), e-Learning Mode âù 2 என 2 வழிகளில் செயல்படுத்தப்படுகிறது.

நேரலை முறையில், ISRO, IIRS  உள்ளிட்ட புகழ்பெற்ற கல்வி நிறுவனங்களின் நிபுணர்கள் வகுப்புகளை நடத்துவார்கள். இந்த முறையில்  இதுவரை 22 பாடங்களை வெற்றிகரமாக நடத்தியுள்ளது.

இதில் 626 கல்வி நிறுவனங்கள், அரசு மற்றும் தொழில்துறையைச் சேர்ந்த சுமார் 47 ஆயிரம் பேர் பங்கேற்றுள்ளனர். இந்த அவுட்ரீச் திட்டத்தில் சேர்ந்து இணையம் வழியாகப் பயில கட்டணம் கிடையாது.

மத்திய, மாநில, தனியார் பல்கலைக்கழகங்கள் மற்றும் கல்வி நிறுவனங்கள்,  மத்திய, மாநில அரசு நிறுவனங்கள் மற்றும் துறைகள், ஆராய்ச்சி நிறுவனங்கள், புவியியல் தொழில்துறை, தன்னார்வ நிறுவனங்கள், கல்லூரி மாண வர்கள் இந்த அவுட்ரீச் திட்டத்தில் சேர்ந்து பயிலலாம்.

நிறுவனங்கள், இணையவழி நேரலை பயிற்சிக்கான வகுப்பறையை தங்கள் சொந்த செலவிலேயே அமைத்துக் கொள்ள வேண்டும். கல்லூரி மாணவர்கள் தங்கள் வீடுகளில் இருந்தே கணினி மூலம் இந்த நேரலை வகுப்பில் பங்கேற்கலாம். நிறுவனங்கள், அவற்றின் சார்பாக ஒருங்கிணைப்பாளரை நியமித்து இதில் பங்கேற்க வேண்டும்.

இந்த ஒருங்கிணைப் பாளர்களுக்கு ஒவ்வொரு பாடத் தின் நிறைவிலும் சான்றிதழ் மற்றும் விருது வழங்கப்படும். அதோடு, தொலையுணர்வு மற்றும் புவியியல் தொழில் நுட்பம் குறித்த தொடர்ச்சியான புது தகவல்களை மிமிஸிஷி-இல் இருந்து இந்த ஒருங்கிணைப்பாளர்கள் இலவச மாகப் பெறலாம்.

மேலும்,  பயனாளர் ஆண்டு கலந்துரையாடல் கூட்டங்களில் பங்கேற்க ஒருங்கிணைப்பாளர்கள் அழைக்கப்படுவர்.  இந்த பாடத்தில் பங்கேற்கும் அலுவலர் களுக்கு 70 சதவீத வருகைப் பதிவு மற்றும் செயல்திட்ட ஒப்படைப்பின் அடிப்படை யிலும், கல்லூரி மாணவர்களுக்கு 70 சதவீத வருகைப்பதிவு மற்றும் இணையவழி தேர்வின் அடிப்படையிலும் சான்றிதழ் வழங்கப்படும்.

இந்திய தொலையுணர்வு நிறுவனத்தில் அளிக்கப்படும் பயிற்சிகள், நடத்தப்படும் பாடங்கள் குறித்த மேலும் விவரங்களை  An Overview for Decision Maker’s Course  என்ற இணையதளத்துக்குச் சென்று அறிந்துகொள் ளலாம்.

SPIE - The International Society for Optics and Photonics  என்ற அய்ரோப்பிய தன்னார்வ நிறுவ னத்தின்    பிரிவு புவி கண்காணிப்பு அமைப்பு, தொழில்நுட்பம், பயன்பாடு ஆகியவற்றில் நவீன வளர்ச்சி குறித்த சர்வதேச மாநாட்டை ஜெர்மனியில் உள்ள பெர்லின் நகரில் வரும் செப்டம்பர் 10-13ஆம் தேதி வரை நடத்துகிறது.

இதில், தொலையுணர்வு தொடர்பான 11 தலைப்புகளில் நிபுணர்கள் பங்கேற்று கருத்து களைப் பகிர்ந்து கொள்ள உள்ளனர்.

இந்த மாநாட்டில் பங்கேற்க பொறியாளர்கள், விஞ்ஞானிகள், திட்ட மேலாளர்கள், கொள்கை வடிவமைப் பாளர்கள் உள்ளிட்ட ஆர்வலர்களுக்கு நிறுவனம் அழைப்பு விடுத்துள்ளது.

லிஃப்ட் அன்ட் எஸ்கலேட்டர் மெக்கானிக்!

முன்பெல்லாம் ஒரு மாடி, 2 மாடி என்றாலே மிகப்பெரியதாக இருந்தது. ஆனால் தற்போது சுமார் 15 அல்லது 20 மாடி என்பது சாதாரணமானதாக ஆகி கிவிட்டது. அவற்றுக்கு லிப்ட் பொருத்தி விடுகின்றனர். மாநகரங்களைச் சொல்ல வேண்டியதே இல்லை. அங்கு 10, 15, 20 மாடிகள் என அடுக்குமாடி குடியி ருப்புகள், வணிக வளாகங்கள் கட்டப்படு கின்றன.

மாடிப்படிகளில் ஏறி செல்ல முடியாத சூழ்நிலை உள்ளது. இத்தகைய சூழ்நிலை யில் 15, 20 மாடிகள் என்பது நினைத்துப் பார்க்கவே முடியாது. அங்கு செல்ல வேண்டுமானால் லிஃப்ட் மிகவும் அவசிய தேவையாக உள்ளது.

வணிக வளாகங்களில் லிஃப்ட் இருப்பதோடு எஸ்கலேட்டர் எனப்படும் நகரும் படிக்கட்டுகள் அமைக்கப்படு கின்றன. அதனால் லிஃப்ட் மற்றும் எஸ் கலேட்டர்கள் பழுது ஏற்படும் சமயத்தில் அதனைச் சரிசெய்ய அது சம்பந்தான படிப்பை படித்த மெக்கானிக் இருந்தால் மட்டுமே அந்த பிரச்னைக்குத் தீர்வு கிடைக்கும்.

அதனால் லிஃப்ட் மற்றும் எஸ்கலேட்டர் மெக்கானிக் படித்தவர்களுக்கு நல்ல வேலை வாய்ப்பு காத்திருக் கின்றது. 10ஆம் வகுப்பிற்கு பிறகு இத்தகைய லிஃப்ட் அன்ட் எஸ்க லேட்டர் குறித்த படிப்பை படிக்கலாம்.

லிஃப்ட் அன்ட் எஸ்கலேட்டர் சம்பந்த மான படிப்புகளை நடத்தும் கல்வி நிறுவ னங்கள்:

1. Bharat Institute of Elevators,  88 Manthralaya Garden, Sengalipalayam , Coimbatore - 641022  http://bharatinstituteofelevators.com/
2. Sudhar - Son Lift Technology Institute, 16, SRV Main Road, SRV Nagar, Harveypatti , Madurai (Madurai Dist.)  625005
3. Lalji Mehrotra Technical Institute Opp. Hema Industrial Estate, Sarvodya nagar, Jogeshwari (E), Mumbai - 400060
4.  INSTITUTE OF FIRE AND SAFETY ENGINEERING & LIFT, # 16-2-753/A/1, 3rd Floor, Above Bata Showroom, Revenue
Board Colony, Near Konark Diagnostic Centre, Dilsukhnagar, Hyderabad -  500 060. http://www.ielt.in/index.php

ரப்பர் தொழில்நுட்ப படிப்புகள்

ரப்பர் பொருட்கள் வாழ்வின் அனைத்து துறைகளிலும் ஏதேனும் ஒருவிதத்தில் பயன்படுத்தப்படுகின்றன. ரப்பர் பயன்பாடு இல்லாத இடங்களே இல்லை என்று சொல்லலாம்.

பள்ளி மாணவர்கள் பென்சிலால் எழுதியதை அழிப்பதற்கு பயன்படும் ரப்பரில் தொடங்கி நம் அன்றாட வாழ்க்கையில் பயன்படுத்தப்படும் ஓர் இன்றியமையாத பொருளாக ரப்பர் உள்ளது. எனவே ரப்பர் சார்ந்த தொழில்களில் நிறைய வேலை வாய்ப்புகள், தொழில் வாய்ப்புகள் உள்ளதாகக் கருதப்படுகிறது.

ரப்பர் தொழில்நுட்பம் சார்ந்த பட்டயப் படிப்பு , பி.இ. பிடெக், எம்டெக், பிஎச்டி என பல படிப்புகள் நடத்தப்படுகின்றன. மேலும் விவரங்களுக்கு:

Madras Institute of Technology - http://www.mitindia.edu/en/
academic-programs
Indian Rubber Institute - www.iri.net.in/

 

 

இந்திய ராணுவத்திலும் கடற் படையிலும் விமானப் படையிலும் 383 பணியிடங்களை நிரப்புவதற்கான தேர்வு [National Defence Academy & Naval Academy Examination (II), 2018] குறித்த அறிவிக்கையை மத்திய அரசுப் பணியாளர் தேர்வாணையம் வெளியிட்டுள்ளது.

கல்வி: பன்னிரண்டாம் வகுப்பு தேர்ச்சி பெற்றிருக்க வேண்டும்.

வயது: 02.01.2000 முதல் 01.01.2003 வரையான காலத்தில் பிறந்தவர்களாக இருக்க வேண்டும். திருமணமாகாத ஆண்கள் மட்டுமே விண்ணப்பிக்கலாம்.

விண்ணப்பக் கட்டணம்: எஸ்.சி., எஸ்.டி. பிரிவினருக்குக் கட்டண மில்லை. பிறருக்குக் கட்டணம் ரூ.100. கட்டணத்தை ஆன்லைனிலோ வங்கி சலான் மூலமோ கட்டலாம்.

உரிய உடல், கல்வி, வயதுத் தகுதி கொண்டோர் 06.06.2018 முதல் 02.07.2018 மாலை 6:00 மணிவரை : https://upsconline.nic.in// என்னும் இணையதளத்தில் விண்ணப்பிக்கலாம்.

கடைசி நாள்: 02.07.2018 | தேர்வு நாள்: 09.09.2018

கூடுதல் விவரங்களுக்கு: https://goo.gl/NdKrgt

வங்கியில் காலிப் பணியிடங்கள்

பாங்க் ஆஃப் பரோடா வங்கியில் புரோபேஷனரி ஆபீசர் பதவிக் கான விண்ணப்பங்கள் வரவேற்கப்படுகின்றன. தேர்ந்தெடுக்கப்படும் விண்ணப்பதாரர்கள் உரிய பயிற்சி அளிக்கப்பட்டு அதிகாரிகளாகப் பணியமர்த்தப்படுவார்கள். பயிற்சிக் கட்டணம் ரூ. 3,45,000. வங்கிக் கடன் பெற்று பயிற்சிக் கட்டணம் செலுத்த வாய்ப்பு வழங்கப்படுகிறது.

காலிப் பணியிடங்கள்: 600

வயது: 02.07.2018 அன்று குறைந்தபட்ச வயது 20, அதிகபட்ச வயது 28. அரசு விதிமுறைகளின்படி வயது வரம்புச் சலுகை உண்டு.

கல்வி: அங்கீகரிக்கப்பட்ட பல்கலைக்கழகம் ஒன்றில் பட்டப் படிப்பு முடித்திருக்க வேண்டும். எஸ்.சி., எஸ்.டி., மாற்றுத்திறனாளி ஆகியோர் 50 சதவீத மதிப்பெண்களும், பிறர் 55 சதவீத மதிப்பெண்களும் பெற்றிருக்க வேண்டும்.

தேர்ந்தெடுக்கப்படும் முறை: எழுத்துத் தேர்வு, கலந்துரையாடல், நேர்காணல் ஆகியவற்றின் அடிப்படையில் விண்ணப்பதாரர்கள் தேர்ந்தெடுக்கப்படுவார்கள்.

விண்ணப்பக் கட்டணம்: எஸ்.சி., எஸ்.டி., மாற்றுத்திறனாளி ஆகியோருக்கு ரூ. 100. பிறருக்கு ரூ. 600. விண்ணப்பக் கட்டணத்தை ஆன்லைன் மூலம் செலுத்த வேண்டும்.

விண்ணப்பிக்கும் முறை: உரிய தகுதியுடையோர் www.bankofbaroda.com என்னும் இணையதளத்தில் ஆன்லைனில் 2018 ஜூலை 2ஆம் தேதிக்குள் விண்ணப்பிக்க வேண்டும்.

விண்ணப்பம் வெளியாகத் தொடங்கிய நாள்: 12.06.2018.

விண்ணப்பிக்க இறுதி நாள்: 02.07.2018

எழுத்துத் தேர்வு: 28.07.2018 (மாறுதலுக்குட்பட்டது)

கூடுதல் விவரங்களுக்கு:https://goo.gl/p9tfzH

பிளஸ் 2வுக்குப் பிறகு: கல்வி உதவித்தொகைகள்!

பிளஸ்டூவுக்குப் பிறகு எடுக்கும் முடிவுதான் பெரும் பாலான நேரத்தில் மாணவர்களின் எதிர்காலத்தைத் தீர்மானிக்கிறது. அத்தகைய முக்கியத்துவம் வாய்ந்த உயர்கல்வியை நம்முடைய பொருளாதாரத் தடைகள் தீர்மானிக்க விடலாமா? நிச்சயமாகக் கூடாது.

ஒரு காலத்தில் வசதியானவர்கள் மட்டுமே படிக்கக் கூடியதாகக் கருதப்பட்ட உயர்கல்வி இன்று எல்லாத் தரப்பு மக்களும் படிக்கக்கூடிய கல்வியாக மாறி உள்ளது. அதற்கு மிக முக்கியக் காரணம் அரசு அளிக்கக்கூடிய கல்வி உதவித்தொகைகளும் சலுகைகளும்தான். அகில இந்தியத் தொழில்நுட்பக் கழகம்  ‘பிரகதி’ என்ற திட்டத்தின் மூலம் பொருளாதாரரீதியாகப் பின்தங்கிய மாணவிகள் இலவச மாகப் பொறியியல் கல்வி பயிலக் கல்வி கட்டணம் முழுவதையும் கல்லூரிகளுக்கே செலுத்திவிடுகிறது. இதற்குப் பிளஸ் டூ வகுப்பில் நல்ல மதிப்பெண் எடுத்திருக்க வேண்டும்.

இசுலாமிய, கிறித்தவ மாணவர்கள் பிளஸ் டூவில் நல்ல மதிப்பெண்கள் எடுத்து இருந்தால் சிறுபான்மை துறை சார்பாக ஒவ்வொரு ஆண்டும் ரூ.25 ஆயிரம் கல்வி உதவித்தொகையாக வழங்கப்படும். ஆண்டுதோறும் உதவித்தொகையைப் பெற அவர்கள் செய்ய வேண்டியது ஒன்றுதான். கல்லூரியில் படிக்கும்போது அனைத்துப் பாடங்களிலும் தேர்ச்சி அடைய வேண்டும். இந்த உதவித்தொகையைப் பெற  Indian Oil Academic Scholarship’, ‘HDFC Scholarship’, ‘North South Foundation’  இல் விண்ணப்பிக்க வேண்டும்.

மாநில அரசானது முதல் தலைமுறைப் பட்டதாரி மாணவ - மாணவியர்களுக்கு ரூ.25 ஆயிரம் கல்விக் கட்டணமாக சம்பந்தப்பட்ட கல்லூரிகளுக்கே அரசு சார்பில் செலுத்தும் திட்டத்தை நடைமுறைப்படுத்தி வருகிறது. அரசு ஒதுக்கீட்டில் சேரக்கூடிய மாணவர்களுக்கு மட்டுமே இந்தச் சலுகை வழங்கப்படுகிறது. பொறியியல் கல்வி படிக்க விரும்பும் மாணவர்கள் அண்ணா பல்கலைக் கழகக் கலந்தாய்வில் கலந்துகொண்டு முதல் தலைமுறைப் பட்டதாரிச் சான்றிதழைச் சமர்ப்பித்தால் மட்டுமே இந்தச் சலுகை கிடைக்கும். முதல்தலைமுறைச் சான்றிதழை தாலுகா அலுவலகத்தில் சென்று விண்ணப்பித்துப் பெற வேண்டும்.

பட்டியலின மாணவிகளுக்கு அரசு சார்பில் இலவசக் கல்வி அளிக்கப்படுகிறது. இந்தச் சலுகை உள்ள கல்லூரிகளைத் தேர்வுசெய்து படிக்கலாம்.

மேலும் சில அரசு, தனியார் அமைப்புகளும் கல்வி உதவித்தொகைகளை வழங்கிவருகின்றன. அதில்   கல்வி உதவித்தொகை, Indian Oil Academic Scholarship’, ‘HDFC Scholarship’, ‘North South Foundation’
கல்வி உதவித் தொகை,   ‘‘Fair and Lovely Scholarship for Women’  போன்ற வற்றை பெற அவற்றின் இணையதளங்கள் வழியாக விண்ணப்பிக்க வேண்டும்.

வங்கிக் கடனைப் பெற விரும்புவோர் ‘www.vidyalak shmi.com’ என்ற இணையதளத்தில் சென்று பதிவு செய்துகொள்ள வேண்டும். பிறகு நீங்கள் வசிக்கும் பகுதியில் இருக்கும் வங்கியில் வங்கிக் கணக்கு தொடங்க வேண்டும். மாணவர், பெற்றோரின் பான் கார்டு, ஆதார் அட்டை, கல்விச் சான்றிதழ்கள், தேர்ந்தெடுத்த கல்லூரியில் பெறப்பட்ட   போன்ற ஆவணங்களைச் சமர்ப்பித்தால் வங்கிக் கடன் எளிதாகக் கிடைக்கும். எனவே, உயர் கல்விக்குப் பொருளாதாரச் சூழ்நிலை என்பது எந்த வகையிலும் தடை இல்லை என்பதைப் பெற்றோர்களும் மாணவர்களும் புரிந்துகொள்ள வேண்டும்.

விமான நிலையங்களில் காலிப் பணியிடங்கள்

மத்திய அரசின் முன்னணிப் பொதுத் துறை நிறுவனங்களில் ஒன்றான இந்திய விமான நிலையங்கள் ஆணை யத்தின் தென்பிராந்தியம் இளநிலை உதவியாளர் (தீயணைப்பு பணி) பதவியில் 147 காலியிடங்களை நேரடி நியமன முறையில் நிரப்ப உள்ளது.

தேவையான தகுதி

எஸ்.எஸ்.எல்.சி. முடித்துவிட்டு மூன்றாண்டுகள் பொறியியல் டிப்ளமா (பாலிடெக்னிக்) முடித்த அல்லது பிளஸ் 2 தேர்ச்சி பெற்ற ஆண்களும், பெண்களும் இந்தப் பணிக்கு விண்ணப்பிக்கலாம். குறைந்தபட்சம் 50 சதவீத மதிப்பெண் அவசியம். அதோடு கனரக வாகன ஓட்டுநர் உரிமம் அல்லது லகுரக வாகன ஓட்டுநர் உரிமம் பெற்று இரண்டாண்டுகள் பூர்த்தியானவர்களாக இருக்க வேண்டும். நல்ல பார்வை அவசியம். உயரம் ஆண் களுக்கு 167 செ.மீ., பெண்களுக்கு 157 செ.மீ. அவசியம்.

வயது 18 முதல் 30-க்குள் இருக்க வேண்டும். மத்திய அரசின் இடஒதுக்கீட்டு விதிமுறைகளின்படி, எஸ்.சி., எஸ்.டி. பிரிவி னருக்கு அய்ந்து ஆண்டுகளும், ஓ.பி.சி. பிரிவினருக்கு மூன்று ஆண்டு களும் வயது வரம்பில் தளர்வு அளிக்கப் படும்.

என்ன கேட்பார்கள்?

எழுத்துத் தேர்வு, உடல் திறன் தேர்வு அடிப்படையில் தகுதியானோர் பணிக்குத் தேர்வுசெய்யப்படுவர். நேர்முகத் தேர்வு கிடையாது. ஆன்லைன் வழியிலான எழுத்துத் தேர்வில் எஸ்.எஸ்.எல்.சி. நிலை அடிப்படைக் கணிதம், அடிப்படை அறி வியல், அடிப்படை ஆங்கிலம், இலக்கணம் ஆகியவற்றில் தலா 25 கேள்விகளும், பிளஸ் டூ நிலை பொது அறிவு பகுதியில் 25 கேள்விகளும் (மொத்தம் 100 கேள் விகள்) இடம்பெறும்.

தேர்வு 2 மணி நேரம். மொத்த மதிப்பெண் 100. உடல் திறன் தேர்வில் 100 மீட்டர் ஓட்டம், கயிறு ஏறுதல், கம்பி ஏறுதல், ஏணி ஏறுதல், கூடுதல் எடையை வைத்துக்கொண்டு 60 மீட்டர் ஓட்டம் ஆகியவை இடம்பெறும்.

எழுத்துத் தேர்வு சென்னை, பெங் களூரு, கொச்சி, அய்தராபாத் உள்ளிட்ட நகரங்களில் நடைபெறும். உரிய கல்வித் தகுதி, வயது வரம்புத் தகுதி, உடல் திறன் தகுதி உடையவர்கள் ஆன்லைன் வழியே விண்ணப்பிக்க வேண்டும்.

விண்ணப்பிக்க கடைசி நாள்:

ஜூலை 15

இணையதளத் தகவல்:www.aai.aero

 

 

உலகளவில் மிக வேகமாக வளர்ந்து வரும் துறையாகவும், 10இல் ஒரு வேலைவாய்ப்பை உருவாக்கும் பிரிவாகவும் திகழ்கிறது சுற்றுலாத் துறை. இந்தத்துறைத் தொடர்பான சுற்றுலா மற்றும் பயண மேலாண்மை பட்டப் படிப்புக்கு நாளுக்கு நாள் முக்கியத்துவம் அதிகமாகிவருகிறது. மேலாண்மை சார்ந்த கல்வி, உலகச் சுற்றுலாத் தலங்களை உள்ளடக்கிய பாடத்திட்டம், படிக்கும் போதே சுற்றுலா சார்ந்த நிறுவனங்களில் பயிற்சி, படித்து முடித்த உடன் வேலை, எனப் பல சிறப்புகளைக் கொண்டு இருக்கும் சுற்றுலா படிப்புகள் உலக அளவில் அநேக மாணவர்களால் விரும்பி தேர்ந்தெடுக்கப்படும் படிப்பாக உள்ளது.

சுற்றுலா சார்ந்த பல பன்னாட்டு நிறுவனங்கள் இந்தியாவில் தங்கள் கிளைகளை நிறுவிச் சிறப்பாகச் செயல்பட்டு, வேலைவாய்ப்புகளை உருவாக்கிக் கொடுத்துவருகின்றன. ஆனாலும், தமிழகத்தில் சுற்றுலா படிப்பைப் பற்றிய விழிப்புணர்வு மாணவர்கள் மத்தியில் அவ்வளவாக இல்லை என்பதே நிதர்சனம்.

கற்றுக்கொள்ள ஏராளம்

பிளஸ் டூ முடித்த மாணவர்கள், இளநிலை சுற்றுலா மற்றும் பயண மேலாண்மை தேர்ந்தெடுத்துப் படிக்கலாம். பி.ஏ. டூரிஸம் அண்டு டிராவல் மேனேஜ்மென்ட், பி.பி.ஏ. டூரிஸம் அண்டு டிராவல் மேனேஜ்மென்ட், பி.காம். டூரிஸம் அண்டு டிராவல் மேனேஜ்மென்ட் எனப் பல பெயர்களில் இந்தப் படிப்பு வழங்கப்படுகிறது.

தமிழகத்தில் கோவை அரசு கலைக் கல்லூரி உட்படப் பல அரசு, தனியார் கல்லூரிகளில் பி.ஏ. டூரிஸம் அண்டு டிராவல் மேனேஜ்மென்ட் என்ற மூன்று ஆண்டு பட்டப் படிப்பு வழங்கப்படுகிறது. பிளஸ் டூ வகுப்பில் எந்தப் பிரிவில் படித்த மாணவர்களும் இந்தத் துறையைத் தேர்தெடுத்துப் படிக்கலாம். தகவல் தொடர்புத் திறன், ஆளுமை மேம்பாடு, பயண நிறுவனம் மேலாண்மை, உலகச் சுற்றுலாத் தலங்களைப் பற்றிய அறிவு , சுற்றுலா தொகுப்பு வடிவமைப்பு, சந்தைப் படுத்தல் மேலாண்மை, சுற்றுலா பொருளாதாரம், விருந்தோம்பல் மேலாண்மை, நிகழ்வு மேலாண்மை, விமான மற்றும் விமான நிலைய மேலாண்மை ஆகியவை சுற்றுலா பாடத்திட்டத்தில் உள்ள மிக முக்கியமான பாடங்கள். இந்தப் பாடப் பிரிவில் கற்றுத்தேர்ந்து சிறந்த அறிவும் ஆங்கில மொழிப் புலமையும் பேச்சுத் திறனும் வளர்த்துக் கொண்டால் சுற்றுலாத் துறையில் பிரகாசமான எதிர்காலம் நிச்சயம்.

அதுக்கும் மேலே

ஏதாவது ஓர் இளநிலை பட்டம் பெற்ற பிறகும்கூட, முதுநிலை பட்டமாக சுற்றுலா படிப்புகளைப் படிக்கலாம்.  மத்திய அரசின் நேரடி கட்டுப்பாட்டில் இயங்கும் இந்தியச் சுற்றுலா மற்றும் பயண மேலாண்மை கல்வி நிறுவனம் குவாலியர், நொய்டா, புவனேஸ்வர், கோவா, நெல்லூர் ஆகிய இடங்களில் சுற்றுலா சார்ந்த உயர் கல்வியை வழங்குகிறது.

புதுச்சேரி பல்கலைக்கழகம், புதுடில்லி ஜாமியா மில்லியா பல்கலைக்கழகம், பனாரஸ் இந்து பல்கலைக்கழகம்,  கர்வால் பல்கலைக்கழகம், ஜம்மு மத்தியப் பல்கலைக்கழகம், ஹிமாச்சல் மத்தியப் பல்கலைக்கழகம் ஆகிய மத்தியப் பல்கலைக்கழகங்களில் சுற்றுலா சார்ந்த முதுநிலை பாடப் பிரிவுகள் வழங்கப்படுகின்றன

தமிழகத்தில் அண்ணா பல்கலைக்கழகம், மதுரை காமராஜர் பல்கலைக்கழகம், கோவை அரசு கலைக் கல்லூரியிலும் சுற்றுலா சார்ந்த முதுநிலை பாடப் பிரிவுகள் வழங்கப்படுகின்றன.

தனித்துவம் வாய்ந்த பொறியியல் படிப்புகள்

பொறியியல் உயர்கல்வி என்பது ஒருவரின் பொருளாதார எதிர்காலத்தை அமைத்துத் தருவது மட்டுமல்ல. அவரது கனவு, லட்சியம் ஆகியவற்றை ஈடேற்றுவதும்கூட. அப்படிச் சுவாரசியமும் சவாலும் நிரம்பிய தனித்துவமானவர்களுக்கான சில பொறியியல் படிப்புகள் உள்ளன.

வான், விண் ஊர்திகளுக்கு

வானூர்திகள் முதல் விண்கலங்கள்வரையிலான படிப்புகள் தற்போதைய தலைமுறையினர் மத்தியில் சிறுவயதுக் கனவாக உள்ளன. இவை குறித்தான படிப்புகள் ஏரோஸ்பேஸ், ஏரோநாட்டிகல் என இரண்டு துறைகளாகப் பிரிக்கப்பட்டுள்ளன. மேலோட்டமாகப் பார்த்தால் இவை ஒன்றுபோலவே தோன்றலாம். ஆனால், ஏரோநாட்டிகல் என்பது விமானங்கள், ஹெலிகாப்டர்கள் உள்ளிட்ட பல்வகை வானூர்திகளைப் பற்றிய படிப்பு. ஏரோஸ்பேஸ் என்பதில் ஏரோநாட்டிகல் பாடங்களுடன், ஏவுகணை, ராக்கெட், விண்வெளி மய்யம், விண்வெளி ஓடம் உள் ளிட்டவற்றையப் பற்றியும் படிக்கலாம். இவற்றில் விண் வெளியை மட்டுமே மய்யமாகக் கொண்ட அஸ்ட்ரோ நாட்டிகல் பொறியியல் துறையும் தனியாக உள்ளது.

விண்வெளி ஆராய்ச்சிகளுக்கு இந்தியா முக்கியத் துவம் அளித்துவருவதால் அடுத்த பத்தாண்டுகளில் பெரும் பாய்ச்சலை இந்தத் துறைகள் ஏற்படுத்துமெனக் கணிக்கப்படுகிறது. இஸ்ரோ, டி.ஆர்.டி.ஓ., ஏர் இந்தியா என விண்வெளி ஆராய்ச்சி, பாதுகாப்பு, பயணிகள் விமான சேவை உள்ளிட்ட அரசுத் துறை சார்ந்த வேலை வாய்ப்புகள் தனியாக உள்ளன. தற்போதைக்கு இங்கு ஏரோஸ்பேஸ் அரசு வசமே இருந்தாலும், 49 சதவீதம் அன்னிய நேரடி முதலீடு வரவிருப்பதால் இத்துறையில் பணிவாய்ப்புகள் அதிகரிக்கும். பன்னாட்டு விமான நிறுவனங்களுக்கான மென்பொருள் சேவை வழங்கும் இந்திய மென்பொருள் சந்தையிலும் உயர்பதவிகள் காத்திருக்கின்றன.

இளநிலைப் பொறியியல் பட்டத்துடன், முதுநிலையில் எம்.டெக்., அல்லது எம்.எஸ்., அதைத் தொடர்ந்து ஆராய்ச்சி நிலையில் பி.ஹெச்டி. வரை படிப்பவர்களுக்கு உள்நாட்டிலும் வெளிநாட்டிலும் ஏராளமான பணி வாய்ப்புகள் உள்ளன. சிறு வானூர்தி ரகங்களான ட்ரோன், வேவுப் பணிக்கான ஆளில்லா விமானங்கள் தயாரிப்பது, வான்/விண் வாகனங்களுக்கான மின்னணுக் கட்டுப் பாட்டுச் சாதனங்களைத் தயாரிக்கும் ஏவியானிக்ஸ் துறை என வேலைவாய்ப்புகள் ஏறுமுகத்தில் உள்ளன.

கப்பல் கட்டலாம்

வானில் உயரப் பறப்பதுபோலவே கப்பலில் பணிபுரிவதும் சுவாரசியமானதே! கடந்த சில ஆண்டுகளில் கப்பல் கட்டுமானத்தில் இந்தியா முன்னேறி இருப்பதும் இந்தியத் துறைமுகங்களுக்கு இடையே சரக்குப் போக்கு வரத்து அதிகரித்து இருப்பதும் கப்பல் சார் பொறியியல் துறையின் வளர்ச்சிக்கு அடித்தளமிட்டுள்ளன. பயணிகள் கப்பல், சரக்குக் கப்பல், அதிவேகப் படகு, உல்லாசப் படகு, நவீன மீன்பிடி கப்பல், நீர்மூழ்கிக் கப்பல் எனக் கப்பல் கட்டுமானத் துறை பரந்துவிரிந்தது. போக்குவரத்து மட்டுமன்றிப் பாதுகாப்பு சார்ந்தும் உள்நாட்டுத் தொழில்நுட்பத்துடன் கப்பல்களும் படகுகளும் தற்போது இந்தியாவில் தயாரிக்கப்படுகின்றன.

கடலில் மிதக்கும் இந்தக் கலன்களுக்காக நீரிலும், நிலத்திலும் அதிக எண்ணிக்கையில் பணிபுரிய பொறி யாளர்கள் தேவைப்படுகின்றனர். மெக்கானிக்கல், எலெக்ட் ரிக்கல் மட்டுமன்றி மரைன் இன்ஜினீயரிங் துறை மூலம் திறன் வாய்ந்த பொறியாளர்கள் பணி அமர்த்தப் படுகின்றனர். கப்பல் கட்டுமானத் துறை அய்ரோப்பா விலிருந்து ஆசியாவின் துறைமுக நகரங்களுக்கு நகர்ந்திருக்கிறது. வடிவமைத்தல், கட்டுமானம் மட்டுமன்றி, பழுது நீக்கல், பராமரிப்பு, ஆராய்ச்சி மேம்பாடு போன்றவற்றிலும் மரைன் பொறியாளர்களுக்கு நிறைவான ஊதியம் கிடைக்கிறது.

சுற்றுச்சூழல் காக்கும் பொறியியல்

சூழலியல் பொறியியல் என்பது ஒரு தனித்துவமானத் துறை. சிவில் பொறியியலில் ஒரு பகுதியாக மட்டுமே முன்பு அது இருந்தது, தற்போது காலத்தின் கட்டாயத்தால் தனித் துறையாக வளர்ந்திருக்கிறது. உயிரியல், இயற்பியல், வேதியியல் எனப் அறிவியலில் இருந்தும், சிவில், எலெக்ட்ரிகல், மெக்கானிக்கல், கெமிக்கல் இன்ஜினீயரிங் எனப் பொறியியல் துறைகளில் இருந்தும் கலவையான பாடத்திட்டத்தில் இந்தச் சுற்றுச்சூழல் பொறியியல் துறை உருவாகி உள்ளது.

மேற்கண்ட அறிவியல்,பொறியியல் படிப்புகளை இளநிலையாகப் பயின்றவர்கள், முதுநிலையாகச் சுற்றுச்சூழல் சார்ந்த படிப்புகளில் சேர்ந்து வந்தனர். தற்போது சுற்றுச்சூழல் சார்ந்த கொள்கைகள், திட்டங்கள், புதிய சட்டங்கள், விழிப்புணர்வு காரணமாகவும் அத்துறையில் வேலைவாய்ப்புகள் அதிகரித்துள்ளன. ஊதியத்துக்கு அப்பால் மனத் திருப்தியையும் தரும் இந்தப் படிப்புக்கான பணியில் பெறலாம்.

கட்டுமானம், மருந்து ஆராய்ச்சி, வேதிப்பொருள் தயாரிப்பு எனத் தொழிற்துறைகள் எதுவானாலும் சுற்றுச்சூழல் சீர்கேடு இன்றித் தங்கள் பணிகளை அவர்கள் மேற்கொண்டாக வேண்டும். இவற்றுக்கு ஆலோசகர்கள், அரசு, அரசுசாரா நிறுவனங்களின் ஆராய்ச்சியாளர்கள், தொழிற்துறை, கல்வி நிறுவனங்களில் ஆசிரியர்கள் உள்ளிட்டவர்களுக்கான தேவை அதிகரித்துள்ளது.

சுரங்கம், மாசுக் கட்டுப்பாடு, நீர் மற்றும் கனிம வளம் போன்றவை சார்ந்த துறைகளிலும் தனியார், அரசுப் பணியிடங்களில் சேரலாம். சுற்றுச்சூழல் பாதுகாப்பை மய்யமாகக்கொண்டு செயல்படும் அரசு சாரா தொண்டு, ஆராய்ச்சி நிறுவனங்களிலும் பணிவாய்ப்புகள் உண்டு.

இந்தியப் பாதுகாப்புப் படையில் பணியிடங்கள்

இந்திய ராணுவத்திலும் கடற் படையிலும் விமானப் படையிலும் 383 பணியிடங்களை நிரப்புவதற்கான தேர்வு குறித்த அறிவிக்கையை மத்திய அரசுப் பணியாளர் தேர்வாணையம் வெளியிட்டுள்ளது.

கல்வி: பன்னிரண்டாம் வகுப்பு தேர்ச்சி பெற்றிருக்க வேண்டும்.

வயது: 02.01.2000 முதல் 01.01.2003 வரையான காலத்தில் பிறந்தவர்களாக இருக்க வேண்டும். திருமணமாகாத ஆண்கள் மட்டுமே விண்ணப் பிக்கலாம்.

விண்ணப்பக் கட்டணம்: எஸ்.சி., எஸ்.டி. பிரிவின ருக்குக் கட்டணமில்லை. பிறருக்குக் கட்டணம் ரூ.100. கட்டணத்தை ஆன்லைனிலோ வங்கி சலான் மூலமோ கட்டலாம்.

உரிய உடல், கல்வி, வயதுத் தகுதி கொண்டோர் 06.06.2018 முதல் 02.07.2018 மாலை 6:00 மணிவரை https://upsconline.nic.in/ என்னும் இணையதளத்தில் விண்ணப்பிக்கலாம்.

கடைசி நாள்: 02.07.2018 | தேர்வு நாள்: 09.09.2018

போக்குவரத்து அதிகம் நிறைந்த மெட்ரோ நகரங்களில், பொது மக்களின் தலையாய தேவையாக மாறிவருவதுதான் மெட்ரோ ரயில் எனப்படும் நவீன ரயில் போக்குவரத்து சேவை. சென்னை மெட்ரோ ரயில் நிறுவனத்தில் தற்சமயம் காலியாக உள்ள

பணியிடங்களுக்கு அறிவிப்பு வெளியிடப்பட்டுள்ளது.

இந்த இடங்கள் பி.ஜி., டிப்ளமோ இன் மெட்ரோ ரயில் டெக்னாலஜி & மேனேஜ்மென்ட் படிப்பாக துவங்கி பின்னர் வேலை வாய்ப்புடன் முடியும் என்று தெரிகிறது.

காலியிட விபரம்: சிவில் பிரிவில் 5, எலக்ட்ரிகலில் 10, எலக்ட் ரானிக்சில் 8, மெக்கானிகலில் 2ம் சேர்த்து மொத்தம் 25 பொறியியல் பணியிடங்கள் நிரப்பப்பட உள்ளன.

வயது: 2018 மே 27அடிப்படையில் விண்ணப்பதாரர்கள் 28 வயதுக்குள் இருக்க வேண்டும்.

கல்வித் தகுதி : மேற்கண்ட பிரிவுகளில் இன்ஜினியரிங் பட்டப் படிப்பைக் குறைந்த பட்சம் 70 சதவீத மதிப்பெண்களுடன் முடித்திருக்க வேண்டும்.

உதவித்தொகை : மாதம் ரூ.20 ஆயிரத்தை பயிற்சிக் காலத்தில் பெற முடியும்.

விண்ணப்பிக்கும் முறை : தகுதி உடைய விண்ணப்பதாரர்கள் ஆன்லைன் முறையில் தங்கள் விண்ணப்பங்களை சமர்ப்பிக்க வேண்டும்.

விண்ணப்பக்கட்டணம்: ரூ. 500.

கடைசி நாள் : 2018 ஜூன் 16.

விபரங்களுக்கு: https://chennaimetrorail.org/wp-content/uploads /2018/05/Advertisement_No.CMRL-HR-04-2018.pdf

புதிய சாதனை... ஹைட்ரஜன் எரிபொருள்!

சூரிய ஒளியில் இருந்து ஒருமணி நேரத்தில் கிடைக்கக்கூடிய ஆற்றல், இன்று மனிதகுலம் ஓராண்டு பயன்படுத்தும் ஆற்றலுக்கு இணையானது. ஆனால், இயற்கை அளித்துள்ள இந்த கொடையை நமக்குத் தேவையான ஆற்றல் மூலங்களாக இன்றைய சாதனங்கள் மூலம் மாற்றுவது என்பது பெரும் சவாலாக இருந்து வருகிறது.

அதேநேரத்தில், யு.கே.வில் உள்ள  பல்கலைக்கழகத்தில் ஆராய்ச்சியில் ஈடுபட்டுள்ள இந்தியாவைப் பூர்வீகமாகக் கொண்ட விஞ்ஞானி கோவிந்தர் சிங் பவாரின் சூரிய சக்தி எரிபொருள் குறித்த ஆராய்ச்சி ஒரு புதிய நம்பிக்கையை ஏற்படுத்தியுள்ளது.

தண்ணீரில் உள்ள ஹைட்ரஜனையும், ஆக்சிஜனை யும் சூரிய ஒளியைப் பயன்படுத்தி பிரித்து எடுத்து, ஹைட்ரஜனை எரிபொருளாகப் பயன்படுத்தும் பவார் குழுவினரின் மேம்படுத்தப்பட்ட புதுமையான ஆய்வு முறை குறித்து கடந்த பிப்ரவரி மாதம்   என்ற அறிவியல் ஆய்விதழில் விளக்கமாக வெளியிடப்பட்டுள்ளது.

சுத்தமான ஹைட்ரஜன் வாயு, காற்றில் எரியும்போது, காற்றிலுள்ள ஆக்ஸிஜனோடு வினைபுரிந்து தண்ணீராக மாறுவதோடு ஆற்றலையும் வெளிப்படுத்துகிறது.

இந்த ஹைட்ரஜன் பூஜ்ய உமிழ்வு எரிபொருள் என்பதோடு, இதன் உப உற்பத்தியாக தண்ணீர் மட்டுமே வெளியாகிறது. ஆனால், சுத்தமான ஹைட்ரஜனைப் பெறுவது சவாலாகவே உள்ளது. இது பூமியில் இயற்கை யாகக் கிடைப்பதில்லை. எனினும், இந்த எளிய மூலக்கூறு தண்ணீர் வடிவில் எங்கும் காணப்பட்டாலும், அதிலிருந்து ஹைட்ரஜனை மட்டும் தனியாகப் பிரித்தெடுப்பது கடினமாகவே இருந்து வருகிறது.

ஆனால், இந்த வகையிலான ஓர் இயற்கை நடைமுறை பூமியில் கோடிக்கணக்கான ஆண்டுகளாக இருந்து வருகிறது. அது தாவரங்களில் நடைபெறும் ஒளிச்சேர்க்கை நிகழ்வுதான். தாவரங்களின் வேர்கள் மூலம் உறிஞ்சப்படும் தண்ணீர், இலைகளுக்குச் சென்ற பிறகு, அதிலுள்ள பச்சையம் சூரிய ஒளியைப் பயன்படுத்தி தண்ணீரில் உள்ள மூலக்கூறுகளை பிரித்து உணவாக எடுத்துக் கொள்கிறது.

இந்த வகையிலேயே கோவிந்தர் சிங் பவாரின்ஆய்வில் செயற்கையாக தண்ணீரில் ஒளியை செலுத்தி மின்னாற் பகுப்பு மூலம் அதிலுள்ள ஹைட்ரஜன் பிரிக்கப்படுகிறது. அதாவது, தாவர ஒளிச்சேர்க்கை முறையைப் பின்பற்றி ஒளிமின்முனைகளைக்  கொண்டு தண்ணீரில் உள்ள ஆக்சிஜனும், ஹைட்ரஜனும் பிரிக்கப்படுகிறது. இந்த செயல்முறையின் திறனை தீர்மானிப்பதில் ஒளிமின் முனைகள் முக்கிய பங்கு வகிக்கின்றன.

இந்த ஒளி மின்னாற்பகுப்பில், வெப்ப இயக்கவியல் மற்றும் இயக்கவியல் அளவுகோல்களின்படி, நிலையான, குறைந்த செலவிலான குறைகடத்திகளாக செயல்படும் ஒளிமின்முனைகளை உருவாக்குவதிலேயே இதன் வெற்றி உள்ளது. அது அவ்வளவு எளிதானதாக இல்லை.

இதுபோன்ற மலிவான, மேம்பட்ட தெளிப்பு வெப்பச் சிதைவு முறையில் பயன்படும்படியான ஒளிமின்முனை குறைகடத்தியைதான் கோவிந்தர் சிங் பவார் தற்போது உருவாக்கியுள்ளார். இந்த ஒளிமின்முனைக்கான குறை கடத்தி லேந்தனம், இரும்பு, ஆக்சிஜன் ஆகிய தனிமங்கள் அடங்கிய நானோ துகள்களால் உருவாக்கப்பட்டுள்ளது.

இந்த புதுமையான குறைகடத்தி வேறு வெளிப்புற பொருள்கள் எதையும் பயன்படுத்தாமல், தன்னிச்சையாக தண்ணீரில் இருந்து ஹைட்ரஜனை பிரித்தெடுக்கக்கூடியது. இது இப்போது 30 சதவீத செயல்திறனை வெளிப் படுத்தியுள்ளதாகக் கூறப்படுகிறது. புதுப்பிக்கத்தக்க ஆற்றல் மற்றும் சுற்றுச்சூழல் சவால்களில் உண்மையான மாற்றத்துக்கான நிலையான பாதையை அளிப்பதில் கோவிந்தர் சிங் பவார் குழுவின் ஆய்வு அடிப்படையாக அமையும் என கருதப்படுகிறது.

தற்போது நாம் செலவுமிக்க, படிம எரிபொருள்களை எரிப்பதன் மூலம் கிடைக்கும் 85 சதவீத ஆற்றலைப் பயன்படுத்தி வருகிறோம். ஆனால், லேந்தனம் இரும்பு ஆக்சைடு குறைகடத்தி கண்டுபிடிப்பு மூலம் போக்கு வரத்துக்கும், சேமித்து வைப்பதற்கும் உகந்ததுமான சுத்தமான எரிசக்தி ஆற்றலை நாம் பெறமுடியும்.

செயற்கை ஒளிச்சேர்க்கை முறையில் தயாரிக்கப்படும் இந்த ஹைட்ரஜன் எரிபொருள் கடுமையான கார்பன் உமிழ்வைக் குறைப்பதுடன், இது கிட்டத்தட்ட வரம்பற்ற ஆற்றல் மூலமாக உள்ளது என  பல்கலைக்கழகம்

தெரிவித்துள்ளது. ஒளிமின் வேதியியல்  தண்ணீர் பிளவு, இயற்கை ஒளிச்சேர்க்கையை விஞ்சும் அளவில் கார்பன் (கரி) இல்லாத ஹைட்ரஜன் பொருளாதாரமாகவும் பார்க்கப் படுகிறது. மேலும், இதில் பயன்படுத்தப்படும் பொருள்கள் 21 மணிநேர தொடர் ஆய்வுக்குப் பிறகும் சிதையாது, சிறந்த உறுதிப்பாட்டுடன், நீர் பிளவு பயன்பாட்டுக்கு ஏற்றதாக உள்ளன.

கோவிந்தர் சிங் பவார் மற்றும் அவரது தலைமையிலான குழு ஹைட்ரஜன் தயாரிப்புக்கான இந்தப் பொருள் களின் உறுதிப்பாட்டை மேலும் உயர்த்தும் பொருட்டு தொடர்ந்து ஆய்வுப் பணியில் ஈடுபட்டுள்ளது. இந்த ஆய்வு முழு வெற்றிபெறும்பட்சத்தில் இது ஓர் உலக சாதனையாக அமையும். எப்படியோ, பெட்ரோலுக்குப் பதிலாக வாகனங்கள் தண்ணீரில் ஓடும் காலம் வெகு தொலைவில் இல்லை.

 

 

வேலைவாய்ப்புகள் நிறைந்த ஹெல்த்கேர் மேனேஜ்மென்ட்

எந்தத் தொழில் வளர்கிறதோ இல்லையோ மருத்துவத்துறை வெகுவேகமாக வளர்ந்து வருகிறது. புதிய புதிய நோய்கள் மனிதர்களை வாட்டி வதைக்கின்றன. இதனால் மருத்துவத் தொழில் மிக வேகமாக வளர்ந்து மிகப்பெரிய துறையாக பரந்து விரிந்துள்ளது. மருத்துவ சிகிச்சை பெற வெளிநாடுகளைச் சேர்ந்தவர்கள் கூட இந்தியாவிற்கு வந்து செல்கின்றனர்.  வளரும் எந்தத்துறையும் பெரிதாக, பெரிதாக அதை நிர்வகிக்க தனித்துறையே செயல்பட வேண்டியுள்ளது. மருத்துவத் துறையை மேலாண்மை செய்ய ஹெல்த்கேர் மேனேஜ்மென்ட் என்ற துறை உருவாகியிருக்கிறது. அத்துறையில் வேலை செய்ய அதற்கான கல்வியைக் கற்க வேண்டியது அவசியமாகும். எம்பிஏ படிப்பில் அதற்கென தனியாக ஹெல்த்கேர் படிப்பே உள்ளது. இத்துறை மிகப்பெரிய துறையாக விளங்குவதால் வேலை வாய்ப்புகள் அதிமாக உள்ளன.

ஹெல்த்கேர் மேனேஜ்மென்ட் சம்பந்தமான படிப்புகளை நடத்தும் கல்வி நிறுவனங்கள் :

Hinduja Institute  of  Healthcare Management } http://www. hindujagroup.com/hinduja}foundation/healthcare.html,  Indian Institute Of Health Management Research } https://www.iihmr.edu.in/, Institute of Health Management Research } http://www. bangalore.iihmr.org/, ICRI India} H

நாள் முழுவதும் படி படி என்று ஆசிரியர்களும் பெற்றோர்களும் வலியுறுத்துவதாலேயே பல குழந்தைகளுக்குப் படிப்பின் மீதான இயல்பான நாட்டம்கூடக் குறைந்துபோகிறது.

விருப்பம் இன்மையால் பள்ளியிலிருந்து இடைநின்று போகும் பல குழந்தைகளுக்கு விளையாட்டுப் பயிற்சி அளித்துவருகிறது கடலூரில் உள்ள சங்கம் ஸ்போர்ட்ஸ் அண்ட் மார்ஷியல் ஆர்ட்ஸ் அகாடமி.

மீண்டும் அவர்களை பள்ளிக்கு அனுப்பிப் படிப்பிலும் விளை யாட்டிலும் திறனை மேம்படுத்த முயல்கிறது. நானே பதினோராம் வகுப்போடு படிப்பை நிறுத்திக்கொண்டவன்தான் என்கிறார் இந்த அமைப்பின் நிறுவனர் மாஜி சிங்.

11ஆம் வகுப்பு இடைநிற்றலுடன், கராத்தே, ஜுடோ போன்ற தற்காப்புக் கலைகளை 15 ஆண்டுகள் கற்று நிபுணத்துவம் பெற்றேன். பீப்பிள்ஸ் வாட்ச் மனித உரிமை அமைப்பின் மண்டல ஒருங்கிணைப் பாளராக எட்டு மாவட்டங்களில் களப் பணியாற்றினேன். அந்த காலகட்டத்தில்தான் விளிம்புநிலை மக்களின் வளர்ச்சி, முன்னேற்றம், பாதுகாப்பு சார்ந்த பல்வேறு செயல்பாடுகள் பற்றிய விசாலமான பார்வை ஏற்பட்டது.

அதைத் தொடர்ந்து எட்டாண்டுகள் நான் பணியாற்றிய ரோட் நிறுவனம், சங்க வளர்ச்சி சார்ந்த பணிகளைத் திட்டமிட உதவியது. இப்படியாகத் தனிநபர்கள், தொண்டு நிறுவனங்களின் உதவி, வழி காட்டுதலுடன் விளிம்புநிலை மக்களின் கல்வி, பொருளாதார வளர்ச்சிக் கான பணிகளை செய்ய ஆரம்பித்தேன் என்கிறார் மாஜி சிங்.

எழுத்தறிவு மட்டும் போதாது என்ற புரிதல் ஏற்பட்டவுடன், விளையாட்டு, வாழ்திறன் வளர்ச்சிக்கு உதவிகள் செய்ய ஆரம் பித்திருக்கிறார் இவர். அதிலும் கல்வி, வேலைத்திறனில் பின்தங்கி இருப்பவர்களை விளையாட்டுத் திறன் மூலமாக முன்னேற்றலாம் என்ற யோசனை வந்தது. அதன் பின்னர் ஆதிதிராவிட நலப்பள்ளி மாணவர்கள், விளிம்புநிலையை மாணவர்களையும் விளையாட்டில் ஈடுபடுத்தப் பல்வேறு விளையாட்டு சங்கங்களுடன் கைகோத்தார்.

மாவட்ட, மாநில, தேசியப் போட்டிகளில் மாணவர்கள் பங்கேற் பதற்கான முயற்சிகளை எங்களுடைய சங்கம், அறக்கட்டளை மூலமாக எடுத்தேன். அதோடு மாநில விளையாட்டு ஆணையம் நடத்தும் விளையாட்டு விடுதித் தேர்வுகளில் பங்கேற்க மாணவர்களுக்குப் பயிற்சிக்கான ஏற்பாடு செய்தேன்.

இதன் விளைவாக தமிழ்நாடு ஜூடோ சங்கம், தமிழ்நாடு தடகளச் சங்கம், தமிழ்நாடு ஊரக விளையாட்டுச் சங்கம் ஆகியவற்றின் உதவி யாலும், தனிநபர்கள் நிதியுதவியாலும் விளையாட்டு போட்டிகளுக்கான பயிற்சிகளை தற்போது ஒருங்கிணைத்துவருகிறேன் என்கிறார்.

ரயில்வேயில் 9,739 பணியிடங்கள்

இந்திய ரயில்வேயின் காவல் படையான ரயில்வே போலீஸ் போர்ஸ் என்பது சுருக்கமாக ஆர்.பி.எப்., என அழைக்கப்படுகிறது. பயணிகளின் பாதுகாப்பான பயணத்தை உறுதி செய்யும் ஆர்.பி.எப்.,பின் பணி மகத்தானது.

பெருமைக்குரிய இந்த காவல்படையில் கான்ஸ் டபிள் - எக்சிக்யூடிவ் மற்றும் உதவி  ஆய்வாளர் பிரிவில், 9,739 இடங்களை நிரப்புவதற்கு விண் ணப்பங்கள் வரவேற்கப்படுகின்றன. இது ரயில்வே மண்டல வாரியாக நிரப்பப்பட உள்ளன.

காலியிட விபரம்: மண்டல அளவிலான ஆண் களுக்கான கான்ஸ்டபிள் (எக்சிக்யூடிவ்) பிரிவில் 4,403 இடங்களும், இதே பிரிவிலான பெண் களுக்கான பிரிவில் 4,216 இடங்களும், உதவி ஆய்வாளர் பிரிவில் ஆண்களுக்கு 819 இடங்களும், பெண்களுக்கு 301 இடங்களும் சேர்த்து மொத்தம் 9739 இடங்கள் உள்ளன.

வயது: விண்ணப்பதாரர்கள் 20 - 25 வயதுக்குள் இருக்க வேண்டும்.

உடல் தகுதி : குறைந்தபட்ச உடல் தகுதிகள், ஆண்கள் உயரம் 165 செ.மீ., பெண்கள் உயரம் 157 செ.மீ., மற்றும் உயரத்திற்கு நிகரான எடை பெற்றிருக்க வேண்டும்.

தேர்ச்சி முறை: எழுத்துத் தேர்வு, உடல் தகுதித் தேர்வு மற்றும் மருத்துவப் பரிசோதனை போன்ற முறைகளில் தேர்ச்சி இருக்கலாம்.

விண்ணப்பிக்கும் முறை: ஆர்.பி.எப்., பின் மேற் கண்ட இடங்களுக்கு ஆன்லைன் முறையிலேயே விண்ணப்பிக்க வேண்டும்.  விண்ணப்பக்கட்டணம்: ரூ. 500.  கடைசி நாள் : 2018 ஜூன் 30.

விபரங்களுக்கு: www.indianrailways.gov.in/railwayboard/view_section.jsp?lang=0&id=0,1,304,366,533,2015

கடல் சார்ந்த நிறுவனத்தில் பணி வாய்ப்பு

நேஷனல் சென்டர் பார் சஸ்டெய்னபிள் கோஸ்டல் மேனேஜ்மென்ட் நிறுவனம் கடல் சார்ந்த வளங்களை நிர்வகிக்கும் நிறுவனமாகும். என்.சி. எஸ்.சி.எம்., என அழைக்கப்படுகிறது.

காலியிட விபரம் : என்.சி.எஸ்.சி.எம்., நிறுவனத் தின் மேற்கண்ட இடங்கள் புராஜக்ட் அசோசியேட், புராஜக்ட் சயின்டிஸ்ட், ரிசர்ச் சயின்டிஸ்ட், அட்மினிஸ்டிரேடிவ் அசிஸ்டென்ட் என்ற பல்வேறு பிரிவுகளின் கீழ் நிரப்பப்பட உள்ளன.

வயது : புராஜக்ட் அசோசியேட் பதவிக்கு அதிக பட்சம் 45 வயதும், புராஜக்ட் சயின்டிஸ்ட் பதவிக்கு அதிகபட்சம் 40 வயதும், மல்டி டாஸ்கிங் ஸ்டாப் பிரிவுக்கு அதிகபட்சம் 35 வயதும் நிர்ணயிக்கப் பட்டுள்ளன.

கல்வித் தகுதி : மல்டி டாஸ்கிங் அசிஸ்டென்ட் பதவிக்கு பத்தாம் வகுப்பும், இதர பிரிவுகளுக்கு பட்டப் படிப்பும் முடித்திருக்க வேண்டும்.

தேர்ச்சி முறை: எழுத்துத் தேர்வு மற்றும் நேர்காணல் வாயிலாக தேர்ச்சி இருக்கும்.

விண்ணப்பிக்கும் முறை: ஆன்லைன் முறையில் விண்ணப் பங்களை சமர்ப்பிக்க வேண்டும்.

கடைசி நாள்: 2018 ஜூன் 1.

விபரங்களுக்கு: http://ncscm.res.in/cms/careers/careers.php

என்றென்றும் அறிவியல்!

கல்வியாண்டுதோறும் புதிது புதிதாக உயர்கல்விப் படிப்புகள் அறிமுகமாகி வருகின்றன. ஆனபோதும் ஒரு சில அடிப்படையான பாரம்பரியப் படிப்புகள், தலைமுறைகள் தாண்டியும் வரவேற்பு இழக்காமல் இருக்கின்றன. கணிதம், இயற் பியல், வேதியியல் உள்ளிட்ட அறிவியல் படிப்புகள் அந்த வரிசையில் சேரும். பிளஸ் டூ-வில் இவற்றை முதன்மைப் பாடங்களாகப் படித்தவர்கள், கல்லூரிகளில் இளம் அறிவியல் படிப்புகளுக்கு விண் ணப்பிக்கலாம்.

வாய்ப்பு நிறைந்த அறிவியல்

இயற்பியல், வேதியியல் உயர்கல்வித் துறைகள் பள்ளி, கல்லூரி ஆசிரியர் பணிகளுக்கு அப்பால் அதிகக் கவனம் பெறாதிருக்கின்றன. பி.எஸ்சி. இயற்பியல் படித்தவர்களுக்கு ஏரோ ஸ்பேஸ், எண்ணெய், எரிவாயு, பொறியியல், உற்பத்தி, தொலைத்தொடர்பு உள்ளிட்ட துறைகளில் வேலைவாய்ப்புகள் காத்திருக்கின்றன. முதுநிலையில் இயற்பியல் அல்லது அப்ளைய்டு பிஸிக்ஸ், ஆராய்ச்சிப் படிப்புகள், எம்.பி.ஏ. போன்றவை மூலம் உயர்கல்வித் தகுதியை மாணவர்கள் உயர்த்திக்கொள்ளலாம்.

பி.எஸ்சி. வேதியியல் படித்தவர்களுக்கு வேதிப்பொருள் ஆய்வகங்கள், மருந்துவ, மருந்து பரிசோதனைக் கூடங்கள், சுகாதாரம்-ஆரோக்கியம் சார்ந்த நிறுவனங்கள், அழகுசாதனப் பொருட்கள் தயாரிப்பு - ஆராய்ச்சி நிறுவனங்களில் பல்வேறு நிலைகளில் பணிகள் காத்திருக்கின்றன.

தொடர்ந்து எம்.எஸ்சி.யில் பயோ கெமிஸ்ட்ரி, அப்ளைடு கெமிஸ்ட்ரி, இண்டஸ்ட்ரியல் கெமிஸ்ட்ரி, ஃபார்மாசூட்டிகல் கெமிஸ்ட்ரி உள்ளிட்டவற்றைப் படித்துப் பொதுத் துறை, தனியார் துறைகளில் பணிவாய்ப்புகளை அதிகரித்துக்கொள்ளலாம்.

இளநிலை பட்டப் படிப்பு முடித்தவர்களுக்குச் சில மாதங்கள் பயிற்சியளித்து அய்.டி. துறை பணியில் அமர்த்திக்கொள்கிறது. மருத்துவ சேவை, அழகுசாதனங்கள், மருந்துப் பொருள் தயாரிப்பு தொடர்பிலான பி.பி.ஓ. நிறுவனங்களும் இதேபோன்று இளம் அறிவியல் பட்டதாரிகளுக்குப் பயிற்சி அளித்துப் பணியில் சேர்த்துக் கொள்கின்றன.

இளம் அறிவியல் படிப்புடன் முதுநிலையை மேற்கொள்ள விரும்புவோர், எம்.எஸ்சி. நேனோ டெக்னாலஜி, மெட்டீரியல் சயின்ஸ், பயோ டெக்னாலஜி போன்ற படிப்புகளைத் தேர்ந்தெடுக்கலாம். ஆராய்ச்சி சார்ந்த துறைகளில் ஆர்வமுள்ளவர்கள் சென்னையில் உள்ள மத்தியத் தோல் ஆராய்ச்சி நிறுவனம்(https://www.clri.org/), காரைக்குடியில் உள்ள மத்திய மின் வேதியியல் ஆய்வு மய்யம் (http://www.cecri.res.in/), மொஹாலியில் உள்ள  (http://www.inst.ac.in/)ஆகிய மய்யங்களில் அவற்றைப் பயிலலாம்.

Banner
Banner