எழுத்துரு அளவு Larger Font Smaller Font

கால்பந்து விளையாட்டுக்கும் பெண்களின் பங்கேற்புக்கும் இடையே இருக்கும் தொலைவைத் தன் அசாத்திய வெற்றி மூலம் குறைத்திருக்கிறார் ரூபாதேவி. திண்டுக்கல் மாவட்டத்தைச் சேர்ந்த ரூபாதேவி, சர்வதேசக் கால்பந்தாட்ட அமைப்பு  நடத்தும் போட்டிகளில் நடுவராக இருக்கிறார். ரூபாதேவி ஆறாம் வகுப்பு படித்தபோது கால்பந்து விளையாட்டுப் போட்டிகளில் கலந்துகொள்ளத் தொடங்கினார். பிறகு மாவட்டம் தொடங்கி தேசிய அளவிலான போட்டிகள்வரை பங்கேற்றார்.

தொடர்ந்து கால்பந்துப் போட்டிகளில் பங்கேற்க வேண்டும் என்பதற்காகவே அண்ணாமலைப் பல்கலைக்கழகத்தில் இளங்கலை உடற்கல்வி படித்தார். இளங்கலைக் கல்வியை முடித்த பிறகு ரூபாவுக்குத் தனியார் பள்ளி ஒன்றில் ஆசிரியர் வேலை கிடைத்தது.

ஆனால், பள்ளி நிர்வாகம் அவரைக் கால் பந் தாட்டப் போட்டிகளில் கலந்துகொள்ள அனுமதிக்க வில்லை. இதனால் ஆசிரியர் பணியை விட்டு விட்டுத் தொடர்ச்சியாகத் தேசிய அளவிலான கால்பந்தாட்டப் போட்டிகளில் பங்கேற்றார்.

இந்நிலையில் ரூபாவின் பெற்றோர் அடுத்தடுத்த ஆண்டுகளில் உடல்நலக் குறைவு காரணமாக இறந்துவிட, கால்பந்தாட்டம்தான் ரூபாவுக்குப் பொருளாதார ரீதியாகவும் மனத்தளவிலும் துணையாக இருந்தது. கால்பந்தாட்டத்தில் நடுவராக உள்ள நண்பர்களின் ஆலோசனைக்குப் பிறகு கால்பந்தாட்ட நடுவர் பயிற்சிப் பள்ளியில் பயிற்சி எடுத்துக்கொண்டார். கடந்த 2012 முதல் தேசிய சப் ஜூனியர் கால்பந்தாட்டப் போட்டிகளில் நடுவராகப் பணியாற்றினார்.

அர்ப்பணிப்பு குணம்கொண்ட ரூபாவுக்கு அடுத்தடுத்து சர்வதேச மகளிர் கால்பந்தாட்டப் போட்டிகளில் நடுவராகப் பணியாற்றும் வாய்ப்புக் கிடைத்தது. இந்நிலையில் 2016இல் சர்வதேசக் கால்பந்தாட்ட அமைப்பான  நடத்திய போட்டிகளில் நடுவராகப் பணியாற்றும் வாய்ப்பு ரூபாவுக்குக் கிடைத்தது. ஒலிம்பிக் போட்டிகளில் நடுவராகப் பணியாற்ற வேண்டும் என்பதே தன் கனவு என்கிறார் ரூபாதேவி.

தமிழில் கருத்துக்களை தெரிவிக்க -  


Security code
Refresh

Banner
Banner