இளைஞர்


தமிழ்நாட்டின் தொன்மை வாய்ந்த பல நீர்நிலைகள் நோய் வாய்ப்பட்டுவிட்டன. எஞ்சிய நீர்நிலைகளும் தத்தளித்துக் கொண்டிருக்கின்றன. சாய ஆலைகளின் கழிவால் கடைசி நாடித்துடிப்புடன், சாவின் விளிம்பில் இருக்கும் திருப்பூர் நொய்யல் ஆற்றை மீட்டெடுக்கும் வகையில், களம் இறங்கி யுள்ளனர் திருப்பூர் பெம் பள்ளி மாணவர்கள். குஜராத்தில் டிசம்பர் 27 அன்று தொடங்கிய தேசியக் குழந்தைகள் அறிவியல் மாநாட்டுக்காக, நொய்யல் ஆற்றின் தற்போதைய நிலையை கள ஆய்வு செய்து கட்டுரை சமர்ப்பித்து இருக்கிறார்கள் தியா சபீர், பிரகல்யா, சிறீ கோவிந்த் ஆகிய ஏழாம் வகுப்பு மாணவர்கள் மற்றும் மகாதிரிபுரசுந்தரி, சம்வேத்யா ஆகிய எட்டாம் வகுப்பு மாணவிகள். மூன்று மாதங்களாக நொய்யல் வழித்தடத்தில் கிட்டத்தட்ட 100 கி.மீ. பயணித்து இந்த ஆய்வை சமர்பித்துள்ளதாகக் கூறுகிறார் இவர்களது பள்ளியின் பயிற்சி ஆசிரியை சமீமா பேகம்.

ஆற்றோரம் ஆய்வுப் பயணம்

சாமளாபுரம் குளம், நொய்யலாறு திருப்பூரில் நுழையும் பகுதியான அக்ராஹப்புத்தூர், மங்கலம், ஆண்டிப்பாளையம் குளம், கருவம்பாளையம் தடுப்பணை, மாமரத்துப்பள்ளம், ஒரத்துப்பாளையம் அணை, சின்னமுத்தூர் தடுப்பணை, ஆத்துப்பாளையம் நீர்த்தேக்கம் முதற்கொண்டு, நொய்யல் ஆறு காவிரியுடன் கலக்கும் நொய்யல் கிராமம்வரை மூன்று முறை ஆற்றின் வழித்தடத்தில் பயணித்து, இந்த ஆய்வுக் கட்டுரைக்கான பணிகளை மேற்கொண்டுள்ளனர்.

நொய்யல் ஆற்றில் 10 இடங்களில் நீரின் கடினத்தன்மை (டி.டி.எஸ்), கார - அமிலத்தன்மை (பி.ஹச்.) முதலியவற்றை ஆய்வின் மூலம் கண்டறிந்தோம். மழைக் காலத்தில் நொய்யல் ஆற்றில் பெருக்கெடுக்கும் வெள்ள நீர் பாசனத்துக்குப் பயன்படுகிறதா; ஒரத்துப்பாளையம் அணை, சின்னமுத்தூர் தடுப்பணை, ஆத்துப்பாளையம் நீர்த்தேக்கம் ஆகிய மூன்று அணைகள் எதற்காகக் கட்டப்பட்டன என்பதை எல்லாம் ஆய்வின்போது தெரிந்துகொண்டோம்.

கடந்த 2005ஆம் ஆண்டு முதல், நொய்யல் ஆற்றுநீர் எந்த அணையிலும் தேக்கப்படாமல் உயர் நீதிமன்ற உத்தரவுப்படி, காவிரியில் கலந்துவருகிறது. கடந்த 12 ஆண்டுகளில் விநாடிக்கு 1,000 கன அடிக்கும் மேல் 20 முறை நொய்யலில் மழைநீர் பெருக்கெடுத்துள்ளது. இதை ஒரு நாள் என்ற கணக்கில் எடுத்தாலே கிட்டத்தட்ட 29,640 லட்சம் கன அடி நீர் சென்றுள்ளதை அறியலாம். அதேபோல 2011 நவம்பர் 7 அன்று நொய்யலில் உருவான வெள்ளத்தில், அன்று மட்டும் விநாடிக்கு 5,774 கன அடி நீர் சென்றுள்ளது. இதில், ஒரு சில மணித் துளிகளுக்குள் நொய்யல் ஆற்றில் உள்ள கழிவு நீர், சாய நீர் போன்றவை அடித்துச் செல்லப்பட்டுள்ளன. அதன் பின் வெள்ள நீர்தான் ஓடியது. அதை சின்னமுத்தூர் தடுப்பணையில் தடுத்து, அங்குள்ள ஊட்டுக்கால்வாய் மூலம் 10 கி.மீ. தூரத்தில் உள்ள ஆத்துப்பாளையம் நீர்த்தேக்கத்துக்குக் கொண்டு சென்றிருந்தால் கிட்டத்தட்ட 20,000 ஏக்கர் நிலத்துக்குப் பாசன வசதி கிடைத்திருக்கும். ஒரத்துப்பாளையம் அணை கட்டப்பட்டதன் நோக்கமும் நிறைவேறி இருக்கும். ஆனால், இவை எதுவும் நடைபெறவில்லை என்று இம்மாணவர்கள் ஆதங்கப்படுகின்றனர்.

செழிக்கட்டும் வேளாண்மை

மேலும், நொய்யல் ஆற்றில் மழைக் காலத்தில் செல்லும் மழை நீரின் கடினத் தன்மை 179 ஆகவும், கார - அமிலத் தன்மை 7 ஆகவும் இருப்பதை ஆய்வில் கண்டுபிடித்தி ருக்கிறார்கள். நொய்யல் ஆற்றில் பல்வேறு பகுதிகளில் ஓடிய வெள்ள நீரை எடுத்துவந்து அதில் வெந்தயத்தைப் போட்டு முளைக்கச் செய்தனர்.

மழை நீரில் வெந்தயத்தின் விளையும் தன்மையும் வளர்ச்சி விகிதமும் மிகவும் நன்றாக இருந்தன. ஆகையால், நொய்யலில் வரும் வெள்ள நீரை அணைகளில் தேக்கி விவசாயத்துக்குப் பயன்படுத்தலாம். ஆனால், அதை யாரும் செய்யாததால், பாசனத்துக்குப் பயன்படாமல் மழை நீர் வீணாகிவருகிறது. நதிக்கரை ஓரங்களில் நாகரிகம் தோன்றியது. அதை ஒட்டி வேளாண்மையும் செழித்தது. இன்றைக்கு நொய்யல் நதியை நம்பி வாழும் வேளாண் குடும்பங்களில் மீண்டும் மகிழ்ச்சி மலர எங்கள் ஆய்வு பயன்பட வேண்டும் என்கின்றனர் நதியை மீட்கப் புறப்பட்டிருக்கும் இந்த மாணவர்கள்.

சிண்டிகேட் வங்கி அதிகாரி ஆகலாம்  

வங்கிப் பணியில் சேர விரும்பும் திறமையான பட்டதாரிகளைத் தேர்வுசெய்து அவர்களை வங்கி, நிதி தொடர்பான முதுகலை டிப்ளமா படிப்பை  படிக்க வைக்கிறது சிண்டிகேட் வங்கி. மேலும், அவர்களைத் தங்களது வங்கியில் அதிகாரியாகப் பணியமர்த்தவும் செய்கிறது. அந்த வகையில், தற்போது 500 பட்டதாரிகளைத் தேர்வுசெய்ய இருக்கிறது. இதில், மத்திய அரசின் இட ஒதுக்கீட்டு விதிமுறைகளின் படி, எஸ்.சி., எஸ்.டி., ஓ.பி.சி. வகுப்பினருக்கு உரிய இட ஒதுக்கீடு அளிக்கப்படும். முதலில் தேசிய அளவில் போட்டித் தேர்வு நடத்தப்படும். இதில் தேர்வுசெய்யப் படுபவர்கள் பெங்களூரு மணிபால் குளோபல் எஜுகேசன் சர்வீஸ் கல்லூரி, நொய்டாவில் உள்ள நிட்டில் எஜுகேசன் இண்டர்நேசனல் கல்லூரியில் வங்கியியல் நிதி முதுகலை டிப்ளமா படிப்பில் சேர்க்கப்படுவார்கள். இங்கு 9 மாதங்கள் படிக்க வேண்டும். மாதம் ரூ.3,000 உதவித்தொகையாக வழங்கப்படும். படிப்புக் கட்டணம் ரூ. 3.5 லட்சத்துக்கு சிண்டிகேட் வங்கியே கல்விக் கடன் அளிக்கும்.  இப்பயிற்சியை முடித்ததும் சிண்டிகேட் வங்கியில் அதிகாரியாகப் பணியில் சேர்ந்துவிடலாம்.

பார்வை தரும் மருத்துவப் படிப்பு!

மருத்துவராக விரும்பும் அனைவருக்கும் அந்த வாய்ப்பு கிடைப்பதில்லை. மருத்துவராக முடியாதவர்களும் மருத்துவத் துறையில் பணியாற்றுவதற்கான வாய்ப்பைப் பல்வேறு துணை மருத்துவப் படிப்புகள் வழங்குகின்றன. அவற்றுள் கண் மருத்துவத் துறையில் அங்கம் வகிக்கிறது ஆப்டோமெட்ரி. அதிக வேலைவாய்ப்புடன், முதன்மை யான வருமானம் ஈட்டும் பணிகளில் ஒன்றாக வளர்ந்து வருகிறது இத்துறை.

கண், பார்வைத் திறன் தொடர்பான மருத்துவப் பரிசோதனைகள், அளவீடுகள், மருத்துவ உதவி சாதனங்கள் தொடர்பான படிப்புகளை ஆப்டோமெட்ரி துறை வழங்குகிறது. இத்துறையில் படித்துத் தேறும் மருத் துவப் பணியாளர் ஆப்டோமெட்ரிஸ்ட் எனப்படுகிறார்.

அதிகரிக்கும் சேவைத் தேவை

கண் தொடர்பான மருத்துவப் பிரச்சினைகள் என்பவை பலவகைப்பட்ட பார்வைக் குறைபாடுகளுடன் நின்றுவிடுவ தில்லை. மரபுரீதியிலான கோளாறுகள், நீரிழிவு, ரத்த அழுத்தம், நரம்பு மண்டலம் உள்ளிட்ட இதர உடல் நலக் கோளாறுகளாலும் பார்வைக் கோளாறுகள் விளையக்கூடும். ஆகையால், கண்கள், பார்வை சார்ந்த மருத்துவத் துறை விசாலமானது.

அதிலும் அதிகரிக்கும் திறன்பேசி, கணினி பயன்பாடுகளால் கண் சார்ந்த கோளாறுகள் நாளுக்குநாள் பெருகுகின்றன. இதனால், உலக அளவில் ஆப்டோமெட் ரிஸ்ட்களின் தேவை அதிகமுள்ள நாடுகளில் இந்தியாவும் ஒன்று. 3 வருடங்களுக்கு முன்னர் மேற்கொள்ளப்பட்ட ஆய்வொன்றில் கிட்டத்தட்ட ஒரு லட்சம் ஆப்டோமெட்ரி பணியாளர்கள் நாட்டுக்குத் தேவை என்றும் அதில் 10 சதவீதம் மட்டுமே அப்போது பூர்த்திசெய்யப் பட்டிருப்பதாகவும் தெரியவந்தது.

பரந்து விரிந்த துறை

கண் மருத்துவமனைக்கு வரும் நோயாளியைப் பரிசோதிப்பவராக, அவருக்கும் கண் மருத்துவருக்கும் இடையில் மருத்துவப் பணியாளராக ஆப்டோமெட்ரிஸ்ட் செயல்படுகிறார். விழி ஒளி பரிசோதகரான ஆப்டோ மெட்ரிஸ்ட் அளிக்கும் தரவுகளின் அடிப்படையில்தான் கண் மருத்துவர் நோயாளிக்கு சிகிச்சைகளை மேற்கொள்ள முடியும். கண் அறுவைசிகிச்சைக்கு முன்னும் பின்னும் நோயாளிக்குத் தேவையான கண்காணிப்பு, பார்வைத் திறன் மேம்பாடு போன்றவற்றை ஆப்டோமெட்ரிஸ்ட் தொடர்ந்து கண்காணிப்பார்.

இவர்களுக்கு அரசு, தனியார் மருத்துவமனைகளில் மட்டுமல்லாமல் வெளிநாடுகளிலுமாகப் பணி வாய்ப்புகள் நிறைந்துள்ளன. கண் மருத்துவமனை அல்லது கண் மருத்துவரிடம் பணி புரியாமல் சுயமாகக் கண் பரிசோதனை வழங்குவது, பார்வைத் திறனுக்கான கண்ணாடி கடை நடத்துவது, கண்ணாடி, சட்டகத் தயாரிப்பு நிறுவனங்களின் கிளையுரிமை பெற்று கடை நடத்துவது போன்றவை இதர பணி வாய்ப்புகளாகும். இவற்றுடன் அதிகரித்துவரும் குளிர் கண்ணாடி தேவைகள், பார்வைத் திறனுக்கும் அழகுக்கு மான காண்டாக்ட் லென்ஸ் பரிந்துரை, விற்பனை என ஆப்மெட்ரிக் படித்தவர்களுக்கான பணி வாய்ப்புகள் விரிவடைந்துள்ளன.

எங்கே, என்ன படிக்கலாம்?

12ஆம் வகுப்பில் அறிவியல் பாடப் பிரிவில் குறைந்தது 50 சதவீத மதிப்பெண்களுடன் தேறிய மாணவர்கள் ஆப்டோமெட்ரி படிப்புக்கு விண்ணப்பிக்கலாம். ஆனால், முன்னணிக் கல்வி நிறுவனங்கள் சேர்க்கைக்கு என நுழைவுத் தேர்வுகள் நடத்துகின்றன.

ஆப்டோமெட்ரிஸ்ட் ஆக நீங்கள் படிக்க வேண்டியது,  நான்காண்டு இளம் அறிவியல் பட்டப்படிப்பு. முதல் மூன்றாண்டுகள் கல்லூரிக் கல்வியாகவும் நான்காமாண்டு மருத்துவ வளாக இண்டெர்ன்ஷிப் பயிற்சியாகவும் இது அளிக்கப்படுகிறது. இதற்கு பொதுநுழைவுத் தேர்வாக  நடத்தப்படுகிறது. டில்லி எய்ம்ஸ் நிறுவனம் வழங்கும் பி.எஸ்சி. ஆப்தல்மிக் டெக்னாலஜியில் சேரப் பிரத்யேக நுழைவுத் தேர்வு உண்டு. சென்னை எழும்பூர் அரசு கண் மருத்துவமனையில் 2015 முதல் பி.எஸ்சி. ஆப்டோமெட்ரி நான்காண்டு பட்டப் படிப்பு வழங்கப்படுகிறது. சென்னை சங்கர நேத்ராலயா  - பிட்ஸ் பிலானியுடன் இணைந்து முனைவர் பட்டம்வரையிலான ஆப்டோமெட்ரி படிப்பு களை வழங்குகிறது.

ஆப்தல்மிக் அசிஸ்டண்ட், ஆப்டோமெட்ரி ஆகிய இரண்டாண்டு பட்டயப் படிப்புகள் பல்வேறு மருத்துவக் கல்லூரிகளில் வழங்கப்படுகின்றன. கண் மருத்துவ சேவையிலிருக்கும் மருத்துவமனைக் குழுமங்கள் மற்றும் கண் கண்ணாடிகள், லென்சுகள் உற்பத்தியில் ஈடுபடும் நிறுவனங்கள் சார்பிலும் பிரத்யேகக் கல்வி நிலையங்கள் வாயிலாகப் பட்டம், பட்டயங்கள் வழங்கப்படுகின்றன. இவற்றில் பலவும் தேர்ச்சிக்குப் பின்னரான வேலை வாய்ப்புக்கு உத்தரவாதம் அளிக்கின்றன. கல்வித் தகுதியுடன் அனுபவ முன்னுரிமையும் கொண்டவர்களுக்கு உள்நாட்டு பல்நோக்கு மருத்துவமனைகளிலும் வெளிநாட்டிலும் மருத்துவருக்கு இணையான ஊதியம் வழங்கப்படுகிறது.


தமிழக அரசின் ஆவின் நிறுவனத்தின் சென்னை கிளையில் 32 காலியிடங்களுக்கு அறிவிப்பு வெளியிடப்பட்டுள்ளது. வயது: 35 வயதுக்கு உட்பட்டவர்களாக இருக்க வேண்டும்.

கல்வித் தகுதி: ஜூனியர் எக்சிக்யூடிவ் டைப்பிங் பதவிக்கு பட்டப் படிப்புடன் ஆங்கிலம் மற்றும் தமிழ் டைப்பிங்கில் ஹையர் கிரேடில் தேர்ச்சி பெற்றிருக்க வேண்டும்.

மில்க் ரெகார்டர் பதவிக்கு: கோ-ஆப்பரேடிவ் படிப்பு முடித்திருக்க வேண்டும். கட்டணம் ரூ. 250. தேர்ச்சி முறை : எழுத்துத் தேர்வு வாயிலாக தேர்ச்சி இருக்கும்.

விண்ணப்பிக்க: பரிந்துரைக்கப்பட்ட மாதிரியிலான படிவத்தை முழுமையாக நிரப்பி, உரிய இணைப்புகளுடன் பின்வரும் முகவரிக்கு அனுப்ப வேண்டும். Joint Managing Director,  The Tamilnadu Cooperative Milk Producers’ Federation Limited,  29 & 30, Ambattur Industrial Estate, Aavin Dairy Road, Chennai-600 098  

கடைசி நாள் : 2018 ஜன., 10. விபரங்களுக்கு :www.aavinmilk.com/hrjmd2612171.html

காப்பீட்டு நிறுவனத்தில் மருத்துவர் காலியிடங்கள்

நியூ இந்தியா இன்ஸ்யூரன்சு நிறுவனம் பொதுத்துறை நிறுவனமாகும். இங்கு 26 மருத்துவர்களுக்கு அறிவிப்பு வெளியிடப் பட்டுள்ளது.

வயது : 1.1.2018 அடிப்படையில் விண்ணப்ப தாரர்கள் 21 - 30 வயதுக்குள் இருக்க வேண்டும்.

கல்வித் தகுதி : எம்.பி.பி.எஸ்., எம்.டி., அல்லது எம்.எஸ்., முடித்தவர்கள் விண்ணப்பிக்கலாம். ஹோமியோபதி, யுனானி, சித்தா, ஆயுர்வேதா முடித்தவர்கள் விண்ணப்பிக்க முடியாது.

விண்ணப்பக் கட்டணம் ரூ. 200. தேர்ச்சி முறை : நேர்காணல் வாயிலாக தேர்ச்சி இருக்கும்.
கடைசி நாள் : 2018 ஜன., 17.

விபரங்களுக்கு : www.newindia.co.in/portal

ராணுவத்தில் பல்வேறு பிரிவுகளில் காலிப் பணியிடங்கள்

இந்திய ராணுவத்தில் பல்வேறு பிரிவுகளில் 291 காலியிடங்களுக்கு அறிவிப்பு வெளி யிடப்பட்டுள்ளது.

காலியிட விபரம் : லோயர் டிவிசன் கிளார்க்கில் 10, பயர்மேனில் 8, மெட்டீரியல் அசிஸ்டென்டில் 6, டிரேட்ஸ்மேன் மேட்டில் 266, எம்.டி.எஸ்.,சில் 1ம் காலியிடங்கள் உள்ளன.

வயது : 18 - 25 வயதுக்குள் இருக்க வேண்டும். முழுமையான தகவல்களை இணையதளத்தில் பார்க்கவும்.

விண்ணப்பிக்கும் முறை: பரிந்துரைக்கப்பட்ட மாதிரியிலான விண்ணப்பத்தை முழுமையாக நிரப்பி, உரிய இணைப்புகளைச் சேர்த்து பின்வரும் முகவரிக்கு அனுப்ப வேண்டும்.  Ministry Of Defence 27 Field Ammunition Depot, PIN - 909427, C/O 56 APO

கடைசி நாள் : 2018 ஜன., 16.

விபரங்களுக்கு : https://indianarmy.nic.in/ex.aspx

உரத்தொழிற்சாலையில்
காலிப் பணியிடங்கள்

பெர்டிலைசர்ஸ் அண்டு திருவாங்கூர் கெமிக்கல்ஸ் லிமிடெட் என்பது சுருக்கமாக ‘பாக்ட்’ என அழைக்கப்படு கிறது. இங்கு அப்ரென்டிஸ்   148 இடங்கள் நிரப்பப்பட உள்ளன.

வயது : டிப்ளமோ பிரிவுக்கு அதிகபட்சம் 23ம், டிரேடு பிரிவுக்கு அதிகபட்சம் 25 வயதுக்குள்ளும் இருக்க வேண்டும்.

கல்வித் தகுதி: டிப்ளமோ பிரிவுக்கு தொடர்புடைய இன்ஜினியரிங் பிரிவில் மூன்று வருட டிப்ளமோ படிப்பும், டிரேடு பிரிவுக்கு அய்.டி.அய்., படிப்பும் தேவைப்படும். விபரங்களுக்கு இணையதளத்தைப் பார்க்கவும். நேர்காணல் மூலமாக தேர்ச்சி இருக்கும்.

கடைசி நாள்: 8.1.2018 முதல் 13.1.2018.

விபரங்களுக்கு :

பொறியியல் பட்டதாரி... விவசாயி... ஏற்றுமதியாளர்!

விவசாயம் செய்தால் வாழ்க்கை நடத்த முடியுமா என்று பலர் யோசித்துக் கொண்டிருக்கையில், விவசாயத்தையே தொழிலாக மாற்றி, கிராமத்தில் 100 பேருக்கு வேலை வழங்கி வருகிறார் கடலூரைச் சேர்ந்த முதுநிலை பொறியியல் பட்டதாரி ப.சக்திவேல்.

திருவண்ணாமலையில் தனியார் பொறியியல் கல்லூரியில் இளநிலை, முதுநிலை பொறியியல் படிப்புகளை முடித்தவர் சக்திவேல். படித்து முடித்ததும் வேறு வேலைக்குப் போகாமல், குறிஞ்சிப்பாடியில் தனது தந்தை நடத்தி வந்த நர்சரி பண்ணையைக் கவனிக்கத் தொடங்கினார். வழக்கமாக பூச்செடிகள், காய்கறிச் செடிகளை விற்று வந்த நர்சரி பண்ணை, சக்திவேலின் முயற்சியால், விவசாயிகளுக்கு பணப் பயன் அளிக்கும் சவுக்கு மரக்கன்றுகள் விற்பனை செய்யும் நர்சரியாக மாறியது.

“சவுக்கு மரத்திலிருந்து காகிதம் தயாரிக்கப்படுவதால் தமிழக அரசின் காகித நிறுவனம், தனியார் காகித நிறு வனங்களுக்கு மரத்தின் தேவை இருந்து கொண்டே இருக்கிறது. குறிப்பாக டிஎன்பிஎல் நிறுவனத்துக்கு ஆண்டுக்கு 5 லட்சம் மெட்ரிக் டன் மரம் தேவைப்படுகிறது. அதன் தேவையில் பெரும்பகுதி வெளிநாடுகளிலிருந்தே இறக்குமதி செய்யப்படுகிறது. நமது ஊரிலேயே இதை வளர்த்தால் நமது விவசாயிகளுக்கு லாபம்தானே? என்று தோன்றியது. அதனால் விவசாயிகளிடம் சவுக்கு மர வளர்ப்பையும், அதன் வீரிய ரக வளர்ப்பையும் பற்றிப் பேசத் தொடங்கினேன்.

மேலும் குறைவான தண்ணீரே இந்த சவுக்கு வளர்க்கப் போதுமானது. சவுக்குக்கு பராமரிப்பும் அதிக அளவில் தேவையில்லை’’ என்கிறார் சக்திவேல்.

கோவையிலுள்ள வன மரபியல் - மர வளர்ப்பு நிறுவனத்தின் சவுக்கு மர ஆராய்ச்சியாளர் நிக்கோடமஸின் கண்டுபிடிப்பான சிஎச்-1, சிஎச்-5 என்ற ரகத்தை

விவசாயிகளுக்கு பிரபலப் படுத்துவதில் தனது பணியைத் தொடங்கியிருக்கிறார் சக்திவேல்.

இந்த ரகத்தில் அப்படியென்ன இருக்கிறது என்கிற கேள்விக்கு அவரே பதிலளிக்கிறார்: “”பொதுவாக இந்தியாவில் நாட்டு ரகங்களான சவுக்குகள்தான் பயிரிடப் படுகின்றன. இவை 4 - 5 ஆண்டுகள் வளரக் கூடியது.

ஆனால், நிக்கோடமஸின் ஆராய்ச்சியின் பலனாக கண்டுபிடிக்கப்பட்ட சிஎச் வீரிய ரகங்கள் 24 மாதத்தில் முழு வளர்ச்சி பெறுவதோடு, 40 அடி உயரம் வளர்ந்து, 60 - 70 டன் வெட்டக்கூடியதாகும். இதனால், விவசாயிகள் கூடுதல் பணப் பலனைப் பெறுகிறார்கள்.

இதனை விவசாயிகளிடம் கொண்டு சேர்ப்பதற்காக பல்வேறு கிராமங்களில் எங்களின் நர்சரி மூலமாக பயிற்சி வகுப்புகளை நடத்தி வருகிறோம்” என்கிறார்.
சக்திவேல் படித்துவிட்டு வேறு ஏதாவது வேலைக்குப் போயிருந்தால் அவர் மட்டுமே வேலை பார்த்திருப்பார். இப்போது

அவருடைய நர்சரியில் நூறு பேர் வேலை செய்கிறார்கள்.

“தமிழகத்தில் சில பகுதிகளில் மட்டுமே இந்த நர்சரி தொழிலை மேற்கொள்ள முடியும். அந்த வகையில் கடலூர் மாவட்டத்தில் குறிஞ்சிப்பாடி, வேகாக்கொல்லை பகுதிகள் சிறப்பானவை.

அதில் குறிஞ்சிப்பாடியில் எனது குடும்பத்தினர் வசமிருந்த 5 ஏக்கர் நிலத்தில் தற்போது சிஎச்-1, சிஎச்-5 ரக சவுக்கு மரங்களைப் பதியம் போட்டு அதனை வளர்க்கும் பணியில் ஈடுபட்டு வருகிறேன்.

இந்தப் பணியில் உள்ளூரைச் சேர்ந்த 100 பேர் வேலை செய்கிறார்கள்’’ என்று மகிழ்ச்சியுடன் சொல்கிறார் சக்திவேல். சக்திவேல் நடத்தும் நர்சரியில் ஆண்டுக்கு ஒரு கோடி சவுக்கு கன்றுகளை விற்பனை செய்கிறார்கள். தமிழகத்தில் கன்று ரூ. 3-க்கும், வெளிமாநிலங்களில்

ரூ.4-க்கு வழங்குகிறார்கள்.

“ஏக்கருக்கு 3 ஆயிரம் கன்றுகள் நடவுச் செய்யலாம். ரூ. 20 லட்சம் முதலீட்டில் இந்தத் தொழிலைத் தொடங்கி 100 பேருக்கு வேலைவாய்ப்பு வழங்கி வருவது மகிழ்ச்சி அளிக்கிறது.

எனினும், தமிழக விவசாயிகளை விட ஆந்திர மாநில விவசாயிகள் இது குறித்து நன்கு தெரிந்து வைத்திருக் கிறார்கள்.

ஆந்திராவுக்கு நிறைய சவுக்கு மரக்கன்றுகளை ஏற்றுமதி செய்கிறோம். வெளிநாடுகளுக்கும் ஏற்றுமதி செய்கிறோம். எனவே, விவசாயத்தில் ஆர்வமுள்ள இளைஞர்கள் இத்தொழிலில் தாராளமாக ஈடுபடலாம்.

சவுக்கு வளர்ப்புத் தொழில்நுட்பம் தொடர்பாக கோவையில் பயிற்சியளிக்கப் படுகிறது. பயிற்சியைப் பெற்று நவீன தொழில்நுட்பத்துடன் விவசாயம் மேற் கொள்ளலாம்‘ என்கிறார் சக்திவேல்.


சிவில் சர்வீஸ் தேர்வுகளிலும் குரூப் 1 தேர்வுகளிலும் மட்டுமே நடந்துவந்த முதனிலைத் தேர்வுகள் இப்போது குரூப் 2 தேர்வுகளுக்கும்கூட நடத்தப்படுகின்றன. நிர்வாகத் துறைப் பணிகளுக்கான தேர்வுகளைப் போலவே நீதிப் பணித் துறைகளுக்கான தேர்வுகளிலும் முதனிலைத் தேர்வுகள் நடத்தப்பட இருக்கின்றன.

மாவட்ட நீதிபதிகள், நீதித் துறை நடுவர்கள், அரசு உதவி வழக்குரைஞர் பணியிடங்களுக்கான தேர்வுகளில் முதனிலைத் தேர்வு, எழுத்துத் தேர்வு, நேர்முகத் தேர்வு என்ற முறை விரைவில் அறிமுகம் செய்யப்படலாம் என்று எதிர்பார்க்கப்படுகிறது. நீதி பணித்துறைத் தேர்வுகள் இன்னும் அறிவிக்கப்படாத நிலையிலும், அத்தேர்வுகளுக்குச் சிறப்புப் பயிற்சி அளிக்கும் மய்யங்கள் முதனிலைத் தேர்வுகளை எதிர்கொள்வது எப்படி என்பதில் கவனம் செலுத்த ஆரம்பித்திருக்கின்றன.

நான்கு தாள்கள்

இதற்கு முன்பு அரசு உதவி வழக்கறிஞர் பணிகளுக்கு எழுத்துத் தேர்வு, நேர்முகத் தேர்வு மட்டுமே நடத்தப்பட்டன. எழுத்துத் தேர்வில் நான்கு தாள்களை எழுத வேண்டியி ருந்தது. முதல் தாளில் குற்ற அறிக்கை உள்ளிட்ட ஆவணங் களை எழுதுதல், ஆவணங்களைத் தமிழில் இருந்து ஆங்கி லத்துக்கும் ஆங்கிலத்தில் இருந்து தமிழுக்கும் மொழி பெயர்த்தல் ஆகிய திறன்கள் சோதிக்கப்பட்டன.

இரண்டாம் தாளானது, இந்திய சாட்சியச் சட்டம் மற்றும் குற்றவியல், உரிமையியல் நீதிமன்ற நடவடிக்கைகள் பற்றியதாக அமைந்திருந்தது. மூன்றாம் தாள், இந்திய அரசியல் சட்டம் மற்றும் மனித உரிமைகள் சட்டத்தைப் பற்றியது. நான்காம் தாள், மத்திய-மாநில அரசுகள் இயற்றிய சிறப்புச் சட்டங்களைப் பற்றியதாக இருந்தது. நான்காம் தாளுக்காக மட்டுமே, ஏறக்குறைய 50 சட்டங்களைப் பற்றிய அறிமுகம் அவசியமாக இருந்தது. ஏறக்குறைய இதே முறையில் தான் நீதித் துறைப் பணிகளுக்கான தேர்வுத் தாள்களும் அமைந்திருந்தன.

கைகொடுக்குமா பழைய முறை?

இதற்கு முன் நடத்தப்பட்டுவந்த தேர்வுகள், பெரிதும் நீதிமன்ற நடைமுறைகளின் அடிப்படையிலேயே அமைந் திருந்தன. எனவே, வழக்குரைஞராகப் பணியாற்றிக் கொண்டே நீதித் துறைத் தேர்வுகளை எழுதுவது எளிதாக இருந்தது. இளம் வழக்குரைஞர்கள், மூத்த வழக்குரைஞர்களின் வழி காட்டுத லோடு, தேர்வுகளை எளிதில் அணுக முடிந்தது.

புதிய முறையில், முதனிலைத் தேர்வு சரியான பதிலைத் தேர்ந்தெடுக்கும் கொள்குறி (அப்ஜெக்டிவ்) முறையில் அமைந்திருக்கும். சட்டவியல், ஒப்பந்தச் சட்டம், தீங்கியல் சட்டம் என அடிப்படைச் சட்டக் கோட்பாடுகளை மய்யமாகக் கொண்டிருக்கும். இவை அனைத்துமே சட்டப் படிப்பின்போது பாடங்களாகப் படித்தவைதாம். என்றாலும், வழக்குரைஞராகப் பணியாற்றும் போது குறிப்பிட்ட சில சட்டங்களுக்கே முதன்மை கவனம் கொடுப்பதால், தேர்வுக்காகப் பழைய பாடங்களை மீண்டும் நினைவில் கொள்வது அவசியம். சட்டப் படிப்பில் படித்த பாடங்களை கொள்குறி (அப்ஜெக்டிவ்) முறையிலான தேர்வில் எதிர் கொள்வது எப்படி என்பதுதான் இப்போது உள்ள சவால். முதனிலைத் தேர்வில் எத்தனை கேள்விகள், எந்தப் பாடத் துக்கு முக்கியத்துவம் கொடுக்கப் படுகிறது, வினாக்கள் சட்டப்பிரிவுகளின் அடிப்படையில் அமைந்திருக்குமா, முக்கிய தீர்ப்புகளைப் பற்றியும் கேட்கப்படுமா? அடிப் படையான சட்டக் கோட்பாடுகள் கேள்விகளாக வருமா? இப்படி ஏகப்பட்ட கேள்விகளும் எதிர்பார்ப்புகளும் இருக் கின்றன. முதலாவதாக நடத்தப்படப்போகும் முதனிலைத் தேர்வுக்குப் பிறகுதான் இந்தக் கேள்விகளுக்கு எல்லாம் பதில் கிடைக்கும்.

ஆனால், அதற்கு முன்பே முதனிலைத் தேர்வு எந்த வகையில் அமைந்திருந்தாலும் அதை எதிர் கொள்வதற்கு வருங்கால நீதிபதிகள் தயாராகிவிட வேண்டும்.

நிலக்கரி நிறுவனத்தில்
காலிப் பணியிடங்கள்

நெய்வேலியில் உள்ள லிக்னைட் கார்ப்பரேசன் லிமிடெட் எரிசக்தி துறையில் புகழ் பெற்றது. பொதுத்துறை நிறுவனமான இது டெக்னீசியன் மற்றும் கிராஜூவேட் என்ற இரண்டு பிரிவுகளில் அப்ரென்டிஸ்சிப் பயிற்சிக்கு விண்ணப்பங்களை வரவேற்கிறது. காலியிடங்கள்: டெக்னீசியன் அப்ரென்டிஸ்சிப் பிரிவில் 250 காலியிடங்களும், கிராஜூவேட் அப்ரென்டிஸ்சிப் பிரிவில் 120 காலியிடங்களும் உள்ளன.

கல்வித் தகுதி: மூன்று வருட இன்ஜினியரிங் டிப்ளமோ அல்லது பட்டப் படிப்பை முடித்தவர்கள் இதற்கு விண்ணப்பிக்கலாம். விண்ணப் பிக்கும் முறை: ஆன்லைன் முறையில் : www.nlcindia.com/new_website/careers/GAT-TAT%20ADVERTISEMENT.pdf  

ரயில்வேயில் காலிப்பணியிடங்கள்


ரயில்வேயின் கிளை நிறுவனமான இர்கான், ரயில்வே தொடர்புடைய கட்டுமானப் பணிகளைச் செய்து வருகிறது. இதன் கிளைகள் வங்கதேசம், இலங்கை உள்ளிட்ட நாடுகளிலும் உள்ளது.

இங்கு துணைப் பொறியாளர் / இளநிலைப் பொறியாளர் பணியிடங்களுக்கு விண்ணப்பங்கள் வரவேற்கப்படுகின்றன.

காலியிட விபரம் : ஏ.இ., - எலக்ட்ரிக்கலில் 15ம், ஜூனியர் இன்ஜினியர் - எலக்ட்ரிக்கலில் 20ம், எஸ்.அண்டு டி., சார்ந்த ஏ.இ.,யில் 5ம், ஜே.இ.,யில் 10ம், எஸ்.அண்டு டி., டிசைன் சார்ந்த ஜே.இ.,யில் 2ம் காலியிடங்கள் உள்ளன.

வயது : அனைத்து பதவிகளுக்கும் அதிகபட்ச வயது 30.

கல்வித் தகுதி : ஒவ்வொரு பிரிவுக்கும் கல்வித்தகுதி மாறுபடுகிறது. முழுமையான விபரங்களுக்கு இணைய தளத்தை பார்க்கவும்.

தேர்ச்சி முறை : எழுத்துத் தேர்வு மற்றும் நேர்காணல் என்ற முறைகளில் தேர்ச்சி இருக்கும்.

விண்ணப்பக் கட்டணம் 1000 ரூபாய். கடைசி நாள் : 2018 ஜன., 5. விபரங்களுக்கு :  www.ircon.org

வங்கியில் உதவியாளர்
பணியிடங்கள்

தனியார் துறை வங்கி யான சவுத் இந்தியன் வங்கிக்கு நாடு முழுவதும் கிளைகள் உள்ளன. இவ்வங்கியில் காலியாக உள்ள 468 இடங்களுக்கு அறிவிப்பு வெளியிடப்பட் டுள்ளது.

காலியிட விபரம்: கேர ளாவில் 340ம், தமிழகத்தில் 68ம், ஆந்திரா மற்றும் தெலுங்கானாவில் 35ம், டில்லியில் 25ம் என மொத்தம் 468 காலியிடங்கள் உள்ளன.

வயது : 2017 டிச., 31 அடிப்படையில் 26 வயதுக்கு உட்பட்டவர்கள் விண்ணப் பிக்கலாம்.

கல்வித் தகுதி: குறைந்தபட்சம் 60 சதவீத மதிப்பெண்ணுடன் ஏதாவது ஒரு பிரிவில் பட்டப்படிப்பை முடித்திருக்க வேண்டும். தேர்ச்சி முறை: எழுத்துத் தேர்வு, நேர்காணல் அடிப்படை யில் தேர்ச்சி இருக்கும்.

விண்ணப்பிக்கும் முறை: ஆன்லைன் முறையில் விண்ணப்பிக்க வேண்டும்.

கட்டணம் : 600 ரூபாய். கடைசி நாள்: 2017 டிச. 30.

விபரங்களுக்கு: www.southindianbank.com

அய்.டி.அய்., படித்தவர்களுக்கு பணியிடங்கள்

எலக்ட்ரானிக்ஸ் துறை சார்ந்த வடிவங்களை உருவாக்குதல், உற்பத்தி, மேம்படுத்துதல், மற்றும் வணிகப் படுத்துதல் தொடர்புடையதுதான் எலக்ட்ரானிக்ஸ் கார்ப்பரேசன் ஆப் இந்தியா நிறுவனம்.

இது 1967இல் நிறுவப்பட்டது. இங்கு டிரேட்ஸ்மேன் பணிக்கு அறிவிப்பு வெளியிடப் பட்டுள்ளது.

வயது : 2017 நவ., 30 அடிப்படையில் விண்ணப்பதாரர்கள் 28 வயதுக்குள் இருக்க வேண்டும்.

கல்வித் தகுதி : பத்தாம் வகுப்புக்குப் பின், என்.சி.வி.டி., அங்கீகாரம் பெற்ற அய்.டி.அய்., படிப்பை தொடர்புடைய பிரிவில் முடித்திருக்க வேண்டும்.

தேர்ச்சி முறை : எழுத்துத் தேர்வு, டிரேடு டெஸ்ட், நேர்காணல் என்ற முறைகளில் தேர்ச்சி இருக்கும்.

விண்ணப்பிக்கும் முறை : விண் ணப்பங்களை ஆன்லைன் முறையில் சமர்ப்பிக்க வேண்டும். கட்டணம் ரூ. 500. கடைசி நாள் : 2018 ஜனவரி 5,

விபரங்களுக்கு :


தகவல் தொழில்நுட்ப யுகத்தில் அச்சு, காட்சி ஊடகம், சினிமா, தொலைக்காட்சி மற்றும் விளம்பர உலகம், சமூக ஊடகங்கள் என பலவிதமான ஊடகங்கள் சுவாரசியமான வேலைவாய்ப்புகளை அள்ளித்தரக் காத்திருக்கின்றன. இத்துறைகளுக்குள் நுழைவதற்கு உங்களைத் தயார்  படுத்தும் மாஸ் கம்யூனிகேசன் படிப்புகள், அவற்றை பயிற்றுவிக்கும் முன்னணி கல்வி நிறுவனங்கள், அவற்றுக் கான நுழைவுத் தேர்வுகள் ஆகியவற்றை அறிந்து கொள்வோம்.

பிளஸ் டூவுக்குப் பிறகு

பிளஸ் டூவில் எந்தப் பாடப் பிரிவில் படித்தவர்களும் மாஸ் கம்யூனிகேசன் படிப்பை மேற்கொள்ளலாம். இதில் பி.ஏ., பி.எஸ்சி. பட்டயம் மற்றும் சான்றிதழ் படிப்புகள் உள்ளன. பிளஸ் டூ முடித்தவர்கள் நேரடியாக கலை அல்லது அறிவியல் பட்டப் படிப்பில் சேரலாம். இதற்கு பிளஸ் டூவில் குறைந்தது 50 சதவீத மதிப்பெண்களுடன் தேர்ச்சி அடைந் தால் போதுமானது. பிற துறைகளில் இளநிலை பட்டம் முடித்தவர்களும் மாஸ் கம்யூனிகேசனில் முதுநிலை பட்டயப் படிப்பில் சேரலாம்.
வேலைவாய்ப்புக்கான துறைகள்

வளர்ந்து வரும் பத்திரிகைகள், தொலைக்காட்சிகள், இணைய ஊடகங்கள் ஆகியவை துடிப்பான இளைஞர்களை வரவேற்க காத்திருக்கின்றன. தடையற்ற இணைய வசதியின் பெருக்கத்தால் கைப்பேசி இயங்குதளத்தைக் குறிவைத்தும், செயலிகளின் வாயிலாகவும் புதிய தலைமுறைக்கான ஊடகங்கள் தலைதூக்கிவருகின்றன. ஆர்வமும், மாறுபட்ட திறனும், படைப்பாற்றலும் கொண்ட துடிப்பான இளைஞர் களுக்கு இது மிகவும் பொருத்தமான துறை. மேலும் பண்பலை வானொலிகள், மக்கள் தொடர்பாளர்கள், சமூக ஊடகத் துறை பொறுப்பாளர்கள் என மாஸ் கம்யூனிகேசன் மாணவர்களுக்கான வாய்ப்புகள் பிரமாண்டமாக விரி வடைந்திருக்கின்றன.

எங்கே படிக்கலாம்?

மாஸ் கம்யூனிகேசனில் பெரும்பாலானோரின் தேர்வு பி.ஏ., இளங்கலை பட்டப் படிப்பாக உள்ளது. அதற்கு அடுத்தப்படியாக அடிப்படை அறிவியல் பாடங்களையும் உள்ளடக்கிய பி.எஸ்சி. பட்டப்படிப்பு உள்ளது. இவை தவிர்த்து டிசைனிங், நுண்கலை சார்ந்தும் பட்டம், பட்டய சான்றிதழ் படிப்புகள் உள்ளன. இப்படிப்பை மற்ற பட்டப் படிப்புகளை வழங்கும் கல்லூரிகளில் படிப்பதைவிட அதற்கான சிறப்புக் கல்லூரியில் சேர்ந்து பயில்வதே நல்லது.

இதழியல் துறையை இலக்காகக் கொண்டவர்களுக்கு பி.ஏ. ஜர்னலிசம் உகந்த படிப்பாகும். புனேவில் இயங்கும் எஸ்.சி.எம்.சி. கல்வி மய்யம் (https://www.scmc.edu.in/) மாஸ் கம்யூனிகேசன் இன் ஜர்னலிசம் இன் பிரிண்ட், எலக்ட்ரானிக் அண்ட் கம்யூனிகேசன் என்ற இளங்கலைப் பட்டப்படிப்பை வழங்குகிறது. சென்னை எஸ்.ஆர்.எம். பல்கலைக்கழகம் பி.ஏ. ஜர்னலிசம் அண்டு கம்யூனிகேசன் வழங்குகிறது. இவை தவிர்த்துப் பெருவாரியான பல்கலைக் கழகங்கள் பி.ஏ.ஜர்னலிசப் படிப்புகளை வழங்குகின்றன.

முக்கியமான நுழைவுத் தேர்வுகள்

எத்துறையில் இளநிலை பட்டப் படிப்பு முடித்தவர்களும் மாஸ் கம்யூனிகேசனில் பல்வேறு முதுநிலை பட்டம் மற்றும் பட்டயப் படிப்புகளைப் படிக்கலாம். முன்னணி கல்வி நிறுவனங்கள் இதற்கெனத் தனியாக நுழைவுத் தேர்வு மூலம் சேர்க்கை நடத்துகின்றன. 10 மத்தியப் பல்கலைக்கழகங்கள் இணைந்து நடத்தும் பொது நுழைவுத் தேர்வு இதற்கு முதன்மையான உதாரணம். இவற்றில் திருவாரூர் உள்ளிட்ட 8 மத்தியப் பல்கலைக்கழகங்களில் மாஸ் கம்யூனிகேசன் எம்.ஏ., முதுகலைப் படிப்புகளில் சேரலாம்.

ஏப்ரல் 2018 சேர்க்கைக்கு மார்ச் மாதம் ஆன்லைனில் (http://admissions.cutn.ac.in/)விண்ணப்பிக்கலாம். சென்னையைச் சேர்ந்த ஏசியன் இதழியல் கல்லூரி (http://asianmedia.in/) முதுநிலைப் பட்டயப் படிப்புக்கான ஆன்லைன் தேர்வை மே மாதம் நடத்துகிறது. இதேபோன்று மணிபால் பல்கலைக்கழகத்தின் MU-OET, XIC-OET, IPU CET உள்ளிட்ட பல நுழைவுத் தேர்வுகள் உள்ளன.

டில்லி பல்கலைக்கழகம் இதழியலில் அய்ந்தாண்டுகள் ஒருங்கிணைந்த பட்டப் படிப்பை நுழைவுத் தேர்வு வாயி லாகத் தேர்வு செய்கிறது.

பிளஸ் டூ தேர்ச்சியுடன் 50 சதவீத மதிப்பெண் பெற்றவர்களும், தேர்வு முடிவுக்குக் காத்திருப்போரும் இந்த நுழைவுத் தேர்வை எழுதலாம். இளநிலைப் படிப்புகளுக்கும் டில்லி பல்கலைக்கழகம், மணிபால் பல்கலைக்கழகம் போன்றவை நுழைவுத் தேர்வு வாயிலாகச் சேர்க்கை மேற்கொள்கின்றன.

கற்பிக்கும் செய்தி நிறுவனங்கள்

இந்தியாவில் பல்வேறு தொலைக்காட்சி செய்தி நிறுவனங்கள் பிரத்யேகக் கல்வி நிறுவனங்கள் வாயிலாகத் தொலைக்காட்சிக்கான இதழியல் முதுநிலைப் பட்டயப் படிப்புகளை வழங்குகின்றன.

இளம் வயதில் அறிவியல் ஆய்வு

ஆராய்ச்சி என்பது மிகப் பெரும் அறிஞர்கள் செய்ய வேண்டிய பணி. நம்மால் செய்ய முடியாது என்று நினைத்து அதிலிருந்து நாம் ஒதுங்கிவிடுகிறோம். இதனால் நமக்கும் ஆராய்ச்சிக்கும் இடையே பெரிய இடைவெளி உள்ளது. ஆராய்ச்சி என்ற வார்த்தையைக் கேட்கும்போதும் ஆராய்ச்சியாளரைப் பார்க்கும்போதும் நம்மிடையே வியப்பு ஏற்படுகிறது.

இந்நிலையில், ஆராய்ச்சி சாதாரண விசயம்தான். ஆர்வம் மட்டும் இருந்தால் யார் வேண்டுமானாலும் ஆராய்ச்சி செய்யலாம். அந்த ஆர்வத்தைச் சரியான திசையில் கொண்டு சென்றால் மாணவர்களை ஆராய்ச்சி யாளர்களாக உருவாக்கலாம் என்பதை நிரூபித்து வருகிறார் மதுரையைச் சேர்ந்த பள்ளி ஆசிரியர் மலர்ச்செல்வி.

சிறுவயதில் இருந்தே பள்ளி மாணவர்களை இதற்காகத் தயார்படுத்திவருகிறார் அவர். இதன் மூலம் மாணவர்கள் மத்தியில் அறிவியல் மனப்பான்மையை வளர்த்துவருகிறார் அவர்.

மதுரை மாவட்டம் திருநகரைச் சேர்ந்தவர் மலர்ச்செல்வி. வரலாற்று பாடத்தில் பட்டம் பெற்ற இவர் நாகமலை புதுக்கோட்டை அருகே உள்ள முத்துப்பட்டி பல்கலைக்கழக நடுநிலைப் பள்ளியில் இடைநிலை ஆசிரியராகப் பணியாற்றி வருகிறார். தன் பள்ளியில் படிக்கும் 8ஆம் வகுப்பு மாணவர் களுக்கும் ஆராய்ச்சி முறைகளைக் கற்றுக் கொடுக்கிறார். ஒவ்வோர் ஆண்டும் நடைபெறும் குழந்தைகள் அறிவியல் மாநாட்டுக்குப் பள்ளி மாணவர்களைத் தயார்படுத்திவருகிறார்.

ஒவ்வோர் ஆண்டும் நடைபெறும் குழந்தைகள் அறிவியல் மாநாட்டுக்குப் பள்ளி மாணவர்களைத் தயார் படுத்துகிறோம். ஆய்வு செய்வதற்காக மாணவர்களை நேரடியாகக் களத்துக்கு அழைத்துச் செல்கிறோம்.

சிறுவயதிலேயே கள ஆய்வில் ஈடுபடுவதால் அவர் களுக்கு எதிர்காலத்தில் ஆய்வு குறித்த பயம் இருக்காது. பள்ளிப் பருவத்தில் மேற்கொள்ளும் ஆய்வுகளால் அறிவியல் மீது ஆர்வம் ஏற்படும் மாணவர்கள் சிலர் பள்ளிப் படிப்பை முடித்த பின்பு கல்லூரியிலும் ஆய்வைத் தொடர்கின்றனர் என்கிறார் மலர்ச்செல்வி.

கப்பல் படையில் பயிற்சிப் பணி வாய்ப்பு

நமது நாட்டின் பாதுகாப்புப்படைகளில் இந்தியக் கப்பல்படைக்கு முக்கிய பங்கு உள்ளது. இங்கு அப்ரென்டிஸ் பணியிடங்களுக்கு விண்ணப்பங்கள் வரவேற்கப்
படுகின்றன.

காலியிட விபரம் : அப்ரென்டிஸ் பிரிவில் மொத்தம் 180 இடங்கள் நிரப்பப்பட உள்ளன.

இவற்றில் பிட்டரில் 15, மெசினிஸ்டில் 10, ஷீட் மெட்டல் ஒர்க்கரில் 15, வெல்டரில் 15, பிளம்பரில் 10, பில்டிங் கன்ஸ்ட்ரக்டரில் 10, மெசின் டூல் மெக்கானிக்கில் 5, ஏ.சி., அண்டு ரெப்ரிஜிரேசன் மெக்கானிக்கில் 5, மெக்கானிக் டீசலில் 15, பெயிண்டரில் 10, எலக்ட்ரீசியனில் 20ம், மேலும் சில பணிகளுக்கு 5 காலியிடங்கள் உள்ளன.

இவை அனைத்தும் ஓராண்டு அப்ரென்டிஸ் பயிற்சிக்கான காலி யிடங்களாகும். இரண்டு ஆண்டு  அப்ரென்டிஸ்

காலியிடங்களில் பிட்டர், பிளம்பர் ஆகியவற்றில் தலா 10, பிரஷரில் 10, கார்பென்டரில் 15ம் காலி யிடங்கள் உள்ளன.

வயது : 01.04.1997 முதல் 31.03.2004க்குள் பிறந்தவராக இருக்க வேண்டும்.

கல்வித் தகுதி: தொடர்புடைய பிரிவில் அய்.டி.அய்., படிப்பை முடித்திருக்க வேண்டும்.

தேர்ச்சி முறை : பத்தாம் வகுப்பு மற்றும் அய்.டி.அய்., மதிப்பெண்கள், எழுத்துத் தேர்வு மதிப்பெண்கள் மற்றும் நேர்காணல் அடிப்படையில் தேர்ச்சி இருக்கும்.

விண்ணப்பிக்கும் முறை: ஆன்லைன் முறையில் விண்ணப்பங்களை சமர்ப்பிக்க வேண்டும்.

கடைசி நாள் : 2018 ஜன., 2. விபரங்களுக்கு : ..www.davp.nic.in/WriteReadData/ADS/eng_10702_256_1718b.pdf


இந்துஸ்தான் நியூஸ்பிரின்ட் லிமிடெட் என்பது காகிதத் தயாரிப்பில் ஈடுபட்டு வரும் நிறுவனம். இதன் கோட்டயம் கிளையில் டிரேடு அப்ரென்டிஸ் பிரிவில் 48 இடங்களுக்கு விண்ணப்பங்கள் வரவேற்கப்படுகின்றன.

பிரிவுகள் : பிட்டரில் 15, எலக்ட்ரீசியனில் 10, ஏ.சி., அண்டு ரெப்ரிஜிரேஷன் மெக்கானிக்கல் 2, இன்ஸ்ட்ரூமென்ட் மெக்கானிக்கல் 6, டர்னரில் 2, மோட்டார் மெக்கானிக் வெகிக்கிளில் 4, மெஷினிஸ்டில் 1, வெல்டரில் 5ம், பாசாவில் 3ம் காலியிடங்கள் உள்ளன.

வயது : 2017 நவ., 1 அடிப்படையில் விண்ணப்பதாரர்கள் 18 - 25 வயதுக்குள் இருக்க வேண்டும்.

கல்வித் தகுதி : பத்தாம் வகுப்புக்கு பின், பிட்டர், டர்னர், மெக்கானிக், எலக்ட்ரீசியன், இன்ஸ்ட்ரூமென்ட் மெக்கானிக், ஏ.சி., அண்டு ரெப்ரிஜிரேஷன் மெக்கானிக், மெஷினிஸ்ட், வெல்டர், கம்ப்யூட்டர் ஆப்பரேட்டர் அண்டு புரொகிராமிங் போன்ற ஏதாவது ஒன்றில் என்.சி.வி.டி., அங்கீகாரம் பெற்ற அய்.டி.அய்., படிப்பை முடித்திருக்க வேண்டும்.

தேர்ச்சி முறை : எழுத்துத் தேர்வு, நேர்காணல் வாயிலாக தேர்ச்சி இருக்கும்.
கடைசி நாள் : 2017 டிச., 18. விபரங்களுக்கு : : www.hnlonline.com/php/list_career.php?lid=18

விமான நிறுவனத்தில்  
உதவியாளர் பணியிடங்கள்

இந்தியாவில் உள்ள விமான நிலையங்களைப் பராமரிக்கும் பணியில் ஏர்போர்ட்ஸ் அதாரிடி ஆப் இந்தியா (ஏ.ஏ.அய்.,) ஈடுபட்டு வருகிறது. இதில் இளநிலை உதவியாளர் (பயர் சர்வீசஸ்) பிரிவில் காலியாக உள்ள 170 இடங்களை நிரப்புவதற்கு விண்ணப்பங்கள் வரவேற்கப்படுகின்றன.

வயது : 2017 டிச., 31 அடிப்படையில் விண்ணப்பதாரர்கள் 18 - 30 வயதுக்குள் இருக்க வேண்டும்.

கல்வித் தகுதி : பத்தாம் வகுப்புக்கு நிகரான படிப்பை முடித்துவிட்டு 3 வருட இன்ஜினியரிங் டிப்ளமோ படிப்பை மெக்கானிக்கல், ஆட்டோமொபைல், பயர் பிரிவில் குறைந்த பட்சம் 50 சதவீத மதிப்பெண்களுடன் முடித்திருக்க வேண்டும். தவிர பிளஸ் 2 படிப்பை, குறைந்த பட்சம் 50 சதவீத மதிப்பெண்களுடன் முடித்தவர்களும் விண்ணப்பிக்கலாம்.

தேர்ச்சி முறை : ஆன்லைன் எழுத்துத் தேர்வு, சான்றிதழ் சரிபார்த்தல், மருத்துவப் பரிசோதனை, உடல்தகுதி தேர்வு, ஓட்டுநர் தேர்வு போன்ற முறைகளில் தேர்ச்சி இருக்கும்.

விண்ணப்பிக்கும் முறை: ஆன்லைன் முறையில் விண்ணப் பங்களை சமர்ப்பிக்க வேண்டும். கட்டணம்: 1,000 ரூபாய். கடைசி நாள்: 31.12.2017

விவரங்களுக்கு :www.aai.aero/en/careers/recruitment

சிஅய்எஸ்எப்  காவலர் தேர்வு பிளஸ் 2 கல்வி தகுதி போதும்

சிஅய்எஸ்எப் கான்ஸ்டபிள் தேர்வு பிளஸ் 2 கல்வி தகுதி போதும். மத்திய தொழிற்சாலை பாதுகாப்பு படைக்கு 487 கான்ஸ்டபிள்கள் தேர்ந்தெடுக்கப்பட உள்ளனர். தமிழ்நாட்டுக்கு 17 இடங்கள் ஒதுக்கப் பட்டுள்ளன.

பணி: Constable/Fire:

17 இடங்கள் (பொது-8, எஸ்சி-3, ஒபிசி-6). சம்பளம்:   ரூ.21,700-69,100. வயது வரம்பு: 18 முதல் 23க்குள். ஒபிசிக்கு 3 ஆண்டுகளும், எஸ்சி., எஸ்டிக்கு 5 ஆண்டுகளும், வயது வரம்பில் தளர்வு அளிக்கப்படும்.

கல்வித்தகுதி:   அறிவியல் பாடத்தில் பிளஸ் 2 தேர்ச்சி. உடற்தகுதி: பொது பிரிவினர்கள்: உயரம்- 170 செ.மீ., மார்பளவு: 80 செ.மீ., விரிவடைந்த நிலையில்- 85 செ.மீ., எஸ்டி பிரிவினர்: உயரம்- 162 செ.மீ, மார்பளவு- 77 செ.மீ., விரிவடைந்த நிலையில்- 82 செ.மீ., உடற்திறன் தேர்வு: 5 கி.மீ., தூரத்தை 24 நிமிடங்களுக்குள் ஓடி கடக்க வேண்டும்.

விண்ணப்ப கட்டணம்: ரூ.100/-. ஆன்லைன் முறையில் செலுத்த வேண்டும். எஸ்சி., எஸ்டி., முன்னாள் ராணுவத்தினருக்கு கட்டணம் கிடையாது.

தகுதியானவர்கள் www.cisfrectt.in என்ற இணையதளம் மூலம் விவரங்களை தெரிந்து கொண்டு ஆன்லைனில் விண்ணப்பிக்கலாம்.

விண்ணப்பிக்க வேண்டிய முகவரி:DIG, CISF (South Zone), HQrs, Chennai.

விண்ணப்ப கடைசி நாள்: 11.1.2018.

 

எய்ம்ஸ் மருத்துவமனையில்  
செவிலியர் பணியிடங்கள்

எய்ம்ஸ் மருத்துவமனையில் 927 ஸ்டாப் நர்ஸ் பணியிடங்கள்ஒடிசா மாநிலம், புவனேஸ்வரில் உள்ள எய்ம்ஸ் மருத்துவமனையில் 927 ஸ்டாப் நர்ஸ் மற்றும் நர்சிங் ஆபீசர் பணியிடங்களுக்கு அறிவிப்பு வெளியிடப்பட் டுள்ளது. தகுதியானவர்கள் விண்ணப்பிக்கலாம்.

பணியிடங்கள் விவரம்:

A. Senior Nursing Officer/Staff Nurse Grade I:

127 இடங்கள் (பொது-65, ஒபிசி-34, எஸ்சி-19, எஸ்டி-9). சம்பளம்: ரூ.9,300-34,800. வயது: 25.12.17 அன்று 21 முதல் 35க்குள். தகுதி: நர்சிங் பாடத்தில் 4 ஆண்டு பிஎஸ்சி பட்டம் பெற்று 3 வருட பணி அனுபவம்.

B. Nursing Officer/Staff Nurse Grade II:

800 இடங்கள். (பொது-404, ஒபிசி-216, எஸ்சி-120, எஸ்டி-60). சம்பளம்: ரூ.9,300-34,800.வயது: 25.12.17 அன்று 21 முதல் 30க்குள். தகுதி: நர்சிங் பாடத்தில் பிஎஸ்சி/ பிஎஸ்சி (ஹானர்ஸ்) அல்லது ஜெனரல் நர்சிங் மிட்வொய்பரி பாடத்தில் டிப்ளமோ தேர்ச்சியுடன் 2 ஆண்டு பணி அனுபவம்.

இடஒதுக்கீட்டு பிரிவினருக்கு அதிகபட்ச வயது வரம்பில் தளர்வு அளிக்கப்படும்.

ஆன்லைன் எழுத்துத்தேர்வு, தொழிற்திறன் தேர்வு மூலம் விண்ணப்பதாரர்கள் தேர்ந்தெடுக்கப்படுவர்.

விண்ணப்ப கட்டணம்: ரூ.1000/-. ஆன்லைனில் செலுத்த வேண்டும்.

எஸ்சி.,எஸ்டி., மாற்றுத்திறனாளிகளுக்கு விண்ணப்ப கட்டணம் கிடையாது.

தகுதியானவர்கள் www.aiimsbhubaneswar.edu.in  என்ற இணையதளம் மூலம் கூடுதல் விவரங்களை தெரிந்து கொள்ளலாம்.

ஆன்லைனில் விண்ணப்பிக்க கடைசி நாள்: 25.12.2017.

‘இஸ்ரோ’வில் பணி வாய்ப்பு

விண்வெளி ஆராய்ச்சியில் ‘இஸ்ரோ’ மய்யம், சர்வதேச புகழ் பெற்றது. இந்த நிறுவனத்தின் லிக்விட் புரொபல்ஷன் சென்டர் மய்யம் திருவனந்தபுரத்தில் உள்ளது. இங்கு பல்வேறு பிரிவுகளில் உள்ள காலியிடங்களுக்கு விண்ணப்பங்கள் வரவேற்கப்படுகின்றன.

காலியிட விபரம் : டெக்னிக்கல் அசிஸ்டென்ட் பிரிவிலான மெக்கானிக்கல் 4, போட்டோகிராபியில் 1, எலக்ட்ரிக்கலில் 2, இந்தி டைப்பிஸ்டில் 1, டெக்னீசியன் பி பிரிவிலான பிட்டரில் 5, எலக்ட்ரானிக் மெக்கானிக்கல் 2, பயர்மேனில் 1, கேட்டரிங் அசிஸ்டென்டில் 1ம் காலியிடங்கள் உள்ளன.

வயது : டெக்னிக்கல் அசிஸ்டென்ட் பணியிடங்களுக்கு விண்ணப்பிக்க தொடர்புடைய டிரேடு பிரிவில் டிப்ளமோ படிப்பை முடித்திருக்க வேண்டும். டெக்னீசியன் பணியிடங்களுக்கு பத்தாம் வகுப்பு தேர்ச்சியுடன் அய்.டி.அய்., படிப்பு முடித்திருக்க வேண்டும். முழுமையான தகவல்களை இணையதளத்திலிருந்து அறியவும்.

தேர்ச்சி முறை : எழுத்துத் தேர்வு வாயிலாக தேர்ச்சி இருக்கும்.

விண்ணப்பிக்கும் முறை: ஆன்லைன் முறையில் விண்ணப்பங்களை சமர்ப்பிக்க வேண்டும்.
கடைசி நாள் : 2017 டிச., 18.

விவரங்களுக்கு www.lpsc.gov.in/noticeresult.html

Banner
Banner