இளைஞர்

சமீபகாலமாகப் பொறியியல், மருத்துவப் படிப்புக்கு எதிரான குரல் வலுத்துள்ளது. காரணம் அங்குமிங்கும் கண்டபடி முளைத்திருக்கும் தனியார் பொறியியல் மற்றும் மருத்துவக் கல்லூரிகள். ஆனால் மாணவர்களின் மதிப் பெண்ணுக்கும் திறமைக்கும் மதிப்பளித்துக் கல்வி அளிக்கும் அரசுக் கல்லூரிகள் எப்போதுமே மங்காத புகழோடுதான் இருக்கின்றன. உலகத் தரவரிசைப் பட்டியலில் இடம்பெற்று அவற்றின் தரத் தையும் நிரூபித்து வருகின் றன. அதனால் அங்கு படிக்கும் மாணவர்களுக்கு எதிர்காலம் பிரகாசமாக உள்ளது.

இந்நிலையில் தமிழ்நாடு மாநிலக் கல்வியியல் ஆராய்ச்சி மற்றும் பயிற்சி நிறுவனம் தயாரித்து, தமிழ்நாடு பள்ளிக் கல்வி இயக்கம் வெளியிட்டுள்ள பிளஸ் 2 மாணவர்களுக்கான வழிகாட்டி கையேடு கவனம்பெறுகிறது. இதில், பிளஸ் 2 முடித்த மாணவர்கள் அறிந்துகொள்ள வேண்டிய பட்டம், பட்டயம், சான்றிதழ் படிப்புகள், தொழில் பயிற்சிகள், கல்வி உதவித் தொகை விவரங்கள், அரசு உதவிகள் என ஏராளமான தகவல்கள் அடங்கியுள்ளன. முதல் கட்டமாக அதில் குறிப்பிடப்பட்டிருக்கும் பொறியியல், மருத்துவம் படிப்புகள் தொடர்பான தகவல்களை இங்கு காண்போம்.

பொறியியல் பட்டப் படிப்புகள்

அகில இந்திய அளவில் பி.இ., பி.டெக்., படிக்க விரும்பும் மாணவர்களின் முதன்மை விருப்பம், அய்.அய்.டி., என்.அய்.டி. நிறுவனங்களில் சேர்ந்து படிப்பதாகவே உள்ளது. சென்னை, மும்பை, டெல்லி, குவாஹாட்டி, கான்பூர், கரக்பூர், ரூர்கி, வாரணாசி, தன்பாத் உள்ளிட்ட இடங்களில் அமைந்திருக்கும் இந்தியன் இன்ஸ்டிடியூட் ஆஃப் டெக்னாலஜி நிறுவனங்களில் 4 ஆண்டு பி.டெக் பயிற்றுவிக்கப்படுகிறது.

இதே போல மண்டலம் வாரியாக அமைந்திருக்கும் நேஷனல் இன்ஸ்டிடியூட் ஆஃப் டெக்னாலஜி என்னும் என்.அய்.டி. நிறுவனங்கள் வாயிலாகவும் சிறப்பான பி.டெக்., கல்வியைப் பெறலாம். இதன் தொடர்ச்சியாக எம்.டெக்., பயிலவும் இதே நிறுவனங்கள் வழி செய்யும். ஜெ.இ.இ. முதன்மை நுழைவுத் தேர்வு வாயிலாக என்.அய்.டி. நிறுவனங்களிலும், ஜெ.இ.இ. அட்வான்ஸ்டு நுழைவுத் தேர்வு வாயிலாக அய்.அய்.டி. நிறுவனங்களிலும் சேர்க்கை அனுமதி பரிசீலிக்கப்படுகிறது. பிளஸ் 2-வில் கணிதம், இயற்பியல், வேதியியல் பாடங்களை அடிப்படையாகக் கொண்டவர்கள் இந்த நுழைவுத் தேர்வுகளில் பங்கேற்கலாம்.

அய்.அய்.டி., என்.அய்.டி. நிறுவனங்கள் வரிசையில், பிர்லா இன்ஸ்டிடியூட் ஆஃப் டெக்னாலஜி அண்டு சயின்ஸ் நிறுவனத்தில் (http://www.bits-pilani.ac.in/)  பி.இ., ஹானர்ஸ், இந்தியன் இன்ஸ்டிடியூட் ஆஃப் ஸ்பேஸ் சயின்ஸ் அண்டு டெக்னாலஜி நிறுவனத்தில் (https://www.iist.ac.in/)  பி.டெக்., ஆகிய பொறியியல் படிப்புகளில் சேரப் பிரத்யேக நுழைவுத் தேர்வு எழுத வேண்டும்.
நுழைவுத் தேர்வு இல்லை

தேசிய அளவிலான அய்.அய்.டி., என்.அய்.டி. நிறுவனங் களுக்கு அடுத்த படியாக பொறியியல் கல்வி பெற விரும்பும் மாணவர்களின் விருப்பம் தமிழகத்தில் அண்ணா பல்கலைக் கழகம் அல்லது அங்கீகாரம் பெற்ற பொறியியல் கல்லூரிகளில் பி.இ., பி.டெக்., பயில்வதாக அமைகிறது.

தற்போதுவரை இக்கல்லூரிகளுக் கான சேர்க்கை முறை நுழைவுத் தேர்வு இன்றி, மதிப்பெண் அடிப்படையிலான மாநிலக் கலந்தாய்வு முறையாகவே நடத்தப்பட்டுவருகிறது. இந்த வகையில் தமிழகத்தின் 537 சுயநிதி கல்லூரிகள் உட்பட, பல்வேறு அரசு மற்றும் அரசு உதவி பெறும் கல்லூரிகளில் சேரலாம். கணிதம், இயற்பியல், வேதியியல் பாடங்களை அடிப் படையாகக் கொண்டவர்கள் மட்டுமன்றி, வொகேஷனல் பாடப் பிரிவு மாணவர்களும் பொறியியல் உயர்கல்வி பெற முடியும்.

நேரடி பொறியியல் பட்டயப் படிப்புகள்

பிளஸ் 2 முடித்தவர்கள் 2 ஆண்டு பாலிடெக்னிக் பட்டயக் கல்வி பெற்று, அதன் அடிப்படையிலும் நேரடியாக 2-ம் ஆண்டு பொறியியல் கல்லூரியில் சேரலாம். பிளஸ் 2வில் கணிதம், இயற்பியல், வேதியியல் பாடங்களை அடிப்படை யாகக் கொண்டு பயின்றவர்களும் வொகேஷனல் பாடப் பிரிவு மாணவர்களும் பாலிடெக்னிக்கில் விண்ணப்பிக்கலாம்.

அந்தந்தக் கல்லூரிகளில் மதிப்பெண் அடிப்படையிலான கலந்தாய்வின் மூலம் சேர்க்கை நடைபெறுகிறது. பிளஸ் 2 அல்லது டிப்ளமோ முடித்தவர்கள், பி.இ., பி.டெக்., படிப்பு களுக்கு இணை யான  பொறியியல் கல்வித் தகுதியைப் பெறலாம். 6 ஆண்டுகள் தொலை தூரக் கல்வியாக இதனைப் பெற முடியும். வேலைபார்த்துக்கொண்டே படிப்பவர் களுக்கு இது சிறப்பான வாய்ப்பாகும்.

மருத்துவமும் அது சார்ந்த படிப்புகளும்

மருத்துவம் என்றதுமே அனைவரின் கவனத்தையும் பெறுவது எம்.பி.பி.எஸ். பட்டப் படிப்பாகும். பிளஸ் 2வில் இயற்பியல், வேதியியலுடன் கணிதம், உயிரியியல் அல்லது தாவரவியல், விலங்கியல் பாடங்களை அடிப்படையாகக் கொண்டு பயின்றவர்கள், அய்ந்தரை ஆண்டு எம்.பி.பி.எஸ். படிப்பில் சேரலாம்.

மத்திய அரசு மருத்துவக் கல்லூரிகளில் சேர நீட் நுழைவுத் தேர்வினை எழுத வேண்டும். மாநில அரசு மருத்துவக் கல்லூரிகளின் சேர்க்கையானது தற்போது வரை, மருத்துவக் கல்வி இயக்கத்தால் நடத்தப்படும் மாநில அளவிலான கலந்தாய்வு மூலமாக மதிப்பெண் அடிப்படையில் நடைபெற்று வருகிறது.

தமிழகத்திலுள்ள அரசு மருத்துவக் கல்லூரிகளின் மொத்த இடங்களில் 15 சதவீதம் நீட் நுழைவுத் தேர்வில் தேர்ச்சி பெற்றவர்களுக்கு ஒதுக்கப்படுகிறது. தமிழகத்தில் 21 அரசு, 26 தனியார் மருத்துவக் கல்லூரிகள் செயல்படுகின்றன. இதே போன்று தமிழகத்தில் செயல்படும் ஒரு அரசுக் கல்லூரி உட்பட 25 தனியார் பல் மருத்துவக் கல்லூரிகளில் சேர்ந்து 5 ஆண்டு பி.டி.எஸ். மருத்துவப் பட்டத்தைப் பெறலாம்.

பிற மருத்துவப் படிப்புகள்

ஆங்கில மருத்துவப் படிப்புக்கு இணையாக சித்தா, ஆயுர்வேதம், ஹோமியோபதி, யுனானி, யோகா, நேச்சுரோபதி ஆகிய மாற்று மருத்துவப் படிப்புகளும் வரவேற்பு பெற்று வரு கின்றன.

இந்த அய்ந்தரை ஆண்டுக்கால மருத்துவப் படிப்புகளில் சேர மத்திய அரசுக் கல்லூரிகள் நடத்தும் அகில இந்திய அள விலான பிரத்யேக நுழைவுத் தேர்வுகளை எழுத வேண்டும்.

மாநில அரசு கல்லூரிகளின் சேர்க்கை இந்திய மருத்துவ இயக்ககம் நடத்தும் மாநிலக் கலந்தாய்வின் வாயிலாக இறுதி செய்யப்படுகிறது.

கால்நடை மருத்துவப் படிப்புகள்

மருத்துவப் படிப்புகளில் அடுத்த வாய்ப்பாகக் கால்நடை மருத்துவப் படிப்பில் சேர மாணவர்கள் ஆர்வம் காட்டுவார்கள். 5 ஆண்டு பி.வி.எஸ்.சி., பயில, தேசிய அளவில் அனைத் திந்தியப் ப்ரி-வெட்ரினரி டெஸ்ட் என்ற நுழைவுத் தேர்வு அடிப்படையிலும் மாநில அளவில் பொதுக் கலந்தாய்வு அடிப்படையிலும் தகுதியானவர்கள் தேர்வு செய்யப்படுகின்றனர்.

செவிலியர் படிப்புகள்

மருத்துவப் படிப்புகளுக்கு அடிப்படையான பிளஸ் 2 பாடப் பிரிவுகளில் பயின்றவர்கள், செவிலியர் பட்டம், பட்டயம் பயிலவும் தகுதி பெறுகிறார்கள். 4 வருடப் பி.எஸ்சி., நர்சிங் பட்டப் படிப்புகளின் சேர்க்கையானது, மத்திய அரசு செவிலியர் கல்லூரிகளில் பிரத்யேகத் தேர்வுகள் வாயிலாகவும், தமிழகத்தில் மருத்துவக் கல்வி இயக்கத்தின் மாநிலக் கலந்தாய்வு வாயிலாகவும் நடைபெறுகிறது.

இந்திய ரிசர்வ் வங்கிப் பணி

வங்கிகளின் வங்கி என அழைக்கப் படுவது இந்திய ரிசர்வ் வங்கி. இது இந்தியாவில் உள்ள அனைத்து அரசு, தனியார் வங்கிகளையும் கட்டுப்படுத்தும் மைய வங்கியாக செயல்பட்டுவருகிறது. ரிசர்வ் வங்கிக்குத் தேவைப்படும் பணி யாளர்களும், அதிகாரிகளும் அவ் வங்கியின் தனி தேர்வு வாரியத்தின் மூலமாக போட்டித்தேர்வு வைத்து தேர்வு செய்யப்படுகிறார்கள். அந்த வகையில், தற்போது, குருப் பி அதிகாரி பதவியில் 145 காலியிடங்களை நேரடி நியமனம் மூலம் நிரப்ப ரிசர்வ் வங்கி அறிவிப்பு வெளியிட்டுள்ளது.

தேவையான தகுதி

இப்பணிக்குப் பட்டதாரிகள் விண்ணப்பிக்கலாம். எஸ்.எஸ்.எல்.சி., பிளஸ் 2, பட்டப் படிப்பு ஆகிய மூன்றிலும் குறைந்தபட்சம் 60 சதவீத மதிப்பெண் பெற் றிருக்க வேண்டும். எஸ்.சி., எஸ்.டி. வகுப்பினர், மாற்றுத் திறனாளிகளாக இருந்தால் 50 சதவீத மதிப்பெண் போது மானது. வயது 21 முதல் 30-க் குள் இருக்க வேண்டும். எம்.ஃபில். பட்டதாரிகளாக இருப்பின் 32 வயது வரையும், பி.எச்டி. பட்டதாரிகளாக இருந்தால் 34 வயது வரையும் இருக்கலாம். மத்திய அரசின் இடஒதுக்கீட்டு விதிமுறை களின்படி, எஸ்.சி., எஸ்.டி. வகுப்பினருக்குக் கூடுதலாக 5 ஆண்டுகளும், ஓ.பி.சி. வகுப்பினருக்கு 3 ஆண்டுகளும், மாற்றுத் திறனாளிகளுக்கு 10 ஆண்டுகளும் வயது வரம்பில் தளர்வு அளிக்கப்படும்.

தேர்வு முறை:  எழுத்துத் தேர்வு, நேர்முகத் தேர்வு அடிப்படையில் தகுதியான நபர்கள் குரூப்-பி அதிகாரி பணிக்கு தேர்வுசெய்யப்படுவர். முதல்கட்ட தேர்வில் தேர்ச்சி பெறுபவர்கள் 2ஆவது கட்ட ஆன்லைன் தேர்வுக்கு அனுமதிக்கப்படுவர்.

இதில், மொத்தம் 3 தாள்கள். முதலாவது தாளில் பொருளாதாரம் மற்றும் சமூகப் பிரச்சினைகள் தொடர்பான கேள்விகளுக்கு அப்ஜெக்டிவ் முறையில் விடையளிக்க வேண்டும். 2ஆவது தாள் ஆங்கில அறிவை சோதிக்கும் வண்ணம் அமைந்திருக்கும். இதற்கு ஆன்லைனில் விரிவாக விடையளிக்க வேண்டும். 3ஆவது தாளில் நிதி மற்றும் மேலாண்மை அல்லது பொருளாதாரம் அல்லது புள்ளியியல்-இவற்றில் ஏதேனும் ஒன்றைத் தேர்வு செய்ய வேண்டும். அதில் அப்ஜெக்டிவ் முறையில் கேட்கப்படும் கேள்விகளுக்கு பதிலளிக்க வேண்டும்.

இறுதியாக நேர்முகத் தேர்வு நடத்தப்படும். முதல் கட்ட ஆன்லைன் தேர்வு ஜுன் 17ஆம் தேதியும், 2ஆவது  கட்ட தேர்வு ஜூலை 6 அல்லது 7ஆம் தேதியும் நடைபெற உள்ளது.  மேலும் விவரங்களுக்கு:www.rbi.org.in

பேராசிரியருக்கு தமிழ்ச் செம்மல் விருது

சிதம்பரம் அண்ணாமலைப் பல்கலைக்கழக தமிழ் துறைத் தலைவர் அரங்க பாரிக்கு தமிழக அரசு செவ்வாய்க்கிழமை தமிழ்ச்செம்மல் விருது வழங்கி சிறப்பித்துள்ளது.

இவர் இலக்கியம், இலக்கணம், கவிதை, கட்டுரை என தமிழின் அனைத்துத் தளங்களிலும், குறிப்பாக பாரதிதாசன் படைப்புகள் குறித்து ஆழ்ந்து ஆய்வு செய்தவர். எழுத்தாற்றலும், பேச்சாற்றலும் மிக்கவர். பாவேந்தரின் பாவிருந்து, திருக்குறளில் திருப்புமுனை, மலைதந்த முத்து, கண்ணீர் கண்ணீர், காதல் நேரம் உள்ளிட்ட 11 நூல்களை எழுதியுள்ளார்.

இவரது இரண்டு நூல்கள் மனோன்மணியம் சுந்தரனார் பல்கலைக்கழகத்திலும், அண்ணாமலைப் பல்கலைக்கழகத்திலும் பாடநூலாக உள்ளன. 80 நூல்களின் தொகுப்பாசிரியர்.

அண்ணாமலைப் பல்கலைக்கழகத்தில் கடந்த 5-6-2015 அன்று ஒரே நாளில் ஒரே மேடையில் 351 தமிழறிஞர்களின் வாழ்க்கை வரலாற்று நூல்களைப் பதிப்பித்து வெளியிட்டும், 12-9-2016 அன்று 430 கவிஞர்கள்-பாடலாசிரியர்களின் வாழ்க்கை வரலாற்றைப் பதிப்பித்து வெளியிட்டும் உலக சாதனை நிகழ்த்தியவர்.

இதுவரை, 20 தேசிய பன்னாட்டுக் கருத்தரங்குகளை நடத்தியதோடு, 90 ஆய்வுக் கட்டுரைகளையும் எழுதியுள்ளார். விரிவுரையாளர், இணைப் பேராசிரியர், பேராசிரியர் என பல்வேறு பணிநிலைகளில் 18 ஆண்டுகள் கற்பித்தல் பணியிலும், ஆய்வுப் பணியிலும் ஈடுபட்டுள்ளார்.

இவரது வழிகாட்டுதலில் 15 பேர் முனைவர் பட்டமும், 67 பேர் இளமுனைவர் பட்டமும் பெற்றுள்ளனர்.

2016-ஆம் ஆண்டு பாவேந்தர் பாரதிதாசன் 125-ஆவது பிறந்தநாள் நிறைவை முன்னிட்டு 125 தமிழறிஞர்களிடமிருந்து கட்டுரைகளைப் பெற்று, ‘பாவேந்தர் 125’ என்ற ஆய்வுக் கோவையைப் பதிப்பித்து வெளியிட்டவர். மேலும், இதே ஆண்டில் வ.சுப.மாணிக்கனார் நூற்றாண்டு விழாவையும், பேராசிரியர் க.வெள்ளைவாரணனார் நூற்றாண்டு விழாவையும் நடத்தி கருத்தரங்க ஆய்வுக்கோவைகளை வெளியிட்டவர்.

மலேசியா, சிங்கப்பூர், அபுதாபி ஆகிய நாடுகளில் நடைபெற்ற கருத்தரங்குகளில் பங்கேற்றுள்ளார். நல்லாசிரியர் விருது, கருத்தரங்கச் செம்மல் விருது, சிறந்த தமிழறிஞர் விருது எனப் பல்வேறு விருதுகளைப் பெற்றுள்ளார்.

மேலும், குடியரசுத் தலைவரின் இளம் அறிஞர் விருதையும் ஒரு லட்சம் ரூபாய் பண முடிப்பையும் பெற்றவர் என்பது குறிப்பிடத்தக்கது.


வாசிப்பின் சிறகுகள்

வெறும் காகிதங்களும், அச்சிடப்பட்ட எழுத்து களும் நிறைந்து மட்டுமல்ல புத்தகங்கள். ஒருவர் தான் என்னவாக விரும்புகிறாரோ அவ்வாறாகவே அவரை மாற்றும் வல்லமை படைத்தவை அவை.

உலக யுத்தங்களால் ஏற்பட்ட வலிகளையும், வேதனைகளையும் உணர்த்தும் சக்தி அவற்றுக்கு உண்டு. அதேபோல அழகிய நகரங்களையும் புத்த கத்தின் வரிகளின் மூலம் ஒருவரால் ரசிக்க முடியும். இத்தகைய புத்தகங்களின் மதிப்பை உயர்த்தும் விதமாக ஒவ்வொரு ஆண்டும் ஏப்ரல் 23ஆம் தேதி உலகப் புத்தகம் தினம் கொண்டாடப்பட்டு வருகிறது.

இந்நாளின் முக்கியத்துவத்தையொட்டி இந்திய மாணவர் சங்கமும் (எஸ்.எஃப்.அய்) அய்.அய்.டி. மாணவர்களும் ஒன்றிணைத்து “சிறகுகள் விரிப் போம்” என்ற தலைப்பில் நிகழ்ச்சி நடத்தினர். நடிகை ரோகிணி நிகழ்ச்சியைத் தொடங்கிவைத்தார். உலகப் புத்தக தினத்தன்று சைதாப்பேட்டை சூர்யா நகரில் உள்ள ஏழை மாணவர்களுக்கு இலவசமாகப் புத்தகங்கள் வழங்கப்பட்டன.

இதற்காகப் பல்வேறு தரப்பினரிடமிருந்து கடந்த ஒரு மாதமாக ஆயிரத்துக்கும் மேற்பட்ட புத்த கங்களைச் சேகரித்துள்ளனர்.

ஒவ்வொரு மாணவருக்கும் அவர்களுக்கு தேவைப்படும் பாடப் புத்தகம், அகராதி, சிறுகதை தொகுப்பும், தலைவர்கள் குறித்த வரலாற்றுப் புத்தகம், அறிவியல் புத்தகம் ஆகிய புத்தகங்களின் தொகுப்பு வழங்கப்பட்டது.

பாடப் புத்தகங்களைத் தாண்டி...

மாணவர்கள் அமைப்பு என்றால் போராட்டம் மட்டும் செய்வார்கள் என்ற நினைப்புதான் மக்கள் மத்தியில் உள்ளது. ஆனால் எங்கள் சங்கம் சார்பில் பல ஆண்டுகளாகவே மாணவர்களுக்குப் புத்த கங்கள் கொடுப்பது, நடப்பு விஷயங்கள் குறித்து விவாதிக்க வாசகர் வட்டம் நடத்துவது என தொடர்ச்சியாக பல ஆக்கபூர்வமான நிகழ்ச்சிகளில் ஈடுபட்டு வருகிறோம். பாடப் புத்தகங்களைத் தாண்டி மாணவர்கள் கற்றுக்கொள்ள வேண்டிய விஷயங்கள் நிறைய உள்ளன. அதற்காகக் கிட்டத்தட்ட ஆயிரம் புத்தகங்களை பல்வேறு தரப்பினரிடமிருந்து பெற்றுள்ளோம்.

பள்ளி மற்றும் கல்லூரி மாணவர்களுக்கு ஏற்ற மாதிரி புத்தகங்களைப் பிரித்து வழங்குகிறோம் என்றார் இந்திய மாணவர் சங்க தென் சென்னை மாவட்டச் செயலாளர் நிருபன்.

அய்.அய்.டி.க்கு அருகில் உள்ள சூர்யா நகரில் உள்ள பள்ளி, கல்லூரி மாணவர்களில் சிலர் தங்களுக்குத் தேவையான பாடப் புத்தகங்களை வாங்க முடியாத பொருளாதாரச் சூழலில் உள்ளனர். அவர்களுக்கு ஏதாவது செய்ய வேண்டும் என யோசித்தபோதுதான் மற்றவர்களிடம் இருந்து புத்தகங்களைப் பெற்று அவர்களுக்குக் கொடுக் கலாம் என முடிவெடுத்தோம்.

இந்த முயற்சியில் நானும் என் நண்பர்களும் மாணவர் சங்கத்துடன் இணைந்து வெற்றிகரமாக நடத்தி இருக்கிறோம். இந்தப் பகுதியில் ஒரு சிறிய நூலகமும் விரைவில் அமைக்கத் திட்டமிட்டுள் ளோம் என்கிறார் அய்.அய்.டி.யில் முனை வர் பட்ட மாணவரான உம்மன். பாடப் புத்தகங்களைத் தாண்டிப் பல விதமானப் புத்தகங்களைப் படிப்பதன் மூலம் இளைஞர்களின் உலகம் விரிவடையும். தங்களுடைய இலக்கைக் கண்டடைந்து அடுத்த கட்டத்துக்கு செல்லவும் பார்வையை விசாலப் படுத்தும்.  அத்தகைய வாசிப்பை வசப்படுத்த வேண் டும் என்ற நோக்கத்துடன் மாணவர்களுக்காக மாண வர்களே எடுத்த இந்த முயற்சி கல்வியாளர்கள் பலரால் பாராட்டப்பட்டு வருகிறது.


விண்ணப்பித்து விட்டீர்களா?
அஞ்சல் துறையில் வேலை

நிறுவனம்: கர்நாடகா போஸ்டல் சர்க்கிள் கல்வித் தகுதி: பத்தாம் வகுப்பு வேலை: கிராமின் டாக் சேவாக்ஸ், காலியிடங்கள்: 1048, கல்வித் தகுதி: பத்தாம் வகுப்பு அல்லது அதற்கு ஈடான படிப்பு வயது வரம்பு: 18 முதல் 40 வயது வரை உள்ளவர்கள் விண்ணப்பிக்கலாம். விண்ணப்பிக்க கடைசித் தேதி: 8-.5-.2017 மேலும் விவரங்களுக்கு www.appost.in/gdsonline/reference.aspx

தேசிய கல்வி ஆராய்ச்சி மற்றும் பயிற்சி கவுன்சிலில் கிளார்க் வேலை

தேசிய கல்வி ஆராய்ச்சி மற்றும் பயிற்சி கவுன்சில் நிரப்பப்பட உள்ள லேயர் டிவிஷன் கிளார்க் பணியிடங்களுக்கான சிறப்பு அறிவிப்பு வெளியிடப்பட்டுள்ளது. இதற்கு தகுதியும் விருப்பமும் உள்ளவர்களிடமிருந்து விண்ணப்பங்கள் வரவேற்கப்படுகின்றன.

பணி:   காலியிடங்கள்: 02

சம்பளம்: மாதம் ரூ.5200-20200 + தர ஊதியம் ரூ.1900.

தகுதி: +2 தேர்ச்சி அல்லது அதற்கு இணையான தகுதிகளுடன் நிமிடத்திற்கு ஆங்கிலத்தில் 35 வார்த்தைகளும், ஹிந்தியில் 30 வார்த்தைகளும் தட்டச்சு செய்யும் திறன் பெற்றிருக்க வேண்டும்.

வயதுவரம்பு: 23.03.2017 தேதியின் படி 27க்குள் இருக்க வேண்டும்.

தேர்வு செய்யப்படும் முறை: நேர்முகத் தேர்வின் அடிப்படையில் தகுதியானவர்கள் தேர்வு செய்யப்படுவார்கள்.

பூர்த்தி செய்யப்பட்ட விண்ணப்பங்களை அனுப்ப வேண்டிய  அஞ்சல் முகவரி:  The Section Officer (R-II), 2nd floor, Zakir Husain Khand, NCERT, Sri Aurobindo Marg, New Delhi-110016.

மேலும் முழுமையான விவரங்கள் அறிய http://www.ncert.nic.in/announcements/oth_announcements/pdf_files/pwd_vacancy_12_4_17.pdf என்ற லிங்கை கிளிக் செய்து தெரிந்து கொள்ளவும்.

பவர் கார்ப்பரேஷன் நிறுவனத்தில் 1500 உதவி லைன்மேன் வேலை

பஞ்சாப் அரசு பவர் கார்ப்பரேஷன் லிமிடெட் (பிஎஸ்பிசிஎல்) நிறுவனத்தில் காலியாக உள்ள 1500 உதவி லைன்மேன்
பணியிடங்களை நிரப்புவதற்கான அறிவிப்பு வெளியிடப்பட்டுள்ளது.

இதற்கு தகுதியும் பணி அனுபவமும் உள்ளவர்களிடமிருந்து விண்ணப்பங்கள் வரவேற்கப்படுகின்றன.

பணி:  மெத்த காலியிடங்கள்: 1500

வயதுவரம்பு: 39க்குள் இருக்க வேண்டும்.

சம்பளம்: மாதம் ரூ.6400 - 20200 + தர ஊதியம் ரூ.3400

தகுதி: 10 வகுப்பு தேர்ச்சி அல்லது அதற்கு இணையான தகுதியுடன் லைன்மேன் பணியில் 2 ஆண்டு அப்பரண்டீஸ் பயிற்சி முடித்திருக்க வேண்டும்.
ஆன்லைனில் விண்ணப்பிப்பதற்கான கடைசி தேதி: 18.05.2017

மேலும் விண்ணப்பிக்கும் முறை, கட்டணம், வயதுவரம்பு சலுகை பேன்ற முழுமையான விரிவான விளக்கங்கள் அறிய : https://cra289.pspcl.in/adv.pdf
என்ற அதிகாரப்பூர்வ லிங்கை கிளிக் செய்து தெரிந்துகொள்ளவும்.

பொறியியல் பட்டயப்படிப்புக்கு  அரசு நிறுவனத்தில் அதிகாரி வேலை

நிறுவனம்:     இண்டியா கவர்மென்ட் மின்ட்
(அய்தராபாத் கிளை)

வேலை:     சூப்பர்வைசர் மற்றும் ஜூனியர்
ஆஃபீஸ் அசிஸ்டென்ட் வேலை

காலியிடங்கள்: 60.

இதில் சூப்பர்வைசர் வேலையில் 9, ஜூனியர் ஆஃபிஸ் அசிஸ்டென்ட் வேலையில் 51 காலியிடங்கள் உள்ளன.

கல்வித்தகுதி: எஞ்சினியரிங் டிப்ளமோ, டிகிரி வயது வரம்பு: 18-30

தேர்வு முறை: எழுத்துத் தேர்வு

விண்ணப்பிக்க கடைசித் தேதி: 1.5.17

மேலதிக தகவல்களுக்கு:
http://www.spmcil.com/Interface/Home.aspx

பிளஸ்2 முடித்தவர்களுக்கு சி.ஆர்.பி.எஃப்-ல் வேலை!

நிறுவனம்: சென்ட்ரல் ரிசர்வ் போலீஸ் ஃபோர்ஸ்

வேலை: அசிஸ்டென்ட் சப் இன்ஸ்பெக்டர் பதவியிலான ஸ்டெனோகிராபர் வேலை

காலியிடங்கள்: 219. இதில் பொதுப்பிரிவினர் 75, ஓ.பி.சி 80, எஸ்.சி 42 மற்றும் எஸ்.டி 22 காலியிடங்கள் உள்ளன.

கல்வித்தகுதி: +2 வயது வரம்பு: 18-25

உடற்தகுதி: ஆண்களுக்கு 165 செ.மீ உயரமும், பெண்களுக்கு 155 செ.மீ உயரமும் தேவை. ஆண்களின் மார்பளவு 77 - 82 அங்குலம் இருக்கவேண்டும்.

விண்ணப்பிக்க கடைசித் தேதி: 25.4.17

மேலும் தகவல்களுக்கு:www.crpf.gov.in

மெருகேற்றும் விளையாட்டு விடுதிகள்

பி.வி.சிந்துவின் பாட்மிண்டன் தரவரிசைப் பட்டியல் முன்னேற்றமும், தொடர் வெற்றியும் உற்சாகமூட்டுகின்றன. அவரைப் போன்றே விளையாட்டில் ஆர்வமுள்ள தம் வீட்டுப் பிள்ளைகளும் ஜொலிக்க வேண்டுமென்பது பல பெற்றோரின் கனவாக இத்தருணத்தில் எழுந்து மறையும். ஆர்வமுள்ள பள்ளி மாணவ மாணவியருக்குப் படிப்போடு கூடிய விளையாட்டுப் பயிற்சி, ஊட்ட உணவு, உபகர ணங்கள் எனச் சகல வசதிகளுடன் உதவ அரசாங்கம் காத்திருக்கிறது. ஆனால் போதிய விழிப்புணர்வு இன்மையால், தமிழகத்தில் பரவலாக இயங்கும் விளையாட்டு விடுதிகள் குறித்த தெளிவு இல்லை.

தமிழ்நாடு விளையாட்டு மேம்பாட்டு ஆணையம் சார்பில் பள்ளி, கல்லூரி மாணவ மாணவியருக்கு எனப் பல்வேறு வசதிகள், பயிற்சிகள் அடங்கிய விளையாட்டு விடுதிகள் செயல்படுகின்றன. தமிழகத்தில் 28 விளையாட்டு விடுதிகள், 2 சிறப்பு விளையாட்டு விடுதிகள், 5 முதன்மை நிலை விளையாட்டு விடுதிகள் உள்ளன.

விளையாட்டில் ஆர்வமுள்ள, அடிப்படை உடல் திறனுள்ள மாணவ மாணவியருக்கு அவர்களின் கல்வி சூழலுக்குப் பங்கமின்றித் தரமான பயிற்சிகள் இங்கு அளிக்கப்படுகின்றன. விளையாட்டு நட்சத்திரங்களை உருவாக்க ஒவ்வொரு மாணவருக்கும் தனித்துவமான கவனிப்பு, தேசியச் சர்வதேசப் போட்டிகளில் பங்கேற்க வாய்ப்பு என அனைத்தும் அரசு செலவில் இங்கு அளிக்கப்படுகிறது. வசதி படைத்தவர்களுக்கு ஸ்போர்ட்ஸ் கிளப்புகளில் கிடைக்கும் வசதிகளுக்கு நிகரான வாய்ப்பும் பயிற்சியும் இங்கு அரசுப் பள்ளியில் படிக்கும் பொருளாதார வசதியற்ற, கிராமப்புற மாணவ மாணவியருக்கு வழங்கப்படுகிறது.

விளையாட்டு விடுதிகள்

தொடக்கத்தில் அந்தந்தப் பகுதியில் பிரபலமாக இருக்கும் விளையாட்டுகளில் ஒரு சிலவற்றை ஊக்கு விக்கும் பொருட்டு, மாவட்டத் தலைநகர்களில் இந்த விளையாட்டு விடுதிகள் தொடங்கப்பட்டன. கடந்த சில ஆண்டுகளில் இவை தமிழகத்தின் பெரும்பாலான மாவட்டங்களில் நிறுவப்பட்டுள்ளன. விளையாட்டு மேம்பாடு மற்றும் இளைஞர் நலத் துறையின் கீழ் செயல்படும் இவற்றில், பள்ளி மாணவ, மாணவியருக்கு எனத் தனித்தனி விளையாட்டு விடுதிகள் உண்டு.

மாணவிகளுக்கானவை ஈரோடு, திருவண்ணாமலை, திண்டுக்கல், நாகர்கோவில், பெரம்பலூர், தேனி, புதுக்கோட்டை, தருமபுரி, சென்னை, நாமக்கல் ஆகிய இடங்களில் செயல்படுகின்றன.

பிரத்தியேக வசதிகள், பயிற்சிகள்

தனித்துவ விளையாட்டுப் பயிற்சிகளோடு, ஒட்டு மொத்த உடல் திறன் மேம்பாட்டுக்கான பயிற்சிகளும் இங்குக் கிடைக்கும். உணவுக்காக மட்டுமே பள்ளி மாணவர் ஒருவருக்குத் தினசரி ரூ.250 ஒதுக்கப்படுகிறது. இந்த வசதிகள் அனைத்தையும் விளையாட்டு விடுதியில் தங்கியபடி அருகிலுள்ள பள்ளியில் சேர்ந்து பயின்றவாறு பெறலாம். காலை, மாலை ஓய்வு நேரத்திலும், விடுமுறை தினத்திலுமாகப் பள்ளிப் படிப்புக்கு இடையூறு இன்றி விளையாட்டு பயிற்சிகள் வழங்கப்படுகின்றன. மாநில, தேசிய விளையாட்டுப் போட்டிகளில் பங்கேற்கவும் அதற்கெனச் சிறப்பு பயிற்சிகள், போக்குவரத்து, உணவு மற்றும் வழிகாட்டுதல்களையும் செலவின்றிப் பெறலாம்.

விளையாட்டு விடுதி மாணவர்களுக்குத் தினந்தோறும் 2.30 மணி நேரம் துறை சார்ந்த விளையாட்டுப் பயிற்சிகள் அளிக்கப்படுகின்றன. விடுமுறை தினங்களிலும் இவை தொடரும். 4 மாதங்களுக்கு ஒருமுறை விளையாட்டுத் திறன்கள் ஆய்வு செய்யப்படும். வருடாந்திரம் நடை பெறும் உடற்திறன் தேர்வில் போதிய வளர்ச்சி இல்லை என்றால் அவருடைய வாய்ப்பு, திறமையுள்ள மற்றொரு மாணவருக்குச் சென்றுவிடும். வாய்ப்பைத் தவறவிடாத பயன்படுத்திக்கொள்ளும் மாணவ மாணவியருக்குப் பிரகாசமான எதிர்காலம் காத்திருக்கிறது. விளையாட்டு வீரர்களுக்கான சிறப்பு ஒதுக்கீட்டின் கீழ் விரும்பிய உயர் கல்வியும் வேலைவாய்ப்பும் உறுதி என்கிறார் திருச்சி அரசு உதவி பெறும் பள்ளியொன்றில் உடற்கல்வி இயக்குநரான முனைவர் பி.சுவாமிநாதன்.

எப்படிச் சேர்வது?

பொதுத்தேர்வுக்கான 10 மற்றும் பிளஸ் 2 தவிர்த்து ஏனைய வகுப்புகளில் படிக்கும் பள்ளி மாணவ மாணவிகளை இங்குச் சேர்க்கலாம். மாவட்ட மற்றும் மாநில அளவில் என இரண்டு கட்டங்களாகத் தேர்வு நடைபெறும். முதற்கட்ட உடல் தகுதித் தேர்வு மாவட்ட அளவில் நடைபெறும்.

# உயரமான மாணவர்களுக்கு முன்னுரிமை வழங்கப்படுகிறது.

# தேர்வானவர்கள் மாநில அளவிலான தேர்வை எதிர்கொள்வார்கள்.

# இறுதியில் கலந்தாய்வின் வாயிலாக, விளையாட்டு விடுதி சேர்க்கை உறுதி செய்யப்படும்.

# சேர்க்கை விண்ணப்பத்தினை மாவட்ட விளையாட்டு அலுவலரிடம் பெற்றுக்கொள்ளலாம்.
தமிழ்நாடு விளையாட்டு மேம்பாட்டு ஆணையத்தின் :: http://www.sdat.tn.gov.in/
இணையதளத்தில் பதிவிறக்கம் செய்துகொள்ளலாம். இத்தளத்தில் தமிழகத்தில் உள்ள விளையாட்டு விடுதிகள், அங்குப் பயிற்சியளிக்கப்படும் விளையாட்டுகள், தொடர்பு எண்கள் உட்படப் பல்வேறு அவசியத் தகவல்களையும் பெறலாம்.

நழுவ விடக் கூடாத வாய்ப்பு

அஞ்சல் வாயிலாகவோ அல்லது நேரிலோ மாவட்ட விளையாட்டு அலுவலர் அலுவலகத்தில் விண்ணப் பங்களைச் சமர்ப்பிக்கலாம். மாவட்ட அளவிலான தேர்வு மே 2 முதல் 4 வரையிலான நாட்களில் நடைபெறும். முடிவில் கலந்தாய்வுக்குத் தகுதி பெறுவோரின் பட்டியல் விளையாட்டு ஆணையத்தின் இணையதளத்தில் வெளியிடப்படும். மாவட்ட விளையாட்டு அலுவலர் அலுவல கத்திலும் பார்வைக்கு வைக்கப்படும்.

பட்டதாரிகளுக்கு பரோடா வங்கியில் அதிகாரி பணி!

நிறுவனம்: பேங்க் ஆஃப் பரோடா வேலை:

ப்ரோபேஷனரி ஆஃபிசர்

காலியிடங்கள்: 400. இதில் பொதுப்பிரிவினர் 202, ஓ.பி.சி 108, எஸ்.சி 60 மற்றும் எஸ்.டி 30

காலியிடங்கள் உள்ளன. கல்வித்தகுதி: டிகிரி

வயது வரம்பு: 20-28

தேர்வு முறை: எழுத்து மற்றும் நேர்முகம்

விண்ணப்பிக்க கடைசித் தேதி: 1.5.17

மேலதிக தகவல்கள்:

http://www.bankofbaroda.co.in/

இர்கான் நிறுவனத்தில்
காலிப் பணியிடங்கள்

மத்திய ரயில்வே அமைச்சகத்தின் கீழ் செயல்பட்டு வரும் இர்கான் இன்டர்நேஷனல் லிமிடெட் நிறுவனத்தில் நிரப்பப்பட உள்ள 2017ஆம் ஆண்டிற்கான 112 காலியிடங்களுக்கான அறிவிப்பு வெளியிடப்பட்டுள்ளது.

இதற்கு தகுதியும் விருப்பமும் உள்ளவர்களிடமிருந்து விண் ணப்பங்கள் வரவேற்கப்படுகின்றன.

பணி - காலியிடங்கள் விவரம்:

1. Additional General Manager (Civil) - 07

2.  Joint General Manager (Civil) - 10

3. Deputy General Manager (Civil) - 14

4. Manager (Civil) - 13

5. Deputy Manager (Civil) - 17

6. Assistant Manager (Civil) - 12

7. Assistant Engineer (Civil) - 09

8. Junior Engineer (Civil) - 21

9. Deputy Manager/SHE - 02

10. Junior Engineer/SHE - 04

11. Additional General Manager (Electrical) - 01

12. Joint General Manager (Electrical) - 01

13. Joint General Manager (Mechanical) - 01

விண்ணப்பிக்கும் முறை: www.ircon.org என்ற இணையதளத்தின் மூலம் ஆன்லைனில் விண்ணப்பிக்கவும்.

ஆன்லைனில் விண்ணப்பிப்பதற்கான கடைசி தேதி: 15.04.2017.

ஆன்லைனில் விண்ணப்பித்த விண்ணப்ப பிரிண்ட் அவுட் சென்று சேர கடைசி தேதி: 22.04.2017.

மேலும் முழுமையான விவரங்கள் அறிய www.ircon.org என்ற அதிகாரப்பூர்வ இணையதளத்தை பார்த்து தெரிந்துகொள்ளவும்.

வங்கி வேலையை பெறுவதற்கு
வளர்க்க வேண்டிய திறமைகள்

அரசு வேலையை விரும்புபவர்களில், வங்கிப் பணியில் சேர்வதற்கே அனேகம் பேர் ஆர்வம் காட்டுவார்கள். ஆண்டுதோறும் பல ஆயிரம் காலிப்பணியிடங்கள் நிரப்பப் படுவதால் வங்கித் தேர்வுகள், திறமை படைத்தவர்களுக்கான சிறந்த வரமாக விளங்குகின்றன. வங்கித் தேர்வுகள் கொஞ்சம் சவாலானதுதான். பொது அறிவு, நுண்ணறிவுத்திறன் கேள்வி களுடன், ஆங்கில அறிவு, பொருளாதாரம், வங்கித்துறை சார்ந்த கேள்விகளும் தேர்வு எழுதுபவர்களுக்கு சவாலை ஏற்படுத்து கின்றன. தொடர் பயிற்சிகளை மேற்கொண்டு கடினமாக உழைத்தால்தான் வங்கிப் பணிகளில் சேர்வது சாத்தியமாகும்.

அறிவிப்பு வரும் வரை காத்திருக்காமல் எப்போதும் தொடர் பயிற்சியில் ஈடுபட்டு திறமையை மெருகேற்றி வந்தால் எளிதில் வெற்றி பெறலாம். முதல்நிலைத் தேர்வு மற்றும் முதன்மைத் தேர்வுக்கு தனித்தனியே தயாராக வேண்டியதில்லை.

போட்டியாளர்கள் எண்ணிக்கையை குறைத்து, திறமை யானவர்களை வடிகட்டத்தான் 2 தேர்வுகள் நடக்கிறது என்பதால் நன்றாகப் படித்தாலே 2 தேர்வுகளிலும்

வெற்றி பெறலாம்.

ரீசனிங் பயிற்சி: ரீசனிங் மற்றும் ஆப்டிடியூட் சார்ந்து 50 கேள்விகள் இடம் பெறும். உங்களின் பகுத்தறியும் திறனை புடம்போட்டு சோதிக்கும் தேர்வு என்பதால் ஆழ்ந்த கவனம் செலுத்துவதால் மட்டுமே ரீசனிங் பகுதிகளுக்கு எளிதில் விடையளிக்க முடியும். உதாரணமாக ஒரு கேள்வியில் கொடுக்கப்பட்டிருக்கும் படம் அல்லது வடிவத்தின் அடுத்த நிலை எப்படியிருக்கும் என்றோ அல்லது பொருத்தமான அடுத்தபடம் எது என்றோ நாம் தேர்ந்தெடுக்க வேண்டி யிருக்கும். இதற்கு துரிதமாக விடைகாண புதிர்கள், மூளை விளையாட்டுகளில் பயிற்சி பெறுவது அவசியம்.

கணித பயிற்சி: ஆப்டிடியூட் வினாக்களில் கணிதப் புலமை உள்ளவர்கள் எளிதாக மதிப்பெண் பெற்றுவிடுவார்கள். 12-ம் வகுப்பு வரை கணிதம் படித்திருந்தால் இந்தப்பகுதி சுலபமாக இருக்கும். பெரும்பாலான கேள்விகள் அரித்மெடிக், ஜியாமட்ரி சார்ந்து கேட்கப்படும். கணித சூத்திரங்களை நினைவு வைத்து பயிற்சி செய்தால் எளிதாக விடைகாண முடியும். தீவிரமான பயிற்சியின் மூலம் இதை சாத்தியமாக்கலாம்.
ஆங்கிலப் பயிற்சி: ஆங்கில மொழி தொடர்பாக 30 கேள்விகள் கேட்கப்படுகின்றன. கொடுக்கப்பட்ட ஆங்கிலப் பத்தியிலிருந்து சரியான விடைகளைத் தேர்வு செய்வது, ஆங்கில வாக்கியங்களில் உள்ள தவறுகளை கண்டுபிடிப்பது, வாக்கியங்களை ஒழுங்குபடுத்துதல் போன்ற வகை வினாக்கள் இப்பகுதியில் இடம் பெறும். அடிப்படை ஆங்கில இலக்கணம், வாக்கிய அமைப்பு, புரிந்து கொள்ளும் திறன் ஆகிய திறமைகளை வளர்ப்பது மதிப்பெண்களை அள்ள உதவி புரியும். வார்த்தை வளத்தை அதிகரித்துக் கொள்ள ஆங்கில செய்தித்தாள்கள், பத்திரிகைகளை தொடர்ந்து வாசித்து பயிற்சி பெற வேண்டும்.

நிதித்துறை அறிவு: வங்கி மற்றும் நிதித்துறை சார்ந்த கேள்விகள் 40 எண்ணிக்கையில் இடம் பெறுகிறது. இந்தியப் பொருளாதாரம், இந்திய வங்கித்துறை, நிதி அமைப்பு, நிறுவன நடைமுறைகள், அரசு திட்டங்கள் பற்றி ஆழமான தகவல்களை தெரிந்து வைத்துக் கொள்வது இந்த பகுதிக்கு விடையளிக்க உதவியாக இருக்கும். அன்றாட செய்தித்தாள்கள், நிதி மற்றும் வங்கிப் பணிகள் சார்ந்த பருவ இதழ்களை தவறாமல் படித்து வந்தால் இவை பற்றிய தகவல்களை தொகுத்து திறமையை வளர்த்துக் கொள்ளலாம்.

கணினி திறமை: கணினி அறிவு சார்ந்து 20 கேள்விகள் கேட்கப்படும்.

வங்கித்துறைக்கு கணினி அறிவு மற்றும் திறமை முக்கியமானதாகும். கணினி சார்ந்த அடிப்படை அறிவு அவசியம். தவிர அடிப்படை கணினித் தொழில்நுட்பம், மென்பொருள், வன்பொருள், இணையதளம், நவீன நுட்பங்கள் மற்றும் தகவல்தொழில்நுட்பம் பற்றிய பரந்த அறிவுத்திறனும் அதிக மதிப்பெண் பெற உதவியாக இருக்கும்.

நேர்காணல்: எழுத்து தேர்வுக்கு அடுத்தகட்டம் நேர்காணல். புரபெசனரி அதிகாரி மற்றும் சிறப்பு அதிகாரி பணிகளுக்கு நேர்காணல் தேர்வு நடத்தப்படுகிறது. நேர்காணலில் இந்த கேள்விகளைத்தான் கேட்பார்கள் என்று குறிப்பிட முடியாது. ஆனாலும் பொருளாதாரம், வங்கித்துறை சார்ந்த அடிப்படைகள் மற்றும் நடப்பு நிகழ்வுகள், பரபரப்பு நிகழ்வுகள் பற்றிய கேள்விகள் இடம் பெறும் என்று யூகிக்கலாம். சொந்த விவரங்கள், வேலை பற்றிய அறிவு சார்ந்த கேள்விகளும் கேட்கப்படும். வங்கி வேலைக்கு நீங்கள் தகுதியானவர் என்பதை நிரூபிக்கும் தேர்வாகவே நேர்காணல் இருப்பதால் நன்கு பயிற்சி எடுத்துக்கொள்ளுங்கள்.

திரட்டும் திறன்: தேர்வுகளுக்குத் தயாராகும்போது பலதுறை தகவல்களையும் திரட்டிப் படிப்பது அவசியம். பள்ளிப் பாடப் புத்தகங்கள், இயர் புக்குகள், பொது அறிவு தொகுப்பு புத்தகங்களை வாங்கிப் படிக்க வேண்டும். தினசரி பேப்பர்களை படித்து குறிப்பு எடுத்துக்கொள்வதும் அவசியம். அதில் இடம் பெறும் மாதிரி வினாப்பட்டியலையும் தொகுத்து வைத்துக் கொள்ளலாம்.

 

வேலூர் முதன்மை
மாவட்ட நீதிமன்றத்தில் பணியிடங்கள்

வேலூர் மாவட்ட நீதித்துறையில் தமிழ்நாடு நீதித்துறை அமைச்சுப் பணியிடங்களில் காலியாகவுள்ள பணியிடங்களை தற்காலிக மாக தகுதியானவர்களை நியமனம் செய்ய விண்ணப்பங்கள் வரவேற்கப்படுகின்றன.

மொத்த காலியிடங்கள்: 63

வயதுவரம்பு: 01.07.2017 தேதியின்படி 18 வயது நிறைவடைந்தவராக இருக்க வேண்டும்.

பணி: கணினி இயக்குபவர் (தற்காலிகம்) - 05

பணி: தட்டச்சர் (முற்றிலும் தற்காலிகம்) - 13

பணி: இரவு காவலர் - 20

பணி: முழு நேர பணியாளர் (மசால்ஜி) - 25

பூர்த்தி செய்யப்பட்ட விண்ணப்பங்கள் சென்று சேர கடைசி தேதி: 20.04.2017

பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி:

முதன்மை மாவட்ட நீதிபதி, முதன்மை மாவட்ட நீதிமன்றம், வேலூர் - 632 009

அனைத்து அறிக்கைகள் அழைப்புகள் தகவல் பரிமாற்றங்களும் ecourts.gov.in/vellore என்ற இணையதள வலைத்தளத்தில் மட்டுமே வெளியிடப்படும்.

மேலும் முழுமையான விவரங்கள் அறியhttp://ecourts.gov.in/sites/default/files/Recruitment%20Notification%202017.pdf என்ற அதிகாரப்பூர்வ லிங்கை கிளிக் செய்து தெரிந்து கொள்ளவும்.

வேலைவாய்ப்புக்கு உதவும் இணையதளங்கள்

பத்தாம் வகுப்பு தேர்ச்சியை மட்டுமே கல்வித் தகுதியாகக் கொண்டவர்கள் உரிய வயதுத் தகுதியுடன், மத்திய மாநில அரசுகளின் போட்டித் தேர்வுகளில் பங்கேற்று அரசுப் பணி வாய்ப்புகளைப் பெறலாம். இளநிலை, முதுநிலைப் படிப்புகளை முடித்தவர்களும் இந்த போட்டித் தேர்வுகளில் பங்கேற்பார்கள். என்றபோதும், உரிய பயிற்சி இருந்தால் பத்தாம் வகுப்பு முடித்தவர்களுக்கும் பிரகாசமான வாய்ப்பு உண்டு.

# கிராம நிர்வாக அலுவலர் முதற்கொண்டு பல்வேறு பணியிடங்களை, தமிழ்நாடு அரசு பணியாளர் தேர்வாணையத்தின் (http://www.tnpsc.gov.in/) போட்டித் தேர்வுகள் வாயிலாகப் பெறலாம்.

# மத்திய அரசின் ரயில்வே பணிக்கு - - http://www.indianrailways.gov.in/index_new.htm

# ராணுவத்தில் சேர - https://www.indianarmy.nic.in/

# கப்பற்படையில் இணைய -https://www.indianarmy.nic.in/

# அஞ்சலகப் பணிகளுக்கு - :https://www.indiapost.gov.in/vas/Pages/IndiaPostHome.aspx

# மாநில, மத்திய காவலர் பணிகளுக்கு- :http://www.tnusrb.tn.gov.in/about_us.htm, http://www.crpf.nic.in/

பள்ளிப் பாட நூல்கள், நூலகங்கள், இணைய தள வசதிகள், மாவட்ட வேலைவாய்ப்பு அலுவலகங்களின் தன்னார்வ பயிலும் வட்டம் சார்பிலான இலவசப் பயிற்சிகள் ஆகியவற்றின் மூலமாக கிராமப்புறத்தினரும் போட்டித் தேர்வுகளுக்குத் தயாராகலாம்.

பத்தாம் வகுப்பு முடித்தவர்களுக்குக் காத்திருக்கும்
உயர் கல்வி மற்றும் தொழிற் பயிற்சி வாய்ப்புகள்

நாளுக்கு நாள் பல உயர் படிப்புகள் அறிமுக மாகிக் கொண்டே இருக்கின்றன. வேலை வாய்ப்புக்காகவும், பிடித்த துறையில் அறிவு விருத்திக்காகவும் அந்தப் படிப்புகளில் தனக் கானதைத் தேர்வு செய்துகொள்வது மாணவர் களின் கடமை. பிளஸ் 1 பள்ளிப்படிப்பா, தொழிற் கல்வியா, வேலைவாய்ப்புக்கான சிறப்பு பயிற்சி களா, போட்டித் தேர்வுகளுக்கான முயற்சியா என்பதை தேடிக் கண்டுபிடித்துத் தீர்மானிக்கலாம் வாங்க!

இதற்கு உதவும் வகையில் தமிழக அரசு பள்ளிக் கல்வித் துறை சார்பில், பத்தாம் வகுப்பு முடித்த மாணவர்களுக்கான வழிகாட்டிக் கையேடு ஒன்றை வெளியிட்டுள்ளது. அதன் அடிப்படையில், பத்தாம் வகுப்பு பொதுத் தேர்வெழுதிய மாணவர்களுக்கும் அவர்களுடைய பெற்றோர்களுக்கும் அவசியமானவற்றை இங்கே பார்ப்போம்.

மேல்நிலைப் பள்ளிக் கல்வி

பத்தாம் வகுப்பு முடித்தவர்களில் பெரும்பாலானவர்களின் விருப்பத் தேர்வாக இருப்பது, மேல்நிலைப் பள்ளிக் கல்வியான பிளஸ் 1. அதிலும் இயற்பியல், வேதியியல், உயிரியல், கணிதம், கணினி அறிவியல் ஆகிய பாடங்களை உள்ளடக்கிய முதல் 2 பாடப் பிரிவுகளுக்கே முன்னுரிமை அளிக்கிறார்கள். காரணம், பெரும்பாலான பெற்றோரின் கனவு, மருத்துவம் அல்லது பொறியியல் படிப்பாகவே இருந்துவருகிறது.

வணிகவியல், புள்ளியியல், பொருளாதாரம், கணக்கியல், வரலாறு, புவியியல், வணிகக் கணிதவியல், அறவியல் மற்றும் இந்தியப் பண்பாடு, அரசியல் அறிவியல் உள்ளிட்ட பாடங்களை உள்ளடக்கிய அடுத்த கட்ட பாடப் பிரிவுகள் போதிய கவனம் பெறுவதில்லை. ஆனால் கல்லூரி அளவில் இந்தப் பாடப் பிரிவுகள் மட்டுமில்லாமல் அக்கவுண்டன்ஸி, கம்பெனி செகரட்டரிஷிப், காஸ்ட் () அண்டு மேனேஜ்மெண்ட் அக்கவுண்டிங் ஆகியவற்றில் சேர இதுபோன்ற பிளஸ் 1 பாடப் பிரிவுகள் அடிப்படையாகும்.
நிகரான படிப்பு

இவை அல்லாமல் பிளஸ் 1 தொழிற்கல்விப் பாடப் பிரிவுகளும் உள்ளன. வொகேஷனல் பாடப் பிரிவுகள் எனப்படும் இவற்றில் ஜெனரல் மெஷினிஸ்ட், எலெக்ட்ரிகல் மெஷின்ஸ் அண்டு அப்ளையன்சஸ், சிவில், ஆட்டோ மெகானிக், நர்சிங், டெக்ஸ்டைல்ஸ், ஃபுட் மேனேஜ்மெண்ட் அண்ட் சைல்ட் கேர், அக்ரி, அக்கவுண்டிங் அண்ட் ஆடிட்டிங் உள்ளிட்ட பல்வேறு பிரிவிலான படிப்புகள் உள்ளன.

பிளஸ் 1 முதன்மை பாடப் பிரிவுகளில் சேரத் தகுதியான பத்தாம் வகுப்பு மதிப்பெண்களைப் பெறத் தவறியவர்களும், இந்த வொகேஷனல் பாடப் பிரிவுகளில் சேர்ந்து அவர்களுக்கு நிகராக பொறியியல், அக்ரி, இளங்கலை மற்றும் அறிவியல் கல்லூரிப் படிப்புகளில் அசத்தலாம்.

டிப்ளமோ மற்றும் அய்.டி.அய். படிப்புகள்

பிளஸ் 1 சேர்க்கைக்கு நிகராகப் பத்தாம் வகுப்பு முடித்த மாணவர்களிடம் வரவேற்பு பெற்றிருப்பது, பாலிடெக்னிக் டிப்ளமோ படிப்புகள். பத்தாம் வகுப்பு முடித்த மாணவர்கள், 3 ஆண்டு தொழிற் படிப்பாக இந்த டிப்ளமோ கல்வியைத் தேர்ந்தெடுக்கலாம். தொழில்நுட்பக் கல்வி இயக்கத்தின் மாநில அளவிலான கலந்தாய்வின் மூலமாக இதில் சேரலாம்.

பொறியியல் கல்லூரிப் படிப்பு போன்றே கலந்தாய்வின் மூலம் பாலிடெக்னிக் சேர்க்கை நடைபெறுகிறது. அதனால், பத்தாம் வகுப்பில் சிறப்பான மதிப்பெண் பெற்றவர்கள் அரசு பாலிடெக்னிக்குகளில் சேர்ந்து அதிகச் செலவின்றி டிப்ளமோ படிப்பை முடிக்கலாம். பின்னர் பணிக்குச் செல்லவோ உயர் படிப்புகளை மேற்கொள்ளவோ செய்யலாம். பணித்திறனை அதிகரித்துக்கொள்ள விரும்புவோர் அரசு அல்லது தனியார் நிறுவனங்களில் அப்ரண்டிஸ் எனப்படும் தொழில் பழகுநர் பயிற்சிகளைப் பெறலாம்.

இவை அல்லாமல் டிப்ளமோ தகுதியுடன், நேரடி இரண்டாம் ஆண்டு பொறியியல் கல்லூரிச் சேர்க்கை மூலம் தங்களது பொறியியல் மேற்கல்விக் கனவை நனவாக்கிக் கொள்ளலாம். தமிழகத்தில் பாலிடெக்னிக் கல்வி நிலையங்கள் அமைவிடங்கள், அவற்றில் வழங்கப்படும் பாடப்பிரிவு விவரங்களை : http://www.tndte.gov.in/   என்ற தமிழகத்தின் தொழில்நுட்ப கல்வி இயக்கத்தின் இணையதளத்தில் அறியலாம்.

அய்.டி.அய். பயிற்சிகள்

பத்தாம் வகுப்பு தேர்ச்சி நிலை எப்படியாயினும் பரவாயில்லை, வலுவான எதிர்காலத்துக்கு அடித்தளமிட அய்.டி.அய். தொழிற்பயிற்சி வாய்ப்பளிக்கிறது. வேலைவாய்ப்பு மற்றும் பயிற்சித் துறையின் கீழ் இயங்கும் இந்த தொழிற் பயிற்சி நிலையங்களின் சேர்க்கை, மாவட்ட அளவிலான கலந்தாய்வாக நடைபெறுகிறது.

2 ஆண்டு அய்.டி.அய். முடித்தவர்கள் நேரடியாக 2ஆம் ஆண்டு பாலிடெக்னிக் படிப்பில் சேரலாம். அய்.டி.அய். பயிற்சியின் நிறைவாக உள்நாடு வெளிநாடு எனப் பரவலான தொழில்துறை பணி வாய்ப்பு களைப் பெறலாம். சம்பாதித்தவாறே பகுதி நேர உயர்கல்விகளைப் பெற்று தகுதியையும், ஊதிய வரம்பை உயர்த்திக்கொள்ளவும் முடியும். மேலதிக விபரங்களை http://skilltraining.tn.gov.in/DET/என்ற தளத்தில் அறிந்து கொள்ளலாம்.

அஞ்சல் துறையில்
கிராமின் டாக் சேவகர்கள் வேலை  

மத்திய அரசு நிறுவனமான அஞ்சல் துறையின் ஒடிசா அஞ்சல் வட்டத்தில் 2017 - 2018-ம் ஆண்டிற்கான 1072 கிராமின் டாக் சேவகர்கள் பணிக்கான அறிவிப்பு வெளியிடப்பட்டுள்ளது. இதற்கு தகுதியானவர்களிட மிருந்து ஆன்லைன் மூலம் விண்ணப்பங்கள் வரவேற் கப்படுகின்றன.

மொத்த காலியிடங்கள்: 1072

பணியிடம்: ஒடிசா

பணி:    Gramin Dak Sevaks (GDS)

தகுதி: பத்தாம் வகுப்பு தேர்ச்சி அல்லது அதற்கு இணையான தகுதி பெற்றிருப்பவர்கள் விண்ணப்பிக்க தகுதியானவர்கள்.

வயதுவரம்பு: 18 - 40க்குள் இருக்க வேண்டும்.

சம்பளம்: மாதம் ரூ.25,000

விண்ணப்பக் கட்டணம்: பொது மற்றும் ஓபிசி பிரிவினருக்கு ரூ.100. மற்ற பிரிவினருக்கு கட்டண செலுத்துவதில் விலக்கு அளிக்கப்பட்டுள்ளது.

ஆன்லைனில் விண்ணப்பிப்பதற்கான கடைசி தேதி: 26.04.2017

எழுத்துத் தேர்வு நடைபெறும் தேதி: 2017 மே, ஜூன் மாதங்களில் நடைபெறலாம்.

மேலும் முழுமையான விவரங்கள் அறிய :http://indiajobvacancy.com/wp-content/uploads/2017/03/Odisha-16-1.pdf என்ற லிங்கை கிளிக் செய்து தெரிந்துகொள்ளவும்.


Banner
Banner


Banner