எழுத்துரு அளவு Larger Font Smaller Font


காமன்வெல்த் விளையாட்டுப் போட்டிகள் ஆஸ்திரேலியாவில் நடைபெறு வதால், அங்கே கலக்கிக் கொண்டிருக்கும் வீரர்கள் வீராங்கனைகள் குறித்த செய்திகள் பரவலாக வெளியிடப்படுகின்றன.

விளையாட்டுப் போட்டியில் தங்கப் பதக்கம் சர்வதேச அளவில் வாங்கினால் ஓரளவுக்குப் பெயரும், சன்மானமும் கிடைக்கும். அதுவே மாநில அளவில் தங்கப் பதக்கம் பெற்றாலும் கொஞ்ச நாட்களுக்குள் மறக்கப்பட்டுவிடுகின்றனர்.

உதாரணம் 41 கி. மீ பெண்கள் மாரத்தான் போட்டியில் தமிழகத்தில் நான்கு முறை தங்கப் பதக்கம் வென்றவர் கலியமணி.

கோயம்புத்தூரில் வசித்து வரும் கலியமணி குடும்ப வருமானத்திற்காக தேநீர் கடை வைத்து நடத்தி வருகிறார். கலியமணிக்கு நாற்பத்தைந்து வயதாகிறது.

தனது தேநீர் கடையில் ஏறக்குறைய முழு நேர ஊழியராக இருக்கும் கலிய மணி, பத்தாம் வகுப்பு வரை படித்திருக்கிறார். படிக்கும் போது, கபடி, தடகள போட்டிகளில் கலந்து கொள்வார்.
விளையாட்டில் இருந்த விருப்பம்தான் கலியமணியை மாரத்தான் ஓட்டப் போட்டிக்கு அழைத்து வந்தது. நான்கு முறை தமிழ்நாடு மாநில அளவில் தங்கப் பதக்கம் வாங்கினாலும்,  திருமணம், குடும்ப

சுமை, மூன்று குழந்தைகள்  இருந்தாலும், தினமும் குறைந்தது இருபது கி. மீ ஓட மறக்கவில்லை.
சரி தேநீர் கடை தொடங்கலாம் என்று கலியமணி முடிவு செய்தாலும் முதலீடு, கடை அட்வான்ஸ் , வாடகை ஒரு பிரச்சினையாக இருந்தது. தங்கப் பதக்கங்களுடன் கடன் உதவி கேட்டு பல வங்கிகளில்

ஏறி இறங்கினார். கடன் தர எந்த வங்கியும் முன்வரவில்லை.
“முன் வைத்த காலை பின் வைக்க விரும்பவில்லை. தெரிந்தவர்களிடம் கடன் வாங்கி தேநீர் கடையைத் தொடங்கினேன். மாரத்தான் ஓட்டத்திலும் கலந்து கொண்டேன் இப்படி போய்க் கொண்டிருக்கிறது’

என்கிறார் கலியமணி.

வறுமைக்கிடையே ஜொலிக்கும் மங்கை

ஆஸ்திரேலியாவில் கோல்டு கோஸ்ட் நகரில் நடை பெறும் காமன்வெல்த் போட்டிகளில் 48 கிலோ எடைப் பிரிவில், ஆறு முறை பளுதூக்கி, ஏப்ரல் 5இல் ஆறு சாதனைகளை நிகழ்த்தி, போட்டிகள் தொடங் கிய முதல் நாளில் இந்தியாவிற்கு முதல் தங்கப் பதக்கம் பெற்றுத் தந்திருக்கிறார் மீராபாய் சானு.

மணிப்பூரைச் சேர்ந்த மீராபாய் சானு மொத்தம் 194 கிலோ (ஸ்னாட்ச் பிரிவில் 86 கிலோ + கிளீன் & ஜெர்க் பிரிவில் 110 கிலோ) எடையை தூக்கி புதிய சாதனை படைத்திருக்கிறார். உயரத்தில் அய்ந்தடிக்கு ஓர் அங்குலம் குறைவாக இருக்கும் சானுவுக்கு வயது இருபத்துமூன்று.

மீராபாய் 2016 -இல் ரியோ ஒலிம்பிக்சிற்கு தகுதி பெற்றாலும், ஒலிம்பிக்ஸ் போட்டியில் பதட்டத்தால் சரிவரச் செய்ய முடியவில்லை. சோர்ந்து சோகத்தில் ஆழ்ந்திருந்த மீராபாய் “இனி அவ்வளவுதான்..’ என்று சுருண்டு போனார் . சிறிய கால இடைவெளியில், சானு சுதாரித்துக் கொண்டு ஃபீனிக்ஸ் பறவை போன்று மீண்டும் பிரம்மாண்டமாகக் கிளம் பினார்.

2016 இல் தெற்கு ஆசிய நாடுகளுக்கிடையே நடந்த போட்டியில் சானுவுக்குத் தங்கப் பதக்கம் கிடைத்தது. 2017 இல் அமெரிக்காவில் நடந்த உலகப் போட்டியில் தங்கப் பதக்கம் பெற்று சாதனை படைத்தார்.
காமன்வெல்த் 2018 -இல் வெற்றி குறித்து சானு என்ன சொல்கிறார்..?

“புதிய சாதனையை நிகழ்த்த ஆசைப்பட்டாலும் அது நிறைவேறும் என்று நினைக்கவில்லை. இனி அடுத்தது ஆசிய விளையாட்டுப் போட்டிகள். சவால்கள் நிறைந்த போட்டியை எதிர் நோக்கியி ருக்கிறேன். அதற்கேற்றவாறு என்னைத் தயார் செய்து கொள்வேன். அதற்குப் பிறகு 2020 ஒலிம் பிக்ஸ். “ஒலிம்பிக்சில் ஒரு பதக்கம் பெற வேண்டும்‘ என்பது எல்லா விளையாட்டு வீரர்களுக்கும் லட்சியம். அது எனக்கும் இருக்கிறது’’. என்றார்.

தற்சமயம் சானு இந்திய ரயில்வேயில் ஒரு சாதாரண வேலையில் இருக்கிறார். உலகப் போட்டியில் தங்கப் பதக்கம் பெற்றதற்காக மணிப்பூர் அரசு சானுவுக்கு இந்த ஆண்டின் தொடக்கத்தில் இருபது லட்சம் அன்பளிப்பு செய்தது. இப்போது காமன்வெல்த் போட்டிகளில் வெற்றி பெற்றிருப்பதால் மேலும் பதினைந்து லட்சம் மணிப்பூர் அரசிடமிருந்து ஊக்கத் தொகையாகக் கிடைக்கும். அங்கே சானுவின் கிராமத்தில், சானு பளு தூக்கி புதிய சாதனை படைத் ததை பெற்றோர்கள் உட்பட கிராமமே ஆனந்தக் கண்ணீருடன் சின்னத்திரையில் பார்த்தது. தங்கப் பதக்கம் கிடைத்ததும், ஒருவருக்கொருவர் பல வித நிறங்களை தடவி “தபல் சோங்பா’ நாட்டுப்புற நடனம் ஆடினர். சானுவுக்குப் பிடித்த சூப்பும், இனிப்பும் அனைவருக்கும் வழங்கப்பட்டன. “சானுவுக்கு கவுரவமான பதவி தரப்பட வேண்டும்‘ என்று சானுவின் கிராம மக்கள் மணிப்பூர் அரசிடம் வேண்டுகோள் விடுத்துள்ளனர்.

சமீப காலமாக சானு காதுகளில் வளைய வடிவில் தோடு அணிகிறார். “அந்த வளையங்கள் என் காது களில் ரியோ தோல்வி பற்றி கிசுகிசுக்கும். கை நழுவிப் போன 2016 ஒலிம்பிக்ஸ் பதக்கத்தை அப்படியே மறந்துவிடலாமா.. 2020 ஒலிம்பிக்சில் நழுவிப் போனதை கை வசப்படுத்த வேண்டும்‘ என்று என் காதுகளில் ஒலித்துக் கொண்டே இருப்பதாக உணருகிறேன்’’ என்கிறார் மீராபாய் சானு.

ஆஸ்திரேலியாவில் நடக்கும் காமன்வெல்த் போட்டிகளில் சானு நிகழ்த்திய சாதனையை 2020 ஒலிம்பிக்சில் நிகழ்த்தினால், குறைந்தது வெண்கலப் பதக்கம் கிடைக்கும்‘ என்று பளு தூக்கும் போட்டி ஆர்வலர்கள் சொல்கிறார்கள்

இல்லத்தரசியும் தொழில் முனைவோர் ஆகலாம்

இன்றைய காலகட்டத்தில் பெண்கள் அனை வரும் வெளியே வேலைக்குச் சென்றுதான் வருமானம் ஈட்ட வேண்டும் என்ற அவசியமில்லை. வீட்டில் இருந்தபடியேவும் ஏதேனும் சுயதொழில் அல்லது கைத்தொழில் செய்வதன் மூலம் குடும்பத்திற்கு ஒரு உபரி வருமானத்தை உண்டாக்க முடியும். மேலும் பெண்கள் தங்களது  சின்னசின்ன தேவைகளை தாங்களே பூர்த்தி செய்து கொள் வதற்கும் இந்தப் பணம் உபயோகப்படும். இன்று சிறியதாக செய்துவரும் சுயத்தொழில் ஒரு நாளில் பெரிய அளவில் வளரவும் வாய்ப்புண்டு. எனவே, பெண்களே! கிடைக்கும் ஓய்வு நேரங்களை பயனுள்ளதாக மாற்றிக் கொள்ளுங்கள்’’ என்கிறார் சுயதொழில் ஆலோசகர் உமாராஜ்.

வீட்டில் பழைய செய்தித்தாள் இருந்தால் அதை வைத்து லாண்டரி பேக் தயாரிக்கலாம். இவற்றை பெரிய ஹோட்டல்களுக்கு சப்ளை செய்யலாம். இவற்றை சுலபமாக தயாரிக்கமுடியும். அதுபோன்று மெடிக்கல் கவர், பல்வேறு உபயோகத்திற்கான பை போன்றவற்றையும் தயார் செய்து விற்கலாம்.

தற்போது வெயில் காலம் தொடங்கிவிட்டது. அனைவருக்கும் குளிர்ச்சியாக பருக பழச்சாறு தேவைப்படும்.

அதனால் நாவிற்கு இனிய, பழச்சாறுகளைக் கொண்டு இயற்கை பழ ரசங்கள் தயார் செய்து கடைகளில் கொடுக்கலாம். நண்பர்கள் மூலமாகவும் விற்பனை செய்யலாம். இதில் வீட்டில் இருந்தபடியே கணிசமான வருமானத்தைப் பெற முடியும்.

தற்போது கோடை விடுமுறை என்பதால் குழந்தைகளை, பலவித கோடைக்கால பயிற்சி வகுப்புகளுக்கு  அனுப்போம். அதில் ஒன்று கேலி கிராஃபி (கையெ ழுத்துப் பயிற்சி) பயிற்சி வகுப்பு. இது தெரிந்தவர்கள் பிள்ளைகளுக்கு பயிற்சி வகுப்புகள் எடுக்கலாம். இது படிப்பு சம்பந்தமான பயிற்சி என்பதால் நல்ல வரவேற்பும் இருக்கும். பிள்ளைகளிடம் ஈர்ப்பு அதிகமாக இருக்கும். உங்களுக்கும் கணிசமான வருமானம் கிடைக்கும்.

தமிழில் கருத்துக்களை தெரிவிக்க -  


Security code
Refresh

Banner
Banner