இளைஞர்

பத்தாம் வகுப்பு தேர்ச்சி பெற்றவர்களுக்கு தொழிற்பயிற்சி நிலைய
பயிற்றுநர் பணியிடங்கள்

வடசென்னை அரசு தொழிற்பயிற்சி நிலையத்தில் புதிதாக தொடங்கப்பட்ட இரு தொழிற்பிரிவுகளில் காலியாக உள்ள பயிற்று நர்கள் பணியிடங்களுக்கு தகுதியானவர்கள் விண்ணப்பிக்கலாம்.

இதுகுறித்து சென்னை மாவட்ட ஆட்சியர் அலுவலகம் திங்கள்கிழமை வெளியிட்டுள்ள அறிவிப்பு:
வடசென்னை அரசு தொழிற்பயிற்சி நிலையத்தில் எலக்ட்ரீஷியன், மெக்கானிக்(“ரெஃப்ரிஜிரேஷன்’, “ஏர் கன்டிஷனிங்’) ஆகிய இரு பிரிவுகளில் தலா இரு காலிப் பணியிடங்கள் உள்ளன.

இப்பணியிடங்களுக்கு விண்ணப்பிக்க, அடிப்படைக் கல்வியில் பத்தாம் வகுப்பு தேர்ச்சி பெற்றிருக்க வேண்டும். வயது வரம்பு பொதுப் பிரிவினர் 35 வயதுக்குள்ளும், பிற்படுத்தப்பட்டோர், மிகவும் பிற்படுத்தப்பட்டோர் 37 வயதுக்குள்ளும், தாழ்த்தப்பட்டோர் 40 -வயதுக் குட்பட்டவராகவும் இருக்க வேண்டும். இவர்களுக்கு தொகுப் பூதிய அடிப்படையில் மாதம் ரூ.10,000 வழங்கப்படும்.

விருப்பமுள்ளவர்கள் “துணை இயக்குநர் -முதல்வர், அரசினர் தொழிற்பயிற்சி நிலையம், வடசென்னை - 600021’ என்ற முகவரிக்கு வரும் 27 -ஆம் தேதிக்குள் (ஜன.27)விண்ணப்பிக்க வேண்டும். இதுகுறித்து 044-2520 9268 என்ற எண்ணில் கூடுதல் தகவல்களை பெறலாம் என அதில் தெரிவிக்கப்பட்டுள்ளது.


ஓய்வுபெற்ற காவலர்களுக்கு
கணினி இயக்குநர் பணியிடங்கள்

காவலர் கேன்டீனில் கணினி இயக்குநர் பணிக்கு, ஓய்வுபெற்ற காவலர்கள் விண்ணப்பிக்கலாம் என தெரிவிக்கப்பட்டுள்ளது.

இதுகுறித்து, தருமபுரி மாவட்டக் காவல் கண்காணிப்பாளர் பண்டி கங்காதர் திங்கள்கிழமை வெளியிட்ட செய்திக்குறிப்பு:

தருமபுரி மாவட்ட ஆயுதப் படை வளாகத்தில் காவல் துறை சார்பில் செயல்பட்டு வரும் கேன்டீனில், தமிழ் மற்றும் ஆங்கிலம் தட்டச்சு தெரிந்த கணினி இயக்குநர் பணியிடத்துக்கு ஓய்வுபெற்ற காவல் துறையைச் சேர்ந்த ஒருவர்,

தாற்காலிகமாக மாதம் ரூ. 7 ஆயிரத்து 500 ஊதியத்தில் பணிய மர்த்தப்பட உள்ளார்.

எனவே, இப் பணியிடத்துக்கு தகுதியுள்ள ஓய்வுபெற்ற காவல் துறையினர் தங்களது சுயவிவரக் குறிப்புடன் விருப்ப  மனுவை, வரும் ஜன.7-ஆம் தேதிக்குள் மாவட்டக் காவல் அலுவலகத்தில் சமர்ப்பிக்க வேண்டும் என்றார்.

Banner
Banner