இளைஞர்

இந்திய அணுசக்தித் துறையின் கொள்முதல், பண்டப் பிரிவில் மேல்நிலை எழுத்தர், இளநிலை கொள்முதல் உதவியாளர், இளநிலை பண்டகக் காப்பாளர் ஆகிய பதவிகளில் 34 காலியிடங்கள் போட்டித் தேர்வு மூலம் நிரப்பப்பட உள்ளன. இதற்குப் பட்டதாரிகள் விண்ணப்பிக்கலாம்.

குறைந்தபட்சம் 50 சதவீத மதிப்பெண் அவசியம். வயது 18 முதல் 27-க்குள் இருக்க வேண்டும். இட ஒதுக்கீட்டுப் பிரிவினருக்கு மத்திய அரசு விதிமுறைப்படி உரிய தளர்வு உண்டு. நிர்ணயிக்கப்பட்டுள்ள கல்வித் தகுதியுடன் கூடுதலாக ஆங்கிலத் தட்டச்சு (நிமிடத்துக்கு 30 சொற்கள்), கணினியில் டேட்டா பதிவு செய்யும் அனுபவம், பொருட்கள் மேலாண்மையில் பட்டயப் படிப்பு ஆகியவை இருந்தால் விரும்பத்தக்க தகுதிகளாகக் கொள்ளப்படும்.

எழுத்துத் தேர்வு அடிப்படையில் பணிநியமனம் நடைபெறும். நேர்முகத் தேர்வு கிடையாது. தேர்வானது இரு நிலைகளாக நடத்தப்படும். முதல் கட்டத் தேர்வில் ஆங்கிலம், பொது அறிவு, ரீசனிங், கணிதத் திறன் ஆகிய 4 பகுதிகளில் இருந்து தலா 50 கேள்விகள் வீதம் 200 கேள்விகள் அப்ஜெக்டிவ் முறையில் இடம்பெறும். தேர்வு 2 மணி நேரம் நடைபெறும். இதில் வெற்றி பெறுவோர் 2ஆவது கட்டத் தேர்வுக்கு அழைக்கப்படுவர். இதில் விரிவாக விடையளிக்க வேண்டும். இத்தேர்வு ஆங்கில அறிவைச் சோதிக்கும் வகையில் அமைந்திருக்கும். மதிப்பெண் 100. தேர்வு 3 மணி நடைபெறும். 2ஆவது கட்டத் தேர்வில் எடுக்கும் மதிப்பெண் அடிப்படையில்தான் விண்ணப்பதாரர்கள் பணிக்குத் தேர்வுசெய்யப்படுவர்.

தகுதியுடைய பட்டதாரிகள் www.dpsdae.gov.in என்ற இணையதளத்தைப் பயன்படுத்திச் செப்டம்பர் மாதம் 30ஆம் தேதிக்குள் ஆன்லைனில் விண்ணப்பிக்க வேண்டும். கூடுதல் தகவல்களை இணையதளத்தில் தெரிந்துகொள்ளலாம்


தமிழ்நாடு கல்வியியல் பல்கலையில் காலிப் பணியிடங்கள்

சென்னையில் செயல்பட்டு வரும் தமிழ்நாடு கல்வியியல் பல்கலைக்கழகத்தில் காலியாக உள்ள நிர்வாகப் பணியிடங்களுக் கான அறிவிப்பு வெளியிடப்பட்டுள்ளது. இதற்கு தகுதியும் விருப் பமும் உள்ளவர்களிடமிருந்து விண்ணப்பங்கள் வரவேற்கப் படுகின்றன. மொத்த காலியிடங்கள்: 25

பதவி:  அசிஸ்டெண்ட் ரிஜிஸ்டர்- 01

வயதுவரம்பு: 40க்குள் இருக்க வேண்டும்.

தகுதி: ஏதாவதொரு துறையில் 55 சதவீத மதிப்பெண்களுடன் முதுகலை பட்டம் பெற்றிருக்க வேண்டும்.

பதவி:  சூப்பிரடெண்ட்டன்ஸ்- 09

வயதுவரம்பு: 35க்குள் இருக்க வேண்டும்.

தகுதி: ஏதாவதொரு துறையில் இளங்கலை பட்டம் பெற்று 5 ஆண்டு பணி அனுபவம் பெற்றிருக்க வேண்டும்.

பதவி:  ஆபீஸ் அசிஸ்டென்ட்ஸ் - 05

வயதுவரம்பு: 35க்குள் இருக்க வேண்டும்.

தகுதி: பத்தாம் வகுப்பு தேர்ச்சியுடன் சைக்கிள் ஓட்டத் தெரிந்திருக்க வேண்டும்.

பதவி: அசிஸ்ட்டெண்ட் - 01

பதவி: ஜூனியர் அசிஸ்ட்டெண்ட்  மற்றும் கம்ப்யூட்டர் ஆப்ரேட்டர் - 06

தகுதி: ஏதாவதொரு துறையில் இளங்கலை பட்டம் பெற்று கம்ப்யூட்டர் அப்ளிக்கேஷன் பிரிவில் முதுகலை டிப்ளமோ முடித்திருக்க வேண்டும். வயது 30க்குள் இருக்க வேண்டும்.

விண்ணப்பக் கட்டணம்: ரூ.500. எஸ்சி, எஸ்டி மற்றும் மாற்றுத்திறனாளிள் பிரிவினருக்கு ரூ.250. இதனை  The Registrar, Tamil Nadu Teachers Education University என்ற பெயரில் சென்னையில் மாற்றத்தக்க வகையில் டி.டி.யாக எடுத்து செலுத்த வேண்டும். மேலும்  www.tnteu.ac.in என்ற இணையத்தில் கொடுக்கப்பட்டுள்ள விண்ணப்பத்தை பதிவிறக்கம் செய்து, பூர்த்தி செய்து சுய சான்றொப்பம் செய்த தேவையான சான்றிதழ் நகல்கள், இரு பரிந்துரை கடிதங்கள், டி.டி இணைத்து விண் ணப்பிக்க வேண்டும்.  பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி:

Registrar i/c, Tamil Nadu Teachers Education University, Chennai - 97
விண்ணப்பங்கள் சென்று சேர கடைசி தேதி: 27.09.2018

 

இளைஞர்கள் பலர் இப்போது சொந்தத் தொழில் செய்ய ஆர்வமாக உள்ளனர். ஆனால், என்ன தொழில்செய்யலாம், எப்படிச் செய்யலாம் என்ற கேள்விகளுக்கு அவர்களிடம் விடை இல்லை. தொழில்செய்ய முடிவெடுத்த பிறகுதான் அந்தத் துறை சார்ந்து தகவல்களைச் சேகரிப்பார்கள். ஆனால், பள்ளியில் படிக்கும் காலத்திலேயே இந்தத் துறைதான் தனது துறை அதில்தான் சாதிக்கப் போகிறோம் எனச் சிலர் தீர்க்கத்துடன் இருப்பார்கள். அவர்களில் ஒருவர்தான் பாலாஜி.

அவர் தேர்ந்தெடுத்த துறை ரோபோட்டிக்ஸ். நவீன அறிவியலான ரோபோட் தொழில்நுட்பம் குறித்த தொழில் செய்துவரும் பாலாஜியின் சொந்த ஊர்  விழுப்புரம் அருகே கண்டச்சிபுரம் என்னும் கிராமம். தந்தை தச்சுத் தொழிலாளி. சாதாரணக் குடும்பப் பின்னணி. சினிமா நடிகர்களின் படங்களைச் சேகரிக்கும் வயதில் பத்திரிகைகளில் வரக்கூடிய ரோபோட் படங்களை வெட்டிச் சேகரித்துள்ளார். அந்த அளவுக்கு ரோபோட் அறிவியலில் ஈடுபாட்டுடன் இருந்துள்ளார்.

பள்ளிக் காலகட்டத்திலேயே மாவட்ட அளவிலான அறிவியல் போட்டிகளில் ரோபோட் அறிவியல் மாதிரிகளை உண்டாக்கி வெற்றிபெற்றுள்ளார். ஆனால், பிளஸ் டூ முடித்த பிறகு அவரால் உடனடியாக  மேற் படிப்பைத் தொடர முடியவில்லை.

அதனால் ஓராண்டு இடைவெளி விழுந்துவிட்டது. இந்தக் காலத்தில் பாலாஜி, கல்லூரிகளுக்கு புராஜெக்ட் மாதிரி செய்வதற்கான ஆலோசகராக வேலை பார்த்துச் சம்பாதித்துள்ளார்.

இதற்குப் பிறகுதான் இயந்திரப் பொறியியலில் பட்டம் பெற்றார். அதற்குப் பிறகு ரோபோட் அறிவியலில் முதுகலைப் பட்டம் பெற்றார். தற்போது வேல் டெக் உயர் தொழில்நுட்பம் டாக்டர் ரங்கராஜன், டாக்டர் சகுந்தலா பொறியியல் கல்லூரியில் பேராசிரியராகவும் பணியாற்றி வருகிறார்.

தன்னை பற்றிச் சொல்லித்தரும் ரோபோட்

இதற்கிடையில் தனது ரோபோட் குறித்த ஆய்வையும் மேற்கொண்டுவருகிறார். இவர் தனது ஆய்வுக் கட்டுரை ஒன்றை அமெரிக்காவின் கலிபோர்னியா பல்கலைக் கழகத்தில் சமர்ப்பித்துள்ளார். இது அல்லாது ஜப்பான், மலேசியா உள்ளிட்ட பல நாடுகளில் நடந்த ரோபோட் அறிவியல் கண்காட்சிகளில் கலந்துகொண்டுள்ளார்.

பாலாஜி தனது புதிய கண்டுபிடிப்பான ஜிபோட் (நிஙிளிஜி- மீபீuநீணீtவீஷீஸீணீறீ தீணீsமீபீ க்ஷீஷீதீஷீt ளீவீt) என்பதை இப்போது சந்தைப்படுத்த இருக்கிறார். இது எளிய முறையில் மாணவர்களுக்கு ரோபோட் அறிவியலைச் சொல்லித் தரக்கூடிய ரோபோட். இந்தக் கருவியைக் கல்விச் சாலைகளில் பயன்படும் நோக்கத்துடன் வடிவமைத்துள்ள தால் இதற்கான விலையை நிர்ணயிப்பதிலும் பாலாஜி கவனத்துடன் இருந்துள்ளார். ரூ.500-தான் விலை

நிர்ணயித்துள்ளார்.

இந்த ரோபோட்டைத் தமிழகத்தில் பல பள்ளிகள் வாங்க முன்வந்துள்ளன. கிராமப்புறப் பள்ளிகளுக்கும் இதைக் கொண்டுசேர்க்கும் முயற்சியிலும் பாலாஜி இறங்கியுள்ளார். இவை அல்லாமல் அர்ஜென்டினா, நைஜீரியா உள்ளிட்ட நாடுகளிலிருந்தும் இந்த ரோபோட்டுக்கான அழைப்பு வந்துள்ளது.  இந்தக் கல்வி ரோபோட்டைத் தொடர்ந்து விவசாயிகளுக்கான ரோபோட்டையும் கண்டுபிடித்துள்ளார். அதையும் விரைவில் சந்தைப்படுத்தவுள்ளார்.

இது தொடர்பாக   ‘ஜிணீனீவீறீ ஸிஷீதீஷீtவீநீs சிறீuதீ ’  என்ற பெயரில் ஒரு ஸ்மார்ட்போன் செயலி ஒன்றையும் அறிமுகப் படுத்தவிருக்கிறார்.


சரக்கு விமான போக்குவரத்து வேலைவாய்ப்பு

கொல்கத்தாவில் செயல்பட்டு வரும் சரக்கு விமானப்போக்குவரத்து நிறுவனத்தில்   நிரப்பப்பட உள்ள பாதுகவாலர் பணியிடங்களுக்கான அறிவிப்பு வெளியிடப்பட்டுள்ளது.  பணி:   Security Personnel & X-ray Screeners காலியிடங்கள்: 32 சம்பளம்: மாதம் ரூ.24,000 வயதுவரம்பு: 45க்குள் இருக்க வேண்டும்.

தகுதி: ஏதாவதெரு துறையில் இளங்கலை பட்டம் பெற்றிருக்க வேண்டும்.  மேலும் விவரங்கள் அறிய: https://aaiclas-ecom.org/images/career.pdf

நபார்டு வங்கி எனப்படும் தேசிய வேளாண் ஊரக வளர்ச்சி வங்கியில் வளர்ச்சி உதவியாளர்  பதவியில் 70 காலியிடங்கள் போட்டித் தேர்வு மூலம் நிரப்பப்பட உள்ளன. இந்தப் பணிக்குப் பட்டதாரிகள் விண்ணப் பிக்கலாம். குறைந்தபட்சம் 50 சதவீத மதிப்பெண் அவசியம்.

தேவையான தகுதி: எஸ்.சி., எஸ்.டி. வகுப்பினர், மாற்றுத் திறனாளிகள் எனில் பட்டப் படிப்பில் தேர்ச்சி பெற்றிருந்தால் போதுமானது. வயது 18 முதல் 35-க் குள் இருக்க வேண்டும். மத்திய அரசின் இட ஒதுக்கீட்டு விதிமுறைகளின்படி எஸ்.சி., எஸ்.டி., வகுப்பினருக்கு 5 ஆண்டுகளும் ஓ.பி.சி. எனப்படும் இதர பிற்படுத்தப்பட்ட வகுப்பினருக்கு 3 ஆண்டு களும் மாற்றுத் திறனாளிகளுக்கு 10 ஆண்டுகளும் வயது வரம்பில் தளர்வு உண்டு.

தேர்வு முறை: எழுத்துத் தேர்வு அடிப்படையில் பணி நியமனம் நடைபெறும். நேர்முகத் தேர்வு கிடையாது. இரண்டு வகையான எழுத்துத் தேர்வுகள் இடம்பெறும். இரு தேர்வுகளுமே ஆன்லைன் வழியில்தான் நடத்தப்படும். முதல்நிலைத் தேர்வில் பொது ஆங்கிலம், அடிப்படை கணிதத் திறன், பகுத்தாராயும் திறன்  ஆகிய 3 பகுதிகளில் இருந்து 100 கேள்விகள் அப்ஜெக்டிவ் (தேர்ந்தெடுத்தல்) முறையில் கேட்கப் படும். தேர்வுக்கான காலவரையறை 1 மணிநேரம்.

மொத்த மதிப்பெண் 100.

முதல்நிலைத் தேர்வில் தேர்ச்சி பெறுவோர் 2ஆவது நிலை தேர்வெழுதத் தகுதிபெறுவர். இதில், ரீசனிங், அடிப்படைக் கணிதம், வேளாண்மை, ஊரக வளர்ச்சி, வங்கியின் செயல்பாடு தொடர்பான பொது அறிவு, அடிப்படைக் கணினி அறிவு ஆகிய பகுதிகளில் இருந்து கேள்விகள் இடம்பெறும். மொத்த மதிப்பெண் 150. இதோடு கூடுதலாக 50 மதிப்பெண் ணுக்கு ஆங்கிலத்தில் விரிவாக விடையளிக்கும் தேர்வும் உண்டு.

முதல் தேர்வு பகுதியை ஒன்றரை மணி நேரத் திலும், 2ஆவது பகுதியை அரை மணி நேரத்திலும் முடிக்க வேண்டும். ஆன்லைன் தேர்வுகள் செப்டம்பர் அல்லது அக்டோபர் மாதத்தில் நடத்தப்படும். சரியான தேர்வு தேதி பின்னர் அறிவிக்கப்படும்.

வளர்ச்சி உதவியாளர் பணிக்கு ஆரம்ப நிலையில் ரூ.31 ஆயிரத்துக்கு மேல் சம்பளம் கிடைக்கும். பதவி உயர்வுக்கான வாய்ப்புகள் அதிகம் உண்டு. உரிய கல்வித் தகுதியும், வயது வரம்புத் தகுதியும் உடைய பட்டதாரிகள் நபார்டு வங்கியின் இணையதளத்தைப் www.nabard.org பயன்படுத்திச் செப்டம்பர் மாதம் 12ஆம் தேதிக்குள் ஆன்லைனில் விண்ணப்பிக்க வேண்டும். கூடுதல் விவரங்களை இணையதளத்தில் தெரிந்துகொள்ளலாம்.


புள்ளியியல் துறையில் பட்டதாரிகளுக்கு பணியிடங்கள்

தமிழ்நாடு அரசுப் பணியாளர் தேர்வாணையம் புள்ளியியல் துறையில் ஆய்வாளர் பதவிகளுக்கான 13 காலிப் பணியிடங்களை நிரப்புவதற்கான அறிவிப் பை வெளியிட்டுள்ளது. தகுதி வாய்ந்த விண்ணப்ப தாரர்கள் செப்டம்பர் 26 வரை ஆன்லைனில் விண்ணப்பிக்கலாம்.

வயதுத் தகுதி: 01.07.2018 அன்று, எஸ்.சி., எஸ்.சி. அருந்ததியர், எஸ்.டி., பிற்படுத்தப்பட்டோர், மிகவும் பிறப்படுத்தப்பட்டோர், சீர்மரபினர், முசுலிம்கள், கண வனை இழந்த பெண்கள் ஆகியோருக்கு உச்சபட்ச வயது வரம்பு இல்லை. இந்தப் பிரிவினரைத் தவிர பிறர் 30 வயதுக்குட்பட்டோராக இருக்க வேண் டும்.  மாற்றுத் திறனாளிகள் 40 வயதுக்குட்பட்டோராக இருக்க வேண்டும்.

கல்வித் தகுதி:  28.08.2018 அன்று, அங்கீகரிக்கப்பட்ட பல்கலைக்கழகத்தில் புள்ளியியலில் அல்லது கணிதத் தில் இளநிலைப் பட்டம் பெற்றிருக்க வேண்டும்.

கட்டணம்: நிரந்தரப் பதிவு  செய்திருப்பவர்கள் தேர்வுக் கட்டணமாக ரூ.150 செலுத்த வேண்டும். பிறர் தேர்வுக் கட்டணத்துடன் நிரந்தரப் பதிவுக்கு ரூ.150 சேர்த்துச் செலுத்த வேண்டும். எஸ்.சி., எஸ்.சி. அருந் ததியர், எஸ்.டி. ஆகிய பிரிவினருக்கும் மாற்றுத்திற னாளிகளுக்கும் விதவைகளுக்கும் கட்டண விலக்கு உண்டு. கட்டணத்தை ஆன்லைனிலோ வங்கி செல்லான் மூலமாகவோ கட்டலாம்.

விண்ணப்பிக்கும் முறை: தகுதியுள்ள விண்ணப்ப தாரர்கள் www.tnpscexams.net / www.tnpscexams.in என்னும் இணைய முகவரியில் விண்ணப்பிக்க வேண்டும். விண்ணப்பதாரர்களுக்கு எழுத்துத் தேர்வு நவம்பர் 24 அன்று சென்னை, திருச்சி, கோயம்புத்தூர், மதுரை, சேலம், திருநெல்வேலி ஆகிய இடங்களில் நடைபெறும். எழுத்துத் தேர்வு, நேர்காணல், சான்றிதழ் சரிபார்ப்பு ஆகியவற்றின் அடிப்படையில் தகுதி வாய்ந்த விண்ணப்பதாரர்கள் தேர்ந்தெடுக்கப்படு வார்கள். விண்ணப்பிக்க இறுதி நாள்: 26.09.2018

அமெரிக்காவில் படிக்கச் செல்ல வேண்டும் என்பது பலருக்கும் கனவாக இருக்கலாம். இன்னும் சிலருக்கு அமெரிக்க விண்வெளி ஆய்வு நிறுவனமான நாசாவில் பயிற்சி கிடைத்தால் போதும் என்று தோன்றலாம். இந்த இரண்டு வாய்ப்புகளுமே அமெரிக்கக் குடிமகன்களுக்கு எளிமையாகக் கிடைத்துவிடலாம். ஆனால், தமிழகத்தைச் சேர்ந்த கன்னிகா குழந்தைவேலுவுக்கும் அப்படி இரு வாய்ப்பும் ஒருசேர கிடைத் திருக்கிறது என்பது ஆச்சரியம்தான். அந்த வாய்ப்பு கன்னிகாவுக்கு எப்படிக் கிடைத்தது?

அமெரிக்காவில் மேற்படிப்பு

கன்னிகாவுக்குக் கோவைதான் சொந்த ஊர். ஈரோட்டில் உள்ள ஒரு பொறியியல் கல்லூரியில் சிவில் இன்ஜினீயரிங் படித்தவர். 2006இல் படிப்பை முடித்த பிறகு பெங்களூ ருவில் ஸ்டீல் டிசைனிங் வேலையில் சேர்ந் தார். அங்கே நல்ல சம்பளம், பதவி உயர்வு என்று கன்னிகாவுக்கு வாழ்க்கை முன் னேறிக் கொண்டிருந்தது.

ஆனாலும், அவருக்குள் ஓர் உறுத்தல். ஒரே மாதிரியான வேலை; ஒரே மாதிரியான பணிச் சூழல் என எத்தனை ஆண்டுகளுக்குச் செல்வது என நினைத்தார். குறிப்பிட்ட வயதைத் தாண்டி எதுவும் செய்ய முடியாது என்பதால், மேற்படிப்புக்காக அமெரிக்கா சென்றால் என்ன என்று தோன்றியிருக்கிறது.

திருமண வயதில் இருந்தபோதும் பெற் றோரை சம்மதிக்க வைத்து வெர்ஜினியா வுக்குப் பறந்துவிட்டார். அங்கு சென்றதும் புவி இயற்பியல் (ஜியோ பிசிக்ஸ்) படிக்கத் தொடங்கினார். பி.இ. சிவில் இன்ஜினியரிங் படித்துவிட்டு, எப்படி புவி இயற்பியல் படிக்க முடிந்தது?

சின்ன வயசிலேர்ந்தே பூமி சார்ந்த விஷயங்கள் பிடிக்கும். பி.இ. படிக்கும்போதே ஜியாலாஜியும் சேர்த்துதான் படித்தேன். இந்தியாவிலிருந்து இன்ஜினீயரிங் படித்து விட்டு வருபவர்கள் கணிதம், அறிவியல் போன்ற பாடப் பிரிவுகளில் அறிவுத் திறனோடு இருப்பார்கள் என்ற எண்ணம் அமெரிக்காவில் இருக்கு.

இதுபோன்ற காரணங்களால் அமெரிக் காவில் சுலபமாக புவி இயற்பியல் மேற் படிப்புக்கு இடம் கிடைத்தது. அதோடு ஆறு ஆண்டுகள் வேலை அனுபவமும் இருந்த தால் நாசாவில் பயிற்சிக்கு இடம் கொடுத் தார்கள். ஒரு திட்டத்தில் என்னை சேர்த்து மூன்று மாத காலம் நாசாவில் பயிற்சி கொடுத்தார்கள். அந்தத் திட்டத்தில் இப் போதும் இருக்கிறேன். ஆனால், அந்தப் பணியை நாசாவுக்கு வெளியே இருந்து செய்கிறேன்  என்கிறார் கன்னிகா.

வேலை செய்தபடி படிப்பு

2015இல் புவி இயற்பியல் முதுகலை படிப்பை முடித்த உடனே புவி இயற்பியல் பிரிவில் ஆய்வுப் படிப்பிலும் சேர்ந்து விட்டார் கன்னிகா. ஆய்வுப் படிப்பில் கடலுக்கடியில் எரிமலைகள் எவ்வளவு வெப்பத் துடன் நெருப்பைக் கக்குகின்றன, அந்த வெப்பம் கடலையும் பூமியையும் எப்படிப் பாதிக்கிறது என்பது பற்றி ஆய்வில் ஈடுபட்டார்.

நான் இப்பவும் ஸ்டூடண்ட் விசாவில்தான் இருக்கிறேன். ஸ்டூடண்ட் விசாவில் இருக் கிறதால் ஒரு வாரத்துக்கு 20 மணி நேரம்வரை பல்கலைக்கழக வளாகத்தில் வேலை செய்யலாம். இளங்கலை மாணவர் களுக்கு பாடம் எடுக்கவும் அனுப்புவார்கள் அல்லது ஆய்வுக்காகவும் பயன்படுத்திக் கொள் வார்கள். எந்த வேலையைச் சொல்கிறார் களோ அதில் ஈடுபடுறது எனக்கு வழக்கம். இதற்காக எனக்கு ஊக்கத் தொகை கொடுத் திருக்கிறார்கள் என்கிறார்.

சரி, நாசாவில் பயிற்சி பெற விரும்பும் இந்திய இளைஞர்களுக்கு அதற்கான வாய்ப்பு கிடைக்குமா கேட்டால், நாசாவில் வேலை செய்ய வேண்டுமென்றாலோ பயிற்சி பெற வேண்டுமென்றாலோ முதலில் அமெரிக்கக் குடியுரிமை இருக்க வேண்டும். பொதுவாக வெளிநாடுகளைச் சேர்ந்தவர் களுக்கு இடம் கிடைப்பது குதிரைக் கொம்புதான்.

ஒரு சில படிப்புகளை வைத்து பெரிய அளவில் நிபந்தனைகள் இல்லாமல் பயிற்சியும் கொடுப்பது உண்டு. அப்படித் தான் எனக்கு கிடைச்சது. என்னைப் போல பூமியைப் பற்றி படிக்க விரும்பினாலோ அல்லது வேறு ஏதாவது வாய்ப்புகள் கிடைத்தாலோ நாசாவில் பயிற்சி எடுக்க விண்ணப்பிக்கலாம். தகுதியை வளர்த்துக் கொண்டு முயற்சி செய்ய வேண்டும். என்கிறார் கன்னிகா குழந்தைவேல்.

பழக்கம் அவசியம்

இந்த ஆய்வை அக்டோபரில் முடிக்க விருக்கிறார். அடுத்து பேராசிரியர் ஆகும் கனவோடு செயல்பட்டுக்கொண்டிருக்கிறார்.

அமெரிக்காவில் மேற்படிப்பு படிக்க வரும் மாணவர்களுக்கு சில அறிவுரை களையும் சொல்கிறார். அமெரிக்காவில் மேற்படிப்பு படிக்க வாய்ப்பு கிடைத்தால், இங்கே வந்த பிறகு எல்லாரிடமும் சகஜமாகப் பழக வேண்டியது முக்கியம். இந்தியர்களிடம் மட்டும் நட்பு வைத்துக்கொள்ளாமல் எல்லோரிடமும் பழகினால்தான் தகவல் தொடர்பு வளரும். அதேபோல பிடித்த எந்தத் துறை சார்ந்த தகுதிகளையும் வளர்த்துக்கொள்ளலாம்.

இங்கே சேவை செய்ய நிறைய வாய்ப்புகள் உள்ளன. அருங்காட்சியகத்தில் வேலை பார்க்கலாம். நிறைய துறைச் சார்ந்த கிளப்புகளும் உள்ளன. எந்த கிளப்பில் ஆர்வம் இருக்குதோ அங்கே சேரலாம். அந்த கிளப்புகளுக்கு வருவோராலும் நமக்கு நல்ல தொடர்புகள் கிடைக்கும். அவர்கள் மூலமும் நமக்கு ஏதாவது வழி கிடைக்கும். என்கிறார் கன்னிகா

 

விந்தையானது, புதிரானது, அளவிட முடியாதது, அடக்க முடியாதது, புரிந்துகொள்ள முடியாதது என மனிதனின் மனம் பற்றி விவரித்துக்கொண்டே செல் லலாம். அந்த மனதைப் பற்றியும் அதன் சிந்தனை வீச்சைப் பற்றியும் அதன் எண்ண ஓட்டங்கள் பற்றி யும் தெரிந்துகொள்ள முயல்வதுதான் உளவியல்.

 

எம்.பி.பி.எஸ். படித்த பிறகு படிக்கக்கூடிய மனநல மருத்துவமானது  Psychiatry எனப்படுகிறது. மறுபுறம் பிளஸ் டூ முடித்து உளவியல் படிப்பைக் கலை அறிவியல் பாடமாகவும் படித்துப் பட்டம் பெறலாம்.

B.Sc Psychology, B.A. Psychology  ஆகிய உளவியல் படிப்புகளைக் கல்லூரிகளில் மட்டுமின்றி இணையம் வழியாகவும் படிக்கலாம். அதுவும் இலவசமாகக் கற்றுக்கொடுக்க பல இணைய வகுப்புகள் உள்ளன. அத்தகைய வகுப்புகளில் ஒன்று, https://www.edx.org/learn/psychology

விருப்பதுக்கு ஏற்ப

உளவியல் என்பது ஆழமான கடலைப் போன்றது. அந்தக் கடலின் அடிமட்டம்வரை செல்வதற்கான வகுப்புகளும் வழிமுறைகளும் உள்ளன. உளவியலின் பல கூறுகளை உலகின் தலைசிறந்த பல்கலைக்கழகங்கள் நேரடியாக இங்கே கற்றுக்கொடுக்கின்றன. இதன் வகுப்புகள் எளிதாகப் புரிந்துகொள்ளும்படி சிக்கலற்ற மொழி நடையில் சுவாரசியமாக இருக்கும்படி வடிவமைக்கப் பட்டுள்ளன. ஒவ்வொரு மாணவரின் தேவைக்கும் விருப்பத்துக்கும் ஏற்ப வகுப்புகள் இருப்பதுதாம் முக்கியச் சிறப்பு.

உளவியல் பிரிவுகள்

கிளினிக்கல், டெவலப் மெண்டல், சோஷியல் என உளவியலை மூன்று வகைக்குள் அடக்கிவிட முடியும். மனநல பாதிப்புகள் பற்றியும் அவற்றின் சிகிச்சை முறைகள் பற்றியும் கிளினிக்கல் சைக்காலஜியில் கற்றுக் கொடுக்கப்படுகிறது.

கிளினிக்கல் சைக்காலஜி படிப்பவர்களால், நோயாளிகள் என்ன வகை மனநல பாதிப்புக்கு உள்ளாகி இருக்கிறார்கள் என்பதை அறிந்துகொள்ள முடியும். பாதிப்புக்கு உள்ளானவர்களை எப்படிக் கையாள வேண்டும் என்பதையும் அவர்களால் தெரிந்துகொள்ள முடியும்.

டெவலப்மெண்டல் சைக்காலஜியில் சமூக இயல்பு, மனித உணர்வுகள், சிந்தனையின் தொடர் கண்ணிகள், எண்ணத் தெளிவின் அளவு ஆகியவை கற்றுக் கொடுக்கப்படுகின்றன. குழந்தை வளர்ப்பில் இந்தப் பிரிவின் பங்கு முக்கியமானது.

சமூகத்துக்கும் தனி மனிதனுக்கும் உள்ள உறவு பற்றியும் மனிதன் எப்படித் தன்னைப் பற்றியும் பிறரைப் பற்றியும் சிந்திக்கிறான் என்பது குறித்தும் சரி - தவறு ஆகிய கற்பிதங்கள் எப்படி உருவாக்கப் படுகின்றன என்பதைப் பற்றியும் சோஷியல் சைக்காலஜியில் கற்பிக்கப்படுகிறது. மனிதனின் சிந்தனை முறை, சமூகத்தில் மனிதன் இயங்கும் முறை உள்ளிட்டவை இதில் அலசி ஆராயப் படுகின்றன.

வகுப்புகளின் வடிவமைப்பு

உளவியல் குறித்த எளிதான அறிமுகத்துடன் வகுப்புகள் தொடங்குகின்றன. அதன்பின் உளவியலின் பிரிவுகள் விளக்கப்படுகின்றன. பின் அந்தப் பிரிவுகளின் உட்கூறுகள் தனித்தனியாக விவரிக்கப்படுகின்றன. பின் அந்த உட்கூறுகளின் பயன்பாடுகள் தனித்தனியே உணர்த்தப்படுகின்றன.

ஒவ்வொரு வகுப்பின் முடிவிலும் சிறு தேர்வு ஒன்று நடத்தப்படுகிறது. இறுதியில் ஒட்டுமொத்தமாக ஒரு தேர்வு நடத்தப்படுகிறது. அந்தத் தேர்வில் நீங்கள் பெறும் மதிப்பெண்களின் அடிப்படையில் உங்களுக்குச் சான்றிதழ் வழங்கப்படுகிறது. சில பல்கலைக்கழகங்கள் டிப்ளமோ பட்டத்தையும் இளநிலைப் பட்டத்தையும் உயர்நிலைப் பட்டத் தையும்  மூலம் அளிக்கின்றன.

வேலை வாய்ப்புகள்

கூட்டுக் குடும்ப அமைப்பில் மனநல மருத்துவம் என்பது மக்களுக்குத் தேவையற்றதாகக் கருதப் பட்டது. இன்று சாய்வதற்கும் ஆறுதல் பெறுவதற்கும் தேவையான தோள்களை மனநல ஆலோசகரிடமோ மனநல மருத்துவரிடமோ இளைய தலைமுறையினர் தேடுகின்றனர்.

தலை வலிக்கும் காய்ச்சலுக்கும் மருத்துவரை அணுகுவது போன்று சிறு சிறு பிரச்சினைகளுக்கும் மனநல மருத்துவரையோ உளவியலாளரையோ அணுகும் போக்கு அதிகரித்துள்ளது.

பல பிரச்சினைகளுக்கான தீர்வு, சார்பற்றுக் கேட்கும் திறன் கொண்ட காதுகள்தாம். பிரச் சினைகளுக்கு இன்று பஞ்சம் இல்லை என்பதால், சார்பற்றுக் கேட்கும் தன்மையுள்ள காதுகளை உருவாக்கும் உளவியல் படிப்புக்கும் அது தொடர் பான வேலைவாய்ப்புக்கும் பஞ்சம் இல்லை.

தமிழக அரசு அதிகாரிப் பணியிடங்கள்

தமிழகத்தில் ஒருங்கிணைந்த குடிமைப் பணிகளுக்கான தேர்வு குறித்த அறிவிக் கையைத் தமிழ்நாடு அரசுப் பணியாளர் தேர்வாணையம் வெளியிட்டிருக்கிறது.

இந்தத் தேர்வில் வெற்றிபெறுவதன் மூலம் சார்பதிவாளர், வருவாய் ஆய்வாளர், நக ராட்சி ஆணையர் உள்ளிட்ட பல பதவி களைப் பெறுவதற்கான வாய்ப்பு பட்டதாரி களுக்கு உண்டு. மொத்தம் 1,199 காலிப் பணி யிடங்கள் நிரப்பட உள்ளன. உரிய தகுதி யுடைய விண்ணப்பதாரர்கள் செப்டம்பர் 9 வரை ஆன்லைனில் விண்ணப்பிக்கலாம்.

கட்டணம்: நிரந்தரப் பதிவுக் கட்டணம்: ரூ. 150

முதல்நிலைத் தேர்வுக் கட்டணம்: ரூ. 100

முதன்மைத் தேர்வுக் கட்டணம்: ரூ. 150

எஸ்.சி., எஸ்.டி., மாற்றுத்திறனாளிகள், ஆதரவற்ற கைம்பெண்கள் ஆகியோர் தேர்வுக் கட்டணம் செலுத்த வேண்டியதில்லை. கட்டணத்தை ஆன்லைன் வழியே கட்ட வேண்டும்.

வயது: பதவிகளுக்குத் தக்க வயதுத் தகுதி மாறுபடுகிறது. குறைந்தபட்ச வயது 18, அதிக பட்ச வயது 40 வரையும் உள்ளது. எஸ்.சி., எஸ்.சி., (அருந்ததியர்) எஸ்.டி., எம்.பி.சி., சீர் மரபினர், பி.சி., பி.சி. (முஸ்லிம்), ஆதரவற்ற கைம்பெண்கள் ஆகிய பிரிவினருக்கு உச்ச பட்ச வயது வரம்பு எதுவுமில்லை.

மாற்றுத் திறனாளிகளுக்கு உச்சபட்ச வயது வரம்பில் பத்து ஆண்டுகள் சலுகை வழங்கப்படுகிறது.

கல்வி: அங்கீகரிக்கப்பட்ட பல்கலைக் கழகம் ஒன்றில் இளநிலைப் பட்டம் பெற் றிருக்க வேண்டும். பதவிகளைப் பொறுத்து பட்டம் பெற்றிருக்க வேண்டிய பாடம் வேறுபடுகிறது. கல்வி குறித்த முழு விவரமறிய அறிவிக்கையைப் பாருங்கள்.

தேர்ந்தெடுக்கப்படும் முறை: தகுதியுடைய விண்ணப்பதாரர்கள் முதல்நிலைத் தேர்வு, முதன்மைத் தேர்வு, நேர்காணல் ஆகிய வற்றின் அடிப்படையில் தேர்ந்தெடுக்கப் படுவார்கள்.

உரிய தகுதியுடைய விண்ணப்பதாரர்கள் www.tnpsc.gov.in/www.tnpscexams.net/www.tnpscexams.in ஆகிய இணையதளங்களின் வழியே ஆன் லைனில் விண்ணப்பிக்க வேண்டும். விண்ணப்பிக்க இறுதி நாள்: 09.09.2018. முதல்நிலைத் தேர்வு நாள்: 11.11.2018

கூடுதல் விவரங்களுக்கு: http://www.tnpsc.gov.in/

எல்.அய்.சி. வீட்டுவசதி நிதி நிறுவன காலிப் பணியிடங்கள்

எல்.அய்.சி.-யின் சார்பு நிறுவனமான எல்.அய்.சி. வீட்டு வசதி நிதி நிறுவனத்தில் உதவியாளர், அசோசி யேட், உதவி மேலாளர் ஆகிய பதவிகளில் 300  காலியிடங்கள் போட்டித் தேர்வு மூலம் நிரப்பப்பட உள்ளன.

தேவையான தகுதி

உதவியாளர் பதவிக்கு 55 சதவீத மதிப்பெண்ணுடன் ஏதேனும் ஒரு பட்டப் படிப்பும், அசோசியேட்  பதவிக்கு 60 சதவீத மதிப்பெண்ணுடன் சி.ஏ. இன்டர் தேர்ச்சியும், உதவி மேலாளர் பதவிக்கு 60 சதவீத மதிப்பெண்ணுடன் கூடிய பட்டப் படிப்பு மற்றும்  முழுநேர எம்.பி.ஏ. படிப்பும் கல்வித் தகுதிகளாக நிர்ணயிக்கப்பட்டுள்ளன. அதோடு அனைத்து பதவி களுக்கும் அடிப்படை கணினி அறிவும் அவசியம். வயது  வரம்பு 28.

தேர்வு முறை

விண்ணப்பதாரர்கள் எழுத்துத் தேர்வு, நேர்காணல் அடிப்படையில் பணிக்குத் தேர்ந்தெடுக்கப்படுவர்.  ஆன்லைன் வழியிலான எழுத்துத் தேர்வில் ஆங்கிலம், ரீசனிங், பொது அறிவு, அடிப்படை கணிதத் திறன் ஆகிய 4 பகுதிகளில் இருந்து தலா 50 கேள்விகள் வீதம் மொத்தம் 200 கேள்விகள் அப்ஜெக்டிவ் முறையில் இடம்பெறும்.

மதிப்பெண் 200. தேர்வு நேரம் 2 மணி. எழுத்துத் தேர்வில் தேர்ச்சி பெறுவோர் நேர்முகத் தேர்வுக்கு அழைக்கப்படுவார்கள். இறுதியாக எழுத்துத் தேர்வில் பெற்ற மதிப்பெண், நேர்முகத் தேர்வில் பெற்ற மதிப்பெண் அடிப்படையில் மெரிட் பட்டியல் தயாரிக்கப்பட்டு அதன் அடிப்படையில் பணிநியமனம் நடைபெறும்.

ஊதிய விவரம்

உதவியாளர் பணிக்கு ஆரம்ப நிலையில் தோராயமாக ரூ.23 ஆயிரமும் அசோசியேட் பதவிக்கு ரூ.34 ஆயிரமும் உதவி மேலாளருக்கு ரூ.53 ஆயிரமும் கிடைக்கும். சம்பளத்துடன் மதிய உணவுப்படி, வருங்கால வைப்புநிதி, மருத்துவக் காப்பீடு, பணிக்கொடை, குழு காப்பீட்டுத்திட்டம், வீட்டுவசதி கடனுதவி, ஊக்கத்தொகை எனப் பல்வேறு சலுகைகளும் உண்டு.

உரிய கல்வித் தகுதியும் வயது வரம்புத் தகுதியும் உடைய பட்டதாரிகள் எல்.அய்.சி. வீட்டுவசதி நிதி நிறுவனத்தின் இணைய தளத்தைப்  (ஷ்ஷ்ஷ்.றீவீநீலீஷீusவீஸீரீ.நீஷீனீ) பயன்படுத்தி விண்ணப்பிக்க வேண்டும்.

கூடுதல் விவரங்களை இணையதளத்தில் விரிவாகத் தெரிந்து கொள்ளலாம்.

 

 

Banner
Banner