இளைஞர்


வரும் ஆண்டுகளில் நம் நாட்டில் அதிகப்படியான வேலைவாய்ப்புகள் உருவாகவிருக்கும் துறைகளில் சுற்றுலாத் துறையும் ஒன்று. இத்துறையைக் குறிவைத்துத் தங்களைத் தகுதிபடுத்திக்கொள்பவர்களுக்குப் பிரகாசமான எதிர்காலம் காத்திருக்கிறது.

இந்தியாவின் சேவைத் துறைகளில் முதலிடத்தில் இருப்பது பயணம், சுற்றுலாத் துறை. 90-களில் இத்துறை இந்தியாவில் முக்கிய கவனம் பெறத் தொடங்கியது. நாட்டின் பண்பாட்டுச் சின்னங்கள், கொட்டிக் கிடக்கும் இயற்கையழகு ஆகியன இந்தி யாவில் சுற்றுலாத் துறையை வளர்த்துக் கொள்ள இயற்கை தந்த அன்பளிப்பு. இவற் றுடன் பெருகிவரும் மருத்துவச் சுற்றுலாவும் அந்நியச் செலவாணியை அதிகம் ஈட்ட கை கொடுக்கிறது. அதற்கேற்ப வியத்தகு இந்தியா, மகிழ்வூட்டும் தமிழ்நாடு என மத்திய, மாநில அரசுகள் சுற்றுலாத் துறையை ஊக்குவித்து வருகின்றன. ஆனால், அத்துறை தகுதியான பணியாளர்கள் இன்றித் தத்தளிக்கிறது.

விரவிக் கிடக்கும் வேலைவாய்ப்புகள்

உலகப் பயணம் மற்றும் சுற்றுலா அமைப் பின் 2016ஆம் ஆண்டு தகவலின்படி, 2025-க் குள் கிட்டத்தட்ட 4.6 கோடி வேலை வாய்ப்புகள் இந்தியச் சுற்றுலாத் துறையில் உருவாக இருக்கின்றன. அதற்கான பாதையில் மத்திய அரசும் சுற்றுலாத் துறை சார்ந்த தங்கும் விடுதிகளுக்கு 100 சதவீத அந்நிய முதலீட்டைத் திறந்துவிட்டிருக்கிறது. குறிப் பிட்ட நாடுகளின் பயணிகளுக்கு இந்தியாவை அடைந்த பிறகும் விசா வழங்கும் நடை முறைத் தளர்வுகள் அமலில் உள்ளன. அரசின் வழக்கமான வேலை வாய்ப்புகளுக்கு அப் பால், வளர்ச்சியை முன்கூட்டியே கணித்த தனியார் நிறுவனங்கள் இத்துறையில் அதிக ளவில் இறங்கி உள்ளன.

சுற்றுலாச் சந்தை மேம்பாடு, விற்பனைப் பிரதிநிதிகள், நிர்வாகிகள், சுற்றுலா திட்டமிடு வோர், ஆலோசகர்கள், வழிகாட்டிகள், தகவல் உதவியாளர்கள், முன்பதிவு அலு வலர்கள், பணப் பரிமாற்ற அலுவலர்கள், அனைத்து மார்க்கப் பயணங்களுக்குமான உதவியாளர்கள், விருந்தோம்பல்-விடுதி தொடர்பான அனைத்துப் பணியாளர்கள், மக்கள் தொடர்பு அலுவலர்கள், பாதுகாவ லர்கள் என மிகப் பெரும் வேலைவாய்ப்புக் கான சந்தை சுற்றுலாத் துறையை மய்யமாகக் கொண்டுள்ளது.

சுற்றுலாவிலேயே மருத்துவம், ஆன்மிகம், பண்பாடு, கல்வி, சாகசம் எனப் பலவகைகள் இருப்பதால் அவற்றின் பொருட்டும் நிபுணத் துவம் அடிப்படையிலான பணியாளர்கள் தேவைப்படுகிறார்கள். அயல் நாட்டுப் பயணிகளுக்கு அப்பால் பன்மைத்துவம் அடங்கிய நாட்டின் உள்நாட்டுப் பயணிகள் தங்கள் தேசத்தின் வேறுபட்ட இடங்களைப் பார்வையிட விரும்புவதாலும், விடுமுறைத் தேவைகள், ஆன்மிக அடிப்படையிலும் தனியான உள்நாட்டுச் சுற்றுலாச் சந்தையும் விரிவடைந்துள்ளது.

தொடர்புடைய உயர்கல்விப் பிரிவுகள்

இளநிலைப் பட்டப் படிப்புடன் சுற்றுலாத் துறை தொடர்பான சான்றிதழ் அல்லது பட்டயப் படிப்பை முடித்தவர்களே இன்று சுற்றுலாத் துறை சார்ந்த தனியார் நிறுவ னங்களில் கணிசமாகப் பணியாற்றுகின்றனர். நேரடிப் பட்டம், தொலை நிலைப் பட்டம் எதுவாக இருந்தாலும் அவர்களுக்குப் பணி வாய்ப்பு உள்ளது.

உயர் பணியிடங்களில் எம்.பி.ஏ. டூரிசம் அண்டு ஹாஸ்பிடாலிடி முடித்தவர்கள் பணியாற்றுகின்றனர். நொய்டா, குவாலியர், புவனேஸ்வர், நெல்லூர் ஆகிய பகுதிகளில் செயல்படும் இந்தியன் இன்ஸ்டிடியூட் ஆஃப் டூரிசம் அண்ட் டிராவல் மேனேஜ்மெண்ட்  கல்வி நிறுவனங்களில் பயிலலாம். சுற்றுலாத் துறையைக் குறிவைத்து உயர்கல்வியைத் தீர்மானிப்பவர்கள், இந்த எம்.பி.ஏ.வுக்கு மாற் றாக எம்.டி.ஏ எனப்படும் சுற்றுலா நிர்வாகம் தொடர்பான முதுநிலைப் படிப்பையும் பல கல்லூரிகள் வழங்குகின்றன.

ஏதேனும் ஒரு பட்டப் படிப்புடன்  றிநிஞிவி எனப்படும் சுற்றுலாத் துறை முதுநிலைப் பட்டயப்படிப்பை மிமிஜிஜிவி, அய்தராபாத்தில் உள்ள ழிமிஜிபிவி,  கேரளாவில் உள்ள  ரிமிஜிஜிஷி ஆகிய கல்வி நிறுவனங்களில் பயிலலாம். இளநிலைப் பட்டப் படிப்பாகச் சுற்றுலாத் துறையைத் தேர்வு செய்ய விரும்புவோர், பிளஸ் டூ அறிவியல் பிரிவில் அடிப் படை மதிப்பெண் தகுதி களுடன் பி.எஸ்சி. ஹாஸ்பிடாலிட்டி அண்டு டூரிசம் படிக்கலாம்.

முதுநிலையிலும் இதே பிரிவில் எம்.எஸ்.சி பெறலாம். பிளஸ் டூ தகுதியுடன் பட்டப் படிப்புக்கு மாற்றாக ஓராண்டு பட்டயப் படிப் பைப் பல்வேறு முன்னணி தனியார் சுற்றுலா நிறுவனங்கள் வழங்குகின்றன.

உதாரணத் துக்கு :லீttஜீ://ளீuஷீஸீவீணீநீணீபீமீனீஹ்.நீஷீ.வீஸீ/ போன் றவை சுற்றுலா, பயணம், விருந் தோம்பல் தொடர்பான பல்வேறு படிப்பு களைத் தொலை நிலைக் கல்வியாகவும் வழங்குகின்றன. ஹோட்டல் மேனேஜ்மெண்ட் தொடர்பான பல்வேறு படிப்புகளைப் படித்தவர்களும் இத்துறையில் பணி வாய்ப்பு களைப் பெறலாம்.   நுழைவுத் தேர்வின் அடிப்படையில் முதன்மையான ஓட்டல் மேனேஜ்மெண்ட் கல்லூரிகளில் சேர்ந்து படிப்பை முடிப்பவர்களுக்கு இளம் வயதி லேயே அதிகச் சம்பளத்துடன் பணிவாய்ப்பு காத்திருக்கிறது.

சவாலை வெல்லலாம்

செய்யும் பணியில் சவாலையும் புதிய அனுபவங்களையும் விரும்புவோர் இத் துறையில் சேர்ந்து சாதிக்க முடியும். மொழி, நாடு, கலாச்சார அடிப்படையில் வேறுபடும் புதுப்புது மனிதர்களுடனான சந்திப்பு, அவர்களைக் கையாளுதல், விரைந்து செய லாற்றுதல், அடிப்படையான கணினி, அர சியல், புவியியல், சமூகம், வரலாற்று அறிவு ஆகியவற்றை இத்துறையினர் வளர்த்துக் கொண்டால் தொடர்ந்து சாதிக் கலாம். சொந்தமாகச் சுற்றுலா ஏஜென்சி நடத்துவது, பேக்கேஜ் அடிப்படையில் உள்நாடு, வெளி நாடு சுற்றுலாக்களை ஏற்பாடு செய்வது என சுயமாகவும் இத்துறையில் ஜொலிக்கலாம்.

சுற்றுலா சொல்லித்தரும் நிறுவனங்கள்:

IITTM - http://www.iittm.ac.in/
NITHM - http://nithm.ac.in/
KITTS - http://www.kittsedu.org/

மீன்வளப் படிப்புகள் நீங்களும் படிக்கலாம்


உணவு சார்ந்த தொழில்களுக்கு எந்தக் காலத்திலும் அழிவு இருந்ததில்லை. அந்த வகையில், ஆதி காலத்தில் ஈட்டியால் குத்தி மீன் பிடிக்கத் தொடங்கியதிலிருந்து தூண்டிலில் மீன்பிடிக்கும் இந்தக் காலம்வரை மீன்பிடித் தொழில் சீரான வளர்ச்சி அடைந்துவருகிறது. உலக அளவில் மீன்களை அதிகம் உற்பத்தி செய்யும் நாடுகளில் இந்தியா இரண்டாம் இடத்தில் இருப்பதிலிருந்து மீன்பிடித் தொழிலின் வளர்ச்சியை அறியலாம். எனவே, மீன் பிடித்தல் சார்ந்த படிப்புகளின் மீது உங்களுக்கு ஆர்வம் இருந்தால், தாராளமாக தேர்ந்தெடுத்து படிக்கலாம்.

மீன் உற்பத்தியைப் பெருக்கிப் பல்வேறு ஆராய்ச்சித் திட்டங்களை மேற்கொள்ளவும், வேலை யற்ற இளைஞர்கள், மீனவ மகளிர், கிராமப்புற மக் களுக்கு வேலை வாய்ப்பை உருவாக்கவும், மீன் வளம் சார்ந்த பல்வேறு பயிற்சித் திட்டங்களைச் செயல்படுத்தவும் இன்று மீன் வளப் படிப்பு முக்கி யத்துவம் பெற்றுவருகிறது. இதற்காகவே நாகையை தலைமையிடமாகக் கொண்டு தமிழ்நாடு மீன்வளப் பல்கலைக்கழகமும் இயங்கிவருகிறது. இந்தப் பல்கலைக்கழகத்தின் கீழ் செயல்படும் கல்லூரி மற்றும் ஆராய்ச்சி நிலையங்களில் மீன் வளப் படிப்புகள் வழங்கப்படு கின்றன. இளங்கலை, முதுகலை, ஆராய்ச்சிப் படிப்பு (பிஎச்.டி.) என மூன்று நிலைகளில் படிப்புகள் இங்கே வழங்கப்படுகின்றன.

ஆராய்ச்சிப் படிப்புகளாக மீன் வளர்ப்பு, மீன் வளர்ப்புப் பொருளா தாரம், மீன் பதப்படுத்தும் தொழில் நுட்பம், மீன் வள மேலாண்மை ஆகிய படிப்புகள் வழங்கப்படுகின் றன. முதுகலைப் படிப்பான எம்.எஃப்.எஸ்சி. பிரிவில் மீன்வளர்ப்பு, நீர்வாழ் சுற்றுச்சூழல் மேலாண்மை, மீன் உயிரித் தொழில் நுட்பம், மீன் வளர்ப்புப் பொருளாதாரம், மீன்வளப் பொறியியல் மற்றும் தொழில்நுட்பம், மீன் பதப் படுத்தும் தொழில் நுட்பம், மீன்வள மேலாண்மை ஆகிய படிப்புகள் வழங்கப்படுகின்றன. இவை தவிர இளங்கலைப் படிப்பான பி.எஃப்.எஸ்சி. பிரிவில் நான்காண்டு பட்டப் படிப்புகள் வழங்கப்படுகின்றன. பி.எஃப்.எஸ்சி.யில் சேர பிளஸ் டூவில் தேர்ச்சி பெற்றிருந்தால் போதுமானது. இந்தப் படிப்புகளில் சேரவும், கல்வித் தகுதி, விண்ணப்பக் கட்டணம், விண்ணப்பப் படிவம், தகவல் தொகுப்பேடு ஆகிய வற்றைப் பற்றி அறிவ தற்கும் லீttஜீ://ஷ்ஷ்ஷ்.tஸீயீu.ஷீக்ஷீரீ.வீஸீ/  அணுகலாம்.

இந்தியன் ஆயில் நிறுவனத்தில் பணியிடங்கள்

மத்திய அரசின் முன்னணி பொதுத்துறை நிறு வனங்களில் ஒன்றான இந்தியன் ஆயில் கார்ப் பரேஷன் நிறுவனத்தின் தமிழ்நாட்டை உள்ளடக்கிய தென்பிராந்திய அலுவலகங்களில் விற்பனை பிரிவில் ஜுனியர் ஆபரேட்டர் (கிரேடு-1  மற்றும் ஏவியேஷன்) பதவியில் 97 காலியிடங்கள் நேரடி நியமன முறையில் போட்டித்தேர்வு மூலம் நிரப்பப் பட உள்ளன. கிரேடு-1 பதவிக்கு எஸ்.எஸ்.எல்.சி.-க்குப் பிறகு 2 ஆண்டு அய்.டி.அய். பயிற்சியை (மெக்கானிக்கல், எலெக்ட்ரிக்கல், இன்ஸ்ட்ருமென் டேஷன், சிவில், எலெக்ட்ரிக்கல், எலெக்ட்ரானிக்ஸ்) முடித்திருக்க வேண்டும். ஓராண்டு கால பணி அனுபவமும் அவசியம்.
அதேபோல், ஏவியேஷன் பிரிவு ஜுனியர் ஆபரேட்டர் பதவிக்கு பிளஸ் டூ முடித்திருக்க வேண்டும். குறைந்தபட்சம் 45 சதவீத மதிப்பெண் பெற்றிருக்க வேண்டும். மேலும், ஓராண்டு கனரக வாகனத்தை ஓட்டிய அனுபவமும் தேவை. இரு வகை பதவிகளுக்கும் வயது வரம்பு 18 முதல்
26-க் குள் இருக்க வேண்டும். மத்திய அரசின் இட ஒதுக்கீட்டு விதிமுறைகளின்படி, எஸ்.சி., எஸ்.டி. வகுப்பினருக்கு 5 ஆண்டுகளும், ஓ.பி.சி. பிரிவின ருக்கு 3 ஆண்டுகளும் வயது வரம்பில் தளர்வு உண்டு. விண்ணப்பதாரர்கள் எழுத்துத் தேர்வு, திறன் தேர்வு  அடிப்படையில் தேர்வுசெய்யப்படுவர். ஜூனியர் ஆபரேட்டர் பணிக்கான தேர்வில், சம்பந்தப்பட்ட தொழில்பிரிவு பாடம், பொது அறிவு, அடிப்படை கணிதம், ரீசனிங், அடிப்படை ஆங்கிலம் ஆகிய பகுதிகளில் இருந்து அப்ஜெக்டிவ் முறையில் 100 கேள்விகள் இடம்பெறும். அதேபோல், ஏவியேஷன் பணிக்கான தேர்வில் தொழில் பிரிவு பாடம் தவிர்த்து எஞ்சிய பகுதிகளில் இருந்து 100 கேள்விகள் கேட்கப்படும். தகுதியுடையோர் இந்தியன் ஆயில் கார்ப்பரேஷன் இணையதளத்தை (ஷ்ஷ்ஷ்.வீஷீநீறீ.நீஷீனீ) பயன்படுத்தி ஆன்லைன் மூலம் விண்ணப்பிக்க வேண்டும்.  



இவ்வுலகில் வழிப்பறித் திருடர்கள், கொள்ளைக் கும்பல்கள் போல இணைய உலகிலும் உண்டு. ஹேக்கர்கள் எனப்படும் இவர்கள் உலகின் எந்த மூலையில் இருந்தும் நமது கணினி அல்லது மொபைலை ஊடுருவி அதன் நிதி பரிமாற்றங்களையோ தனிப்பட்ட தகவல் களையோ களவாடிச் செல்கிறார்கள். இதுவே பெரும் நிதி, தகவல் களைக் கையாளும், பரிமாறும் நிறுவனங்கள் எனில் ஹேக்கர்களின் தாக்குதல்கள் பெரும் இழப்பை ஏற்படுத்தும். அதைத் தடுக்க நிறுவனங்கள் எதிக்கல் ஹேக்கர்ஸ் உதவியை நாடுகின்றன. இந்த ஹேக்கர்கள் தீவிரவாதப் பின்னணியுடன் இயங்கும் போது நாட்டின் பாதுகாப்பு தொடர்பான இணையத் தொடர்புகள் இலக்காகின்றன. அத்தகையத் தாக்குதல்களைத் தடுப்பதிலும் எதிக்கல் ஹேக்கர்களின் பணி முக்கியமானது.

வளரும் புதிய துறை

இணையம் இன்றி இணைப்பு சாத்தியமில்லை என்ற அளவுக்கு இன்று ஆன்லைன் வழி சேவைகள் நீக்கமற நிறைந்துவருகின்றன. இதைக் கணித்தே பெரும் பாலானோர் கணினித் துறைப் படிப்புகளை நம்பிக் கையுடன் மேற்கொண்டுவருகின்றனர். ஆனால், இந்தி யாவில் அய்.டி. துறை வேலைவாய்ப்புகள் முன்பு போல இல்லை. அதேநேரம் அய்.டி. படிப்புகளில் ஆர்வம் கொண்டவர்களுக்கு மாற்று வாய்ப்பாக எதிக்கல் ஹேக்கிங் தொடர்பான பணிவாய்ப்புகள் வரத் தொடங்கி விட்டன.

சைபர் செக்யூரிட்டி தொடர்பான ஆய்வின்படி ஹேக்கர்களின் தாக்குதலால் 2014இல் மட்டும் கிட்டத்தட்ட 400 கோடி டாலர் இழப்பை இந்திய நிறுவனங்கள் சந்தித்திருக்கின்றன. கடந்த அய்ந்தாண்டு களாக அதிகரித்து வரும் ரான்ட்சம் வேர் தாக்குதலில் நிதியைக் கையாளும் நிறுவனங்கள் மட்டுமன்றி, கடந்த ஆண்டு தனிநபர்களும் அதிஅளவு பாதிக்கப்பட்டிருக் கின்றனர். இதையொட்டி 2015இல் நாஸ்காம் வெளியிட்ட ஆய்வறிக்கை, இந்தியாவில் மட்டும் 77 ஆயிரம் எதிக்கல் ஹேக்கர்ஸ் தேவை ஆனால், தற்போது 15 ஆயிரம் பேர் மட்டுமே உள்ளனர் என்று தெரிவித்தது.

சைபர் தாக்குதல்கள், குற்றச் செயல்களைச் சட்டப்படி அணுகுவதற்காக 2013இல் மத்திய அரசு தேசிய சைபர் செக்யூரிட்டி கொள்கையைக் கொண்டுவந்தது. தேசிய சைபர் செக்யூரிட்டி ஒருங்கிணைப்பாளரான குல்ஷன் ராய், அடுத்த 5 ஆண்டுகளில் சைபர் செக்யூரிட்டி துறையில் பயிற்சி பெற்ற 5 லட்சம் பணியாளர்கள் உருவாக்கப்படுவார்கள் என்று அறிவித்தார். ஆனால், தரமான கல்வி நிறுவனங்கள் இல்லாதது, மாணவர்கள் மத்தியில் விழிப்புணர்வின்மை காரணமாக இந்தக் குறிக்கோளை இன்னும் எட்டியபாடில்லை.

என்ன படிக்கலாம்?

கணினித் துறை சார்ந்த இளங்கலை அறிவியல் பட்டம் அல்லது பொறியியல் பட்டம் படித்தவர்கள், கூடுதலாக எதிக்கல் ஹேக்கிங் தொடர்பான சான்றிதழ் படிப்புமுதல் முதுநிலைப் பட்டயப் படிப்புவரை படிக்கலாம். முதுநிலை பட்டப் படிப்புகளாக எம்.எஸ்சி. சைபர் தடயவியல் மற்றும் தகவல் பாதுகாப்பு, எம்.டெக். சைபர் செக்யூரிட்டி மற்றும் தகவல் பாதுகாப்பு போன்றவையும் கிடைக்கின்றன. கேட் நுழைவுத் தேர்வு எழுதி இவற்றில் சேரலாம்.

எங்கே படிக்கலாம்?

கணினித் துறை சார்ந்த அடிப்படைக் கல்வியாக எதைப் படிக்கிறோம் என்பதைப் பொறுத்து எதிக்கல் ஹேக்கிங் சார்ந்த கூடுதல் படிப்புகளைத் திட்ட மிடலாம்.

அலகாபாத்தில் இயங்கும் இந்தியன் இன்ஸ்டிடியூட் ஆஃப் இன்பர் மேஷன் டெக்னாலஜி, கோழிக் கோட்டின் நேசனல் இன்ஸ்டிடியூட் ஆஃப் எலெக்ட் ரானிக்ஸ் அண்ட் இன்ஃபர்மேசன் டெக்னாலஜி  போன்ற நிறுவனங்களில் முழுமையான எதிக்கல் ஹேக்கிங் படிப்பு களைப் பெறலாம். இதற்கென்றே புகழ்பெற்ற கொல்கத்தா இந்தியன் ஸ்கூல் ஆஃப் எதிக்கல் ஹேக்கிங், டில்லி எதிக்கல் ஹேக்கிங் டி ரெயினிங் இன்ஸ்டிடியூட் போன்றவற்றில் சைபர் இணைய பாதுகாப்பு மய்யமாகக் கொண்டு பல்வேறு தொழிற்படிப்புகள் வழங்கப்படு கின்றன. இந்தியாவின் புகழ்பெற்ற எதிக்கல் ஹேக்கர் களான அன்கிட் ஃபாடியா உள்ளிட்டோர் கட்டணத்துக்கு ஏற்ப சிறப்புப் பயிற்சிகளை வழங்குகிறார்கள். மேற்கண்ட கல்வி நிறுவனங்களில் பலவும் ஏராள மான சான்றிதழ் படிப்புகளை இணையம் வாயிலாகவே வழங்குகின்றன.

கொட்டிக்கிடக்கும் வேலைவாய்ப்பு

ராணுவம் உள்ளிட்ட பாதுகாப்புத் துறைகள், மத்திய-மாநிலப் புலனாய்வு அமைப்புகள், தடவியல் துறை, அரசு ஏஜென்சிகள் போன்றவை நேரடியாகவும் ஒப்பந்த அடிப்படையிலும் சைபர் செக்யூரிட்டிக்கான பணி வாய்ப்பை வழங்குகின்றன. தனியார் வங்கிகள், நிதி நிறுவனங்கள், காப்பீட்டு நிறுவனங்கள், விமானப் போக்குவரத்து, தகவல் தொழில்நுட்பத் துறை ஆகியவற்றிலும் எதிக்கல் ஹேக்கர்ஸ் பணிவாய்ப்பு பெறலாம்.

எதிக்கல் ஹேக்கிங் துறை எதிர்காலத்தில் மேலும் வளர்வதற்கும், கூடுதல் படிப்புகள், வேலைவாய்ப்பு களைக் கொண்டதாக மாறவும் பிரகாசமான வாய்ப்புகள் உள்ளன. அங்கீகாரம் பெற்ற சான்றிதழ் படிப்புடன் இத்துறைக்குள் வரும் புதியவர்கள் ஆண்டு வருமான மாக ரூ.3- 5 லட்சங்களில் ஊதியம் பெறுகிறார்கள்.

கூடுதல் கல்வியுடன் துறை அனுபவமும் பெற்றவர்கள் இன்ஃபர் மேசன் செக்யூரிட்டி அனலிஸ்ட், எதிக்கல் ஹேக்கிங் எக்ஸ்பர்ட்ஸ் போன்ற பதவிகள் மூலம் ஆண்டுக்கு ரூ.20 லட்சம்வரை ஊதியம் பெறுகிறார்கள்.

இந்தியாவின் பிரசித்தி பெற்ற எதிக்கல் ஹேக்கர்ஸில் பெரும்பாலானோர் தங்களது பள்ளி மற்றும் கல்லூரிப் பருவத்தில் விளையாட்டாக ஹேக்கிங் குறித்து ஆராயத் தொடங்கி, இன்று முழுநேர வேலையாக அத்துறையில் புகழ் பெற்றிருக்கிறார்கள். அடிப்படைக் கல்வியுடன் ஆர்வம், படைப்பாற்றல், உற்று நோக்குதல், தர்க்கரீதியான உடனடி முடிவெடுக்கும் திறன், உத்வேகம் உள்ளிட்ட திறன்கள் இத்துறையினருக்கு அவசியம்.

லிட்டருக்கு 200 கி.மீ ஓடும் வகையில் வாகனம் வடிவமைப்பு

வேலூர் விஅய்டி பல்கலைக்கழக பி.டெக்., மாணவர்கள் ஒரு லிட்டர் பெட்ரோலில் 200 கி.மீ. ஓடும் வகையில் “ஈ.டி. 18’ என்ற நவீன பந்தய வாகனத்தை வடிவமைத்துள்ளனர்.

இது குறித்து விஅய்டி பல்கலைக்கழகத்தின் “ஈகோ டைட்டன்ஸ்’ குழுவில் இடம் பெற்றிருந்த பி.டெக்., மாணவர்கள் சுபாங் கரே, சித்தார்த் பத்ம நாபன். நிலேஷ் குமார், ஹிமான்சு  உள்ளிட்டோர் சென்னையில் செய்தியாளர்களிடம் கூறியிருப் பதாவது: ஒரு லிட்டர் பெட்ரோலில் 200 கி.மீ., தூரம் வரை  செல்லும் காரை, விஅய்டி பல்கலைக்கழக பி.டெக்., மாணவர்கள் வடிவமைத்துள்ளனர்.

முன்புறம் இரண்டு சக்கரங்களுடனும், பின்புறம் ஒரு சக்கரத்துடனும் உள்ள இதன் பெயர் “ஈ.டி.18’. எரிபொருளை சிக்கனப்படுத்த இ.எஃப்.திஅய். என்ற தொழில்நுட்பத்தைப் பயன்படுத்தியுள்ளோம். இதை இயக்க 2 வோல்ட் திறன் கொண்ட பேட்டரி பொருத் தப்பட்டுள்ளது. வாகனத்தின் மொத்த எடை 56 கிலோ. என்ஜின் 50 சிசி திறன் கொண்ட ஹோண்டா இன்ஜின் பொருத்தப்பட்டுள்ளது.ஒருவர் மட்டுமே அமர்ந்து செல்லக்கூடிய இந்த காரில்  அதிகபட்சம் 60 கிலோ மீட்டர் வேகத்தில் செல்ல முடியும். இந்த காரின் சேசிஸ், அதிக திறன் கொண்ட அலுமினி யத்தால் செய்யப்பட்டுள்ளது. . எளிதில் கையாளப் படும் இலகு பிரேக்குகள் இதன் சக்கரங்களில் பொருத்தப்பட்டுள்ளன. அய்ந்து மாதங்களாகப் பணியாற்றி ரூ.15 லட்சம் செலவில் தயாரிக்கப்பட்ட “ஈ.டி.18’ வாகனம் சிங்கப்பூரில் வரும் மார்ச் மாதம் நடைபெறவுள்ள செல் ஈகோ மாரத்தான் போட்டி யில் கலந்து கொள்கிறது.

அந்த ரேஸ் 11 சுற்றுகள் கொண்டது என்பதைக் கருத்தில் கொண்டு அதற்கேற்றவாறு வாகனத்தில் 250 மி.லி. பெட்ரோல் மட்டுமே நிரப்பும் வகையில் வடிவமைக்கப்பட்டுள்ளது.

ஒரு லிட்டருக்கு சுமார் 200 கி.மீ. தொலைவுக்கு இதை இயக்க முடியும். “ஈ.டி.18’ வாகனத்தை மொத்தம் 10 பேர் இணைந்து வடிவமைத்தோம் என்று தெரிவித்துள்ளார்.

ஒடிசாவில் 5 ஆயிரத்துக்கும் மேற்பட்ட பாம்புகளைப் பிடித்த இளைஞர்!

ஒடிசா மாநிலம் மயூர்பஞ்ச் மாவட்டத்தைச் சேர்ந்த இளைஞர் ஒருவர் இதுவரை 5 ஆயிரத் துக்கும் மேற்பட்ட பாம்புகளைப் பிடித்துள்ள துடன் காயமடையும் காட்டு விலங்கு களான யானைகள், புலிகள், குரங் குகள் பேன்றவைகளுக்கும் சிகிச்சை அளித்து வருகிறார்.

ஒடிசா மாநிலத்தின் மயூர்பஞ்ச் மாவட்டத்தில் உத்தாணி நுவாகான் என்கிற ஊரைச் சேர்ந்த கிருஷ்ண சந்திர கோச்சாயத் என்கிற இளைஞர் பாம்புகளைக் கண்டு அஞ்சுவதில்லை. எத்தகைய கொடிய நஞ்சுள்ள நாகமாக இருந்தாலும் வெறுங் கையால் அவற்றைப் பிடித்து விடுகிறார். சுற்று வட்டாரத்தில் எந்த வீட்டில் பாம்பு புகுந்தாலும் அதைப் பிடிக்க இவரையே அழைக்கின்றனர்.

இவர், பாம்பு மட்டுமல்லாமல் அனைத்து உயிர்கள் மீதும் அன்பு காட்டுபவராக உள்ளார். காடுகளில் காயம்பட்டுத் துன்புறும் விலங்குகளைக் கண்டால் அவற்றுக்கும் மருந்திட்டுச் சிகிச்சை அளித்து வருகிறார். மான், புலி, யானை, சிறுத்தை, குரங்கு ஆகிய விலங்குகளுக்கும் பறவைகளுக்கும் சிகிச்சை அளித்து அவற்றைக் காப்பாற்றுவதுடன் அதனை மீண்டும் காட்டில் விடுப்பது தனக்கு மன நிறைவைத் தருவதாக அவர் தெரிவிக்கிறார். தோல்கள் மற்றும் விலங்குகளின் பிற பாகங்களை விற்க விரும்பும் வேட்டைக்காரர்களிடமிருந்து அனைத்து வகையான விலங்குகளையும் காப்பாற்றி வனத்துறையை உதவி வருகிறார்  கிருஷ்ணச் சந்திர கோச்சாயத்.


தமிழ்நாட்டின் தொன்மை வாய்ந்த பல நீர்நிலைகள் நோய் வாய்ப்பட்டுவிட்டன. எஞ்சிய நீர்நிலைகளும் தத்தளித்துக் கொண்டிருக்கின்றன. சாய ஆலைகளின் கழிவால் கடைசி நாடித்துடிப்புடன், சாவின் விளிம்பில் இருக்கும் திருப்பூர் நொய்யல் ஆற்றை மீட்டெடுக்கும் வகையில், களம் இறங்கி யுள்ளனர் திருப்பூர் பெம் பள்ளி மாணவர்கள். குஜராத்தில் டிசம்பர் 27 அன்று தொடங்கிய தேசியக் குழந்தைகள் அறிவியல் மாநாட்டுக்காக, நொய்யல் ஆற்றின் தற்போதைய நிலையை கள ஆய்வு செய்து கட்டுரை சமர்ப்பித்து இருக்கிறார்கள் தியா சபீர், பிரகல்யா, சிறீ கோவிந்த் ஆகிய ஏழாம் வகுப்பு மாணவர்கள் மற்றும் மகாதிரிபுரசுந்தரி, சம்வேத்யா ஆகிய எட்டாம் வகுப்பு மாணவிகள். மூன்று மாதங்களாக நொய்யல் வழித்தடத்தில் கிட்டத்தட்ட 100 கி.மீ. பயணித்து இந்த ஆய்வை சமர்பித்துள்ளதாகக் கூறுகிறார் இவர்களது பள்ளியின் பயிற்சி ஆசிரியை சமீமா பேகம்.

ஆற்றோரம் ஆய்வுப் பயணம்

சாமளாபுரம் குளம், நொய்யலாறு திருப்பூரில் நுழையும் பகுதியான அக்ராஹப்புத்தூர், மங்கலம், ஆண்டிப்பாளையம் குளம், கருவம்பாளையம் தடுப்பணை, மாமரத்துப்பள்ளம், ஒரத்துப்பாளையம் அணை, சின்னமுத்தூர் தடுப்பணை, ஆத்துப்பாளையம் நீர்த்தேக்கம் முதற்கொண்டு, நொய்யல் ஆறு காவிரியுடன் கலக்கும் நொய்யல் கிராமம்வரை மூன்று முறை ஆற்றின் வழித்தடத்தில் பயணித்து, இந்த ஆய்வுக் கட்டுரைக்கான பணிகளை மேற்கொண்டுள்ளனர்.

நொய்யல் ஆற்றில் 10 இடங்களில் நீரின் கடினத்தன்மை (டி.டி.எஸ்), கார - அமிலத்தன்மை (பி.ஹச்.) முதலியவற்றை ஆய்வின் மூலம் கண்டறிந்தோம். மழைக் காலத்தில் நொய்யல் ஆற்றில் பெருக்கெடுக்கும் வெள்ள நீர் பாசனத்துக்குப் பயன்படுகிறதா; ஒரத்துப்பாளையம் அணை, சின்னமுத்தூர் தடுப்பணை, ஆத்துப்பாளையம் நீர்த்தேக்கம் ஆகிய மூன்று அணைகள் எதற்காகக் கட்டப்பட்டன என்பதை எல்லாம் ஆய்வின்போது தெரிந்துகொண்டோம்.

கடந்த 2005ஆம் ஆண்டு முதல், நொய்யல் ஆற்றுநீர் எந்த அணையிலும் தேக்கப்படாமல் உயர் நீதிமன்ற உத்தரவுப்படி, காவிரியில் கலந்துவருகிறது. கடந்த 12 ஆண்டுகளில் விநாடிக்கு 1,000 கன அடிக்கும் மேல் 20 முறை நொய்யலில் மழைநீர் பெருக்கெடுத்துள்ளது. இதை ஒரு நாள் என்ற கணக்கில் எடுத்தாலே கிட்டத்தட்ட 29,640 லட்சம் கன அடி நீர் சென்றுள்ளதை அறியலாம். அதேபோல 2011 நவம்பர் 7 அன்று நொய்யலில் உருவான வெள்ளத்தில், அன்று மட்டும் விநாடிக்கு 5,774 கன அடி நீர் சென்றுள்ளது. இதில், ஒரு சில மணித் துளிகளுக்குள் நொய்யல் ஆற்றில் உள்ள கழிவு நீர், சாய நீர் போன்றவை அடித்துச் செல்லப்பட்டுள்ளன. அதன் பின் வெள்ள நீர்தான் ஓடியது. அதை சின்னமுத்தூர் தடுப்பணையில் தடுத்து, அங்குள்ள ஊட்டுக்கால்வாய் மூலம் 10 கி.மீ. தூரத்தில் உள்ள ஆத்துப்பாளையம் நீர்த்தேக்கத்துக்குக் கொண்டு சென்றிருந்தால் கிட்டத்தட்ட 20,000 ஏக்கர் நிலத்துக்குப் பாசன வசதி கிடைத்திருக்கும். ஒரத்துப்பாளையம் அணை கட்டப்பட்டதன் நோக்கமும் நிறைவேறி இருக்கும். ஆனால், இவை எதுவும் நடைபெறவில்லை என்று இம்மாணவர்கள் ஆதங்கப்படுகின்றனர்.

செழிக்கட்டும் வேளாண்மை

மேலும், நொய்யல் ஆற்றில் மழைக் காலத்தில் செல்லும் மழை நீரின் கடினத் தன்மை 179 ஆகவும், கார - அமிலத் தன்மை 7 ஆகவும் இருப்பதை ஆய்வில் கண்டுபிடித்தி ருக்கிறார்கள். நொய்யல் ஆற்றில் பல்வேறு பகுதிகளில் ஓடிய வெள்ள நீரை எடுத்துவந்து அதில் வெந்தயத்தைப் போட்டு முளைக்கச் செய்தனர்.

மழை நீரில் வெந்தயத்தின் விளையும் தன்மையும் வளர்ச்சி விகிதமும் மிகவும் நன்றாக இருந்தன. ஆகையால், நொய்யலில் வரும் வெள்ள நீரை அணைகளில் தேக்கி விவசாயத்துக்குப் பயன்படுத்தலாம். ஆனால், அதை யாரும் செய்யாததால், பாசனத்துக்குப் பயன்படாமல் மழை நீர் வீணாகிவருகிறது. நதிக்கரை ஓரங்களில் நாகரிகம் தோன்றியது. அதை ஒட்டி வேளாண்மையும் செழித்தது. இன்றைக்கு நொய்யல் நதியை நம்பி வாழும் வேளாண் குடும்பங்களில் மீண்டும் மகிழ்ச்சி மலர எங்கள் ஆய்வு பயன்பட வேண்டும் என்கின்றனர் நதியை மீட்கப் புறப்பட்டிருக்கும் இந்த மாணவர்கள்.

சிண்டிகேட் வங்கி அதிகாரி ஆகலாம்  

வங்கிப் பணியில் சேர விரும்பும் திறமையான பட்டதாரிகளைத் தேர்வுசெய்து அவர்களை வங்கி, நிதி தொடர்பான முதுகலை டிப்ளமா படிப்பை  படிக்க வைக்கிறது சிண்டிகேட் வங்கி. மேலும், அவர்களைத் தங்களது வங்கியில் அதிகாரியாகப் பணியமர்த்தவும் செய்கிறது. அந்த வகையில், தற்போது 500 பட்டதாரிகளைத் தேர்வுசெய்ய இருக்கிறது. இதில், மத்திய அரசின் இட ஒதுக்கீட்டு விதிமுறைகளின் படி, எஸ்.சி., எஸ்.டி., ஓ.பி.சி. வகுப்பினருக்கு உரிய இட ஒதுக்கீடு அளிக்கப்படும். முதலில் தேசிய அளவில் போட்டித் தேர்வு நடத்தப்படும். இதில் தேர்வுசெய்யப் படுபவர்கள் பெங்களூரு மணிபால் குளோபல் எஜுகேசன் சர்வீஸ் கல்லூரி, நொய்டாவில் உள்ள நிட்டில் எஜுகேசன் இண்டர்நேசனல் கல்லூரியில் வங்கியியல் நிதி முதுகலை டிப்ளமா படிப்பில் சேர்க்கப்படுவார்கள். இங்கு 9 மாதங்கள் படிக்க வேண்டும். மாதம் ரூ.3,000 உதவித்தொகையாக வழங்கப்படும். படிப்புக் கட்டணம் ரூ. 3.5 லட்சத்துக்கு சிண்டிகேட் வங்கியே கல்விக் கடன் அளிக்கும்.  இப்பயிற்சியை முடித்ததும் சிண்டிகேட் வங்கியில் அதிகாரியாகப் பணியில் சேர்ந்துவிடலாம்.

பார்வை தரும் மருத்துவப் படிப்பு!

மருத்துவராக விரும்பும் அனைவருக்கும் அந்த வாய்ப்பு கிடைப்பதில்லை. மருத்துவராக முடியாதவர்களும் மருத்துவத் துறையில் பணியாற்றுவதற்கான வாய்ப்பைப் பல்வேறு துணை மருத்துவப் படிப்புகள் வழங்குகின்றன. அவற்றுள் கண் மருத்துவத் துறையில் அங்கம் வகிக்கிறது ஆப்டோமெட்ரி. அதிக வேலைவாய்ப்புடன், முதன்மை யான வருமானம் ஈட்டும் பணிகளில் ஒன்றாக வளர்ந்து வருகிறது இத்துறை.

கண், பார்வைத் திறன் தொடர்பான மருத்துவப் பரிசோதனைகள், அளவீடுகள், மருத்துவ உதவி சாதனங்கள் தொடர்பான படிப்புகளை ஆப்டோமெட்ரி துறை வழங்குகிறது. இத்துறையில் படித்துத் தேறும் மருத் துவப் பணியாளர் ஆப்டோமெட்ரிஸ்ட் எனப்படுகிறார்.

அதிகரிக்கும் சேவைத் தேவை

கண் தொடர்பான மருத்துவப் பிரச்சினைகள் என்பவை பலவகைப்பட்ட பார்வைக் குறைபாடுகளுடன் நின்றுவிடுவ தில்லை. மரபுரீதியிலான கோளாறுகள், நீரிழிவு, ரத்த அழுத்தம், நரம்பு மண்டலம் உள்ளிட்ட இதர உடல் நலக் கோளாறுகளாலும் பார்வைக் கோளாறுகள் விளையக்கூடும். ஆகையால், கண்கள், பார்வை சார்ந்த மருத்துவத் துறை விசாலமானது.

அதிலும் அதிகரிக்கும் திறன்பேசி, கணினி பயன்பாடுகளால் கண் சார்ந்த கோளாறுகள் நாளுக்குநாள் பெருகுகின்றன. இதனால், உலக அளவில் ஆப்டோமெட் ரிஸ்ட்களின் தேவை அதிகமுள்ள நாடுகளில் இந்தியாவும் ஒன்று. 3 வருடங்களுக்கு முன்னர் மேற்கொள்ளப்பட்ட ஆய்வொன்றில் கிட்டத்தட்ட ஒரு லட்சம் ஆப்டோமெட்ரி பணியாளர்கள் நாட்டுக்குத் தேவை என்றும் அதில் 10 சதவீதம் மட்டுமே அப்போது பூர்த்திசெய்யப் பட்டிருப்பதாகவும் தெரியவந்தது.

பரந்து விரிந்த துறை

கண் மருத்துவமனைக்கு வரும் நோயாளியைப் பரிசோதிப்பவராக, அவருக்கும் கண் மருத்துவருக்கும் இடையில் மருத்துவப் பணியாளராக ஆப்டோமெட்ரிஸ்ட் செயல்படுகிறார். விழி ஒளி பரிசோதகரான ஆப்டோ மெட்ரிஸ்ட் அளிக்கும் தரவுகளின் அடிப்படையில்தான் கண் மருத்துவர் நோயாளிக்கு சிகிச்சைகளை மேற்கொள்ள முடியும். கண் அறுவைசிகிச்சைக்கு முன்னும் பின்னும் நோயாளிக்குத் தேவையான கண்காணிப்பு, பார்வைத் திறன் மேம்பாடு போன்றவற்றை ஆப்டோமெட்ரிஸ்ட் தொடர்ந்து கண்காணிப்பார்.

இவர்களுக்கு அரசு, தனியார் மருத்துவமனைகளில் மட்டுமல்லாமல் வெளிநாடுகளிலுமாகப் பணி வாய்ப்புகள் நிறைந்துள்ளன. கண் மருத்துவமனை அல்லது கண் மருத்துவரிடம் பணி புரியாமல் சுயமாகக் கண் பரிசோதனை வழங்குவது, பார்வைத் திறனுக்கான கண்ணாடி கடை நடத்துவது, கண்ணாடி, சட்டகத் தயாரிப்பு நிறுவனங்களின் கிளையுரிமை பெற்று கடை நடத்துவது போன்றவை இதர பணி வாய்ப்புகளாகும். இவற்றுடன் அதிகரித்துவரும் குளிர் கண்ணாடி தேவைகள், பார்வைத் திறனுக்கும் அழகுக்கு மான காண்டாக்ட் லென்ஸ் பரிந்துரை, விற்பனை என ஆப்மெட்ரிக் படித்தவர்களுக்கான பணி வாய்ப்புகள் விரிவடைந்துள்ளன.

எங்கே, என்ன படிக்கலாம்?

12ஆம் வகுப்பில் அறிவியல் பாடப் பிரிவில் குறைந்தது 50 சதவீத மதிப்பெண்களுடன் தேறிய மாணவர்கள் ஆப்டோமெட்ரி படிப்புக்கு விண்ணப்பிக்கலாம். ஆனால், முன்னணிக் கல்வி நிறுவனங்கள் சேர்க்கைக்கு என நுழைவுத் தேர்வுகள் நடத்துகின்றன.

ஆப்டோமெட்ரிஸ்ட் ஆக நீங்கள் படிக்க வேண்டியது,  நான்காண்டு இளம் அறிவியல் பட்டப்படிப்பு. முதல் மூன்றாண்டுகள் கல்லூரிக் கல்வியாகவும் நான்காமாண்டு மருத்துவ வளாக இண்டெர்ன்ஷிப் பயிற்சியாகவும் இது அளிக்கப்படுகிறது. இதற்கு பொதுநுழைவுத் தேர்வாக  நடத்தப்படுகிறது. டில்லி எய்ம்ஸ் நிறுவனம் வழங்கும் பி.எஸ்சி. ஆப்தல்மிக் டெக்னாலஜியில் சேரப் பிரத்யேக நுழைவுத் தேர்வு உண்டு. சென்னை எழும்பூர் அரசு கண் மருத்துவமனையில் 2015 முதல் பி.எஸ்சி. ஆப்டோமெட்ரி நான்காண்டு பட்டப் படிப்பு வழங்கப்படுகிறது. சென்னை சங்கர நேத்ராலயா  - பிட்ஸ் பிலானியுடன் இணைந்து முனைவர் பட்டம்வரையிலான ஆப்டோமெட்ரி படிப்பு களை வழங்குகிறது.

ஆப்தல்மிக் அசிஸ்டண்ட், ஆப்டோமெட்ரி ஆகிய இரண்டாண்டு பட்டயப் படிப்புகள் பல்வேறு மருத்துவக் கல்லூரிகளில் வழங்கப்படுகின்றன. கண் மருத்துவ சேவையிலிருக்கும் மருத்துவமனைக் குழுமங்கள் மற்றும் கண் கண்ணாடிகள், லென்சுகள் உற்பத்தியில் ஈடுபடும் நிறுவனங்கள் சார்பிலும் பிரத்யேகக் கல்வி நிலையங்கள் வாயிலாகப் பட்டம், பட்டயங்கள் வழங்கப்படுகின்றன. இவற்றில் பலவும் தேர்ச்சிக்குப் பின்னரான வேலை வாய்ப்புக்கு உத்தரவாதம் அளிக்கின்றன. கல்வித் தகுதியுடன் அனுபவ முன்னுரிமையும் கொண்டவர்களுக்கு உள்நாட்டு பல்நோக்கு மருத்துவமனைகளிலும் வெளிநாட்டிலும் மருத்துவருக்கு இணையான ஊதியம் வழங்கப்படுகிறது.


தமிழக அரசின் ஆவின் நிறுவனத்தின் சென்னை கிளையில் 32 காலியிடங்களுக்கு அறிவிப்பு வெளியிடப்பட்டுள்ளது. வயது: 35 வயதுக்கு உட்பட்டவர்களாக இருக்க வேண்டும்.

கல்வித் தகுதி: ஜூனியர் எக்சிக்யூடிவ் டைப்பிங் பதவிக்கு பட்டப் படிப்புடன் ஆங்கிலம் மற்றும் தமிழ் டைப்பிங்கில் ஹையர் கிரேடில் தேர்ச்சி பெற்றிருக்க வேண்டும்.

மில்க் ரெகார்டர் பதவிக்கு: கோ-ஆப்பரேடிவ் படிப்பு முடித்திருக்க வேண்டும். கட்டணம் ரூ. 250. தேர்ச்சி முறை : எழுத்துத் தேர்வு வாயிலாக தேர்ச்சி இருக்கும்.

விண்ணப்பிக்க: பரிந்துரைக்கப்பட்ட மாதிரியிலான படிவத்தை முழுமையாக நிரப்பி, உரிய இணைப்புகளுடன் பின்வரும் முகவரிக்கு அனுப்ப வேண்டும். Joint Managing Director,  The Tamilnadu Cooperative Milk Producers’ Federation Limited,  29 & 30, Ambattur Industrial Estate, Aavin Dairy Road, Chennai-600 098  

கடைசி நாள் : 2018 ஜன., 10. விபரங்களுக்கு :www.aavinmilk.com/hrjmd2612171.html

காப்பீட்டு நிறுவனத்தில் மருத்துவர் காலியிடங்கள்

நியூ இந்தியா இன்ஸ்யூரன்சு நிறுவனம் பொதுத்துறை நிறுவனமாகும். இங்கு 26 மருத்துவர்களுக்கு அறிவிப்பு வெளியிடப் பட்டுள்ளது.

வயது : 1.1.2018 அடிப்படையில் விண்ணப்ப தாரர்கள் 21 - 30 வயதுக்குள் இருக்க வேண்டும்.

கல்வித் தகுதி : எம்.பி.பி.எஸ்., எம்.டி., அல்லது எம்.எஸ்., முடித்தவர்கள் விண்ணப்பிக்கலாம். ஹோமியோபதி, யுனானி, சித்தா, ஆயுர்வேதா முடித்தவர்கள் விண்ணப்பிக்க முடியாது.

விண்ணப்பக் கட்டணம் ரூ. 200. தேர்ச்சி முறை : நேர்காணல் வாயிலாக தேர்ச்சி இருக்கும்.
கடைசி நாள் : 2018 ஜன., 17.

விபரங்களுக்கு : www.newindia.co.in/portal

ராணுவத்தில் பல்வேறு பிரிவுகளில் காலிப் பணியிடங்கள்

இந்திய ராணுவத்தில் பல்வேறு பிரிவுகளில் 291 காலியிடங்களுக்கு அறிவிப்பு வெளி யிடப்பட்டுள்ளது.

காலியிட விபரம் : லோயர் டிவிசன் கிளார்க்கில் 10, பயர்மேனில் 8, மெட்டீரியல் அசிஸ்டென்டில் 6, டிரேட்ஸ்மேன் மேட்டில் 266, எம்.டி.எஸ்.,சில் 1ம் காலியிடங்கள் உள்ளன.

வயது : 18 - 25 வயதுக்குள் இருக்க வேண்டும். முழுமையான தகவல்களை இணையதளத்தில் பார்க்கவும்.

விண்ணப்பிக்கும் முறை: பரிந்துரைக்கப்பட்ட மாதிரியிலான விண்ணப்பத்தை முழுமையாக நிரப்பி, உரிய இணைப்புகளைச் சேர்த்து பின்வரும் முகவரிக்கு அனுப்ப வேண்டும்.  Ministry Of Defence 27 Field Ammunition Depot, PIN - 909427, C/O 56 APO

கடைசி நாள் : 2018 ஜன., 16.

விபரங்களுக்கு : https://indianarmy.nic.in/ex.aspx

உரத்தொழிற்சாலையில்
காலிப் பணியிடங்கள்

பெர்டிலைசர்ஸ் அண்டு திருவாங்கூர் கெமிக்கல்ஸ் லிமிடெட் என்பது சுருக்கமாக ‘பாக்ட்’ என அழைக்கப்படு கிறது. இங்கு அப்ரென்டிஸ்   148 இடங்கள் நிரப்பப்பட உள்ளன.

வயது : டிப்ளமோ பிரிவுக்கு அதிகபட்சம் 23ம், டிரேடு பிரிவுக்கு அதிகபட்சம் 25 வயதுக்குள்ளும் இருக்க வேண்டும்.

கல்வித் தகுதி: டிப்ளமோ பிரிவுக்கு தொடர்புடைய இன்ஜினியரிங் பிரிவில் மூன்று வருட டிப்ளமோ படிப்பும், டிரேடு பிரிவுக்கு அய்.டி.அய்., படிப்பும் தேவைப்படும். விபரங்களுக்கு இணையதளத்தைப் பார்க்கவும். நேர்காணல் மூலமாக தேர்ச்சி இருக்கும்.

கடைசி நாள்: 8.1.2018 முதல் 13.1.2018.

விபரங்களுக்கு :

பொறியியல் பட்டதாரி... விவசாயி... ஏற்றுமதியாளர்!

விவசாயம் செய்தால் வாழ்க்கை நடத்த முடியுமா என்று பலர் யோசித்துக் கொண்டிருக்கையில், விவசாயத்தையே தொழிலாக மாற்றி, கிராமத்தில் 100 பேருக்கு வேலை வழங்கி வருகிறார் கடலூரைச் சேர்ந்த முதுநிலை பொறியியல் பட்டதாரி ப.சக்திவேல்.

திருவண்ணாமலையில் தனியார் பொறியியல் கல்லூரியில் இளநிலை, முதுநிலை பொறியியல் படிப்புகளை முடித்தவர் சக்திவேல். படித்து முடித்ததும் வேறு வேலைக்குப் போகாமல், குறிஞ்சிப்பாடியில் தனது தந்தை நடத்தி வந்த நர்சரி பண்ணையைக் கவனிக்கத் தொடங்கினார். வழக்கமாக பூச்செடிகள், காய்கறிச் செடிகளை விற்று வந்த நர்சரி பண்ணை, சக்திவேலின் முயற்சியால், விவசாயிகளுக்கு பணப் பயன் அளிக்கும் சவுக்கு மரக்கன்றுகள் விற்பனை செய்யும் நர்சரியாக மாறியது.

“சவுக்கு மரத்திலிருந்து காகிதம் தயாரிக்கப்படுவதால் தமிழக அரசின் காகித நிறுவனம், தனியார் காகித நிறு வனங்களுக்கு மரத்தின் தேவை இருந்து கொண்டே இருக்கிறது. குறிப்பாக டிஎன்பிஎல் நிறுவனத்துக்கு ஆண்டுக்கு 5 லட்சம் மெட்ரிக் டன் மரம் தேவைப்படுகிறது. அதன் தேவையில் பெரும்பகுதி வெளிநாடுகளிலிருந்தே இறக்குமதி செய்யப்படுகிறது. நமது ஊரிலேயே இதை வளர்த்தால் நமது விவசாயிகளுக்கு லாபம்தானே? என்று தோன்றியது. அதனால் விவசாயிகளிடம் சவுக்கு மர வளர்ப்பையும், அதன் வீரிய ரக வளர்ப்பையும் பற்றிப் பேசத் தொடங்கினேன்.

மேலும் குறைவான தண்ணீரே இந்த சவுக்கு வளர்க்கப் போதுமானது. சவுக்குக்கு பராமரிப்பும் அதிக அளவில் தேவையில்லை’’ என்கிறார் சக்திவேல்.

கோவையிலுள்ள வன மரபியல் - மர வளர்ப்பு நிறுவனத்தின் சவுக்கு மர ஆராய்ச்சியாளர் நிக்கோடமஸின் கண்டுபிடிப்பான சிஎச்-1, சிஎச்-5 என்ற ரகத்தை

விவசாயிகளுக்கு பிரபலப் படுத்துவதில் தனது பணியைத் தொடங்கியிருக்கிறார் சக்திவேல்.

இந்த ரகத்தில் அப்படியென்ன இருக்கிறது என்கிற கேள்விக்கு அவரே பதிலளிக்கிறார்: “”பொதுவாக இந்தியாவில் நாட்டு ரகங்களான சவுக்குகள்தான் பயிரிடப் படுகின்றன. இவை 4 - 5 ஆண்டுகள் வளரக் கூடியது.

ஆனால், நிக்கோடமஸின் ஆராய்ச்சியின் பலனாக கண்டுபிடிக்கப்பட்ட சிஎச் வீரிய ரகங்கள் 24 மாதத்தில் முழு வளர்ச்சி பெறுவதோடு, 40 அடி உயரம் வளர்ந்து, 60 - 70 டன் வெட்டக்கூடியதாகும். இதனால், விவசாயிகள் கூடுதல் பணப் பலனைப் பெறுகிறார்கள்.

இதனை விவசாயிகளிடம் கொண்டு சேர்ப்பதற்காக பல்வேறு கிராமங்களில் எங்களின் நர்சரி மூலமாக பயிற்சி வகுப்புகளை நடத்தி வருகிறோம்” என்கிறார்.
சக்திவேல் படித்துவிட்டு வேறு ஏதாவது வேலைக்குப் போயிருந்தால் அவர் மட்டுமே வேலை பார்த்திருப்பார். இப்போது

அவருடைய நர்சரியில் நூறு பேர் வேலை செய்கிறார்கள்.

“தமிழகத்தில் சில பகுதிகளில் மட்டுமே இந்த நர்சரி தொழிலை மேற்கொள்ள முடியும். அந்த வகையில் கடலூர் மாவட்டத்தில் குறிஞ்சிப்பாடி, வேகாக்கொல்லை பகுதிகள் சிறப்பானவை.

அதில் குறிஞ்சிப்பாடியில் எனது குடும்பத்தினர் வசமிருந்த 5 ஏக்கர் நிலத்தில் தற்போது சிஎச்-1, சிஎச்-5 ரக சவுக்கு மரங்களைப் பதியம் போட்டு அதனை வளர்க்கும் பணியில் ஈடுபட்டு வருகிறேன்.

இந்தப் பணியில் உள்ளூரைச் சேர்ந்த 100 பேர் வேலை செய்கிறார்கள்’’ என்று மகிழ்ச்சியுடன் சொல்கிறார் சக்திவேல். சக்திவேல் நடத்தும் நர்சரியில் ஆண்டுக்கு ஒரு கோடி சவுக்கு கன்றுகளை விற்பனை செய்கிறார்கள். தமிழகத்தில் கன்று ரூ. 3-க்கும், வெளிமாநிலங்களில்

ரூ.4-க்கு வழங்குகிறார்கள்.

“ஏக்கருக்கு 3 ஆயிரம் கன்றுகள் நடவுச் செய்யலாம். ரூ. 20 லட்சம் முதலீட்டில் இந்தத் தொழிலைத் தொடங்கி 100 பேருக்கு வேலைவாய்ப்பு வழங்கி வருவது மகிழ்ச்சி அளிக்கிறது.

எனினும், தமிழக விவசாயிகளை விட ஆந்திர மாநில விவசாயிகள் இது குறித்து நன்கு தெரிந்து வைத்திருக் கிறார்கள்.

ஆந்திராவுக்கு நிறைய சவுக்கு மரக்கன்றுகளை ஏற்றுமதி செய்கிறோம். வெளிநாடுகளுக்கும் ஏற்றுமதி செய்கிறோம். எனவே, விவசாயத்தில் ஆர்வமுள்ள இளைஞர்கள் இத்தொழிலில் தாராளமாக ஈடுபடலாம்.

சவுக்கு வளர்ப்புத் தொழில்நுட்பம் தொடர்பாக கோவையில் பயிற்சியளிக்கப் படுகிறது. பயிற்சியைப் பெற்று நவீன தொழில்நுட்பத்துடன் விவசாயம் மேற் கொள்ளலாம்‘ என்கிறார் சக்திவேல்.


சிவில் சர்வீஸ் தேர்வுகளிலும் குரூப் 1 தேர்வுகளிலும் மட்டுமே நடந்துவந்த முதனிலைத் தேர்வுகள் இப்போது குரூப் 2 தேர்வுகளுக்கும்கூட நடத்தப்படுகின்றன. நிர்வாகத் துறைப் பணிகளுக்கான தேர்வுகளைப் போலவே நீதிப் பணித் துறைகளுக்கான தேர்வுகளிலும் முதனிலைத் தேர்வுகள் நடத்தப்பட இருக்கின்றன.

மாவட்ட நீதிபதிகள், நீதித் துறை நடுவர்கள், அரசு உதவி வழக்குரைஞர் பணியிடங்களுக்கான தேர்வுகளில் முதனிலைத் தேர்வு, எழுத்துத் தேர்வு, நேர்முகத் தேர்வு என்ற முறை விரைவில் அறிமுகம் செய்யப்படலாம் என்று எதிர்பார்க்கப்படுகிறது. நீதி பணித்துறைத் தேர்வுகள் இன்னும் அறிவிக்கப்படாத நிலையிலும், அத்தேர்வுகளுக்குச் சிறப்புப் பயிற்சி அளிக்கும் மய்யங்கள் முதனிலைத் தேர்வுகளை எதிர்கொள்வது எப்படி என்பதில் கவனம் செலுத்த ஆரம்பித்திருக்கின்றன.

நான்கு தாள்கள்

இதற்கு முன்பு அரசு உதவி வழக்கறிஞர் பணிகளுக்கு எழுத்துத் தேர்வு, நேர்முகத் தேர்வு மட்டுமே நடத்தப்பட்டன. எழுத்துத் தேர்வில் நான்கு தாள்களை எழுத வேண்டியி ருந்தது. முதல் தாளில் குற்ற அறிக்கை உள்ளிட்ட ஆவணங் களை எழுதுதல், ஆவணங்களைத் தமிழில் இருந்து ஆங்கி லத்துக்கும் ஆங்கிலத்தில் இருந்து தமிழுக்கும் மொழி பெயர்த்தல் ஆகிய திறன்கள் சோதிக்கப்பட்டன.

இரண்டாம் தாளானது, இந்திய சாட்சியச் சட்டம் மற்றும் குற்றவியல், உரிமையியல் நீதிமன்ற நடவடிக்கைகள் பற்றியதாக அமைந்திருந்தது. மூன்றாம் தாள், இந்திய அரசியல் சட்டம் மற்றும் மனித உரிமைகள் சட்டத்தைப் பற்றியது. நான்காம் தாள், மத்திய-மாநில அரசுகள் இயற்றிய சிறப்புச் சட்டங்களைப் பற்றியதாக இருந்தது. நான்காம் தாளுக்காக மட்டுமே, ஏறக்குறைய 50 சட்டங்களைப் பற்றிய அறிமுகம் அவசியமாக இருந்தது. ஏறக்குறைய இதே முறையில் தான் நீதித் துறைப் பணிகளுக்கான தேர்வுத் தாள்களும் அமைந்திருந்தன.

கைகொடுக்குமா பழைய முறை?

இதற்கு முன் நடத்தப்பட்டுவந்த தேர்வுகள், பெரிதும் நீதிமன்ற நடைமுறைகளின் அடிப்படையிலேயே அமைந் திருந்தன. எனவே, வழக்குரைஞராகப் பணியாற்றிக் கொண்டே நீதித் துறைத் தேர்வுகளை எழுதுவது எளிதாக இருந்தது. இளம் வழக்குரைஞர்கள், மூத்த வழக்குரைஞர்களின் வழி காட்டுத லோடு, தேர்வுகளை எளிதில் அணுக முடிந்தது.

புதிய முறையில், முதனிலைத் தேர்வு சரியான பதிலைத் தேர்ந்தெடுக்கும் கொள்குறி (அப்ஜெக்டிவ்) முறையில் அமைந்திருக்கும். சட்டவியல், ஒப்பந்தச் சட்டம், தீங்கியல் சட்டம் என அடிப்படைச் சட்டக் கோட்பாடுகளை மய்யமாகக் கொண்டிருக்கும். இவை அனைத்துமே சட்டப் படிப்பின்போது பாடங்களாகப் படித்தவைதாம். என்றாலும், வழக்குரைஞராகப் பணியாற்றும் போது குறிப்பிட்ட சில சட்டங்களுக்கே முதன்மை கவனம் கொடுப்பதால், தேர்வுக்காகப் பழைய பாடங்களை மீண்டும் நினைவில் கொள்வது அவசியம். சட்டப் படிப்பில் படித்த பாடங்களை கொள்குறி (அப்ஜெக்டிவ்) முறையிலான தேர்வில் எதிர் கொள்வது எப்படி என்பதுதான் இப்போது உள்ள சவால். முதனிலைத் தேர்வில் எத்தனை கேள்விகள், எந்தப் பாடத் துக்கு முக்கியத்துவம் கொடுக்கப் படுகிறது, வினாக்கள் சட்டப்பிரிவுகளின் அடிப்படையில் அமைந்திருக்குமா, முக்கிய தீர்ப்புகளைப் பற்றியும் கேட்கப்படுமா? அடிப் படையான சட்டக் கோட்பாடுகள் கேள்விகளாக வருமா? இப்படி ஏகப்பட்ட கேள்விகளும் எதிர்பார்ப்புகளும் இருக் கின்றன. முதலாவதாக நடத்தப்படப்போகும் முதனிலைத் தேர்வுக்குப் பிறகுதான் இந்தக் கேள்விகளுக்கு எல்லாம் பதில் கிடைக்கும்.

ஆனால், அதற்கு முன்பே முதனிலைத் தேர்வு எந்த வகையில் அமைந்திருந்தாலும் அதை எதிர் கொள்வதற்கு வருங்கால நீதிபதிகள் தயாராகிவிட வேண்டும்.

நிலக்கரி நிறுவனத்தில்
காலிப் பணியிடங்கள்

நெய்வேலியில் உள்ள லிக்னைட் கார்ப்பரேசன் லிமிடெட் எரிசக்தி துறையில் புகழ் பெற்றது. பொதுத்துறை நிறுவனமான இது டெக்னீசியன் மற்றும் கிராஜூவேட் என்ற இரண்டு பிரிவுகளில் அப்ரென்டிஸ்சிப் பயிற்சிக்கு விண்ணப்பங்களை வரவேற்கிறது. காலியிடங்கள்: டெக்னீசியன் அப்ரென்டிஸ்சிப் பிரிவில் 250 காலியிடங்களும், கிராஜூவேட் அப்ரென்டிஸ்சிப் பிரிவில் 120 காலியிடங்களும் உள்ளன.

கல்வித் தகுதி: மூன்று வருட இன்ஜினியரிங் டிப்ளமோ அல்லது பட்டப் படிப்பை முடித்தவர்கள் இதற்கு விண்ணப்பிக்கலாம். விண்ணப் பிக்கும் முறை: ஆன்லைன் முறையில் : www.nlcindia.com/new_website/careers/GAT-TAT%20ADVERTISEMENT.pdf  

ரயில்வேயில் காலிப்பணியிடங்கள்


ரயில்வேயின் கிளை நிறுவனமான இர்கான், ரயில்வே தொடர்புடைய கட்டுமானப் பணிகளைச் செய்து வருகிறது. இதன் கிளைகள் வங்கதேசம், இலங்கை உள்ளிட்ட நாடுகளிலும் உள்ளது.

இங்கு துணைப் பொறியாளர் / இளநிலைப் பொறியாளர் பணியிடங்களுக்கு விண்ணப்பங்கள் வரவேற்கப்படுகின்றன.

காலியிட விபரம் : ஏ.இ., - எலக்ட்ரிக்கலில் 15ம், ஜூனியர் இன்ஜினியர் - எலக்ட்ரிக்கலில் 20ம், எஸ்.அண்டு டி., சார்ந்த ஏ.இ.,யில் 5ம், ஜே.இ.,யில் 10ம், எஸ்.அண்டு டி., டிசைன் சார்ந்த ஜே.இ.,யில் 2ம் காலியிடங்கள் உள்ளன.

வயது : அனைத்து பதவிகளுக்கும் அதிகபட்ச வயது 30.

கல்வித் தகுதி : ஒவ்வொரு பிரிவுக்கும் கல்வித்தகுதி மாறுபடுகிறது. முழுமையான விபரங்களுக்கு இணைய தளத்தை பார்க்கவும்.

தேர்ச்சி முறை : எழுத்துத் தேர்வு மற்றும் நேர்காணல் என்ற முறைகளில் தேர்ச்சி இருக்கும்.

விண்ணப்பக் கட்டணம் 1000 ரூபாய். கடைசி நாள் : 2018 ஜன., 5. விபரங்களுக்கு :  www.ircon.org

வங்கியில் உதவியாளர்
பணியிடங்கள்

தனியார் துறை வங்கி யான சவுத் இந்தியன் வங்கிக்கு நாடு முழுவதும் கிளைகள் உள்ளன. இவ்வங்கியில் காலியாக உள்ள 468 இடங்களுக்கு அறிவிப்பு வெளியிடப்பட் டுள்ளது.

காலியிட விபரம்: கேர ளாவில் 340ம், தமிழகத்தில் 68ம், ஆந்திரா மற்றும் தெலுங்கானாவில் 35ம், டில்லியில் 25ம் என மொத்தம் 468 காலியிடங்கள் உள்ளன.

வயது : 2017 டிச., 31 அடிப்படையில் 26 வயதுக்கு உட்பட்டவர்கள் விண்ணப் பிக்கலாம்.

கல்வித் தகுதி: குறைந்தபட்சம் 60 சதவீத மதிப்பெண்ணுடன் ஏதாவது ஒரு பிரிவில் பட்டப்படிப்பை முடித்திருக்க வேண்டும். தேர்ச்சி முறை: எழுத்துத் தேர்வு, நேர்காணல் அடிப்படை யில் தேர்ச்சி இருக்கும்.

விண்ணப்பிக்கும் முறை: ஆன்லைன் முறையில் விண்ணப்பிக்க வேண்டும்.

கட்டணம் : 600 ரூபாய். கடைசி நாள்: 2017 டிச. 30.

விபரங்களுக்கு: www.southindianbank.com

அய்.டி.அய்., படித்தவர்களுக்கு பணியிடங்கள்

எலக்ட்ரானிக்ஸ் துறை சார்ந்த வடிவங்களை உருவாக்குதல், உற்பத்தி, மேம்படுத்துதல், மற்றும் வணிகப் படுத்துதல் தொடர்புடையதுதான் எலக்ட்ரானிக்ஸ் கார்ப்பரேசன் ஆப் இந்தியா நிறுவனம்.

இது 1967இல் நிறுவப்பட்டது. இங்கு டிரேட்ஸ்மேன் பணிக்கு அறிவிப்பு வெளியிடப் பட்டுள்ளது.

வயது : 2017 நவ., 30 அடிப்படையில் விண்ணப்பதாரர்கள் 28 வயதுக்குள் இருக்க வேண்டும்.

கல்வித் தகுதி : பத்தாம் வகுப்புக்குப் பின், என்.சி.வி.டி., அங்கீகாரம் பெற்ற அய்.டி.அய்., படிப்பை தொடர்புடைய பிரிவில் முடித்திருக்க வேண்டும்.

தேர்ச்சி முறை : எழுத்துத் தேர்வு, டிரேடு டெஸ்ட், நேர்காணல் என்ற முறைகளில் தேர்ச்சி இருக்கும்.

விண்ணப்பிக்கும் முறை : விண் ணப்பங்களை ஆன்லைன் முறையில் சமர்ப்பிக்க வேண்டும். கட்டணம் ரூ. 500. கடைசி நாள் : 2018 ஜனவரி 5,

விபரங்களுக்கு :

Banner
Banner