எழுத்துரு அளவு Larger Font Smaller Font

இன்று திறன்பேசி எப்போதும் நம்முடன் இருக்கிறது. இதனால் ஒலி, காட்சி, எழுத்து என, தினமும் எட்டு மணி நேரத்திற்கும் மேல் அவற்றை நுகரவேண்டிய கட்டாயம் ஏற்பட்டுவிட்டது.

மனைவி/கணவன் அழைப்புகள், கடன்காரர் மிரட்டல்கள் போன்றவை மட்டுமல்ல, இணையம் மூலம், ‘வாட்ஸ் ஆப்’ வதந்திகள், ‘பேஸ்புக்‘ பொறாமைகள், எதிர்மறை மனநிலைகளைத் தூண்டும் தகவல்கள், கட்டுரைகளின் தாக்கங்களால், நாள் முழுவதும் ஒருவரின் மனநிலை மாறுபாட்டுக்கு உள்ளாக நேரிடுகிறது.

இதற்கு மாற்று மருந்தாக, ‘மூட்ரைஸ்’  என்ற ஒரு செயலியை உருவாக்கியிருக்கிறார், மைக்கேல் பிலிப்ஸ் மாஸ்கோவிட்ஸ். இந்த செயலி காட்சி, ஒலி மற்றும் எழுத்து வடிவில் பயனாளிக்கு, ‘டிஜிட்டல் சத்துணவை’ நாள் முழுவதும் தரும் என்கிறார் அவர்.

மூட்ரைஸ் செயலி மூலம் வரும் எல்லா உள்ளடக்கங்களும், அதை நுகர்வோருக்கு நல்லுணர்வுகளைத் தரக்கூடியவை என, உளவியல் மற்றும் மருத்துவர்களால் சான்றளிக்கப்பட்டவை என்கிறார் மாஸ் கோவிட்ஸ். நமக்குள் குறிப்பிட்ட உணர்வுகள் ஏற்படுவதற்கு, குறிப்பிட்ட, ‘நியூரோடிரான்ஸ்மிட்டர்’ என்ற வேதிப்பொருட்கள் நம் உடலில் உற்பத்தியாக வேண்டும்.

உதாரணத்திற்கு மகிழ்ச்சிக்கு, செரோடோனின், தன்னம்பிக்கைக்கு, டோபாமைன், மனித தொடர்புக்கு, ஆக்சிடோசின், தெம்புக்கு, என்டோர்பின், மன அமைதிக்கு, காமா அமினோபியூடைரிக் அமிலம், மன ஒருமைப்பாட்டிற்கு, அசிடைல்சோலின், போன்றவை சுரக்க வேண்டும்.

மூட்ரைஸ் செயலியில் வரும் இசை, காணொளி, கட்டுரைகள் போன்றவை, இந்த அடிப்படையில் பிரிக்கப்பட்டிருப்பதால், ஒருவருக்கு எந்த உணர்வு வேண்டுமோ, அந்த உணர்வுக்கான பொத்தானை அழுத்தி தேர்ந்தெடுத்து படிக்கலாம், பார்க்கலாம் அல்லது கேட்கலாம்.

இந்த செயலியை பயன்படுத்த, மாதம், 500 ரூபாய் வரை சந்தா செலுத்த வேண்டும் என்பது தான், கவலையை தருகிறது.

 

தமிழில் கருத்துக்களை தெரிவிக்க -  


Security code
Refresh

Banner
Banner