இளைஞர்

அரசுப் பணியில் சேர விரும்பும் இளைஞர்களில் கணிசமானோரின் தேர்வாக இருப்பது வங்கி வேலை. முன்பு பொதுத்துறை வங்கிகளில் கிளார்க் எனப்படும் எழுத்தர்களும் அதிகாரிகளும் (Probationary Officers) பி.எஸ்.ஆர்.பி. என்ற வங்கிப் பணியாளர் தேர்வாணையம் மூலமாகவே தேர்வு செய்யப்பட்டுவந்தனர். தற்போது அய்.பி.பி.எஸ். (Institute of Banking Personnel Selection) என்ற அமைப்பு மூலமாக எழுத்தர்களும் வங்கி அதிகாரிகளும் தேர்ந்தெடுக்கப்பட்டு வருகிறார்கள்.

நாட்டின் மிகப்பெரிய பொதுத்துறை வங்கியான பாரத ஸ்டேட் வங்கி மட்டும் ஊழியர்களையும் அலுவலர்களையும் தானே தேர்வு நடத்தித் தேர்வுசெய்துகொள்கிறது. மற்ற அனைத்து அரசு வங்கிகளிலும் எழுத்தர்களும் அதிகாரிகளும் சிறப்பு அதிகாரிகளும் (தொழில்நுட்பப் பிரிவு) அய்.பி. பி.எஸ். அமைப்பு மூலமாகவே தேர்வு செய்யப் பட்டுப் பணியமர்த்தப்படுகிறார்கள்.

வயது குறைந்தபட்சம் 20, அதிகபட்சம் 30. எஸ்.சி, எஸ்.டி. வகுப்பினருக்கு வயது வரம்பு 35, ஓ.பி.சி. பிரிவினருக்கு 33, மாற்றுத் திறனாளிகளுக்கு 40. வங்கி அதிகாரிகள் எழுத்துத்தேர்வு, நேர்காணல் அடிப்படையில் தேர்வுசெய்யப்படுகிறார்கள். எழுத் துத் தேர்வில் முதல்நிலைத் தேர்வு, மெயின் தேர்வு என இரண்டு வகைத் தேர்வுகள் இடம்பெறும்.

மொத்தம் 100 மதிப்பெண்ணுக்கு முதல் நிலைத் தேர்வு நடத்தப்படும். ஆன்லைன் வழியிலான இத்தேர்வு அப்ஜெக்டிவ் முறையில் இருக்கும். தேர்வுக்கு ஒரு மணி நேரம் கொடுக்கப்படும். முதல்நிலைத் தேர்வில் மேற்குறிப்பிட்ட ஒவ்வொரு பிரிவிலும் குறைந்தபட்ச மதிப்பெண் தகுதி பெற்றாக வேண்டும். இத்தேர்வில் தேர்ச்சி பெறுவோருக்கு அடுத்த கட்டமாக மெயின் தேர்வு நடைபெறும்.

மெயின் தேர்வில் மொத்தம் 200 மதிப்பெண் களுக்குக் கேள்விகள் கேட்கப்படும். இதுவும் ஆன்லைன் வழியில்தான் நடத்தப்படும். தேர்வு நேரம் 3 மணி நேரம். இதோடு கூடுதலாக ஆங்கி லத்தில் விரிவாக விடையளிக்கும் தேர்வும் இடம்பெற்றிருக்கும். கட்டுரை எழுதுதல், கடிதம் எழுதுதல் ஆகிய 2 கேள்விகளுக்கு 25 மதிப்பெண். இத்தேர்வுக்கு அரை மணி நேரம் கொடுக்கப்படும்.

முக்கிய நாட்கள்

வங்கித் தேர்வுக்கு ஆன்லைனில் விண்ணப்பிக்க கடைசி நாள் - செப்டம்பர் 5 முதல்நிலைத் தேர்வுக்கு ஹால் டிக்கெட் பதிவிறக்கம் - செப்டம்பர்

ஆன்லைனில் முதல்நிலைத் தேர்வு - அக்டோபர் 7, 8, 14, 15, முதல்நிலைத் தேர்வு முடிவுகள் - அக்டோபர்
மெயின் தேர்வுக்கான ஹால் டிக்கெட் பதிவி றக்கம் - நவம்பர் ஆன்லைனில் மெயின் தேர்வு - நவம்பர் 26
மெயின் தேர்வு முடிவுகள் - டிசம்பர்

நேர்முகத் தேர்வுக்கான ஹால் டிக்கெட் பதிவிறக்கம் - 2018 ஜனவரி நேர்முகத் தேர்வு - ஜனவரி, பிப்ரவரி
இறுதித் தேர்வு முடிவுகள் வெளியீடு, பணி ஒதுக்கீடு - ஏப்ரல்

இந்திய காப்பீட்டு ஒழுங்குமுறை ஆணையத்தில் வேலை

அய்தராபாத்தை தலைமையிடமாகக் கொண்டு இந்திய காப்பீட்டு ஒழுங்குமுறை மற்றும் வளர்ச்சி ஆணையத்தில் காலியாக உள்ள உதவி மேலாளர் பணியிடங்களுக்கு தகுதியானவர்களிடமிருந்து விண்ணப்பங்கள் வரவேற்கப்படுகின்றன.

மொத்த காலியிடங்கள்: 30

பணி: உதவி மேலாளர்

தகுதி: கலை மற்றும் அறிவியல், சட்டம் போன்ற துறைகளில் பட்டம், அய்ஏஅய், சிஏ, அய்சிடபுள்யுஏ. ஏசிஎம்ஏ, ஏசிஎஸ்,

சிஎப்ஏ முடித்தவர்களும் விண்ணப்பிக்க தகுதியானவர்கள்.

வயதுவரம்பு: 30க்குள் இருக்க வேண்டும்.

விண்ணப்பிப்பதற்கான கடைசி தேதி: 05.09.2017

மேலும் முழுமையான விவரங்கள் அறிய www.irdai.gov.in என்ற இணையதளத்தில் கொடுக் கப்பட்டுள்ள அதிகாரப்பூர்வ அறிவிப்பை படித்து தெரிந்து கொள்ளலாம்.



உலகத் தரம் வாய்ந்த பல வகையான கார்களை நம் ஊர் சாலைகளில் பார்க்கலாம். ஆனால், அய்தராபாத்தில் சுதாகர் உருவாக்கி இருக்கும் சுதா கார் அருங்காட்சி யகத்துக்குப் போனால் இதுவரை நீங்கள் கற்பனை செய்து கூடப் பார்த்திராத கார்களைப் பார்க்கலாம். அய்தரா பாத்துக்கு வரும் சுற்றுலாப் பயணிகளைக் கவரும் மிக முக்கியமான அம்சமாக விளங்குகிறது சுதா கார் அருங்காட்சியகம்.   சிவப்பு நிறத்தில் நடுவில் தங்க நிறக் கோடுகள் மினுங்க மிகப்பெரிய கிரிக்கெட் பந்து. ஒரு பொத்தானை அழுத்த, கதவு ஒன்று திறந்தது. உள்ளே இருந்த இருக்கையில் அமர்ந்துகொண்டு, இது கிரிக்கெட் பந்து கார்! என்று சொல்லி, சிறிது தூரம் ஓட்டிக் காட்டினார் சுதாகர். சிவப்பு நிறத்தில் மெகா சைஸ் கிரிக்கெட் பந்து ஒன்று உருண்டுபோவதுபோல மிகவும் வித்தியாசமாக இருந்தது. அதன் அருகில் ஒரு பிரம்மாண்டமான ஷூ. அதையும் ஓட்டிக் காட்டினார்.

பக்கத்தில் மினி தண்ணீர் தொட்டி சைசுக்கு ஒரு கப் அண்டு சாசர், ராட்சதக் கத்தரிக்காய், பிரம்மாண்ட ஹெல்மெட், ஆள் உயரக் கிளிக்கூண்டு இவையும் கார்கள்தான்! என்றார் சுதாகர். இன்னும் தினுசுதினுசான கம்ப்யூட்டர் கார், சூட்கேஸ் கார், செல்போன் கார், பிரஷர் குக்கர் கார், கால்பந்து கார், குழந்தைகள் பயன்படுத்தும் ரப்பர் மாதிரியே ஒரு கார், பென்சில் சீவும் ஷார்ப்னர் மாதிரி ஒரு கார் என்று விதம்விதமான கார்களை உருவாக்கி இருக்கிறார் சுதாகர். பார்வையாளர்களும் காரணம்தான்!

விதம் விதமாக கார்களை உருவாக்கி அசத்தும் சுதாகர் ஒரு பொறியாளர் என்று நினைத்தால், அது தவறு. அவர் படித்தது பி.காம். பள்ளி நாட்களிலேயே துளிர்த்த ஆர்வம் இது. அப்போ, எனக்கு ஒரு சைக்கிள் வாங்கிக் கொடுத்தார்கள். கொஞ்ச நாளில் சைக்கிள் சலிப்புத் தட்டியது. அதனால் சைக்கிளில் இருந்த ஹாண்டில்பாரை எடுத்துவிட்டு, கார்களில் பயன்படுத்தும் ஸ்டியரிங்கைப் பொருத்தினேன். என்னுடைய புது மாடல் சைக்கிளை ஓட்டிக்கொண்டு, பள்ளிக்கூடத்துக்குப் போனபோது, என் சைக்கிளை வேடிக்கை பார்க்க அநேக மாணவர்கள் கூடிவிட்டார்கள். வழியில் எல்லோரும் என் சைக்கிளை அதிசயமாகப் பார்ப்பார்கள் என்கிறார். பள்ளி மாணவராக சைக்கிளில் வித்தியாசத்தைப் புகுத்திய சுதாகர், கல்லூரியில் படிக்கும்போது, மோட்டார் பைக்கில் சில புதுமையான மாற்றங்களைச் செய்தார்.

உங்கள் வீட்டில் இதற்கெல்லாம் ஆட்சேபிக்க வில்லையா? என்றால், இல்லை. அவர்கள் எனக்கு ஊக்கம் அளித்தார்கள். நாங்கள் பரம்பரையாக பிரிண்டிங் பிசினஸ்தான் செய்துவருகிறோம். எங்களுடைய அச்சகம் ஹைதராபாத்தின் முக்கிய அச்சகங்களில் ஒன்று. அதையும் நான் கவனித்துக் கொள்ளுகிறேன் என்கிறார்.

புது விதமான கார்களை உருவாக்கும் யோசனை எங்கிருந்து வந்தது எனக் கேட்டால், சொந்தமாக ஒரு பட்டறையும் ஒரு மெக்கானிக் ஷெட்டும் இருக்கின்றன. என் மனதில் உருவாகும் யோசனையை, முதலில் மாதிரி வடிவமாக உருவாக்கி முன்னோட்டம் பார்ப்பேன். அதன் பிறகு, பெரிய அளவில் உருவாக்குவேன். மேலும், இந்த மியூசியத்தின் பார்வையாளர்கள் புத்தகத்தைப் பாருங்கள். பலர், என் முயற்சி, உழைப்பு போன்றவற்றுக்குப் பாராட் டுகள் தெரிவித்திருந்தாலும், இன்னும் சிலர் புது யோசனை களைக் கொடுத்திருப்பார்கள். அதன் அடிப்படையிலும் நான் புதுமையான கார்களை உருவாக்குவது உண்டு என்கிறார்.

அருங்காட்சியகம்

இந்த அருங்காட்சியகத்தை நிறுவக் காரணமான சம்பவம் இன்னமும் சுவாரசியமாக இருக்கிறது. சில ஆண்டுகளுக்கு முன்னால் அய்தராபாத்தின் ஹூசைன் சாகர் ஏரியை ஒட்டிய டேங்க் பண்ட் ரோட்டில் ஒரு அணிவகுப்பு நடத்த போக்குவரத்துத் துறையிடம் அனுமதி பெற்றார் சுதாகர். தன்னுடைய கார்கள், மோட்டார் பைக்குகள், சைக்கிள்களின் அணிவகுப்பை நடத்தினார். லட்சத்துக்கும் அதிகமான பார்வையாளர்கள் அதை ரசிக்கத் தொடர்ந்து அய்ந்து ஆண்டுகள் இந்த வாகனங்கள் அணி வகுப்பை நடத்தினார். ஒவ்வொரு ஆண்டும், பார்வையா ளர்களின் எண்ணிக்கை அதிகரித்துக் கொண்டே போனது. தனது வாகனங்களுக்கு மக்கள் மத்தியில் கிடைத்த பாராட்டில் உற்சாகம் பெற்று இந்த அருங்காட்சியகத்தை நிறுவினார்.

அய்தராபாத்தில் பில்லியர்ட்ஸ் வாகையர் பட்டப் போட்டி நடந்தபோது, பில்லியர்ட்ஸ் ஆடும் மேஜை வடிவிலேயே ஒரு காரை உருவாக்கினேன். அந்தப் போட்டியில் கலந்து கொண்ட பல விளையாட்டு வீரர்களும் அந்த காரைப் பார்த்து அசந்துபோனார்கள். அவர்கள் அனை வரும் அந்த காரின் மேல் ஆட்டோகிராப் போட்டு என்னைக் கவுர வித்தார்கள் என்கிறார்.

நிர்வாக அதிகாரி ஆகலாம்!


மத்திய அரசின் பொதுத் துறைக் காப்பீட்டு நிறுவனமான ஓரியன்டல் இன்சூரன்ஸ் நிறுவனத்தில் நிர்வாக அதிகாரிப்  பணியிடங்கள் போட்டித் தேர்வு மூலம் நேரடியாக நிரப்பப்பட உள்ளன. மொத்தம் 300 காலியிடங்கள் அறிவிக்கப்பட்டுள்ளன. இதில் பொதுப் பணி, கணக்கு, சட்டம், பொறியியல், மருத்துவம் எனப் பல்வேறு பணிகள் அடங்கும்.

தேவையான தகுதி

பணிகளுக்கு ஏற்ப கல்வித் தகுதி மாறுபடும். பொதுப் பணிக்குப் பட்டதாரிகள் விண்ணப்பிக்கலாம். குறைந்தபட்சம் 60 சதவீத மதிப்பெண் பெற்றிருக்க வேண்டும். எஸ்.சி., எஸ்.டி. வகுப்பினருக்கு 55 சதவீத மதிப்பெண் போதுமானது. சட்டப் பணிக்கு பி.எல். பட்டதாரிகள், கணக்குப் பணிக்கு எம்.காம்., எம்.பி.ஏ. (நிதி) பட்டதாரிகள், பொறியியல் பணிக்கு பி.இ. ஆட்டோமொபைல் பொறியியல் பட்டதாரிகள், மருத்துவப் பணிக்கு எம்.பி.பி.எஸ். பட்டதாரிகளும் விண்ணப்பிக்கலாம்.

வயது குறைந்தபட்சம் 21, அதிகபட்சம் 30 ஆகவும் நிர்ண யிக்கப்பட்டுள்ளது. மத்திய அரசின் இட ஒதுக்கீட்டு விதிமுறை களின் படி, வயது வரம்பில் எஸ்.சி., எஸ்.டி. வகுப்பினருக்கு அய்ந்து ஆண்டுகளும் ஓ.பி.சி. வகுப்பினருக்கு 3 ஆண்டுகளும் மாற்றுத் திறனாளிகளுக்கு 10 ஆண்டுகளும் தளர்வு அளிக்கப் படும்.

தகுதியானோர் எழுத்துத் தேர்வு, நேர்முகத் தேர்வு அடிப்படையில் தேர்வுசெய்யப்படுவார்கள். முதல்நிலைத் தேர்வு, மெயின் தேர்வு என இரண்டு நிலைகளில் எழுத்துத் தேர்வு நடத்தப்படும். முதல்நிலைத் தேர்வில் ஆங்கிலம், ரீசனிங், அடிப்படைக் கணிதம் ஆகிய 3 பகுதிகளில் இருந்து கொள்குறி (அப்ஜெக்டிவ்) முறையில் 100 கேள்விகள் கேட்கப்படும். இதில் தேர்ச்சி பெறுவோர் மெயின் தேர்வுக்கு அனுமதிக்கப்படுவார்கள். இத்தேர்வில் ரீசனிங், ஆங்கிலம், பொது அறிவு, அடிப்படைக் கணிதம் ஆகிய நான்கு பகுதி களில் இருந்து  கொள்குறி(அப்ஜெக்டிவ்) முறையில் 200 கேள்விகள் கேட்கப்படும். மெயின் தேர்வில் கூடுதலாக, ஆங்கிலத்தில் விரிவாகப் பதிலளிக்கும் வகையிலான தேர்வும் இடம்பெறும்.

நிர்வாக அதிகாரி பணிக்கு ஆரம்ப நிலையில், ரூ. 51 ஆயிரத்துக்கு மேல் சம்பளம் கிடைக்கும். தகுதியுள்ள பட்டதாரிகள் ஓரியன்டல் இன்சூரன்ஸ் நிறுவனத்தின் இணைய தளத்தைப் (ஷ்ஷ்ஷ்.ஷீக்ஷீவீமீஸீtணீறீவீஸீsuக்ஷீணீஸீநீமீ.ஷீக்ஷீரீ.வீஸீ) பயன்படுத்தி செப்டம்பர் 15ஆம் தேதிக்குள் ஆன்லைனில் விண்ணப்பிக்க வேண்டும். கூடுதல் விவரங்களை நிறுவனத்தின் இணைய தளத்தில் விளக்கமாக அறிந்துகொள்ளலாம்.

தேர்வு நாள்

முதல்நிலைத் தேர்வு : அக்டோபர் 22 (உத்தேசமாக)

மெயின் தேர்வு: நவம்பர் 18

ஏர் இந்தியா இன்ஜினியரிங் சர்வீஸ் நிறுவனத்தில் வேலை   

ஏர் இந்தியா இன்ஜினியரிங் சர்வீஸ் நிறுவனத்தில் உதவி மேற்பார்வையாளர் பணிக்கு விண்ணப்பிக்க வரும் 30 ஆம் தேதி கடைசி தேதி என்பதால் விண்ணப்பிக்காத பட்டதாரிகள் விண்ணப்பித்து பயனடையலாம்.

பணி:   காலியிடங்கள்: 85

தகுதி: ஏதேனும் ஒரு பட்டப் படிப்பில் தேர்ச்சி பெற்றிருக்க வேண்டும். அத்துடன் கணினி படிப்பில் ஓராண்டு டிப்ளமோ சான்றிதழ் பெற்றிருக்க வேண்டும். 

கணினி தொடர்புடைய பணியில் குறைந்த பட்சம் ஓராண்டு அனுபவம் பெற்றிருக்க வேண்டும்.

வயதுவரம்பு:  33 வயதுக்குள் இருக்க வேண்டும் (குறிப்பிட்ட பிரிவினருக்கு அதிகபட்ச வயது வரம்பில் தளர்வு உண்டு).
விண்ணப்பக் கட்டணம்: ரூ.1000/-  விண்ணப்பக் கட்டணத்தை       என்ற பெயரில் டி.டி. எடுத்து விண்ணப்பத்துடன் அனுப்பவேண்டும்  (முன்னாள் ராணுவத்தினர் & எஸ்சி., எஸ்டி  பிரிவினருக்குக் கட்டணம் இல்லை)

விண்ணப்பிக்கும் முறை:  http://www.airindia.com/careers.html என்ற இணையதளத்தில் உள்ள மாதிரி விண்ணப்பப் படிவத்தின்படி பூர்த்தி செய்யப்பட்ட விண்ணப்பங்களைத் தேவையான சான்றிதழ்களின் நகல்களுடன் கீழ்க்காணும் முகவரிக்கு அஞ்சல் மூலம் அனுப்பி வைக்க வேண்டும்.

தேர்வு செய்யப்படும் முறை: நேர்முகத் தேர்வு மற்றும் திறனறி தேர்வுகளின் அடிப்படையில்  தகுதியான நபர்கள் தேர்வு செய்யப்படுவார்கள்.

மேலும் விவரங்களுக்குhttp://www.airindia.com  இணைய தளத்தில் பாருங்கள்.

விண்ணப்பங்கள் சென்று சேர கடைசித் தேதி: 30.8.2017

மத்திய அரசின் பொதுக் காப்பீட்டு நிறுவனங்களில் ஒன்றான யுனைடெட் இந்தியா இன்சூரன்ஸ் நிறுவனம் உதவியாளர் பணியில் 696 காலியிடங்களை நேரடி நியமன முறையில் நிரப்புவதற்கு அறிவிப்பு வெளியிட்டிருக்கிறது.

தேவையான தகுதி

இப்பணிக்குப் பட்டதாரிகள் விண்ணப்பிக்கலாம். வயது 18 முதல் 28-க்குள் இருக்க வேண்டும். எஸ்.சி., எஸ்.டி., ஓ.பி.சி. வகுப்பினருக்கும், மாற்றுத் திறனாளிகளுக்கும் மத்திய அரசின் இடஒதுக்கீட்டு விதிமுறைகளின்படி வயது வரம்பில் தளர்வு அளிக்கப்படும்.

பதவி உயர்வு பெறலாம் விண்ணப்பதாரர்கள் எழுத்துத் தேர்வு அடிப்படையில் தேர்வுசெய்யப்படுவர். எழுத்துத் தேர்வானது முதல்நிலைத் தேர்வு, மெயின் தேர்வு என இரு தேர்வுகளைக் கொண்டது. இரு தேர்வுகளுமே ஆன்லைன் வழியில் நடத்தப்படும். முதல்நிலை தேர்வில், பொது ஆங்கிலம், ரீசனிங், அடிப் படை கணிதம் ஆகிய பகுதிகளில் 100 கேள்விகள் கேட்கப்படும். முதல்நிலைத் தேர்வில் வெற்றிபெறுவோர் மெயின் தேர்வுக்கு அனுமதிக்கப்படுவர். இத்தேர்வில் ரீசனிங், பொது ஆங்கிலம், பொது அறிவு, அடிப்படை கணினி அறிவு, அடிப்படை கணிதம் ஆகிய 5 பகுதிகளில் இருந்து தலா 40 கேள்விகள் வீதம் 200 கேள்விகள் இடம்பெறும்.

உதவியாளர் பணிக்கு ஆரம்ப நிலையில் ரூ.23 ஆயிரத்துக்கு மேல் சம்பளம் கிடைக்கும். பணியில் இருந்து கொண்டே துறைத் தேர்வுகளில் தேர்ச்சி பெற்று உதவி நிர்வாக அதிகாரி, நிர்வாக அதிகாரி எனப் படிப்படியாகப் பதவி உயர்வு பெறவும் வாய்ப்புகள் உள்ளன.

தகுதியுடையோர் யுனைடெட் இந்தியா இன்சூரன்ஸ் நிறுவனத்தின் இணையதளத்தை (www.nielit.gov.in) பயன் படுத்தி ஆகஸ்டு மாதம் 28ஆம் தேதிக்குள் ஆன்லைனில் விண்ணப்பிக்க வேண்டும்.

கூடுதல் விவரங்களை நிறுவனத்தின் இணையதளத்தில் விரிவாக அறிந்துகொள்ளலாம்.

தகவல் தொழில்நுட்ப நிறுவனத்தில் பணியிடங்கள்

தேசிய மின்னணு மற்றும் தகவல் தொழில்நுட்ப நிறுவனத்தில்  விஞ்ஞானி (கிரேடு-பி) பதவியில் 81 காலியிடங்களும் அதன் சார்பு நிறுவனமான தேசியத் தகவலியல் மய்யத்தில் அறிவியல் மற்றும் தொழில்நுட்ப உதவியாளர் பதவியில் 259 காலியிடங்களும் நேரடி நியமன முறையில் போட்டித்தேர்வு மூலமாக நிரப்பப்பட உள்ளன. விஞ்ஞானி பணிக்கு பி.இ., பி.டெக். (கம்ப்யூட்டர் சயின்ஸ், இன்ஃபர் மேஷன் டெக்னாலஜி, எலெக்ட்ரானிக்ஸ் மற்றும் கம்யூனிகேஷன் பட்டதாரிகளும், எம்.எஸ்சி. (இயற்பியல்) பட்டதாரிகளும் விண்ணப்பிக்கலாம். எழுத்துத் தேர்வு மற்றும் நேர்முகத் தேர்வு மூலம் பணிநியமனம் நடைபெறும்.

அடிப்படைத் தகுதி

அறிவியல் மற்றும் தொழில்நுட்ப உதவியாளர் பணிக்கு பி.இ., பி.டெக். பட்டதாரிகளும், எம்.எஸ்சி. கணிதம், கம்ப்யூட்டர் சயின்ஸ், எலெக்ட்ரானிக்ஸ் மற்றும் கம்யூனி கேஷன், பயோ-இன்ஃபர்மேட்டிக்ஸ், கம்ப்யூட்டர் மற்றும் நெட்வொர்க்கிங் செக்யூரிட்டி, சாப்ட்வேர் சிஸ்டம் உள்ளிட்ட பட்டதாரிகளும், எம்.சி.ஏ. பட்டதாரிகளும் விண்ணப்பிக்கலாம். இப்பணிக்கு எழுத்துத் தேர்வு அடிப்படையில் மட்டுமே பணி நியமனம் நடைபெறும். நேர்காணல் கிடையாது.

மேற்கண்ட இரு பதவிகளுக்கும் நிர்ணயிக்கப்பட்டுள்ள கல்வித் தகுதியில் குறைந்தபட்சம் 60 சதவீத மதிப்பெண் பெற்றிருக்க வேண்டும். வயது வரம்பு 30 ஆக நிர்ணயிக்கப்பட்டு இருக்கிறது. எனினும், மத்திய அரசின் இட ஒதுக்கீட்டு விதிமுறைகளின்படி, எஸ்.சி., எஸ்.டி. வகுப்பினருக்கு 5 ஆண்டுகளும் ஓ.பி.சி. பிரிவினருக்கு 3 ஆண்டுகளும் மாற்றுத் திறனாளிகளுக்கு 10 ஆண்டுகளும் வயது வரம்பில் தளர்வு அளிக்கப்படும்.

அப்ஜெக்டிவ் முறையில் நடைபெறும் எழுத்துத் தேர்வில் மொத்தம் 120 கேள்விகள் கேட்கப்படும். கம்ப்யூட்டர் சயின்ஸில் இருந்தும், ரீசனிங், அடிப்படை கணிதம், பொது அறிவு, திறனறிவு ஆகிய பகுதிகளில் இருந்தும் தலா 60 வினாக்களும் இடம்பெறும்.

எழுத்துத் தேர்வு சென்னையில் மட்டும் நடைபெறும். உரிய கல்வித் தகுதியும் வயதும் உடையவர்கள் தேசிய மின்னணு மற்றும் தகவல் தொழில்நுட்ப நிறுவனத்தின் இணையதளத்தில் (ஷ்ஷ்ஷ்.ஸீவீமீறீவீt.ரீஷீஸ்.வீஸீ) ஆகஸ்டு 28-க்குள் விண்ணப்பிக்க வேண்டும்.
எழுத்துத் தேர்வுக்கான பாடத் திட்டத்தை இந்த இணையதளத்தில் தெரிந்துகொள்ளலாம்.

இயந்திரவியல் பொறியியல் பிரிவு கடல் போன்றது. கடலை நம்பியவர்கள் எப்படியும் பிழைத்துக்கொள்வார்கள். அதுபோல இயந்திரவியல் பொறியியல் படித்தவர்களது வேலைவாய்ப்பும் பிரகாசமானது. வேலையின்மை என்பதன் சாத்தியம் இத்துறையில் மிகவும் குறைவு. அதிலும், நிலையான கலன்களின் வடிவமைப்புப் பொறியியல்  படித்தவர்களுக்கு உலகெங்கிலும் நல்ல தேவை உள்ளது.

கலன் இல்லாத ஆலை இல்லை நிலையான கலன் என்பது அதன் பெயர் சுட்டிக்காட்டுவதுபோலவே இயக்கமற்று நிலை யாகவே இருக்கும். பம்புகள், கம்பரசர்கள் போல இயங்கும் பாகங்களைக் கொண்டிருக்காது. சேமிப்புத் தொட்டிகள், அழுத்தக் கலன்கள், வெப்பப் பரிமாற்றிகள், நெடுந்தூண் கலன், புகைப்போக்கி (), பிக் லாஞ்சர், பிக் ரிசீவர் போன்ற கலன்கள் இவற்றில் அடங்கும்.

இந்தக் கலன்களை உரத் தொழிற்சாலை, எண்ணெய் சுத்திகரிப்பு ஆலை, பெட்ரோலிய ரசாயன ஆலை, எரிவாயு உற்பத்தி ஆலை, மருந்துப்பொருட்கள் உற்பத்தி ஆலை, உணவு பதப்படுத்தும் ஆலை போன்ற எல்லா வகை பெரிய தொழிற்சாலைகளிலும் காணலாம். இன்னும் சொல்லப் போனால் கலன்கள் இல்லாத ஆலைகளே இல்லை எனலாம்.

கலன்களின் வடிவும் அளவும்

கலன்கள் பல்வேறு வடிவங்களில், பல்வேறு அளவுகளில் பயன்பாட்டில் உள்ளன. சென்னையிலுள்ள எல்.ஐ.சி. கட்டிடத்தின் உயரம் 54 மீட்டர். ஆனால், இந்த வகைத் தொழிற்சாலைகளில் 30 மீட்டர் உயரமும், 100 மீட்டர் விட்டமும் கொண்ட கலன்கள் முதல் நமது வீடு தேடி வரும் எரிவாயு சிலிண்டர்வரை வெகு சாதாரணமாகக் காணலாம்.

பயன்பாட்டுக்கு ஏற்ப இவை செவ்வக வடிவமாகவோ கிடைமட்ட உருளை வடிவத்திலோ, செங்குத்து உருளை வடிவத்திலோ, அல்லது கோள வடிவத்திலோ தயாரிக்கப்படு கின்றன. கிடைமட்ட உருளைகள் மற்றும் கோளங்கள் பொதுவாக ஹைட்ரோகார்பன் அல்லது ரசாயனப் பொருட் களின் முழு அழுத்த சேமிப்புக்காகப் பயன்படுத்தப்படுகின்றன.

கலன்களின் தேவை

திரவ மற்றும் வாயு வடிவிலுள்ள பொருட்களைக் கலன்களில்தான் சேமித்து வைக்க முடியும். தொழிற்சாலைகள் தங்களது மூலப்பொருட்கள் மற்றும் உற்பத்தி பொருட்களைச் சேமித்துவைப்பதற்கு பிரம்மாண்டமான அளவிலான கலன்களைப் பயன்படுத்துகின்றன.

என்னென்ன வேலை?

கலன் வடிவமைப்புப் பொறியாளர், கலன் பகுப்பாய்வுப் பொறியாளர் மற்றும் கலன் வரைவாளர்  உள்ளிட்ட பல வேலைவாய்ப்புகள் இத்துறையில் உள்ளன.

கலன் வடிவமைப்புப் பொறியாளரின் பணி கலன் அளவு மற்றும் தடிமனை, கலனில் சேமிக்கப்படும் திரவம் அல்லது வாயு, அதன் வெப்பம், அழுத்தம், சூழலின் தட்பவெட்பம் ஆகியவற்றைப் பொறுத்து வடிவமைப்பதாகும். கலன் பகுப்பாய்வுப் பொறியாளரின் பணி கலனின் திறனை மென்பொருள் மூலம் பகுத்தாய்வதாகும்.

கலன் வரைவாளரின் பணி, மேலே சொல்லப்பட்ட மற்றப் பொறியாளர்கள் கொடுக்கும் தகவல்களின் அடிப்படையில் கலன் வரைபடம் வரைந்து, அதைக் கட்டுமானப் பணிக்குக் கொடுப்பதாகும்.

அனுபவமே சிறந்த தகுதி

இத்துறையைப் பொறுத்தவரை படிப்பு, தகுதியைவிட, அனுபவ அறிவுக்குத்தான் மதிப்பு அதிகம் என்கிறார் சென்னையில் உள்ள முன்னணி நிறுவனம் ஒன்றின் கலன் வடிவமைப்புத் துறையின் தலைவரான செல்லசாமி: பட்டதாரிகள் சிறிய நிறுவனங்களில் வேலைக்குச் சென்று ஓரிரு வருடங்கள் இத்துறையில் அனுபவம் பெற்றால் பிறகு கைநிறையச் சம்பளத்துடன் நிரந்தர வேலையில் இருக்கலாம். ஏனென்றால், இத்துறையைப் பொறுத்தவரை அனுபவத்துக்கே முதலிடம். இதை என் அனுபவத்திலிருந்தே சொல்கிறேன்.

இயந்திரவியல் பொறியியலில் பட்டயப் படிப்பை முடித்து, பின் ஒரு சிறிய நிறுவனத்தில் வரைவாளராக 36 ஆண்டு களுக்கு முன்பு வேலைசெய்யத் தொடங்கினேன். அதன் பின்னர் பகுதிநேரப் படிப்பாகப் பொறியியலில் பட்டம் பெற்றேன். பல்வேறு பெரும் நிறுவனங்களில், பல்வேறு நாடுகளில் பணியாற்றினேன்.

இப்போது கலன் வடிவமைப்புத் துறையின் தலைவராக வளர்ந்திருக்கிறேன் என்கிறார்.

புதுக்கோட்டை மன்னர் அரசு கலை அறிவியல் கல்லூரியில்  எளிய குடும்பங்களைச் சேர்ந்த 5 ஆயிரத்துக்கும் மேற்பட்ட மாணவர்கள் இன்று இந்தக் கல்லூரியில் படிக்கின்றனர். இதில் கன்னியாகுமரியைச் சேர்ந்த பி.ராஜ ரெத்தினம்,  உதவிப் பேராசிரியராக 19 ஆண்டுகளாகப் பணிபுரிந்து வருகிறார். அதோடு அங்குள்ள தேசிய மாணவர் படைக்கான அலுவலராகவும் பொறுப்பு வகிக்கிறார்.

இப்பிரிவு மாணவர்களுக்குத் தேவையான பயிற்சிகளை அளித்துப் புதுடில்லியில் நடைபெறும் குடியரசு தின விழா அணி வகுப்பில் இக்கல்லூரி மாணவர்களை முதன்முதலாகக் கலந்துகொள்ளச் செய்தார். இவரிடம் பயிற்சி பெற்ற

1000-த்துக்கும் மேற்பட்ட என்.சி.சி. மாணவர்கள் இந்திய ராணுவம், எல்லைப் பாதுகாப்புப் படை, மத்தியப் பாதுகாப்புப் படை, தமிழகக் காவல் துறை உட்படப் பல்வேறு துறைகளில் பணிபுரிகின்றனர்.இத்தகைய பணிகளைப் பாராட்டி இக்கல்லூரிக்குத் தரைப்படை பிரிவையும் விமானப் படை பிரிவையும் தமிழக அரசு ஏற்படுத்தி உள்ளது.

மாற்றத்துக்குத் தேவையான விழிப்புணர்வு

இது குறித்துத் தேசிய மாணவர் படை அலுவலர் பி. ராஜரெத்தினத்திடம் பேசுகையில், கன்னியாகுமரி மாவட் டத்தில் கீழ்குளம் பகுதியில் பிளஸ் டூ வரையில் தமிழ் வழிக் கல்வியில் படித்தேன். அதன் பிறகு ஆர்வ மிகுதியால் இந்தியில் பி.எச்டி.வரை படித்துக் கல்லூரியில் இந்தி உதவிப் பேராசிரியர் ஆனேன்.

ஒரு நாள் கல்லூரியில் நடைபெற்ற ஆலோசனைக் கூட்டத்தில் என்.சி.சி. பிரிவில் காலியாக உள்ள அலுவலர் பணியைக் கவனிக்க யாருமில்லையா என ஆதங்கத்துடன் அன்றைய கல்லூரி முதல்வர் கேட்டார். எல்லோரும் அமைதிகாத்தபோது நான் பொறுப்பை முழுமனதுடன் ஏற்றுக்கொண்டேன் என்கிறார்.

உடல் தகுதியை அடிப்படையாகக் கொண்டு இந்தப் பிரிவுக்கு 100 மாணவர்கள் தேர்வுசெய்யப்படுகிறார்கள். அவர் களுக்கு வாரம் ஒரு நாள் கல்லூரியில் பயிற்சி அளிக்கப்படுகிறது. அதைப் பின்பற்றித் தினமும் காலை, மாலை என இருவேளையும் மாணவர்கள் பயிற்சி எடுத்துக்கொள்வர்.

உடல், மனதை வலிமையோடு வைத்துக்கொள்வது, தடகளம், துப்பாக்கிச் சுடுதல், தனி, குழுவாகத் திறன்களை வெளிப்படுத்துவது, தலைமைப் பண்பை வெளிக்கொணருதல், ஊழலின்றி நேர்மையாகச் செயல்படுதல் போன்ற பயிற்சிகள் அளிக்கப்படுகின்றன. சமூக மாற்றத்துக்குத் தேவையான அனைத்து விதமான விழிப்புணர்வு பணிகளிலும் மாணவர்கள் கலந்துகொள்ளவும் ஊக்குவிக்கிறார்.

ராணுவ வீரருக்குத் தேவையான அத்துணை பயிற்சிகளும் இங்கு அளிக்கப்படுவதால் பாதுகாப்புத் துறையில் இப்பிரிவு மாணவர்கள் எளிதில் தேர்ச்சி அடைந்துவிடுகிறார்கள். அதன்படி என்.சி.சி. மாணவர்கள் 50-க்கும் மேற்பட்டோர் ராணுவம், விமானப்படை, கடற்படை, எல்லை, மத்தியப் பாது காப்புப் படையில் பணிபுரிகின்றனர். ஏராளமானோர் தமிழகக் காவல் துறையில் பல்வேறு நிலைகளில் பணிபுரிகின்றனர். மேலும், டி.என்.பி.எஸ்.சி. உள்ளிட்ட போட்டித் தேர்வுக்கும் அவர்களைத் தயார்படுத்துவதால் எளிதில் வேலையைத் தேடிக்கொள்கின்றனர்.
என்.சி.சி. சான்றுடன் நேர்முகத் தேர்வுக்குச் செல்லும் மாணவர்களுக்கு 3 மதிப்பெண் கூடுதலாகக் கிடைத்து விடுவதால் வேலைவாய்ப்பு எளிதில் கிடைத்துவிடுகிறது. என்.சி.சி.யில் சி பிரிவு சான்றிதழ் இருந்தால் யூ.பி.எஸ்.சி. தேர்வில் எழுத்துத் தேர்வு எழுதாமலேயே நேரடியாக நேர்முகத் தேர்வுக்குச் செல்லலாம்.

இதன் மூலம் இக்கல்லூரியைச் சேர்ந்த ஆயிரத்துக்கும் மேற்பட்ட என்.சி.சி. மாணவர்கள் அரசு வேலையில் பணிபுரி கின்றனர். இவர்கள் அனைவரும் சகிப்புத்தன்மை, நேர்மை, பொறுமை, எளிதில் முடிவெடுக்கும் திறமை போன்ற ஆளுமைத் திறன் படைத்தவர்களாக அந்தந்தத் துறைகளில் மிளிர்கிறார்கள்.

இங்கே படிக்கும் மாணவர்களில் பெரும்பாலானோர் எளிய குடும்பங்களைச் சேர்ந்தவர்கள். இருந்தாலும் குடும்ப வறுமையை உடைத்தெறிந்து சாதிக்க வேண்டுமென்ற உந்துதலை இந்தப் பயிற்சிகள் அளிக்கின்றன.

தமிழகத்துக்குத் தேசிய அளவிலான விருதுகளையும் இந்தப் பயிற்சி பெற்றுத் தந்திருக்கிறது என்கிறார் ராஜ ரெத்தினம்.

பட்டதாரிகளுக்கு கடற்படையில் பணியிடங்கள்

இந்தியக் கடற்படையில் நிர்வாகம் மற்றும் தொழில் நுட்பப் பிரிவுகளில் குறுகிய காலப் பணி மற்றும் நிரந்தரப் பணியிடங்கள் உள்ளன. அவற்றில் பொறியியல் பட்ட தாரிகள் நேரடியாக அதிகாரிகளாகப் பணியமர்த்தப்பட உள்ளனர்.

தேவையான தகுதி: இதற்கு எலெக்ட்ரிக்கல் மற்றும் எலெக்ட்ரானிக்ஸ், எலெக்ட்ரானிக்ஸ் மற்றும் கம்யூனி கேஷன், கம்ப்யூட்டர் சயின்ஸ் இன்ஜினீயரிங், இன்ஃபர்மேஷன் டெக்னாலஜி, இன்ஸ்ட்ருமென்டேஷன், இண்டஸ்ட்ரியல் புரடக்சன் உள்ளிட்ட பொறியியல் தொழில்நுட்பப் படிப்புகளில் முதல் வகுப்பில் பி.இ. அல்லது பி.டெக். பட்டம் பெற்றிருக்க வேண்டும்.

இறுதி ஆண்டு படித்துக்கொண்டிருப்பவர்களும் விண் ணப்பிக்கலாம். வயது வரம்பைப் பொறுத்துவரை, விண்ணப் பதாரர்கள் 2.7.1993-க்கும் 1.1.1999-க்கும் இடைப்பட்ட காலத்தில் பிறந்தவராக இருக்க வேண்டும்.

ஆண்கள், பொதுப் பிரிவு மற்றும் தொழில்நுட்பப் பிரிவு இரண்டுக்கும் விண்ணப்பிக்கலாம். பெண்கள் தொழில் நுட்பப் பிரிவின் நேவல் ஆர்க்கிடெக்சர் பிரிவுக்கு மட்டுமே விண்ணப்பிக்கலாம். ஆண், பெண் இருபாலருக்குமே திருமணம் ஆகியிருக்கக் கூடாது.

தகுதியுடைய நபர்கள், பணித் தேர்வு வாரியத்தின்  சிறப்பு நேர்முகத் தேர்வு மூலமாகத் தேர்வுசெய்யப்படுவர். இதில், உளவியல் தேர்வு, நுண்ணறிவுத் திறன் தேர்வு, குழு விவாதம் உள்ளிட்டவை இடம்பெறும்.

கடற்படை அதிகாரி பணிக்குத் தேர்வு செய்யப்படு வோருக்குக் கேரள மாநிலம் எழிமலாவில் உள்ள இந்திய நேவல் அகாடமியில் சிறப்புப் பயிற்சி அளிக்கப்படும். பயிற்சியை வெற்றிகரமாக முடிப்பவர்கள், கடற்படையில் நேரடியாக சப்-லெப்டினென்ட் ஆகப் பணியமர்த்தப்படுவர். அதன் பிறகு லெப்டினென்ட், லெப்டினென்ட் கமாண்டர், கமாண்டர் எனப் படிப்படியாகப் பதவி உயர்வு பெறலாம். தகுதியுள்ள பொறியியல் பட்டதாரிகள் www.joinindian navy.gov.in என்ற இணைய தளத்தில் விண்ணப்பிக்க வேண்டும். கூடுதல் தகவல்களை இணையதளத்தில் விளக்கமாகத் தெரிந்துகொள்ளலாம்.

ஆர்வத்துடன் முயன்றால் தணிக்கையாளராகலாம்

செலவு செய்வது, நுகர்வதைத் தாண்டி பணம் இயங்கும் விதம் குறித்து அறியவும் அதை நிர்வகிக்கவும் ஆசைப் பட்டிருக்கிறீர்களா? உங்க ளுக்குள் ஒரு ஆடிட்டர் ஒளிந்திருக் கலாம். ஒரு நாட்டின் வரவு செலவு முதல் ஒரு நிறுவனத்தின் நிதி அறிக்கை வரை ஆடிட்டர்கள் எனப் படும் கணக்குத் தணிக்கையாளர்களின் பங்கு உள்ளது. இந்தியாவில் மட்டுமின்றி உலகம் முழுவதும் ஆடிட்டர் களுக்கான வாய்ப்புகள் வளர்ந்துகொண்டேதான் இருக் கிறது. ஜி.எஸ்.டி. போன்ற புதிய நடைமுறைகள் அறிமுக மாகும்போது அதிகம் பலன் பெறுவதும் வாய்ப்புகள் பெறுவதும் அவர்கள்தான். அதிலும், சி.ஏ. படித்தவர் மட்டும்தான் ஆடிட்டர் ஆக முடியும் என்பதில்லை.

தகுதி திறன் படிப்புகள்

ஆடிட்டராகப் பணியாற்றுவதற்கு எல்லாரும் சார்ட்டர்ட் அக்கவுண்டண்ட் படித்துத் தேறியிருக்க வேண்டிய அவசியமில்லை. பி.காம். படித்திருப்பதுதான் அடிப்படைக் கல்வித் தகுதி. சில நிறுவனங்களில் அக்கவுண்டிங்கில் முதுகலைப் படிப்பைத் தகுதியாகக் கேட்கின்றனர். நிதித் துறைப் படிப்பைச் சிறப்புப் படிப்பாக எடுத்து எம்.பி.ஏ. முடித்தவர்களும் ஆடிட்டர்களாகப் பணியாற்றுகிறார்கள். சில பல்கலைக்கழகங்களில் ஆடிட்டிங் தொடர்பாகச் சிறப்புப் பயிற்சித் திட்டங்களும் உள்ளன. கணிப்பொறி அறிவு அவசியமானது. டேலி போன்ற அக்கவுண்டிங் மென்பொருட்களைத் தெரிந்துவைத்திருப்பது அவசியம். அய்.சி.டபிள்யு.ஏ., சி.ஏ., கம்பெனி செக்ரட்டரிஷிப் போன்ற உயர் படிப்புகள் அடுத்த நிலையிலுள்ளன.

பெருகும் வாய்ப்புகள்

நவீன இந்தியாவைப் பொறுத்தவரை முதலீடுகளும் புதிய தொழில்முயற்சிகளும் நாளுக்குநாள் அதிகரித்து வருகின்றன. ஜி.எஸ்.டி. போன்ற புதிய நடைமுறைகளும் சேர்ந்து கணக்காளர்கள், ஆடிட்டர்களின் தேவையை அதிகரித்துள்ளன. அரசுத் துறைகளில் ஆடிட்டர்களுக்கான தேவை குறைவதேயில்லை. இன்டர்னெல் ஆடிட்டர்ஸ், எக்ஸ்டர்னல் ஆடிட்டர்ஸ், பாரன்சிக் ஆடிட்டர்ஸ் எனப் பல பொறுப்புகளை அவர்கள் வகிக்கலாம். உற்பத்தி நிறுவனங்கள், காப்பீட்டுத் துறை, வங்கி, நிதி நிறுவனங்கள், தொண்டு அமைப்புகளில் ஆடிட்டர்கள் அத்தியாவசியத் தேவையாக உள்ளனர். உயர் வருவாய்க்காக மட்டுமின்றி கணிதம், எண்களின் மீது தீராத காதல் கொண்டவர்களாக இருந்தால் இந்த வேலையில் ஓய்வே கிடையாது.

Banner
Banner