புதன், 17 ஏப்ரல் 2013 16:22

முதல் கட்ட எழுத்துத் தேர் வை எதிர்கொண்டு வெற்றி கரமாகத் தேர்ச்சி பெற்றுவிட் டோம். அடுத்து நேர்காணலை எதிர்கொள்ள வேண்டும். ஒவ்வொரு நேர்காணலும் போட்டியாளரின் துறை சார்ந்த திறன், தகவல் பரிமாற்றத் திறன், பிறருடன் ஒத்திசைந்து பணியாற்றும் மனித வள திறன்கள், ஆளுமைக் குணம் போன்ற பல்வேறு திறமைகளை அடையாளம் காண உதவுகின்றன. நாம் இதுவரை நேர்காணல் குறித்த இதர அம்சங்களை கடந்த இதழ்களில் பார்த்தோம். இப்போது நேர்காணலில் போட்டியாளரிடம் எதிர்பார்க்கப்படும் முக்கியமான மனித வளத் தகுதிகள் குறித்து பார்ப்போம்.

இந்த குணங்கள் ஏற்கெனவே இருக்கும் பட்சத்தில் அவற்றை மேன்மைப்படுத்திக் கொள்வது, இல் லாத பட்சத்தில் அவற்றை ஏற்படுத்திக் கொள்ள தீவீர மாக முனைவது என்பதே நம்மைப் பற்றி நமது பணி வாய்ப்பாளரிடம் ஒரு அழுத்தமான பதிவை ஏற்படுத்தி நமது வேலை வாய்ப்பை உத்திரவாதம் செய்யும் என்பதை கவனத்தில் வைக்கவும்.

எப்பொழுதும் தயாராக இருத்தல்

உங்கள் பணி தேடலின் போது செய்யப்பட வேண்டிய மிக மிக முக்கியமான விஷயம் இதுதான். ஆனால் வெகு சில போட்டியாளர்கள் மட்டுமே இத னைச் செய்கிறார்கள். இதனாலேயே அவர் களின் பணி வாய்ப்புக்கான உத்திரவாதமும் கிடைக் கிறது. நீங்கள் இணைந்து பணி புரிய இருக்கும் நிறுவனத்தின் இணையதளத்திற்கு செல்லுங்கள்.

அந்த நிறுவனத்தைப் பற்றிய ஒவ்வொரு விஷயத்தையும் இணையதளத்திலிருந்து அறி யுங்கள். சில மணி நேரங்கள் இதற்காக செல விடப்படுவது கட்டாயம் தேவைப்படும். அதே போல் விக்கிபீடியாவில் அந்த நிறுவனம் குறித்த தகவல்களை அறியுங்கள். நிறுவனத்தின் தற் போதைய நிலை, அங்கிருக்கும் நிறுவன சூழல், நிறுவனத்தின் தற்போதைய முனைப்புகள் போன்றவற்றை அறிவது நிச்சயம் உங்களுக்கு கை கொடுக்கும். ஒரு வேளை நீங்கள் இணைந்து பணியாற்ற இருக்கும் நபரை நீங்கள் அறி வீர்கள் என்றால் லிங்க்டுஇன் மூலமாக அவரைப்பற்றியும் அறிய வேண்டும்.

உங்களைப் பற்றி  எடுத்துச் சொல்லுங்கள்

நேர்காணலில் உங்களைப் பற்றி சிறந்த முறையில் எடுத்துச் சொல்லுங்கள். உங்கள் வார்த்தைகள் அந்த வேலைக்கு நீங்கள் முற்றிலும் தகுதி படைத்தவர்கள் என்று எண்ணத் தோன்றும் விதத்தில் இருக்க வேண்டும். உங்கள் திறமைகள், அனுபவம் போன்றவை குறிப்பிட்ட வேலைக்கு எப்படி உபயோகமாக இருக்கும் என்பதை சொல் லுங்கள். நீங்கள் ஒரு சிறந்த குழு உறுப்பினராக இருப்பீர்கள் என்பதையும், உங்கள் நேர்மறை சிந்தனைகள் நிறுவனத்தை எப்படி வளர்க்க முடியும் என்பதையும் நேர்காணலில் சொல்லுங்கள். நேர்மறை சிந்தனை மற்றும் வாக்குறுதிகளை நிறைவேற்றுதல் என்ற இரண்டு குணங்கள்தான் நேர்காணலில் எதிர்பார்க்கப்படும் முக்கியமான இரண்டு குணங்கள்.

நேரத்திற்கு சென்று விடுங்கள்

ஒரு நேர்காணலுக்கு குறிப்பிட்ட நேரத்திற்கு முன்னரே சென்று விடுவதை உத்திரவாதம் செய்யுங்கள். போக்குவரத்து நெரிசல் போன்ற காரணங்களை சொல்லி நேரத்திற்கு செல்லாமல் இருப்பது எதிர்விளைவுகளைத்தான் ஏற்படுத்தும். கூகுள் மேப்ஸ் உபயோகித்து நீங்கள் செல்ல வேண்டிய இடத்திற்கான பாதை, போக்குவரத்தின் தன்மை, வண்டிகளை நிறுத்துவதற்கான தகவல்கள் போன்றவற்றை அறிய முடியும்.

மிகவும் முன்னரே செல்ல வேண்டாம்

நேர்காணல் நேரத்திற்கு 15 முதல் 20 நிமிடங்கள் முன்னதாக அந்த இடத்தில் இருந்தால் போதுமானது. ஏனென்றால் நேரத்தின் மதிப்பை நமது பணி வாய்ப்பாளர் நன்றாக அறிவார். மேலும், அவர்கள் நேர்காணலுக்கான தயாரிப்புகளில் இருக்கும் போது நமது முன்னர் கூட்டிய வருகை அவர்களுக்கு இடைஞ்சலாக மாறிவிடக் கூடாது. ஒரு வேளை குறிப்பிட்ட நேரத்திற்கு வெகு சீக்கிர மாக நீங்கள் இடத்தை அடைந்து விட்டால் அருகில் எங்கு சென்று நேரத்தை செலவிடுவது என்பதை திட்டமிடுங்கள்.

உடைகள் முக்கியம்

நேர்காணலுக்கு செல்பவர்கள் கவனிக்க வேண்டிய மிக முக்கியமான விஷயங்களில் இதுவும் ஒன்று. சுத்தமான, அயர்ன் செய்யப்பட்ட ஆடை யை அணிவது, தலைமுடியை ஒப்புக் கொள்ளும் ஸ்டைலில் இருப்பதை உறுதிசெய்வது, நேர் காணல் நாள் அன்று தலைக்கு குளித்து செல்வது போன்றவற்றை இதற்கு உதாரணமாக சொல் லலாம்.

பயிற்சிகளை மேற்கொள்ளுங்கள்

ஒவ்வொரு நேர்காணலிலும் பொதுவான சில கேள்விகள் கேட்கப்படும். இவை வழக்கமாகக் கேட்கப்படும் கேள்விகள்தான். இவற்றிற்கு பதில் சொல்வதில் உங்கள் திறமையை வெளிப்படுத்த வேண்டும். ஆனால் நியாயமற்ற போலியான பதில்களைத் தருவது எதிர்மறை விளைவு களைத்தான் உருவாக்கும். எனவே வெளிப் படையான மற்றும் ஊக்கதிறனை வெளிப்படுத்தும் பதில்களே சிறந்தது. உங்களைப் பற்றி, உங்கள் பலம் மற்றும் பலவீனங்களைப் பற்றி, உங்கள் சந்தேகங்கள் பற்றி சரியான விதத்தில் பதில் சொல்ல பயிற்சிகளை மேற்கொள்ளுங்கள்.

உங்களுக்கான கேள்விகளை தயாரியுங்கள்

சில நேர்காணல்களில் உங்களுக்கு பணி வாய்ப்பாளரிடம் கேள்வி கேட்பதற்கான வாய்ப்பு வழங்கப்படும். அப்போது எவ்வளவு சம்பளம், பணி புரியும் நேரம், மாறுதல் கிடைக்குமா என்பது போன்ற கேள்விகளை நீங்கள் கேட்பதை முற்றிலும் தவிர்க்க வேண்டும். அவற்றை விட்டு வேலையில் சவால்கள் இருக்குமா, நிறுவனத்திற்கு தற்போது என்ன செய்தால் நன்றாக இருக்கும் என்பது போன்ற நேர்மறை கேள்விகளையே கேட்க வேண்டும். இந்த குணங்களை வளர்த்துக் கொள் ளுங்கள். நேர்காணலை தன்னம்பிக்கையுடனும், தைரியத்துடனும், நேர்மையாகவும் எதிர்கொள் ளுங்கள். நிச்சயம் வெற்றி உங்களுக்குத்தான்.

புதன், 10 ஏப்ரல் 2013 17:50

தூர்தர்சன் மற்றும் ஆல் இந்தியா ரேடியோ ஆகிய மத்திய அரசுத் துறை அமைப்புகளில் புரொகிராம் எக்சி கியூடிவ் மற்றும் டிரான்ஸ்மிசன் எக்சிகியூடிவ் ஆகிய 2 பணிகளுக்கான 1238 காலியிடங்கள் அறிவிக்கப்பட்டுள்ளன.  எஸ்.எஸ்.சி., என்னும் மத்திய அரசு ஊழியர் தேர் வாணையம் இந்த 2 பணிகளுக்கான வாய்ப்பை அறிவித்துள்ளது.  1.1.2013 அன்று 30 வயதுக்குள் இருக்க வேண்டும்.

புரொகிராம் எக்சிகியூடிவ்: *எம்.ஏ.,எம்.எஸ்சி., தகுதியைப் பெற்றிருக்க வேண்டும். கூடுதலாக நாடகம்/இலக்கியம்/கலை தொடர்பான சிறப்புத் திறன்களைப் பெற்றிருக்க வேண்டும். அல்லது எடிட்டிங்/ஆக்டிங்/ஆர்ட் டைரக்சன்/புரடக்சன் இவற்றில் ஒன்றில் பட்டப்படிப்பு அல்லது டிப்ளமோ தகுதியைப் பெற்றிருக்க வேண்டும். *மொழித் திறன் பெற்றிருப்பதும் அவசியம். *எம்.பி.ஏ., கம்ப்யூட்டர் திறன்கள் பெற்றிருப்பவரும் விண்ணப்பிக்கலாம்.

டிரான்ஸ்மிசன் எக்சிகியூடிவ்: *வெவ்வேறு திறன்களைப் பெற்றிருப் பவருக்கான பணி இது என்பதால் அதற்கேற்ப தகுதிகளும் மாறும். மேலும் கட்டணம் மற்றும் விண்ணப்பிக்கும் முறை பற்றிய

முழு விவரங்களை தெரிந்து கொள்ள:   www.prasarbharati. gov.in