இளைஞர்

புதுக்கோட்டை மன்னர் அரசு கலை அறிவியல் கல்லூரியில்  எளிய குடும்பங்களைச் சேர்ந்த 5 ஆயிரத்துக்கும் மேற்பட்ட மாணவர்கள் இன்று இந்தக் கல்லூரியில் படிக்கின்றனர். இதில் கன்னியாகுமரியைச் சேர்ந்த பி.ராஜ ரெத்தினம்,  உதவிப் பேராசிரியராக 19 ஆண்டுகளாகப் பணிபுரிந்து வருகிறார். அதோடு அங்குள்ள தேசிய மாணவர் படைக்கான அலுவலராகவும் பொறுப்பு வகிக்கிறார்.

இப்பிரிவு மாணவர்களுக்குத் தேவையான பயிற்சிகளை அளித்துப் புதுடில்லியில் நடைபெறும் குடியரசு தின விழா அணி வகுப்பில் இக்கல்லூரி மாணவர்களை முதன்முதலாகக் கலந்துகொள்ளச் செய்தார். இவரிடம் பயிற்சி பெற்ற

1000-த்துக்கும் மேற்பட்ட என்.சி.சி. மாணவர்கள் இந்திய ராணுவம், எல்லைப் பாதுகாப்புப் படை, மத்தியப் பாதுகாப்புப் படை, தமிழகக் காவல் துறை உட்படப் பல்வேறு துறைகளில் பணிபுரிகின்றனர்.இத்தகைய பணிகளைப் பாராட்டி இக்கல்லூரிக்குத் தரைப்படை பிரிவையும் விமானப் படை பிரிவையும் தமிழக அரசு ஏற்படுத்தி உள்ளது.

மாற்றத்துக்குத் தேவையான விழிப்புணர்வு

இது குறித்துத் தேசிய மாணவர் படை அலுவலர் பி. ராஜரெத்தினத்திடம் பேசுகையில், கன்னியாகுமரி மாவட் டத்தில் கீழ்குளம் பகுதியில் பிளஸ் டூ வரையில் தமிழ் வழிக் கல்வியில் படித்தேன். அதன் பிறகு ஆர்வ மிகுதியால் இந்தியில் பி.எச்டி.வரை படித்துக் கல்லூரியில் இந்தி உதவிப் பேராசிரியர் ஆனேன்.

ஒரு நாள் கல்லூரியில் நடைபெற்ற ஆலோசனைக் கூட்டத்தில் என்.சி.சி. பிரிவில் காலியாக உள்ள அலுவலர் பணியைக் கவனிக்க யாருமில்லையா என ஆதங்கத்துடன் அன்றைய கல்லூரி முதல்வர் கேட்டார். எல்லோரும் அமைதிகாத்தபோது நான் பொறுப்பை முழுமனதுடன் ஏற்றுக்கொண்டேன் என்கிறார்.

உடல் தகுதியை அடிப்படையாகக் கொண்டு இந்தப் பிரிவுக்கு 100 மாணவர்கள் தேர்வுசெய்யப்படுகிறார்கள். அவர் களுக்கு வாரம் ஒரு நாள் கல்லூரியில் பயிற்சி அளிக்கப்படுகிறது. அதைப் பின்பற்றித் தினமும் காலை, மாலை என இருவேளையும் மாணவர்கள் பயிற்சி எடுத்துக்கொள்வர்.

உடல், மனதை வலிமையோடு வைத்துக்கொள்வது, தடகளம், துப்பாக்கிச் சுடுதல், தனி, குழுவாகத் திறன்களை வெளிப்படுத்துவது, தலைமைப் பண்பை வெளிக்கொணருதல், ஊழலின்றி நேர்மையாகச் செயல்படுதல் போன்ற பயிற்சிகள் அளிக்கப்படுகின்றன. சமூக மாற்றத்துக்குத் தேவையான அனைத்து விதமான விழிப்புணர்வு பணிகளிலும் மாணவர்கள் கலந்துகொள்ளவும் ஊக்குவிக்கிறார்.

ராணுவ வீரருக்குத் தேவையான அத்துணை பயிற்சிகளும் இங்கு அளிக்கப்படுவதால் பாதுகாப்புத் துறையில் இப்பிரிவு மாணவர்கள் எளிதில் தேர்ச்சி அடைந்துவிடுகிறார்கள். அதன்படி என்.சி.சி. மாணவர்கள் 50-க்கும் மேற்பட்டோர் ராணுவம், விமானப்படை, கடற்படை, எல்லை, மத்தியப் பாது காப்புப் படையில் பணிபுரிகின்றனர். ஏராளமானோர் தமிழகக் காவல் துறையில் பல்வேறு நிலைகளில் பணிபுரிகின்றனர். மேலும், டி.என்.பி.எஸ்.சி. உள்ளிட்ட போட்டித் தேர்வுக்கும் அவர்களைத் தயார்படுத்துவதால் எளிதில் வேலையைத் தேடிக்கொள்கின்றனர்.
என்.சி.சி. சான்றுடன் நேர்முகத் தேர்வுக்குச் செல்லும் மாணவர்களுக்கு 3 மதிப்பெண் கூடுதலாகக் கிடைத்து விடுவதால் வேலைவாய்ப்பு எளிதில் கிடைத்துவிடுகிறது. என்.சி.சி.யில் சி பிரிவு சான்றிதழ் இருந்தால் யூ.பி.எஸ்.சி. தேர்வில் எழுத்துத் தேர்வு எழுதாமலேயே நேரடியாக நேர்முகத் தேர்வுக்குச் செல்லலாம்.

இதன் மூலம் இக்கல்லூரியைச் சேர்ந்த ஆயிரத்துக்கும் மேற்பட்ட என்.சி.சி. மாணவர்கள் அரசு வேலையில் பணிபுரி கின்றனர். இவர்கள் அனைவரும் சகிப்புத்தன்மை, நேர்மை, பொறுமை, எளிதில் முடிவெடுக்கும் திறமை போன்ற ஆளுமைத் திறன் படைத்தவர்களாக அந்தந்தத் துறைகளில் மிளிர்கிறார்கள்.

இங்கே படிக்கும் மாணவர்களில் பெரும்பாலானோர் எளிய குடும்பங்களைச் சேர்ந்தவர்கள். இருந்தாலும் குடும்ப வறுமையை உடைத்தெறிந்து சாதிக்க வேண்டுமென்ற உந்துதலை இந்தப் பயிற்சிகள் அளிக்கின்றன.

தமிழகத்துக்குத் தேசிய அளவிலான விருதுகளையும் இந்தப் பயிற்சி பெற்றுத் தந்திருக்கிறது என்கிறார் ராஜ ரெத்தினம்.

பட்டதாரிகளுக்கு கடற்படையில் பணியிடங்கள்

இந்தியக் கடற்படையில் நிர்வாகம் மற்றும் தொழில் நுட்பப் பிரிவுகளில் குறுகிய காலப் பணி மற்றும் நிரந்தரப் பணியிடங்கள் உள்ளன. அவற்றில் பொறியியல் பட்ட தாரிகள் நேரடியாக அதிகாரிகளாகப் பணியமர்த்தப்பட உள்ளனர்.

தேவையான தகுதி: இதற்கு எலெக்ட்ரிக்கல் மற்றும் எலெக்ட்ரானிக்ஸ், எலெக்ட்ரானிக்ஸ் மற்றும் கம்யூனி கேஷன், கம்ப்யூட்டர் சயின்ஸ் இன்ஜினீயரிங், இன்ஃபர்மேஷன் டெக்னாலஜி, இன்ஸ்ட்ருமென்டேஷன், இண்டஸ்ட்ரியல் புரடக்சன் உள்ளிட்ட பொறியியல் தொழில்நுட்பப் படிப்புகளில் முதல் வகுப்பில் பி.இ. அல்லது பி.டெக். பட்டம் பெற்றிருக்க வேண்டும்.

இறுதி ஆண்டு படித்துக்கொண்டிருப்பவர்களும் விண் ணப்பிக்கலாம். வயது வரம்பைப் பொறுத்துவரை, விண்ணப் பதாரர்கள் 2.7.1993-க்கும் 1.1.1999-க்கும் இடைப்பட்ட காலத்தில் பிறந்தவராக இருக்க வேண்டும்.

ஆண்கள், பொதுப் பிரிவு மற்றும் தொழில்நுட்பப் பிரிவு இரண்டுக்கும் விண்ணப்பிக்கலாம். பெண்கள் தொழில் நுட்பப் பிரிவின் நேவல் ஆர்க்கிடெக்சர் பிரிவுக்கு மட்டுமே விண்ணப்பிக்கலாம். ஆண், பெண் இருபாலருக்குமே திருமணம் ஆகியிருக்கக் கூடாது.

தகுதியுடைய நபர்கள், பணித் தேர்வு வாரியத்தின்  சிறப்பு நேர்முகத் தேர்வு மூலமாகத் தேர்வுசெய்யப்படுவர். இதில், உளவியல் தேர்வு, நுண்ணறிவுத் திறன் தேர்வு, குழு விவாதம் உள்ளிட்டவை இடம்பெறும்.

கடற்படை அதிகாரி பணிக்குத் தேர்வு செய்யப்படு வோருக்குக் கேரள மாநிலம் எழிமலாவில் உள்ள இந்திய நேவல் அகாடமியில் சிறப்புப் பயிற்சி அளிக்கப்படும். பயிற்சியை வெற்றிகரமாக முடிப்பவர்கள், கடற்படையில் நேரடியாக சப்-லெப்டினென்ட் ஆகப் பணியமர்த்தப்படுவர். அதன் பிறகு லெப்டினென்ட், லெப்டினென்ட் கமாண்டர், கமாண்டர் எனப் படிப்படியாகப் பதவி உயர்வு பெறலாம். தகுதியுள்ள பொறியியல் பட்டதாரிகள் www.joinindian navy.gov.in என்ற இணைய தளத்தில் விண்ணப்பிக்க வேண்டும். கூடுதல் தகவல்களை இணையதளத்தில் விளக்கமாகத் தெரிந்துகொள்ளலாம்.

ஆர்வத்துடன் முயன்றால் தணிக்கையாளராகலாம்

செலவு செய்வது, நுகர்வதைத் தாண்டி பணம் இயங்கும் விதம் குறித்து அறியவும் அதை நிர்வகிக்கவும் ஆசைப் பட்டிருக்கிறீர்களா? உங்க ளுக்குள் ஒரு ஆடிட்டர் ஒளிந்திருக் கலாம். ஒரு நாட்டின் வரவு செலவு முதல் ஒரு நிறுவனத்தின் நிதி அறிக்கை வரை ஆடிட்டர்கள் எனப் படும் கணக்குத் தணிக்கையாளர்களின் பங்கு உள்ளது. இந்தியாவில் மட்டுமின்றி உலகம் முழுவதும் ஆடிட்டர் களுக்கான வாய்ப்புகள் வளர்ந்துகொண்டேதான் இருக் கிறது. ஜி.எஸ்.டி. போன்ற புதிய நடைமுறைகள் அறிமுக மாகும்போது அதிகம் பலன் பெறுவதும் வாய்ப்புகள் பெறுவதும் அவர்கள்தான். அதிலும், சி.ஏ. படித்தவர் மட்டும்தான் ஆடிட்டர் ஆக முடியும் என்பதில்லை.

தகுதி திறன் படிப்புகள்

ஆடிட்டராகப் பணியாற்றுவதற்கு எல்லாரும் சார்ட்டர்ட் அக்கவுண்டண்ட் படித்துத் தேறியிருக்க வேண்டிய அவசியமில்லை. பி.காம். படித்திருப்பதுதான் அடிப்படைக் கல்வித் தகுதி. சில நிறுவனங்களில் அக்கவுண்டிங்கில் முதுகலைப் படிப்பைத் தகுதியாகக் கேட்கின்றனர். நிதித் துறைப் படிப்பைச் சிறப்புப் படிப்பாக எடுத்து எம்.பி.ஏ. முடித்தவர்களும் ஆடிட்டர்களாகப் பணியாற்றுகிறார்கள். சில பல்கலைக்கழகங்களில் ஆடிட்டிங் தொடர்பாகச் சிறப்புப் பயிற்சித் திட்டங்களும் உள்ளன. கணிப்பொறி அறிவு அவசியமானது. டேலி போன்ற அக்கவுண்டிங் மென்பொருட்களைத் தெரிந்துவைத்திருப்பது அவசியம். அய்.சி.டபிள்யு.ஏ., சி.ஏ., கம்பெனி செக்ரட்டரிஷிப் போன்ற உயர் படிப்புகள் அடுத்த நிலையிலுள்ளன.

பெருகும் வாய்ப்புகள்

நவீன இந்தியாவைப் பொறுத்தவரை முதலீடுகளும் புதிய தொழில்முயற்சிகளும் நாளுக்குநாள் அதிகரித்து வருகின்றன. ஜி.எஸ்.டி. போன்ற புதிய நடைமுறைகளும் சேர்ந்து கணக்காளர்கள், ஆடிட்டர்களின் தேவையை அதிகரித்துள்ளன. அரசுத் துறைகளில் ஆடிட்டர்களுக்கான தேவை குறைவதேயில்லை. இன்டர்னெல் ஆடிட்டர்ஸ், எக்ஸ்டர்னல் ஆடிட்டர்ஸ், பாரன்சிக் ஆடிட்டர்ஸ் எனப் பல பொறுப்புகளை அவர்கள் வகிக்கலாம். உற்பத்தி நிறுவனங்கள், காப்பீட்டுத் துறை, வங்கி, நிதி நிறுவனங்கள், தொண்டு அமைப்புகளில் ஆடிட்டர்கள் அத்தியாவசியத் தேவையாக உள்ளனர். உயர் வருவாய்க்காக மட்டுமின்றி கணிதம், எண்களின் மீது தீராத காதல் கொண்டவர்களாக இருந்தால் இந்த வேலையில் ஓய்வே கிடையாது.



கார்டன் டிசைனிங் படித்தால் வீடுகள், தொழில் நிறுவனங்களின் தோட்டங்களை அமைக்க ஆலோசனை வழங்கும் சுயதொழில் செய்து வருவாய் ஈட்டலாம். கார்டன் டிசைனிங் என்பது வீடுகள், தொழில்நிறுவனங்களில் காலியாக உள்ள இடங்களில் புல்தரை வளர்ப்பது, பூச்செடிகள் நடுவது ஆகியவற்றை உள்ளடக்கியது.

கார்டன் டிசைனிங் கல்வி கற்றிருந்தால் புதிய வடிவத்தில், வீடு, தொழில் நிறுவனங்களின் சொந்தக்காரர்களின் ரசனை, மற்றும் தேவைக்கேற்ப தோட்டங்களை அமைத்துக் கொடுக்கலாம். பெரிய நிறுவனங்கள், பெரிய பங்களாக்களில் கார்டனை பராமரிக்கும் பணியாளர்களை நியமிக்கும் போது அது சம்பந்தமான கல்வியை கற்றவரைத் தான் பணியமர்த்துவார்கள்.

அதோடு மட்டுமல்லாமல் பொது மற்றும் தனியார் பூங்காக்களை பராமரிப்பவர்களும் கார்டன் டிசைனிங் படித்திருந்தால் அப்பணியை சரிவர செய்ய ஏதுவாக இருக்கும்.

கார்டன் டிசைனிங் குறித்த குறுகிய கால, நீண்ட கால பயிற்சிகள் நடத்தப்படுகின்றன.

மேலும் விவரங்களுக்கு:    nstitute of Horticulture Technology -   www.iht.edu.in

The Agri Horticultural Society of India - www.agrihorticultureindia.com

LANDSCAPE ACADEMY - www.landscapeacademy.com

பெயிண்ட் குறித்த அடிப்படை அனைத்தையும் கற்றுத் தருவது பெயிண்ட் டெக்னாலஜி படிப்புகள்.  ஆட்டோ மொபைல், ரியல் எஸ்டேட் ஆகிய இரு முக்கிய துறைகளை பெயிண்ட் தொழில் சார்ந்துள்ளது.  பெயிண்டுகள் இவ்விரண்டு துறைகளிலும் அதிக அளவில் பயன்படுத்தப் படுகிறது.    வாகனங்கள், கட்டடங்கள் அனைத்து தரப்பு மக்களாலும் பயன்படுத்தப்படுகின்றன.  அதனால் பெயிண்ட் தொழில் துறைக்கு நல்ல எதிர்காலம் உள்ளது.  குறிப்பாக பெயிண்ட் தொழில் நுட்பம் தெரிந்தவர்களுக்கு பெயிண்ட் தொழிற்சாலைகளில் பல்வேறு மட்டங்களில் பல்வேறு வேலை வாய்ப்புகள் உள்ளன.

பெயிண்ட் தயாரிக்கும் தொழிற்சாலைகளில் ஆராய்ச்சி மற்றும் மேம்பாடு, தரக் கட்டுப்பாடு, உற்பத்தி, சந்தைப்படுத்துதல், தொழில்நுட்ப உதவி, ஆலோசனை உள்ளிட்ட பல்வேறு மட்டங்களில் வேலை வாய்ப்புகள் உள்ளன.  பெயிண்ட் டெக்னாலஜியில் சாதாரண டிப்ளமோ முதல் எம்.டெக் மற்றும் ஆராய்ச்சி படிப்புகள் வரை உள்ளன. 

பெயிண்ட் டெக்னாலஜி படிப்புகள் :

B.Tech. Paint Technology

Diploma in Paint Application Technology

M.Tech. Paint Technoogy

Paint and Varnish Technology

B.Tech. Surface Coating Technology

M.Tech. Surface Coating Technology

Post Graduate Program in Paint And Coating Technology        

பல்வேறு பொறியியல் படிப்புகளை நடத்தும் பல்கலைக் கழகங்களும் பெயிண்ட் டெக்னாலஜி படிப்புகளை நடத்தி வருகின்றன.

மேலும் விவரங்களுக்கு:

http://www.isspa.org/members-area/educational.asp



அகில உலக அளவில் கிட்டத்தட்ட நிறைய முதல் பரிசுகள்.  எல்லாமே புதிய ஆராய்ச்சிகளுக்காக. பதினெட்டு வயதுக்குக் கீழே உள்ளவர்கள் அதாவது கல்லூரியைக் கூட எட்டாத பள்ளிக்கூட மாணவர்கள் மட்டுமே கலந்துகொள்ளக்கூடிய போட்டிகளில் பரிசுகளை வென்றிருக்கிறார் பிரசாந்த்.

அமெரிக்க லாஸ் ஏஞ்சல்ஸ் நகரில் நடந்த அகில உலக அறிவியல் மற்றும் இன்ஜினியரிங் கண்காட்சியில் கலந்துகொண்ட 18 வயதுக்கு உட்பட்ட மாணவர்களில், இந்த மே மாதம் முதல் பரிசான 8000 அமெரிக்க டாலர்களைப் பரிசாகப் பெற்றுக்கொண்டு வந்த சாதனையாளர் அவர்.  இதற்காக ஒரு கிரகத்துக்கு இவர் பெயரைச் சூட்டியிருக்கிறார்கள்!  இது அங்கு வழக்கமாம்.

கடந்த 25 ஆண்டுகளில் இந்தப் பரிசு பெற்றவர்கள் வரிசையில் பிரசாந்த் மூன்றாவது இந்தியர். அப்பா ரங்கநாதன் சி.எஸ்.அய்.ஆர். எனப்படும் மத்திய அறிவியல் ஆய்வுக் கழக விஞ்ஞானி.  பிரசாந்தின் கொள்ளுத்தாத்தா, சேலத்தை அடுத்த வாழப்பாடியில் விவசாயியாக இருந்தவர். அவருடைய ஜீன் கொஞ்சமாவது பிரசாந்துக்குள் இல்லாமல் போகுமா என்ன? எதற்காக இப்படி எட்டாயிரம் டாலர்களைத் தூக்கிப் பரிசாகக் கொடுத்தார்கள்? க்ளோர்பைரிஃபோஸ் எனப்படும் பூச்சிகொல்லி மருந்து மனித குலத்துக்கும் கால்நடைகளுக்கும் மிகக் கொடியது. 

இது பூமியில் துளி அளவு இருந்தாலும் போதும், நிலத் தையும் பயிர்களையும் நாசமாக்கிவிடும்.  இந்தப் பூச்சிகொல்லி மருந்தை, வீடுகளில் கூட எலி - பெருச்சாளி களுக்கு எதிராகப் பயன்படுத்துவார்களாம். இதில் டாக்ஸிக் ரசாயனம் மிகுதியாக இருக்கும்.  இந்த ரசாயனத்தின் சிறு துளி, கர்ப்பிணிப் பெண்ணைப் பாதித்தால் போதும், பிறக்கும் குழந்தைகள் நரம்பு சம்பந்தப்பட்ட நோய்களால் தாக்கப்படுவர்.  குழந்தைகள் மட்டுமல்ல, பெரியவர்களையும் இது பாதிக்கும்.  இந்தப் பூச்சிகொல்லி மருந்தை நிலத்தில் உபயோகிக்கத் தொடங்கிய 8 ஆண்டுகளுக்குப் பிறகும், நிலத்தின் 13 கிலோ மீட்டர் சுற்றுவட்டாரத்துக்கு அதன் தாக்கம் இருக்கும். அதனால், நிலத்தில் மிச்சம் மீதி இருக்கும் இந்த மருந்தின் அபாயத்தை, நிலத்திலிருந்தும் நீரிலிருந்தும் அகற்றியாக வேண்டும். அப்போதுதான் மனித குலத்தையும், கால்நடை களையும் காக்க முடியும்.  ஆனால், சுற்றுச் சூழலுக்கு இசைந்த மாற்றாக   பிரசாந்தின் ஆராய்ச்சியில், நிலத்தில் உள்ள இந்த மீதி மருந்தின் பாதிப்பை அகற்ற, நிலத்தின் இயற்கையான பாக்டீரியாவை உபயோகித்தால் போதும்.  பூச்சி மருந்தின் தாக்கத்தை 90 சதவிகிதம் போக்கிவிடலாம் என்று இதைச் செய்து காட்டியதால் கடந்த மே மாதம், லாஸ் ஏஞ்சல்ஸ் நகரில் இவருக்குப் பரிசு கிடைத்தது!

கோதுமைக்கும் பார்லிக்கும் பயன்படும் உரங்களில் இரும்புச் சத்து, அயர்ன் ஆக்சைட் வடிவில் அதிகமாகவே இருந்தாலும், அதைத் தாவரங்கள் அல்லது பயிர்கள் எளிதாக உறிஞ்சிக் கொள்ள முடிவதில்லை.  ஏனென்றால்,  ஆக்சைட் நீரில் எளிதில் கரையாது.  பழக்கத்தில் உள்ள, இரும்புச் சத்து அளிக்கும் உரங்களின் விலை அதிகமாக இருக்கிறது.  அதன் காரணமாக, விவசாயிகள் வாங்க முடியாது என்பது மட்டுமல்ல, நிலத்துக்கும் அது தீமை விளைவிக்கிறது.

ஃபெர்ரோ  ஃப்ளூயிட்ஸ் கோதுமைப் பயிருக்கும், பார்லிக்கும் மாற்று நுண் இரும்புச்சத்தை அளிக்குமா என்று ஆராய்ச்சி செய்து பார்த்தார் பிரசாந்த். அப்போதுதான் இந்தப் பயிர்கள் 20 முதல் 35 சதவிகிதம் அதிகமான உற்பத்தி தரும் என்பதைக் கண்டறிந்தார். இந்த உரம் 70 சதவிகிதம் விலை குறைவும் கூட.

அது மட்டுமல்ல, இதைப் பயன்படுத்தினால் நிலமும் பாதிக்கப்படாது.  இதற்குத்தான் இப்போது காப்புரிமைக்கு விண்ணப்பித்திருக்கிறார் பிரசாந்த்.   இதற்கு நச்சுத்தன்மை யுள்ள, சுற்றுச்சூழல் விஞ்ஞானத்தில் இந்த ஆண்டு அமெரிக்காவில் முதல் பரிசு பெற்றிருக்கிறார்.  
ஆகஸ்ட் மாதம் லண்டனில் நடைபெற இருக்கும் லண்டன் யூத் இன்டர்நேஷனல் சயன்ஸ் விழாவில் பங்கு கொள்ள பிரசாந்துக்கு அழைப்பு வந்திருக்கிறது.

இவர் ஏற்கெனவே பெற்ற பரிசுகள் ஏராளம்: அய்அய்டி கவுகாத்தியில் டெக்னோ-எக்ஸ்போவில் முதல் பரிசு. ரிக்கோ சஸ்டெய்னபிள் டெவலப்மென்ட் பரிசு, பிலடெல்பியாவில் 2015 ஆம் ஆண்டு, வார்ட்டன் பிஸினஸ் ஸ்கூலில், உலகம் முழுவதிலிருந்தும் 12 குழுக்களாக நூற்றுக்கணக்கான பள்ளிகளிலிருந்து வந்திருந்த மாணவர்களிடையே ந்டந்த போட்டியில் பரிசு  என்று இவர் பரிசுப் பட்டியல் நீண்டு கொண்டே போகிறது!

இந்திய விண்வெளி ஆய்வு நிறுவனமான இஸ்ரோ, செயற்கைக் கோள்களையும் அவற்றை விண்ணில் செலுத்துவதற்கான ராக் கெட்டுகளையும் தயாரிக்கும் பணியில் ஈடுபட்டுவருகிறது. மத்திய அரசின் விண்வெளித் துறையின் கீழ் இயங்கும் இஸ்ரோவில் தொழில்நுட்ப வல்லுநர்கள், பொறியாளர்கள், தொழில்நுட்பம் அல்லாத நிர்வாகப் பிரிவு பணியாளர்கள் எனப் பல்வேறு பிரிவுகளில் ஏராளமானோர் பணியாற்றிவருகிறார்கள்.

அகமதாபாத், பெங்களூரு, டில்லி, சிறீஹரிகோட்டா, திருவனந்தபுரம் ஆகிய இடங்களில் இஸ்ரோ மய்யங்கள் அமைந்துள்ளன. இவற்றில் நிர்வாகப் பிரிவில் உதவியாளர் பதவியில் 272 காலியிடங்களை நேரடியாக நிரப்புவதற்கு இஸ்ரோ அறிவிப்பு வெளியிட்டுள்ளது. எழுத்துத் தேர்வு மூலம் தகுதியான நபர்கள் இப்பணிக்குத் தேர்வுசெய்யப்பட உள்ளனர்.

தேவையான தகுதி:  உதவியாளர் பணிக்கு இளங்கலைப் பட்ட தாரிகள் விண்ணப்பிக்கலாம். முதல் வகுப்பில் பட்டம் பெற்றிருக்க வேண்டியது அவசியம். அதோடு அடிப்படைக் கணினி அறிவும் தேவை. வயது வரம்பு பொதுப்பிரிவினருக்கு 26 ஆக நிர்ணயிக் கப்பட்டுள்ளது. மத்திய அரசின் இட ஒதுக்கீட்டு விதிமுறைகளின்படி, எஸ்.சி., எஸ்.டி. வகுப்பினருக்கு 5 ஆண்டுகளும், ஓ.பி.சி. பிரிவினருக்கு 3 ஆண்டுகளும், உடல் ஊனமுற்றோருக்கு 10 ஆண்டுகளும் வயது வரம்பில் தளர்வு அளிக்கப்படும்.

என்ன கேட்பார்கள்? எழுத்துத் தேர்வில் ஆப்ஜெக்டிவ்

முறையிலான வினாக்களும் விரிவாக விடையளிக்கக்கூடிய கேள்வி களும் இடம்பெறும். எழுத்துத் தேர்வில் தேர்ச்சிப் பெறுவோருக்குக் கணினித் திறன் தேர்வு  நடத்தப்படும். இதில் தேர்ச்சி பெற்றாலே போதும். எழுத்துத் தேர்வு, இட ஒதுக்கீடு ஆகியவற்றின் அடிப்படையில் பணிநியமனம் நடைபெறும்.

உரியக் கல்வித் தகுதியும் வயது வரம்புத் தகுதியும் உடைய பட்டதாரிகள் இஸ்ரோ இணையதளத்தில் (www.isro.gov.in) கூடுதல் விவரங்களை அறிந்துகொண்டு விண்ணப்பிக்கலாம். இஸ்ரோவில் பணியாற்ற விரும்பும் கலை அறிவியல் பட்டதாரிகளுக்கு இது ஓர் அரிய வாய்ப்பாகும்.

Banner
Banner