இளைஞர்

சி.அய்.எஸ்.எஃப் பாதுகாப்பு படையில் ஸ்டெனோ காலிப் பணியிடங்கள்

சென்ட்ரல் இன்டஸ்ட்ரியல் செக்யூரிட்டி போர்ஸ் என்பது இந்தியாவிலுள்ள பொதுத் துறை நிறுவனங்களின் பாதுகாப்புக்காக நிறுவப்பட்ட ஒரு காவல் படை. பெரும் பாலும் இது சி.அய்.எஸ்.எப்., என அறியப் படுகிறது.

இந்தப் படையில் தற்சமயம் ஸ்டெனோ பிரிவில் காலியாக உள்ள 79 உதவி ஆய்வாளர் (ஸ்டெனோ) பணியிடங்களை நிரப்புவதற்கான அறிவிப்பு வெளியிடப்பட்டுள்ளது.

வயது: 28.02.2017 அடிப்படையில் விண்ணப்பதாரர்கள் 18 முதல் 25 வயதுக்கு உட்பட்டவராகவும் இருக்க வேண்டும்.

கல்வித் தகுதி : பிளஸ் 2க்கு நிகரான படிப்பை முடித்திருக்க வேண்டும். மேலும் சிறப்புத் தகுதியாக ஸ்டெனோகிராபி முடித் திருக்க வேண்டும். 10 நிமிடங்களில் வழங் கப்படும் டிக்டேஷனை நிமிடத்திற்கு 80 வார்த்தைகளை எடுத்துக் கொள்பவராக வும், இதன் பின் கம்ப்யூட்டர் வாயிலாக ஆங்கிலமாக இருந்தால் 50 நிமிடங்களிலும், இந்தியாக இருந்தால் 65 நிமிடங்களிலும் டிரான்ஸ்கிரிப்ட் செய்யும் திறமை உள்ள வராகவும் இருக்க வேண்டும்.

தேர்ச்சி முறை: எழுத்துத் தேர்வு மற்றும் நேர்காணல் அடிப்படையில் தேர்ச்சி செய்யப்படுவர்.

மேலும் விண்ணப்பக்கட்டணம் மற்றும் விவரங்களுக்கு  http://www.cisf.gov.in/RRs/asi

கடைசி நாள்: பிப். 27

ஆஸ்திரேலியாவில் வேலையும் செய்யலாம்... பாடமும் படிக்கலாம்!

இந்தியாவில் பல்வேறு பாடத்திட்டங்களில் சிறந்த கல்வியை வழங்கும் பல்கலைக்கழகங்கள் இருந்தாலும், இதை விடவும் மேம்பட்ட தொழில்நுட்பம், பாடத் திட்டங்கள், ஆராய்ச்சிப் படிப்புகளை வழங்கும் பல்கலைக் கழகங்கள் வெளிநாடுகளில் உள்ளன என்பதை மறுப்பதற் கில்லை. அதன் காரணமாகவே பெரும்பாலான மாண வர்கள் வெளிநாடுகளில் சென்று படிக்க ஆசைப்படு கிறார்கள்.

வெளிநாடு சென்று படிக்க விரும்பும் மாணவர்களுக்கு வழிகாட்டும் விதமாக நாம் இதுவரை அமெரிக்கா, இங்கிலாந்து, பிரான்ஸ், அயர்லாந்து, போலந்து போன்ற நாடுகளில் உள்ள ஆய்வுப் படிப்புகள், ஆராய்ச்சி படிப்புகள், தொழில்நுட்பப் படிப்புகளை வழங்கும் பல்கலைக்கழகங்கள் பற்றி யெல்லாம் பார்த்துவந்தோம். இதன் தொடர்ச்சியாக அடுத்து ஆஸ்திரேலியாவைப் பற்றி இனி பார்ப்போம்.

ஆஸ்திரேலியாவைப் பொறுத்தவரை உயர்கல்வி பயில்வதற்கான சிறந்த இடம். காரணம், பல நாடுகளில் அந்தந்த நாடுகளில் உள்ள தாய்மொழியே அதிகமாக பயன்படுத்தப்படும். ஆனால், இங்கு ஆங்கில மொழி பெரிய அளவில் பயன்பாட்டில் இருக்கிறது. ஆஸ்திரே லியாவைத் தேர்வு செய்து சென்று படிக்க மாணவர்களுக்கு ஆறு முக்கியமான அம்சங்களைச் சொல்லலாம்.

அதில் முதலாவதாகச் சொல்வதென்றால், பெரும் பாலான நாடுகளில் சிறந்த பல்கலைக்கழகங்கள், கல்வி நிறுவனங்கள் இருக்கின்றன. ஆனால், உள்கட்டமைப்பு உள்ளிட்ட எல்லா விதத்திலும்  சிறந்த முழுமையாக வளர்ச்சி அடையவில்லை என்றுதான் சொல்லவேண்டும். ஆஸ்திரேலியப் பல்கலைக்கழகங்கள் பாடத்திட்டங்கள் முதல் உள்கட்டமைப்பு வரை வளர்ச்சியடைந்துள்ளன. சர்வதேச அளவில் ,  பல்கலைக்கழகங்களுக்கு அடுத்ததாக ஆஸ்திரேலிய பல்கலைக்கழகங்கள் உள்ளன.

இரண்டாவது சிறப்பம்சம் என்னவென்றால், இங்கு வழங்கப்படும் கல்வி உலகத்தரம் வாய்ந்ததாக உள்ளது. பாடத்திட்டங்கள் முதல் ஆராய்ச்சிகள் வரை ஒவ்வொரு விஷயத்தையும் நவீனப்படுத்திக்கொண்டே இருப்பார்கள். உதாரணமாக,  அய்ந்து ஆண்டுகளுக்குப் பிறகு மருத் துவப் படிப்பில் ஒரு மாற்றம் வருமென்றால் அதற்கான அனைத் துச் செயல்பாடுகளிலும் முன்பாகவே விடு வார்கள். மூன்றாவதாக, இங்கு தங்கி படிப்பதற்கு ஆகும் செலவு குறைவு. மேலும், பல்வேறு உதவித் தொகைகள் வழங்கப் படுகின்றன. மாணவர்கள் பகுதிநேர வேலை பார்க்கவும் அனுமதிக்கப்படுகிறார்கள்.

நான்காவதாக உள்ள சிறப்பம்சம், இங்கு இல்லாத பாடத்திட்டங்களே இல்லை என்றுதான் சொல்ல வேண்டும். உதாரணமாக, பெயின்டிங், ஆங்கிலமொழி இலக்கணம், மருத்துவம், எஞ்சினியரிங் என  எதை விரும்பினாலும் அதற்கான பாடத்திட்டங்கள் இங்கு வழங்கப்படுகின்றன. அய்ந்தாவது சிறப்பம்சம், தொழில் நுட்பம்.

ஆஸ்திரேலிய பல்கலைக்கழகங்கள் தொழில்நுட்பம் சார்ந்த கல்வியில் தலைசிறந்து விளங்குகின்றன. உதாரண மாகச் சொல்வதென்றால், யுனிவர்சிட்டி ஆஃப் சிட்னியில் லேசர் டெக்னாலஜி ஒன்று உள்ளது. இதன் மூலம் நம் தலைமுடி அளவில் மெல்லியதாக உள்ள எந்தப் பொரு ளாக இருந்தாலும் அதில் துளையிடவேண்டும் என்றாலும் முடியும். இதையெல்லாம் இங்கிருந்தால் நம் மாணவர்கள் தெரிந்துகொள்ளவும் முடியாது பயன்படுத்திக்கொள்ளவும் முடியாது. சர்வதேச நாடுகளில் இருந்து ஆஸ்திரே லியாவுக்கு வரும் மாணவர்கள் மேம்பட்ட தொழில் நுட்பங்களைக் கற்றுக்கொள்ள முடியும்.

ஆறாவது சிறப்பம்சம் பார்ட் டைம் ஜாப் என்று சொல்லப்படும் பகுதிநேர வேலை செய்து சம்பாதிக்க முடியும். மாணவர்கள் ஒரு வாரத்துக்கு குறைந்தது 20 மணிநேரம் பகுதிநேரமாக ஏதாவது ஒரு நிறுவனத்தில் வேலை செய்யலாம். விடுமுறை நாட்களில் என்றால் 40 மணி நேரம் வேலை செய்யலாம். அதிலும் குறிப்பாகக் கல்வி சார்ந்த வேலையாக இருந்தால் அதை ஊக்குவிக்கும் விதமாக அவர்களின் கல்வித்திட்டம் உள்ளது. ஆஸ்திரேலியா 23 மில்லியன்தான் மக்கள்தொகையை வைத்துக்கொண்டுள்ளது.

ஆனால், உயர்கல்வியில் மூன்றாவது சிறந்த நாடாக உள்ளது. ஆஸ்திரேலியாவில் 1100 கல்வி மையங்களில் 22,000 பாடத்திட்டங்கள் வழங்கப்படுகின்றன. உலக அளவில் சிறந்தவையாக உள்ள 100-ல் 8 பல்கலைக் கழகங்கள் ஆஸ்திரேலியாவில் உள்ளன. உலக அளவில் பல்கலைக்கழகத் தரப் பட்டியல்படி 9ஆவது இடத்தில் உள்ளது. ஜெர்மனி, நியூஸிலாந்து, ஜப்பான்தான் தொழில் நுட்ப ரீதியாக முன்னிலையில் இருந்தாலும் பல்கலைக் கழகத் தரத்தில் ஆஸ்திரேலியா 9ஆவது இடத்தில் உள்ளது குறிப்பிடத்தக்கது.

இங்கு ஒரு வருடத்துக்கு 200 மில்லியன் டாலர் கல்வி உதவித்தொகைக்காக செலவிடுகிறார்கள். அதேபோல் சர்வதேச அளவில் 50 சிறந்த பாடத்திட்டங்களில் 30 இங்கு வழங்கப்படும் பாடத்திட்டங்களாகும். இங்குப் படித்து விட்டு சென்ற மாணவர்கள் உலகம் முழுவதுமாக 25 மில்லியன் மாணவர்கள் உள்ளனர். அதேபோல் இங்கு படித்துவிட்டு ஆய்வு செய்து நோபல் பரிசு பெற்றவர்கள் 15 பேர்.

இதையெல்லாம் விட ஆஸ்திரேலியாவுக்கு மகுடம் சூட்டுவது, உலகம் முழுவதும் இவர்களின் கண்டுபிடிப்புகள் தவிர்க்கமுடியாதவையாக உள்ளன. அவற்றில் குறிப்பிடத் தக்கவை பென்சிலின், அல்ட்ரா சவுண்டு, வைஃபை, விமானத்தில் பயன்படும் பிளாக் பாக்ஸ், செர்விக்கிள் கேன்சர் வேக்சின் போன்றவையாகும். உலகம் முழு வதிலும் ஒரு பில்லியன் மக்கள் தினந்தோறும் ஆஸ்தி ரேலியாவின் கண்டுபிடிப்புகளில் உருவானவற்றைப் பயன்படுத்துகிறார்கள்.

சத்துணவு அமைப்பாளர், உதவியாளர் பணியிடங்களுக்கு நேரடி நியமனம்
பெண்கள் விண்ணப்பிக்கலாம்

கடலூர் மாவட்டத்தில் பள்ளி சத்துணவு மய்யங்களில் காலியாக வுள்ள 997 சத்துணவு அமைப்பாளர்கள் மற்றும் சமையல் உதவியாளர் காலிப் பணியிடங்கள் நேரடி நியமனம் மூலம் பூர்த்தி செய்யப்பட இருப்பதாக மாவட்ட ஆட்சியர் த.பொ.ராஜேஷ் தெரிவித்துள்ளார்.

இப்பணிக்கு பெண்கள் மட்டுமே விண்ணப்பிக்கலாம். இதுகுறித்து அவர் வெளியிட்ட செய்திக்குறிப்பு:

கடலூர் மாவட்டத்தில் எம்ஜிஆர் சத்துணவுத் திட்டத்தின் கீழ் செயல்படும் பள்ளி சத்துணவு மய்யங்களில் 400 சத்துணவு அமைப் பாளர் மற்றும் 597 சமையல் உதவியாளர் காலிப் பணியிடங்கள் ஏற்பட்டுள்ளன.

இந்த பணியிடங்களை நேரடி நியமனம் மூலம் பூர்த்திசெய்திட பிப்.1-ஆம் தேதி முதல் 10-ஆம் தேதி வரை விண்ணப்பங்கள் வரவேற்கப்படுகின்றன. இந்தப் பணியிடங்கள் அனைத்துக்கும் விண்ணப்பிப்பதற்கு பெண்கள் மட்டுமே தகுதியுடையவர்கள் ஆவர். சம்பந்தப்பட்ட ஊராட்சி ஒன்றிய அலுவலகங்கள் மற்றும் நகராட்சிகளில் இனச் சுழற்சி விவரம் மற்றும் காலிப்பணியிடங்கள் குறித்த விவரங்கள் அறிவிக்கப்பட்டுள்ளன.

சத்துணவு அமைப்பாளர் பணிக்கு பொதுப் பிரிவு மற்றும் தாழ்த்தப்பட்டோருக்கான வயது வரம்பு 40-க்கு மிகாமலும், கல்வித் தகுதி 10-ஆம் வகுப்பு தேர்ச்சி பெற்றிருத்தல் வேண்டும்.

பழங்குடியினருக்கு 8-ஆம் வகுப்பு தேர்ச்சி அல்லது தோல்வி போதுமானது.

சமையல் உதவியாளர் பணிக்கு பொதுப் பிரிவு மற்றும் தாழ்த்தப்பட்டோருக்கான வயது உச்ச வரம்பு 21-40. கல்வித் தகுதி 8-ஆம் வகுப்பு தேர்ச்சி, தோல்வி போதுமானது. பழங்குடியினர் என்றால் எழுதப் படிக்க தெரிந்திருந்தால் போதுமானது. மேற்கண்ட இரு பணியிடத்துக்கும் விண்ணப்பிப்போரது இருப்பிடம் காலிப் பணியிடத்திலிருந்து 3 கி.மீ. சுற்றளவுக்குள் இருக்க வேண்டும்.

எனவே, தகுந்த சான்றுகளுடன் சம்பந்தப்பட்ட ஊராட்சி ஒன்றியம் மற்றும் நகர்மன்ற அலுவலகங்களில் விண்ணப்பிக்க வேண்டும். தகுதியானவர்களுக்கு நேர்முகத் தேர்வுக்கான அழைப்பாணை அனுப்பி வைக்கப்படும் என ஆட்சியர் அதில் தெரிவித்துள்ளார்.

மத்திய அரசில் 8300 பணியிடங்கள்:
விண்ணப்பிக்க 30ஆம் தேதி கடைசி

மத்திய அரசில் காலியாக இருக்கும் 8300 பல் செயல் உதவியாளர் பணியிடங்களுக்கு ஜன. 30 ஆம் தேதிக்குள் விண்ணப்பிக்கலாம் எனத் தெரிவிக்கப்பட்டுள்ளது.

இது குறித்து ஆட்சியர் மு. கருணாகரன் வெளியிட்ட செய்திக் குறிப்பு: தற்போது மத்திய அரசு அலுவலகங்களில் காலியாக இருக்கும் பல் செயல் உதவியாளர் பணிக்கு 8300 பேர் தேர்வு செய்யப்பட உள்ளனர். 18 முதல் 25 வயது நிரம்பிய 10 ஆம் வகுப்பு முடித்தவர்கள் விண்ணப்பிக்கலாம். ஓபிசி பிரிவினருக்கு 3 ஆண்டுகளும், எஸ்.சி, மற்றும் எஸ்.டி. பிரிவினருக்கு 5 ஆண்டுகளும் வயது சலுகை அளிக்கப்படும். முன்னாள் ராணுவத்தினர், மாற்றுத் திறனாளிகளுக்கு வயது வரம்பில் சலுகை உண்டு.

இப்பணிக்கான எழுத்துத் தேர்வில் 2 தாள்கள் உண்டு. இப்பணிக்கு இணையதளம் மூலம் ஜன. 30ஆம் தேதிக்குள் விண்ணப்பிக்க வேண்டும். இது குறித்த விபரங்களை : http://ssconline.nic.in என்ற இணையதளத்தில் பார்க்கலாம்.

விண்ணப்பம் செய்தவர்களுக்கு திருநெல்வேலி மாவட்ட வேலைவாய்ப்பு அலுவலகம் மூலம் தேர்வில் வெற்றி பெற இலவச பயிற்சி வகுப்புகள் நடத்தப்படும். பயிற்சியில் சேர விருப்பம் உள்ளவர்கள் மேற்குறிப்பிட்ட தேர்வுக்கு விண்ணப்பம் செய்ததற்கான அத்தாட்சி நகல், வேலைவாய்ப்பு அலுவலக அடையாள அட்டை, மார்பளவுள்ள 2  புகைப்படங்கள் ஆகியவற்றுடன் வேலைவாய்ப்பு அலுவலகத்தை அலுவலக வேலை நாட்களில் தொடர்பு கொள்ளலாம்.


பழுது நீக்க பயிற்சி!

இந்தியாவில் இரு சக்கர வாகனங்கள் மற்றும் நான்கு சக்கர வாகனங்களின் எண்ணிக்கை நாளுக்கு நாள் அதிகரித்து வருகிறது.  நடுத்தர வர்க்கத்தைச் சேர்ந்த மக்களும் இரு சக்கர வாகனங்கள் மட்டுமல்லாது, நான்கு சக்கர வாகனங்களையும் அதிக அளவுக்கு வாங்கி பயன்படுத்தி வருகின்றனர்.

உலக நாடுகளிலேயே மிகப்பெரிய துறையாக இருப்பது இந்திய ஆட்டோமொபைல் தயாரிப்பு துறையாகும்.   இத்தகைய சூழ்நிலையில் நாடு முழுவதும் வாகன பழுதுகளை நீக்கவும், சர்வீஸ் செய்து தரவும் போதுமான மெக்கானிக்குகள் இல்லை.  வாகனங்களின் விற்பனை செய்யும் நிறுவனங்களுடைய சர்வீஸ் மய்யத்திற்கு சென்றுதான் பழுதை நீக்க வேண்டியிருக்கிறது.

இத்தகைய சூழ்நிலையில் இரு சக்கர வாகனங்கள் மற்றும் நான்கு சக்கர வாகன பழுதுநீக்கும் பயிற்சி முடித்தவர்களுக்கு தற்போது அதிக வாய்ப்புகள் காத்திருக்கின்றன.    ஆட்டோமொபைல் பயிற்சி வழங்கும் பல்வேறு நிறுவனங்கள் இந்தியாவில் இயங்கி வருகின்றன.  இப்பயிற்சி பெற விரும்புபவர்கள் அந்த நிறுவனங்களை அணுகி தகவல் பெறலாம். பயிற்சி வழங்கும் சில நிறுவனங்கள்:

Automotive Research Association of India - https:araiindia.com,  SGS INDIA - http:www.sgsgroup.in, Toyota india - http:www.toyotabharat.com / toyota-in-india / ttep

தமிழ்நாடு காவல்துறையில் காவலர்கள் பணியிடங்கள்
விண்ணப்பிக்க இளைஞர்களுக்கு அழைப்பு!

இரண்டாம் நிலை காவலர் (மாவட்ட மற்றும் மாநகர ஆயுதப்படை-ஆண், பெண் மற்றும் மூன்றாம் பாலினம்), இரண்டாம் நிலை காவலர் (தமிழ்நாடு சிறப்பு காவல்படை-ஆண்), இரண்டாம் நிலை சிறைக் காவலர் (ஆண் மற்றும் பெண்) மற்றும் தீயணைப்போர் (ஆண்) பதவிகளுக்கான 15,711 பணி யிடங்களுக்கான அறிவிப்பை தமிழ்நாடு சீருடைப் பணியாளர் தேர்வுக் குழுமம் வெளியிட்டுள்ளது. இதற்கு இந்தியக் குடியுரிமையுடையவர்களிடமிருந்து விண்ணப்பங்கள் வரவேற்கப்படுகின்றன.

பொதுத் தேர்வு-2017 தேர்வு குறியீட்டு எண், 1 விளம்பர எண், 117
காவல்துறை:

1. இரண்டாம் நிலை (தமிழ்நாடு சிறப்பு காவல் படை) பொது ஆண்கள் - 4569, பெண்கள் - 46

2. இரண்டாம் நிலை காவலர் (ஆயுதப்படை) பொது (ஆண்கள்) - 4627, பெண்கள் -3 3941
சிறைத்துறை:

இரண்டாம் நிலை சிறைக் காவலர் பொது ஆண்கள் - 976, பெண்கள் - 39+1
தீயணைப்பு மற்றும் மீட்புப் பணிகள் துறை:
தீயணைப்போர் - 1512

சம்பளம்: மாதம் ரூ.5,200 - 20,200 + தர ஊதியம் ரூ.1,900
தகுதி: பத்தாம் வகுப்பு தேர்ச்சி பெற்றிருக்க வேண்டும்.

வயதுவரம்பு: 01.07.2017 தேதியின்படி 18 - 24க்குள் இருக்க வேண்டும்.

உடற்தகுதி: உயரம் 170 செ.மீட்டர், மார்பளவு - சாதாரண நிலையில் குறைந்தபட்சம் 81 செ.மீட்டரும், மூச்சடக்கிய நிலையில் குறைந்தபட்சம் 5 செ.மீட்டர் மார்பு விரிவாக்கம் இருக்க வேண்டும்.

விண்ணப்பக்கட்டணம்: ரூ.30. இதனை தெரிவு செய்யப்பட்டுள்ள 284 அஞ்சல் நிலையங்களில் செலுத்தி, விண்ணப்பத்தை பெற்றுக்கெள்ளலாம்.

தேர்வுக் கட்டணம்: ரூ.135. இதனை அஞ்சலகத்தில் செலுத்தி, அதற்கான இரசீதைப் பெற்று, விவரங்கள் நிரப்பிய  விண்ணப்பத்தில் உரிய இடத்தில் ஒட்டி அனுப்ப வேண்டும்.

பூர்த்தி செய்யப்பட்ட விண்ணப்பங்கள் சென்று சேர கடைசி தேதி: 22.02.2017

எழுத்துத் தேர்வு நடைபெறும் தேதி: 21.05.2017 அன்று காலை 9 மணிக்கு

மேலும் முழுமையான விவரங்கள் அறிய www.tnusrb.tn.gov.in
என்ற அதிகாரப்பூர்வ இணைய தளத்தில் சென்று தெரிந்துகொள்ளலாம்


“அரசு மாணவர் விடுதிகளில் சமையலர் பணியிடங்கள்”

கன்னியா குமரி மாவட்டத்தில் ஆதிதிராவிடர் மற்றும் பழங் குடியினர் நலத் துறை விடுதிகளில் 9 ஆண் சமையலர்கள், 6 பெண் சமையலர்கள் பணியிடங்கள் காலியாகவுள்ளன.

மாவட்ட அளவிலான தேர்வுக் குழுவின் மூலமாக காலிப்பணியிடங்களுக்கு தகுதியான நபர்கள், ஆதிதிராவிடர் மற்றும் பழங்குடியினர் நல அலுவலகத்தில் வைத்து பிப். 10ஆம் தேதி காலை 10 மணியளவில் தேர்ந்தெடுக்கப்படவுள்ளனர். இப்பணிக்கு விண்ணப்பிக்க, 1.7.2016 அன்று 18 வயது முதல் 35 வயதுக்குள்ளும், தமிழில் எழுதப் படிக் கவும்,

சமையல் தெரிந்தவராகவும் இருக்க வேண்டும். மேலும் விவரங்களுக்கும், விண்ணப்பப்படிவங் களை  மாவட்ட ஆதிதிராவிடர் நல அலுவலகம் அல்லதுw‌w‌w.‌ka‌n‌y​a‌k‌u‌m​a‌r‌i.‌n‌ic.i‌n-ல்   பதிவிறக்கம் செய்யவும், இணையத்தை பார்க்கவும்.

Banner
Banner

-- >