எழுத்துரு அளவு Larger Font Smaller Font

உலகிலேயே முதல் முறையாக, ஒரு நாட்டின் நாடாளுமன்றக் குழுவின் ஆலோசனைக் கூட்டத் திற்கு ஒரு ரோபோ வந்து சாட்சியம் வழங்கியிருக்கிறது. அண்மையில் பிரிட்டனின் நாடாளு மன்றக் குழு ஒன்று, பள்ளி வகுப்பறைகளில் தொழில்நுட்பத்தின் பங்கு பற்றி விவாதித்தது.

அந்தக் கூட்டத்திற்கு, மிடில்செக்ஸ் பல்கலைக் கழகத்தின் ரோபோவியல் துறை ஆராய்ச்சிக்குப் பயன்படுத்தும், பெப்பர் என்ற ரோபோ அழைத்து வரப்பட்டது.

நாடாளுமன்ற உறுப்பினர்கள் கேட்ட கேள்விகளுக்கு, எழுந்து நின்றபடி பெப்பர் ரோபோ, தெளிவாக பதில் சொன்னது. அவைத் தலைவருக்கு வணக்கம். என்று குனிந்து தலை வணங்கிய ரோபோ, நான் ஒரு மனித வடிவ ரோபோ. என் பெயர் பெப்பர் என்ற தன் அறிமுகத்தோடு நாடாளுமன்ற உறுப்பினர்களின் கேள்விகளுக்கு பதில் தந்தது.

ஜப்பானைச் சேர்ந்த சாப்ட் பேங்க் நிறுவனத்தின் தயாரிப்பான பெப்பரை, மிடில்செக்ஸ் பல்கலைக் கழக ஆய்வாளர்கள், சிறப்புத் திறன் சிறார்கள், பிறர் உதவி தேவைப்படுவோருக்கு ரோபோக்கள் மூலம் உதவிகளை வழங்குவது குறித்த பரிசோதனைகளில் ஈடுபட்டு உள்ளது.

பிரிட்டன் நாடாளுமன்ற உறுப்பினர்கள் முன்பே எழுதித் தந்த கேள்விகளுக்கு, பதில் தயாரிக்கப்பட்டு, ரோபோவின் நிரல்களில் பதியப்பட்டிருந்தது. என்றாலும் பெப்பர் ரோபோ பேசிய விதமும் தந்த பதில்களும் உறுப்பினர்களை அசத்தியது.

தமிழில் கருத்துக்களை தெரிவிக்க -  


Security code
Refresh

Banner
Banner